... loading ...
... loading ...
سندھ پولیس کا کائونٹر ٹیررازم ڈیپارٹمنٹ غیر فعال ہوگیا ، ڈی آئی جی سی ٹی ڈی نے ہنگامی اجلاس میں سی ٹی ڈی میں تعینات افسران کی بازپرس کی اور سی ٹی ڈی کے دفاتر بند کرنے کی دھمکی دے دی۔تفصیلات کے مطابق ڈی آئی جی سی ٹی ڈی آصف اعجاز شیخ کی سربراہی میں گزشتہ روز سی ٹی ڈی کے دفتر میں ہنگامی اجلاس ہوا ، اجلاس میں ڈی آئی جی سی ٹی ڈی نے افسران سے کارکردگی پر سوال کیا ، جس پر کمرے میں خاموشی چھا گئی ، ڈی آئی جی نے پھر سوال کیا ، جاپانی شہریوں پر حملے میں کیا پیش رفت کی گئی ، پولیس اہلکاروں کی ٹارگٹ کلنگ میں کیا کارکردگی ہے ، ڈکیتی مزاحمت پر شہریوں کے قتل پر کتنے ملزمان کو گرفتار کیا گیا ،ان تمام سوالات پر سی ٹی ڈی کے افسران نے خاموشی اختیار کرلی تو ڈی آئی جی نے افسران پر برہمی کا اظہار کیا ۔ڈی آئی جی سی ٹی ڈی آصف اعجاز شیخ نے کہا کہ اگر یہ کارکردگی ہے تو پھر سندھ پولیس کے کروڑوں روپے ضائع کرنے کی کیا ضرورت ہے ، اگر نا اہلی پر کروڑوں روپے خرچ کیے جارہے ہیں تو پھر سی ٹی ڈی کو بند کردیتے ہیں ، مجھے یہ نہ بتائیں مخبر خاص کام کررہے ہیں بلکہ یہ بتائیں کہ اہم کیسز میں ملوث دہشت گردوں کو گرفتار کیا گیا ہے ،میٹنگ میں ڈی آئی جی سی ٹی ڈی نے سوال کیا اگر کارکردگی صفر ہے تو سی ٹی ڈی میں تعینات اتنی نفری کیا کرتی ہے ، سی ٹی ڈی میں اتنے سیل بنائے گئے ہیں اور کارکردگی کا پوچھیں تو افسران گردنیں جھکا لیتے ہیں ۔خصوصی گفتگو کرتے ہوئے ڈی آئی جی سی ٹی ڈی آصف اعجاز شیخ نے کہا کہ سی ٹی ڈی میں تعینات افسران کی کارکردگی پر آئی جی سندھ غلام نبی میمن نالاں ہیں جس پر اجلاس طلب کیا گیا تھا اور افسران سے ان کی کارکردگی کے حوالے سے بازپرس کی گئی تھی ۔ سی ٹی ڈی پولیس کے خلاف گزشتہ دو ماہ میں اغوا برائے تاوان کے تین مقدمات درج ہوچکے ہیں جبکہ 12 سے زائد افسران و اہلکاروں کو گرفتار بھی کیا گیا ہے اور عہدوں سے بھی ہٹاگیا ہے جبکہ کچھ افسران کو غیر قانونی سرگرمیوں میں ملوث ہونے پر نوکری سے برطرف بھی کیا گیا ہے ۔
چیف آف آرمی اسٹاف جنرل عاصم منیر نے کہا ہے کہ عوام اور فوج کے درمیان ایک خاص رشتہ ہے، اس رشتے میں کسی خلیج کا جھوٹا بیانیہ بنیادی طور پر بیرون ملک سے ایک مخصوص ایجنڈے کے ذریعے چلایا جاتا ہے۔ پاک فوج کے شعبہ تعلقات عامہ (آئی ایس پی آر)سے جاری بیان کے مطابق آرمی چیف جنرل سید عاصم ...
عالمی بینک نے 10 سالہ کنٹری پارٹنر شپ فریم ورک کے تحت پاکستان کو 20 ارب ڈالر دینے کا وعدہ کرلیا۔ذرائع کے مطابق وزیراعظم اور آرمی چیف جنرل عاصم منیر کی مشترکہ کوششیں رنگ لانے لگیں۔عالمی بینک 20 ارب ڈالر کا تقریباً تین چوتھائی حصہ انٹرنیشنل ڈویلپمنٹ ایسوسی ایشن (آئی ڈی اے ) کے ذریع...
پارلیمان کے ایوان بالا (سینیٹ) میں حکومت اور اپوزیشن کے درمیان مذاکرات کی فضا تار تار کردی گئی۔سینیٹ اجلاس میں اپوزیشن نے وزیراعظم شہباز شریف کے بتائے طریقے سے احتجاج میں ’اووو، اووو‘ کی آوازیں گونجتی رہیں۔سینیٹ اجلاس میں سینیٹر شبلی فراز اور وفاقی وزیر احسن اقبال نے ایک دوسرے پ...
