... loading ...
... loading ...
ادارہ شماریات کی تازہ ترین رپورٹ کے مطابق جنوری میں مہنگائی میں 1.8فی صد اضافہ ہو گیا۔رپورٹ کے مطابق گزشتہ ماہ شہری علاقوں میں مہنگائی 30.2 فی صد دیہی علاقوں میں 25.7 فی صد ریکارڈ ہوئی۔ جولائی تا جنوری مہنگائی کی اوسط شرح 28.73 فی صد رہی۔ابھی مہنگائی میں اضافے کے حوالے سے ادارہ شماریات کی رپورٹ کی گونج باقی ہی تھی کہ نگراں وزیراعظم نے جن کی رخصتی میں چند ہی روز باقی ہیں،جاتے جاتے ادویات کی قیمتوں میں ہوشربا اضافے کی بھی منظوری دیدی اور اپنے 4 ماہ کی حکومت کے دوران عوام کے منہ سے نوالہ تک چھین لینے کے تمام ممکنہ اقدام کے ساتھ ہی بیمار شہریوں کودوا کھانے کی سکت سے بھی محروم کرنے کی منظوری دینے کے بعد ایک بیان میں یہ دعویٰ بھی کردیا کہ ”ہم عوام کی بھلائی کے لیے کام کرتے رہیں گے“۔ اس موقع پر نگراں وزیر اعظم سے یہ سوال کیا جاسکتاہے کہ کیا دواؤں کی قیمتوں میں اضافے کی سمری پر دستخط چند دن کیلئے موخر نہیں کئے جاسکتے تھے اور کیا دواؤں کی قیمتوں میں اضافہ کرنے یا نہ کرنے کا فیصلہ منتخب حکومت پر نہیں چھوڑا جاسکتا تھا،دواؤں کی قیمتوں میں اضافے کی سمری پر دستخط کرنے میں نگراں وزیراعظم
نے جس جلد بازی کا مظاہرہ کیا ہے اس سے بعد حلقوں کی جانب سے لگایا جانے والا یہ الزام درست معلوم ہوتاہے کہ یہ دستخط دواساز کمپنیوں سے مبینہ طورپر کک بیک حاصل کرنے کیلئے کئے گئے ہیں کیونکہ دستخط کے بغیر کک بیک کی رقم مبینہ طورپر ان کے ہاتھ سے نکل جاری ہے،جہاں تک عوام کی فلاح وبہبود کیلئے کام کرتے رہنے سے متعلق نگراں وزیر اعظم کے دعوے کا تعلق ہے تو سوال یہ کہ وہ کس ملک کے شہریوں کی فلاح وبہبورد کیلئے کام کرتے رہنے کی بات کر رہے ہیں، کیونکہ پاکستانیوں کی فلاح و بہبود کے لیے توگزشتہ 4 ماہ کے دوران انہوں نے کچھ کیا نہیں ہے اگر انھوں نے اس حوالے سے کوئی کام کیاہے تو اس میں سے کسی ایک کانام بتادین جس سے اس ملک کے غریب عوام کو کچھ ریلیف ملاہو۔ ہم سمجھتے ہیں کہ نگران وزیر اعظم کودواؤں کی قیمتوں میں اضافے کا فیصلہ واپس لینا چاہئے اور دواساز اداروں کو ادویات کی قیمتوں میں اضافہ کرنے کے بجائے اس میں کم کرنے پر مجبور کرنا چاہئے کیونکہ یہ ایک حقیقت ہے کہ پاکستان میں ادویات کی قیمتیں پڑوسی ممالک کے مقابلے میں بھی بہت زیادہ ہے،نگراں وزیر اعظم کو جاتے جاتے اس طرح کے عوام دشمن فیصلے کرنے سے گریز کرتے ہوئے اب اپنا سامان سمیٹنے کی کوشش کرنی چاہئے،کیونکہ اب یہ فیصلہ کرنا نئی آنے والی حکومت کی صوابدید پر ہوگاکہ وہ کسی شے خاص طور پر دواؤں کی قیمتوں میں اضافے کی اجازت دیتی ہے یا اس ملک کے غریب عوام کو مناسب قیمت پر ادویہ کی فراہمی کو یقینی بنانے کیلئے متبادل طریقے اپناتی ہے،کیونکہ موجودہ صورت حال میں آنے والی حکومت اولین ترجیح عوام کو مہنگائی سے نجات دلانا اور مہنگائی کو کنٹرول کرنا ہی ہوگی۔
