... loading ...
... loading ...
وزیر اعظم میاں محمد شہبازشریف نے کہا ہے کہ اسٹیبلشمنٹ کے ساتھ میرے تعلقات کب اچھے نہیں تھے، میں نے کب اسٹیبلشمنٹ سے اپنے تعلقات سے انکار کیا ہے؟ کہاجاتا ہے میں 30سال سے اسٹیبلشمنٹ کی آنکھوں کا تارا ہوں لیکن جب میں گرفتار ہوا تواس وقت صورتحال کیا تھی؟ آرمی چیف کی تعریف کرنے میں کیا حرج ہے۔ ووٹ کو عزت دو ہی پاکستان مسلم لیگ (ن) کا نعرہ ہے، میاں محمد نوازشریف کے کاموں کی وجہ سے ووٹ کو عزت ملی۔ نوازشریف کے مینڈیٹ کو چرا لیا گیا تھا۔ نواز شریف نے لوڈشیڈنگ ختم کی اورچین سے بہترین تعلقات استوار کیے۔ چیئرمین پی ٹی آئی کے دھرنے نے معیشت کا بیڑا غرق کیا۔ ملک کے خلاف ایسی سازشیں ہوں گی توایسی ہی صورتحال ہو گی۔ سپریم کورٹ ریویو اینڈ ججمنٹس قانون کو کالعدم قراردینے کے سپریم کورٹ کے فیصلے سے نوازشریف اوردیگر لوگوں کی نااہلی پر کوئی فرق نہیں پڑے گا۔ نوازشریف کی نااہلی کی سزا 27 جولائی کو مکمل ہو چکی ہے۔ نئے قانون کے ذریعہ نااہلی کی مدت کا تعین پانچ سال کیا جا چکا ہے۔ بطور پارٹی صدر میں نے نوازشریف کو آئندہ وزیر اعظم کے لئے (ن) لیگ کاامیدوارنامزد کیا ہے۔ میاں نوازشریف کی وطن واپسی کے حوالے سے کوئی رکاوٹ نہیں ہے۔ گزشتہ روز کالعدم ہونے والے قانون سے کوئی پریشانی نہیں ہے۔ ان خیالات کااظہار وزیر اعظم شہبازشریف نے ہفتہ کے روز وزیر اعظم ہاؤس میں ایڈیٹرز ، اینکرپرسنز اور سینئر صحافیوں سے الوداعی ملاقات کے دوران کیا۔ اس موقع پر سابق وفاقی وزراء سینیٹر محمد اسحاق ڈار، خواجہ محمد آصف، مریم اورنگزیب اور سابق معاونین خصوصی عطاء اللہ تارڑ اور بلال اظہر کیانی بھی موجود تھے۔ وزیر اعظم شہبازشریف کا کہنا تھا کہ نگران وزیر اعظم کی تقرری کے حوالے سے ایک جماعت کے علاوہ دیگر اتحادیوں نے مجھے اختیار دے دیا ہے اور نگران وزیر اعظم کے تقرر کے حوالے سے ابھی چند روز باقی ہیں۔ میں نے کبھی کسی صحافی سے کوئی گلہ نہیں کیا، میں نے تعمیری تنقید کو ہمیشہ خوش آمدید کہا ہے۔ مہنگائی بہت زیادہ تھی، ہم نے چیلنجز کے ساتھ نمٹنا تھا، ہم نے مہنگائی کم کرنے کے لیے بھرپور کوششیں کیں، کچھ کم بھی ہوئی۔ شہباز شریف کا کہنا تھا کہ وہ تسلیم کرتے ہیں کہ موجودہ معاشی صورتحال کی وجہ سے ان کے ووٹ بینک میں کمی ہوئی ہے تاہم انہوں نے اپنی جماعت اور سیاست کی بجائے ریاست کو بچانے کو ترجیح دی اورانہوں نے وہ اقدامات کیے جو ریاست کو بچانے کے لیے ضروری تھے۔ ہم نے سیاست خطرے میں ڈال کرریاست بچائی، میں سمجھتا ہوں کہ ریاست بچ گئی توسب کچھ بچ گیا۔ 16ماہ انتہائی مشکل حالات میں حکومت چلائی، اس دوران ایک روپے کا بھی کوئی کرپشن اسکینڈل ہمارے خلاف نہیں آیا ۔