... loading ...
بلاول بھٹو زرداری نے سندھ حکومت کی کارکردگی پر عدم اطمینان کا اظہار کرتے ہوئے کہا ہے کہ الیکشن کو بہت مہینے ہوگئے ، پانچویں بار جیتے ہیں، لیکن وزرا اور ارکان اسمبلی میں سستی نظر آرہی ہے ، اب سے وزرا اور ارکان اسمبلی کام کرتے نظر آنے چاہئیں۔ کھلی کچہریاں لگائیں، صرف من پسند لوگوں سے نہیں، عوام سے رائے لیں۔ چیف منسٹر کو وزیروں کے ساتھ اب تھوڑی سختی کرنا پڑے گی۔کراچی میں پیپلز پارٹی سندھ کی پارلیمانی پارٹی کے اجلاس سے خطاب میں بلاول بھٹو زرداری نے کہا کہ بانی پی ٹی آئی کے کیسز سے عوام کو دلچسپی نہیں، وہ اپنے کیسز کا عدالتوں میں قانونی طور پر سامنا کریں۔انہوں نے کہا کہ پیپلز پارٹی کے وزراء محنت کریں تاکہ ان کا کام نظر آئے ، اب ہمیں ٹرانسفر پوسٹنگ کی سیاست ختم کرنی ہوگی، ہر جگہ اچھے آفیسرز لگائیں تاکہ ہماری کارکردگی اور ڈیلیوری بہتر ہو۔بلاول بھٹو زرداری نے مزید کہا کہ افسروں کی کارکردگی حکومت کی بدنامی کا سبب بنے تو ایم پی ایز ایکشن لیں، وزیراعلیٰ چیک کریں کہ وزراء وقت پر دفتر آرہے ہیں؟ ان کا کہنا تھا کہ وزیراعلیٰ سندھ کو اپنا 5 سالہ پلان سے آگاہ کردیا ہے ، سولر بجلی کی فراہمی ہمارے پلان کا سب سے اہم حصہ ہے ۔چیئرمین پی پی پی نے یہ بھی کہا کہ ہم محدود وسائل سے کیسے ڈلیور کریں یہ سوچنا ہوگا، مجھے اپنے منتخب نمائندوں میں سستی نظر آرہی ہے ، میں یہاں سستی ختم کرنے آیا ہوں۔انہوں نے کہا کہ ہم کھلی کچہری میں عوام کی رائے پر فیصلے لیں گے ، آپ کو اپنے عوام کو وقت دینا ہوگا، میں نہیں سمجھتا آپ کو ترقیاتی اسکیم انتخابات جتواتی ہے ۔بلاول بھٹو زرداری نے کہا کہ جب ہم اپنی ٹیم کو ٹاسک دیتے ہیں اسے مکمل کرنے کا بھی وقت دیں، میں ہمیشہ ٹیم ورک کو سراہتا رہوں گا، ہم سیاست میں آئے ہیں تو غریب عوام کی خدمت کرنا چاہتے ہیں۔پاکستان پیپلز پارٹی کے چیئرمین بلاول بھٹو زرداری نے کہا ہے کہ وزیراعظم اپنا وعدہ پورا کریں، امید ہے بجٹ سے پہلے مسائل حل ہوں گے ۔ان کا کہنا تھا کہ عوامی مسائل کو اجاگر کرنا چاہیے اور ان کی آواز بننا چاہیے ، 5 سال کے منصوبوں پر عمل درآمد ہونا پہلے نمبر پر ہے ، مزدور کارڈ سے ہم بہت لوگوں کو فائدہ پہنچا سکتے ہیں۔چیئرمین پی پی پی نے کہا کہ سیلاب میں 50 فیصد سندھ کے تعلیمی اداروں کو نقصان پہنچا ہے ، وفاقی حکومت کی طرف سے پیسہ ملنا چاہیے ، امید ہے بجٹ سے پہلے مسائل حل ہوں گے ۔