دو خوارج ہلاک، ہلاک ہونے والے خوارج سے اسلحہ اور گولہ بارود بھی برآمد

پیر 09 دسمبر 2024 دو خوارج ہلاک، ہلاک ہونے والے خوارج سے اسلحہ اور گولہ بارود بھی برآمد

ڈی آئی خان: سیکیورٹی فورسز نے ڈی آئی خان کے علاقے میں آپریشن کر کے دو خوارج کو ہلاک کردیا-

آئی ایس پی آر کی جانب سے جاری بیان میں کہا گیا کہ پاکستانی سیکیورٹی فورسز نے 9 دسمبر 2024 کو ڈیرہ اسماعیل خان کے علاقے کلاچی میں خفیہ اطلاعات پر مبنی آپریشن کیا۔ یہ آپریشن خوارج کی موجودگی کی اطلاع پر کیا گیا۔

آپریشن کے دوران، سیکیورٹی فورسز نے خوارج کے ٹھکانے کو مؤثر طریقے سے نشانہ بنایا، جس کے نتیجے میں دو خوارج ہلاک کر دیے گئے جبکہ ایک زخمی حالت میں گرفتار کر لیا گیا۔

کارروائی کے دوران ہلاک ہونے والے خوارج سے اسلحہ اور گولہ بارود بھی برآمد ہوا۔ یہ خوارج سیکیورٹی فورسز کے خلاف دہشت گرد کارروائیوں اور معصوم شہریوں کی ٹارگٹ کلنگ میں ملوث تھے۔

سیکیورٹی فورسز دہشت گردی کے خاتمے کے لیے پرعزم ہیں اور ملک میں امن و امان کو یقینی بنانے کے لیے بھرپور اقدامات کر رہی ہیں۔