... loading ...
... loading ...
اخباری ا طلاعات کے مطابق نگران حکومت نے گیس کے شعبے کے بڑھتے ہوئے سرکولر قرض اور نقصانات عوام کو منتقل کرنے کا فیصلہ کرتے ہوئے آئندہ ہفتے گیس کی قیمت میں 50 فیصد سے زائد اضافہ کرنے کا فیصلہ کرلیا ہے۔ ایک نجی ٹی وی کے مطابق گیس سیکٹر کا سالانہ 350 ارب روپے کا نقصان اور گردشی قرضے2700 ارب تک پہنچ چکے ہیں، اب اس رقم کو بھی اس ملک کے غریب عوام سے وصول کرنے کیلئے قرض کا یہ تمام بوجھ عوام کو منتقل کرنے کی تیاری کرلی گئی ہے اور سوئی ناردرن کے ٹیرف میں 415 روپے فی ایم ایم بی ٹی یو جبکہ سوئی سدرن سے 417 روپے فی ایم ایم بی ٹی وی کا اضافہ متوقع ہے۔ اطلاعات کے مطابق گیس کی قیمتوں میں اضافے کا اطلاق یکم جولائی سے ہوگا جس کا مطلب یہ ہے کہ صارفین کو ماہ ستمبر کے بلوں کے ذریعے گزشتہ دو ماہ جولائی اور اگست کے بلوں کا اضافہ بھی اداکرناہوگا اور یہ ادائیگی نہ کرسکنے والے غریب عوام کو گیس کی سہولت سے یکسر محروم کردیا جائے گا۔
ایک طرف لوگ بجلی اور گیس کے موجودہ بلوں خلاف سراپا احتجاج ہیں اور دن میں کئی کئی بار گیس کی بندش سے پریشان ہیں کیونکہ گیس کمپنیاں خواہ وہ سوئی سدرن گیس کمپنی ہو یا سوئی ناردرن گیس کمپنی گیس کی لوڈ شیڈنگ کے خود اپنے دیے گئے شیڈول پر بھی عمل نہیں کرتیں اور جب دل چاہتاہے گیس کی سپلائی بند کردی جاتی ہے جس کے نتیجے میں بعض اوقات توے پر رکھی روٹی بھی نہیں پک پاتی اور آٹا ضائع جاتاہے،یہی صورت حال سالن کے ساتھ بھی ہوتی ہے،یہی نہیں بلکہ گیس کی فراہمی کے وقت بھی بعض اوقات سپلائی اس قدر کم کردی جاتی ہے کہ چولھے ٹمٹماتے اور بچے بھوک سے مچلنے لگتے ہیں اور بعض علاقوں میں تو کئی کئی روز تک گیس موجود ہی نہیں ہوتی،گیس کمپنیاں اپنی اسی اعلیٰ کاکردگی کی بنیاد پر ان دنوں عوامی احتجاج کی زد میں ہیں۔ اس اعلیٰ کارکردگی کے باوجودافسران بالا کے اللے تللوں کی وجہ سے ہونے والا نقصان بھی غریب عوام سے وصول کرنا سراسر ناانصافی ہے اور حکومت کو اپنی اس صریح انصافی پر عوام کے بھرپور احتجاج کیلئے تیار رہناچاہئے۔یہ صحیح ہے کہ ملک میں گیس کے ذخائر تیزی سے کم ہورہے ہیں اس لیے گیس کے استعمال کو کنٹرول کرنا ضروری ہے،لیکن یہ بھی ایک حقیقت ہے کہ پاکستان میں گھروں میں استعمال ہونے والی گیس کی مقدار بہت ہی معمولی ہے، زیادہ تر گیس کھاد فیکٹریاں، بڑی بڑی ملیں اور ٹرانسپورٹر استعمال کرتے ہیں،اگر گیس کے استعمال کو کنٹرول ہی کرنا ہے تو فوری طورپر ٹرانسپورٹ میں گیس کے استعمال پر فوری پابندی عائد کردی جائے، اس طرح جتنی گیس کی بچت ہوگی وہ گھریلو استعمال کیلئے وافر گیس کی فراہمی کے