مہنگائی کنٹرول کرنا اور معیشت کو سنبھالا دینا اگر کوئی چاہے تو کوئی مشکل کام نہیں ہے،تاہم اس کیلئے جرات کی ضرورت ہے کیونکہ اس کیلئے سب سے پہلے مرحلے میں اشرافیہ کی 17 ارب ڈالر کی عیاشیاں ختم کرنا ہوں گے یہ عیاشیاں ختم کر کر دی جائیں تو کم وبیش 17 ارب ڈالر کی بچت ہوگی جس کے بعد آئی ایم ایف یا کسی بھی دوسرے کے آگے ہاتھ پھیلانے اور اس کی عاید کردہ شرائط کی تکمیل کیلئے عوام کوگرانی کی چکی میں پیسنے کی کوئی ضرورت نہیں رہے گی۔ وفاقی اور صوبائی حکومتوں کو اس مقصد کیلئے ایک ٹھوس میکنزم بنانے کی ضرورت ہے جس سے مہنگائی اور خوراک کے عدم تحفظ سے دو چار غریب طبقے کو دو وقت کی روٹی میسر آ سکے۔ اس وقت خط غربت سے نیچے زندگی بسر کرنے والا طبقہ معاشی طور پر جس ناگفتہ بہ صورت حال سے دوچار ہے اس کا اظہار الفاظ میں ممکن نہیں۔ ان حالات میں حکومت اگر مہنگائی پر قابو نہ پاسکی تو انتہائی غریب لوگوں کے لیے جسم وروح کا رشتہ برقرار رکھنا مشکل ہو جائے گا۔ مہنگائی کی اس لہر سے عوامی سطح پر پریشانی پیدا ہوگی اور پہلے سے کمزور قوت خرید رکھنے والے عوام کے لیے ضروریات زندگی کو پورا کرنا بھی مشکل ہو گیا ہے۔ عوام میں موجود بے چینی ہر گزرتے دن کے ساتھ بڑھ رہی ہے، اگرنئی آنے والی حکومت نے اسے کنٹرول نہ کیا گیا تو خطرہ موجود ہے کہ حکومت اور حکومتی پارٹی کی مقبولیت کو شدید نقصان پہنچے گا۔
مولانا محمد سلمان عثمانی حضرت سیدناعمربن خطاب ؓاپنی بہادری، پر کشش شخصیت اوراعلیٰ اوصاف کی بناء پر اہل عرب میں ایک نمایاں کردار تھے، آپ ؓکی فطرت میں حیا ء کا بڑا عمل دخل تھا،آپ ؓ کی ذات مبارکہ کو یہ اعزاز بھی حاصل ہے کہ نبی مکرم ﷺ خوداللہ رب العزت کی بارگاہ میں دعا مانگی تھی ”...
بھارت میں عام انتخابات کا دوسرا مرحلہ بھی اختتام کے قریب ہے، لیکن مسلمانوں کے خلاف مودی کی ہرزہ سرائی میں کمی کے بجائے اضافہ ہوتا جارہاہے اورمودی کی جماعت کی مسلمانوں سے نفرت نمایاں ہو کر سامنے آرہی ہے۔ انتخابی جلسوں، ریلیوں اور دیگر اجتماعات میں مسلمانوں کیخلاف وزارت عظمی کے امی...
مولانا زبیر احمد صدیقی رمضان المبارک کو سا ل بھر کے مہینوں میں وہی مقام حاصل ہے، جو مادی دنیا میں موسم بہار کو سال بھر کے ایام وشہور پر حاصل ہوتا ہے۔ موسم بہار میں ہلکی سی بارش یا پھو ار مردہ زمین کے احیاء، خشک لکڑیوں کی تازگی او رگرد وغبار اٹھانے والی بے آب وگیاہ سر زمین کو س...
نگران وزیر توانائی محمد علی کی زیر صدارت کابینہ توانائی کمیٹی اجلاس میں ایران سے گیس درآمد کرنے کے لیے گوادر سے ایران کی سرحد تک 80 کلو میٹر پائپ لائن تعمیر کرنے کی منظوری دے دی گئی۔ اعلامیہ کے مطابق کابینہ کمیٹی برائے توانائی نے پاکستان کے اندر گیس پائپ لائن بچھانے کی منظوری دی،...