وزیراعظم محمد شہباز شریف کی زیر صدارت وفاقی کابینہ کا اجلاس ہوا، 14آئی پی پیز کے ساتھ نظر ثانی شدہ معاہدوں کی منظوری دے دی گئی۔ان نظر ثانی شدہ معاہدوں کی رو سے 14آئی پی پیز کے ساتھ بات چیت کے بعد مذکورہ آئی پی پیز کے منافع اور لاگت میں 802ارب روپے کی کمی کی تجویز منظور کی گئی ہے ...
اسلام آباد ہائی کورٹ نے ڈاکٹر عافیہ صدیقی کیس کے حوالے سے وزیراعظم شہباز شریف کی جانب سے امریکی صدرکو لکھے گئے خط کا وائٹ ہاؤس سے جواب نہ ملنے پر وزارت خارجہ سے جواب طلب کرلیا۔اسلام آباد ہائی کورٹ کے جسٹس سردار اعجاز اسحاق خان نے ڈاکٹر عافیہ رہائی کیس کی سماعت کا تحریری حکم نامہ ...
پی ٹی آئی مذاکراتی کمیٹی کے رکن صاحبزادہ حامد رضا نے کہا کہ 9 مئی اور 26 نومبر کے واقعات پر 31 جنوری تک غیر جانبدار جوڈیشل کمیشن نہ بنا تو مذاکرات آگے نہیں چل سکتے، اب بال حکومت کے کورٹ میں ہے ہم جتنی لچک دکھاسکتے تھے دکھا دی۔بانی پی ٹی آئی عمران خان سے اڈیالہ جیل میں ملاقات ک...
چیئرمین مہاجر قومی موومنٹ آفاق احمد نے کہا ہے کہ مجھے یہ بھی کہا گیا کہ آپ جائیں اور متحدہ قومی موومنٹ سنبھالیں۔کراچی میں غیر سرکاری ادارے کے تحت منعقدہ تقریب سے خطاب میں آفاق احمد نے کہا کہ قومیت کی شناخت ہر ایک کو ہضم نہیں ہوتی۔انہوں نے کہا کہ مجھے مہاجر نظریے سے دستبردار کر...
کراچی کو پانی فراہم کرنے والی کے تھری لائن سے پانی چوری ہونے کا انکشاف ہوا ہے ۔ایگزیکٹو انجینئر واٹر کارپوریشن نے واٹر کارپوریشن اور ضلعی انتظامیہ کو خط لکھ دیا، جس میں کہا گیا کہ احسن آباد بنگالی موڑ کے قریب 8 انچ کا غیرقانونی کنکشن ڈالا گیا، 600 میٹر طویل غیر قانونی لائن کے سات...
سربراہ جمعیت علمائے اسلام مولانا فضل الرحمان نے کہا ہے کہ ملکی سیاست عملی طور پر اسلامی اصولوں پرنہیں تو کیا جدوجہد چھوڑ دیں؟ملتان میں تقریب سے خطاب کرتے ہوئے مولانا فضل الرحمان کا کہنا تھا کہ انسان عقل سے بات سمجھتا ہے، انسانوں کے معاشرے میں اللہ نے انبیا ء کو چنا، مدارس میں علو...
آئی سی سی کو چیمپئنز ٹرافی کے لیے ابتدائی اسکواڈ جمع کرانیکی اتوار کو آخری تاریخ گزر گئی تاہم پاکستان اپنے ابتدائی سکواڈ کا اعلان نہیں کر سکا جس کی کئی وجوہات سامنے آرہی ہیں۔ ٹیموں کو طے شدہ طریقہ کے مطابق اسپورٹ پریڈ سے ایک ماہ قبل نام جمع کرانے ہوتے ہیں، آئی سی سی چیمپئنز ٹرافی...
چیف آف آرمی اسٹاف جنرل سید عاصم منیر نے خیبرپختونخوا میں امن و امان کے قیام کے حوالے سے سیاسی جماعتوں کے قائدین سے ملاقات کی اور کہا ہے کہ دشمن خوف پھیلانے کی کوشش کرے گا مگر ہم پیچھے نہیں ہٹیں گے اور ملک میں امن کو خراب کرنے کی ہر کوشش کا فیصلہ کن اور بھرپور جواب دیا جائے گا۔پ...
سپریم کورٹ میں فوجی عدالتوں میں سویلینز کے ٹرائل کے فیصلے کے خلاف انٹرا کورٹ اپیل پر سماعت کے دوران جسٹس جمال مندوخیل نے ریمارکس دیے کہ آرمی ایکٹ میں کئی جرائم کا ذکر بھی موجود ہے، ایکٹ کے مطابق تمام جرائم کا اطلاق فوجی افسران پر ہوگا، سویلین کا ملٹری ٹرائل کورٹ مارشل کہلاتا ہے۔س...