انہوں نے کہا کہ فوکس کرنا ہوگا محدود وسائل میں مسائل کیسے حل ہوں گے ، الیکشن کو کئی ماہ گزر گئے ، وزیراعظم شہباز شریف اپنا وعدہ پورا کریں گے ۔بلاول بھٹو زرداری نے کہا کہ سندھ میں دنیا کا سب سے بڑا ہاؤسنگ کا منصوبہ جاری ہے ، وفاقی حکومت سے فنڈنگ نہ ہونے کی وجہ سے ہاؤسنگ منصوبہ تاخیر کا شکار ہے ۔ان کا کہنا تھا کہ ریاستی پالیسی کی وجہ سے جرائم پیشہ افراد کے پاس جدید ہتھیار آگئے ہیں، سندھ پولیس پر پورا بھروسہ ہے ، جس نے پہلے بھی دہشت گردوں کا مقابلہ کیا ہے ، آپ سب نے مل کر دہشت گردی کو شکست دی ہے ۔پی پی چیئرمین نے کہا کہ عوام نفرت کی سیاست میں دلچسپی نہیں رکھتے ، بانی پی ٹی آئی کے کیسز میں کیا ہو رہا ہے یہ عوام کا مسئلہ نہیں، بانی پی ٹی آئی کے کیسز عدالتوں میں ہیں اس کا قانونی طور پر سامنا کریں۔
سپریم کورٹ آف پاکستان نے پاکستان تحریک انصاف کے مخصوص نشستوں سے متعلق کیس کا تفصیلی فیصلہ جاری کر دیا جس میں کیا گیا ہے کہ الیکشن کمیشن کا یکم مارچ فیصلہ آئین سے متصادم ہے۔ تفصیلات کے مطابق مخصوص نشستوں سے متعلق تفصیلی فیصلہ 70 صفحات پر مشتمل ہے، تفصیلی فیصلہ جسٹس منصور علی شاہ ...
لیفٹیننٹ جنرل محمد عاصم ملک کو نیا ڈی جی آئی ایس آئی تعینات کر دیا گیا۔ آئی ایس پی آر کے مطابق لیفٹیننٹ جنرل عاصم ملک 30 ستمبر کو اپنی نئی ذمہ داری سنبھالیں گے، وہ اس وقت جی ایچ کیو میں ایڈجوٹینٹ جنرل کے فرائض سر انجام دے رہے ہیں۔ لیفٹیننٹ جنرل عاصم اس سے پہلے بلوچستان میں انف...
آئی پی پیز کے ملکی معیشت میں تباہی کے حوالے سے حقائق منظر عام پرآگئے۔ ذرائع کے مطابق آئی پی پیز نے بغیر بجلی پیدا کیے حکومت پاکستان سے اربوں روپے وصول کئے۔ ان سے غلط کنٹریکٹ کیے گئے جس کا خمیازہ حکومت پاکستان کو بھگتنا پڑ رہا ہے۔آئی پی پیز نے بنگلہ دیش اور ویتنام کے...
وفاقی حکومت نے رواں مالی سال کے دوران منی بجٹ لانے کا اشارہ دے دیا۔وزیر مملکت برائے امور خزانہ علی پرویز ملک نے نجی ٹی وی سے گفتگو میں حکومت کے منی بجٹ لانے سے متعلق بات کی۔انہوں نے کہا کہ عالمی مالیاتی ادارے (آئی ایم ایف) کے اہداف پورے کرنے ہیں تو ایسا کیا جاسکتا ہے۔وزیر مملکت ...
اسرائیلی فوج کے حملے کے جواب میں لبنانی تنظیم حزب اللہ نے شمالی اسرائیل میں اسرائیلی فوجی تنصیبات پر راکٹ داغ دیئے۔غیر ملکی میڈیا رپورٹس کے مطابق اسرائیلی فورسز کی جانب سے حزب اللہ کے راکٹ لانچر پیڈز اور دیگراہداف پر 400 سے زائد حملے کیے گئے جن کا حزب اللہ نے بھرپور جواب دیا۔میڈی...