بعد بھی بچ رہے گی،اسی طرح اگر گیس کی قیمتوں میں اضافہ کرنا ہی ضروری ہے تو اس اضافے کا بڑا حصہ بھاری مقدار کمرشل مقاصد کیلئے گیس استعمال کرنے والوں کو منتقل کیا جانا چاہئے تاکہ غریب عوام مزید زیر بار نہ ہوں،اس کے ساتھ ہی ضرورت اس بات کی بھی ہے کہ گیس سیکٹرمیں نقصان میں کمی کیلئے کمپنی کے اعلیٰ افسران کی غیرمعمولی بھاری تنخواہوں اور مراعات میں کٹوتی کی جائے اس کٹوتی کے نتیجے میں کروڑوں روپے کی بچت ہوگی اور غریب عوام سے گیس کی اضافی قیمت وصول کرنے کی ضرورت ہی نہیں رہے گی۔ ارباب اختیار کو اس پر سوچنا چاہئے اور ہر بوجھ غریب عوام کو منتقل کرنے کا آسان راستہ ترک کرکے خود اپنے افسران کی مراعات میں کٹوتی کرکے خسارہ پورا کرنے کی کوشش کرنی چاہئے کیونکہ دراصل اس خسارے کے ذمہ دار ان ہی افسران کی ناقص پالیسیاں اور کا م چوری ہے،عوام کیلئے گیس کی قیمتوں میں مزید 50 فیصد اضافے کا کوئی جواز نہیں ہے؟عوام پہلے ہی مہنگائی کے شدید عذاب میں مبتلا ہیں ان پر آخر کب تک اور مزید کتنی مہنگائی تھوپی جائے گی؟ان حالات سے غریب عوام کی جان پر بن آئی ہے حکومت کو مراعات یافتہ طبقات پر ٹیکسوں کابوجھ ڈال کر غریب عوام کیلئے آسانیاں فراہم کرنے پر توجہ دینی چاہئے تاکہ وہ کچھ تو سکھ کا سانس لے سکیں۔
مولانا محمد سلمان عثمانی حضرت سیدناعمربن خطاب ؓاپنی بہادری، پر کشش شخصیت اوراعلیٰ اوصاف کی بناء پر اہل عرب میں ایک نمایاں کردار تھے، آپ ؓکی فطرت میں حیا ء کا بڑا عمل دخل تھا،آپ ؓ کی ذات مبارکہ کو یہ اعزاز بھی حاصل ہے کہ نبی مکرم ﷺ خوداللہ رب العزت کی بارگاہ میں دعا مانگی تھی ”...
بھارت میں عام انتخابات کا دوسرا مرحلہ بھی اختتام کے قریب ہے، لیکن مسلمانوں کے خلاف مودی کی ہرزہ سرائی میں کمی کے بجائے اضافہ ہوتا جارہاہے اورمودی کی جماعت کی مسلمانوں سے نفرت نمایاں ہو کر سامنے آرہی ہے۔ انتخابی جلسوں، ریلیوں اور دیگر اجتماعات میں مسلمانوں کیخلاف وزارت عظمی کے امی...
مولانا زبیر احمد صدیقی رمضان المبارک کو سا ل بھر کے مہینوں میں وہی مقام حاصل ہے، جو مادی دنیا میں موسم بہار کو سال بھر کے ایام وشہور پر حاصل ہوتا ہے۔ موسم بہار میں ہلکی سی بارش یا پھو ار مردہ زمین کے احیاء، خشک لکڑیوں کی تازگی او رگرد وغبار اٹھانے والی بے آب وگیاہ سر زمین کو س...
نگران وزیر توانائی محمد علی کی زیر صدارت کابینہ توانائی کمیٹی اجلاس میں ایران سے گیس درآمد کرنے کے لیے گوادر سے ایران کی سرحد تک 80 کلو میٹر پائپ لائن تعمیر کرنے کی منظوری دے دی گئی۔ اعلامیہ کے مطابق کابینہ کمیٹی برائے توانائی نے پاکستان کے اندر گیس پائپ لائن بچھانے کی منظوری دی،...