سندھ ہائیکورٹ کے حکم پر گزشتہ روز سوشل میڈیا پلیٹ فارم ٹوئٹر جسے اب ا یکس کا نام دیاگیاہے کی سروس بحال ہوگئی ہے جس سے اس پلیٹ فارم کو روٹی کمانے کیلئے استعمال کرنے والے ہزاروں افراد نے سکون کاسانس لیاہے، پاکستان میں ہفتہ، 17 فروری 2024 سے اس سروس کو ملک گیر پابندیوں کا سامنا تھا۔...
عالمی جریدے بلوم برگ نے گزشتہ روز ملک کے عام انتخابات کے حوالے سے کہا ہے کہ الیکشن کے نتائج جوبھی ہوں پاکستان کیلئے آئی ایم ایف سے گفتگو اہم ہے۔ بلوم برگ نے پاکستان میں عام انتخابات پر ایشیاء فرنٹیئر کیپیٹل کے فنڈز منیجر روچرڈ یسائی سے گفتگو کرتے ہوئے کہا کہ پاکستان کے بیرونی قرض...
علامہ سید سلیمان ندویؒآں حضرت صلی اللہ علیہ وسلم کی بعثت تعلیم او رتزکیہ کے لیے ہوئی، یعنی لوگوں کو سکھانا اور بتانا اور نہ صرف سکھانا او ربتانا، بلکہ عملاً بھی ان کو اچھی باتوں کا پابند اور بُری باتوں سے روک کے آراستہ وپیراستہ بنانا، اسی لیے آپ کی خصوصیت یہ بتائی گئی کہ (یُعَلِّ...
بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر دھماکے ہوئے ہیں جن کے سبب 26 افراد جاں بحق اور 45 افراد زخمی ہو گئے۔ تفصیلات کے مطابق بلوچستان اور خیبر پختون خوا دہشت گردوں کے حملوں کی زد میں ہیں، آج بلوچستان کے اضلاع پشین میں آزاد امیدوار ا...
مولانا محمد نجیب قاسمیشریعت اسلامیہ نے ہر شخص کو مکلف بنایا ہے کہ وہ حقوق اللہ کے ساتھ حقوق العباد یعنی بندوں کے حقوق کی مکمل طور پر ادائیگی کرے۔ دوسروں کے حقوق کی ادائیگی کے لیے قرآن وحدیث میں بہت زیادہ اہمیت، تاکید اور خاص تعلیمات وارد ہوئی ہیں۔ نیز نبی اکرم صلی اللہ علیہ وسلم،...
پاکستان میں صارفین کے حقوق کی حفاظت کا کوئی نظام کسی بھی سطح پر کام نہیں کررہا۔ گیس، بجلی، موبائل فون کمپنیاں، انٹرنیٹ کی فراہمی کے ادارے قیمتوں کا تعین کیسے کرتے ہیں اس کے لیے وضع کیے گئے فارمولوں کو پڑتال کرنے والے کیا عوامل پیش نظر رکھتے ہیں اور سرکاری معاملات کا بوجھ صارفین پ...
خبر ہے کہ سینیٹ میں عام انتخابات ملتوی کرانے کی قرارداد پر توہین عدالت کی کارروائی کے لیے دائر درخواست پر سماعت رواں ہفتے کیے جانے کا امکان ہے۔ اس درخواست کا مستقبل ابھی سے واضح ہے۔ ممکنہ طور پر درخواست پر اعتراض بھی لگایاجاسکتاہے اور اس کوبینچ میں مقرر کر کے باقاعدہ سماعت کے بعد...
انسدادِ منشیات کے ادارے اینٹی نارکوٹکس فورس کی جانب سے ملک اور بالخصوص پشاور اور پختونخوا کے دیگر شہروں میں منشیات کے خلاف آپریشن کے دوران 2 درجن سے زیادہ منشیات کے عادی افراد کو منشیات کی لت سے نجات دلاکر انھیں کارآمد شہری بنانے کیلئے قائم کئے بحالی مراکز پر منتقل کئے جانے کی اط...