عمران خان کے دور میں چینی، گندم اوردیگراسکینڈل سامنے آئے۔ جس طرح ہم نے ملک کو ڈیفالٹ سے بچایا ہے اور آئندہ کے لئے لائن آف ایکشن طے کی ہے اس سے آنے والے وقت میں پاکستان کے لیے بہتر حالات پیدا ہوں گے۔ شہبازشریف کا کہنا تھا کہ ان کی پارٹی چاہتی ہے کہ ملک میں جلد ازجلد انتخابات ہوں تاہم بر وقت الیکشن کا انعقاد الیکشن کمیشن آف پاکستان نے کرنا ہے۔ مردم شماری کی منظوری آئینی تقاضے کے طور پر ہم نے دی۔ عمران نیازی ملک کو تباہی کے دہانے پر پہنچا گئے تھے اس لیے سخت فیصلے اورایکشن لینے پڑے۔ اس موقع پر گفتگو کرتے ہوئے اسحاق ڈار کا کہنا تھا کہ معیشت کی بہتری کے حوالہ سے اتحادی حکومت نے بڑے سخت فیصلے کیے ہیں اورآنے والی حکومت جس کسی کی بھی ہواس کو مشکل صورت حال کا سامنا کرنا پڑے گا اورسب کو مل جل کر ملک کو اس صورت حال سے نکالنا پڑے گا۔ ملک کے مسائل بالکل ایسے نہیں جن کو حل نہ کیا جا سکے۔
بانی پی ٹی آئی عمران خان کی کال پر وزیراعلیٰ خیبرپختونخوا اور اپوزیشن لیڈر عمر ایوب کی قیادت میں قافلے پنجاب کی حدود میں داخل ہوگئے جس کے بعد تحریک انصاف نے حکمت عملی تبدیل کرلی ہے ۔تفصیلات کے مطابق پاکستان تحریک انصاف کے احتجاج میںپنجاب، سندھ، بلوچستان اور خیبرپختونخوا سے قافلے...
تحریک انصاف ک فیصلہ کن کال کے اعلان پر خیبر پختون خواہ ،بلوچستان اورسندھ کی طرح پنجاب میں بھی کافی ہلچل دکھائی دی۔ بلوچستان اور سندھ سے احتجاج میں شامل ہونے والے قافلوںکی خبروں میں پولیس نے لاہور میں عمرہ کرکے واپس آنے والی خواتین پر دھاوا بول دیا۔ لاہور کی نمائندگی حماد اظہر ، ...
وزیراعلیٰ خیبر پختونخوا علی امین گنڈاپور نے کہا ہے کہ وفاقی اور پنجاب حکومت جتنے بھی راستے بند کرے ہم کھولیں گے۔وزیراعلیٰ نے پشاور ٹول پلازہ پہنچنے کے بعد میڈیا سے بات چیت کرتے ہوئے کہا کہ عمران خان کی رہائی کی تحریک کا آغاز ہو گیا ہے ، عوام کا سمندر دیکھ لیں۔علی امین نے کہا کہ ...
پاکستان تحریک انصاف کے ہونے والے احتجاج کے پیش نظر وفاقی دارالحکومت اسلام آباد میں پولیس، رینجرز اور ایف سی کی بھاری نفری تعینات کر دی گئی ہے جبکہ پنجاب اور کے پی سے جڑواں شہروں کو آنے والے راستے بند کر دیے گئے ہیں اور مختلف شہروں میں خندقیں کھود کر شہر سے باہر نکلنے کے راستے بند...
سابق اسپیکر قومی اسمبلی اسد قیصر نے کہا ہے کہ ملک کو انارکی کی طرف دھکیلا گیا ہے ۔ پی ٹی آئی کارکنوں سے خطاب کرتے ہوئے اسد قیصر نے کہا کہ ہمیں 26ویں آئینی ترمیم منظور نہیں۔ انہوں نے کہا کہ بلوچستان میں حکومتی رٹ ختم ہو چکی، ہم ملک میں امن چاہتے ہیں۔ اسد قیصر نے کہا کہ افغانستان ک...
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