امیرجماعت اسلامی پاکستان حافظ نعیم الرحمن نے کہا ہے کہ حکمران طبقے کی کوئی قوم اور زبان نہیں ہوتی ،یہ اپنے مفادات کے لیے اکٹھا ہوتے ہیں،بنگلہ دیش کے عوام متحد ہوگئے اور شیخ حسینہ واجد کی حکومت کو گرا دیا اور ملک چھوڑ کر جانے پر مجبور کیا،بنگلہ دیش نے دور غلامی کا خاتمہ کردیا ہے ،...
سوات میں مالم جبہ روڈ پر پولیس موبائل کو ریموٹ کنٹرول بم دھماکے میں نشانہ بنایا گیا جس کے نتیجے میں ایک پولیس اہلکار شہید اور 3 زخمی ہوگئے۔ میڈیا رپورٹس کے مطابق پولیس حکام نے بتایا کہ پولیس وین دس سے زائد ممالک کے سفیروں کی سکیورٹی قافلے میں شامل تھی، قافلے میں روس، ایران، پرتگا...
پی ٹی آئی کے لاہور جلسے کے لیے علی گنڈاپور کی قیادت میں قافلہ روانہ ہوگیا جب کہ قافلوں میں تحریک انصاف کے ڈنڈا بردار کارکن بھی شامل ہیں۔پاکستان تحریک انصاف کے لاہور جلسے میں شرکت کے لیے وزیراعلیٰ خیبر پختونخوا کا خصوصی کنٹینر تیار کرکے پشاور موٹر وے ٹول پلازہ پہنچایا گیا۔ اسی طر...
پاکستان تحریک انصاف(پی ٹی آئی) کے حامی کارکنان ٹولیوں کی صورت میں جلسہ گاہ پہنچنا شروع ہوگئے۔ تفصیلات کے مطابق کاہنہ کاچھا جلسہ گاہ کو جانے والے راستے میں مختلف مقامات پر پولیس کی بھاری نفری موجود ہے جبکہ سیکیورٹی کے سخت انتظامات کیے گئے ہیں۔ جلسہ گاہ کے راستہ میں تحریک انصاف کے...
مشہور مذہبی اسکالر ڈاکٹر ذاکر نائیک نے رواں سال دورہ پاکستان کا اعلان کر دیا ہے۔ میڈیارپورٹس کے مطابق سماجی رابطوں کی ویب سائٹ ایکس ڈاکٹر ذاکر نائیک کے آفیشل اکاؤنٹ سے ایک پوسٹ میں اعلان کیا گیا ہے کہ حکومت پاکستان کی دعوت پر ڈاکٹر ذاکر پاکستان کا دورہ کریں گے۔ سوشل میڈیا پوسٹ می...
امریکی انٹیلی جنس ذرائع نے انکشاف کیا ہے کہ اسرائیل نے 15 سال قبل لبنان میں وائرلیس ڈیوائس پیجر میں دھماکوں کی منصوبہ بندی کی تھی۔ امریکی میڈیا نے رپورٹ کیا کہ اسرائیل 15 سالوں سے لبنان میں پیجرز کو دھماکوں اڑانے کی تیاری کر رہا ہے۔ سینٹرل انٹیلی جنس ایجنسی کے ایک ذریعے کے حوالے ...
لبنان میں حالیہ ہفتے کے دوران الیکٹرانک مواصلاتی آلات میں دھماکوں ، پیجر ڈیوائسز اور واکی ٹاکیز میں ہونے والے دھماکوں کے بعد اسمارٹ ڈیوائسز کے مستقبل کے بارے میں سوالات اٹھنے لگے ہیں۔ ماہرین نے الیکٹرک کاروں کے صارفین کے لیے بھی خطرے کی گھنٹی بجا دی ہے۔ عرب ٹی وی کے مطابق مصر کے ...