سندھ ہائیکورٹ کے حکم پر گزشتہ روز سوشل میڈیا پلیٹ فارم ٹوئٹر جسے اب ا یکس کا نام دیاگیاہے کی سروس بحال ہوگئی ہے جس سے اس پلیٹ فارم کو روٹی کمانے کیلئے استعمال کرنے والے ہزاروں افراد نے سکون کاسانس لیاہے، پاکستان میں ہفتہ، 17 فروری 2024 سے اس سروس کو ملک گیر پابندیوں کا سامنا تھا۔...
ادارہ شماریات کی تازہ ترین رپورٹ کے مطابق جنوری میں مہنگائی میں 1.8فی صد اضافہ ہو گیا۔رپورٹ کے مطابق گزشتہ ماہ شہری علاقوں میں مہنگائی 30.2 فی صد دیہی علاقوں میں 25.7 فی صد ریکارڈ ہوئی۔ جولائی تا جنوری مہنگائی کی اوسط شرح 28.73 فی صد رہی۔ابھی مہنگائی میں اضافے کے حوالے سے ادارہ ش...
عالمی جریدے بلوم برگ نے گزشتہ روز ملک کے عام انتخابات کے حوالے سے کہا ہے کہ الیکشن کے نتائج جوبھی ہوں پاکستان کیلئے آئی ایم ایف سے گفتگو اہم ہے۔ بلوم برگ نے پاکستان میں عام انتخابات پر ایشیاء فرنٹیئر کیپیٹل کے فنڈز منیجر روچرڈ یسائی سے گفتگو کرتے ہوئے کہا کہ پاکستان کے بیرونی قرض...
علامہ سید سلیمان ندویؒآں حضرت صلی اللہ علیہ وسلم کی بعثت تعلیم او رتزکیہ کے لیے ہوئی، یعنی لوگوں کو سکھانا اور بتانا اور نہ صرف سکھانا او ربتانا، بلکہ عملاً بھی ان کو اچھی باتوں کا پابند اور بُری باتوں سے روک کے آراستہ وپیراستہ بنانا، اسی لیے آپ کی خصوصیت یہ بتائی گئی کہ (یُعَلِّ...
بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر دھماکے ہوئے ہیں جن کے سبب 26 افراد جاں بحق اور 45 افراد زخمی ہو گئے۔ تفصیلات کے مطابق بلوچستان اور خیبر پختون خوا دہشت گردوں کے حملوں کی زد میں ہیں، آج بلوچستان کے اضلاع پشین میں آزاد امیدوار ا...
مولانا محمد نجیب قاسمیشریعت اسلامیہ نے ہر شخص کو مکلف بنایا ہے کہ وہ حقوق اللہ کے ساتھ حقوق العباد یعنی بندوں کے حقوق کی مکمل طور پر ادائیگی کرے۔ دوسروں کے حقوق کی ادائیگی کے لیے قرآن وحدیث میں بہت زیادہ اہمیت، تاکید اور خاص تعلیمات وارد ہوئی ہیں۔ نیز نبی اکرم صلی اللہ علیہ وسلم،...
پاکستان میں صارفین کے حقوق کی حفاظت کا کوئی نظام کسی بھی سطح پر کام نہیں کررہا۔ گیس، بجلی، موبائل فون کمپنیاں، انٹرنیٹ کی فراہمی کے ادارے قیمتوں کا تعین کیسے کرتے ہیں اس کے لیے وضع کیے گئے فارمولوں کو پڑتال کرنے والے کیا عوامل پیش نظر رکھتے ہیں اور سرکاری معاملات کا بوجھ صارفین پ...
خبر ہے کہ سینیٹ میں عام انتخابات ملتوی کرانے کی قرارداد پر توہین عدالت کی کارروائی کے لیے دائر درخواست پر سماعت رواں ہفتے کیے جانے کا امکان ہے۔ اس درخواست کا مستقبل ابھی سے واضح ہے۔ ممکنہ طور پر درخواست پر اعتراض بھی لگایاجاسکتاہے اور اس کوبینچ میں مقرر کر کے باقاعدہ سماعت کے بعد...
