... loading ...
... loading ...
وزیرخزانہ اسحاق ڈار نے کہا ہے کہ پاکستان اور آئی ایم ایف کے درمیان اسٹاف لیول معاہدے کی تمام شرائط پوری ہوگئی ہیں۔ایک نجی چینل سے بات چیت کرتے ہوئے اسحاق ڈار نے کہا کہ سعودی عرب کی طرف سے پاکستان کو 2 ارب ڈالر دینے کی تصدیق کی گئی ہے۔اسحاق ڈار کا کہنا ہے کہ سعودی عرب اور یو اے ای نے پاکستان کو فنانسنگ سے آئی ایم ایف کو مطلع کر دیا۔انہوں نے کہا کہ یو اے ای کی طرف سے پاکستان کو ایک ارب ڈالر دینے کی تصدیق کی گئی ہے۔ ان کا کہنا ہے کہ پاکستان کو امید ہے آئی ایم ایف اسٹاف لیول معاہدہ جلد کر کے ایگزیکٹو بورڈ سے منظور کرائے گا۔اس میں تو خیر کوئی شک نہیں کہ آئی ایم ایف نے پاکستان کی ناک سے لکیریں نکلوا دی ہیں۔انتہائی کڑی اورسخت شرائط کے بعد بھی وہ قرض دینے کے لیے ایک قدم آگے اور دو قدم پیچھے کی پالیسی پر گامزن ہے۔ ملکی خزانہ خالی ہے اور اسی لیے موجودہ حکومت معاشی اور اقتصادی مشکلات کا شکار ہے۔ لیکن اگر وزیرخزانہ اسحاق ڈاراپنے دعوے میں سچے ہیں تویہ کہاجاسکتاہے اب صورتحال میں بہتری اور تبدیلی کی ایک کرن پھوٹی ہے کہ خدا خدا کر کے کفر ٹوٹنے لگا ہے۔ اس سے قبل ڈائریکٹر آئی ایم ایف نے بھی جلد ا سٹاف لیول معاہدے پر دستخط کی امید ظاہرکی تھی۔ ڈائریکٹر آئی ایم ایف جہاد ازعور نے امید ظاہر کی تھی جلد ہی اسٹاف لیول معاہدے پر دستخط کر دیے جائیں گے جس کے بعد بورڈ قرضے کی منظوری دیدے گا۔پاکستان کی مالیاتی مشکلات کے باعث حکومت انتہائی تیزی سے بھاگ دوڑ کررہی ہے تاکہ آئی ایم ایف سے معاملات ہموار سطح پر آجائیں اور اس بحران پر جلد سے جلد قابو پا لیا جائے۔ معاشی ماہرین کے مطابق صورتحال حوصلہ افزا ہے اور جلد آئی ایم ایف سے پاکستان کو دو ارب ڈالر قرض کی قسط مل جائے گی۔خود آئی ایم ایف کے ڈائریکٹر جہاد ازعور نے بھی امید ظاہر کی ہے کہ کئی شعبوں میں اصلاحات کا سلسلہ جاری رہے گا اور آئی ایم ایف پروگرام مکمل کیا جائے گا،پاکستان میں معاشی استحکام کے لیے آئی ایم ایف اپنا کردار ادا کرے گا۔پاکستان کو عالمی مالیاتی فنڈ سے محض قرض کی قسط ہی نہیں ملے گی بلکہ یہ ایک طرح سے عالمی دنیا کا بھی اعتماد ہو گا کہ پاکستان کو اکیلا نہیں چھوڑا جائے گا۔دنیا ایک گلوبل ویلیج یعنی عالمی گاوں بن چکی ہے اور اس لحاظ سے اگر کوئی سپر پاور یا ترقی یافتہ ملک کسی تیسری دنیا کے ملک پر عدم اعتماد کر تا ہے تو پھر اس ملک کا مستقبل مخدوش ہو جاتا ہے۔وفاقی وزیر خزانہ اسحاق ڈار پہلے ہی بتاچکے ہیں کہ آئی ایم ایف کے توسیعی فنڈ سہولت کے تحت 9 ویں جائزے کے حوالے سے پاکستان نے تمام پیشگی اقدامات مکمل کر لیے ہیں، پاکستان کی حکومت آئی ایم ایف کے ساتھ طے شدہ ذمہ داریوں کی ادائیگی میں پرعزم ہے،انہوں نے یہ بات عالمی بینک کے سالانہ اجلاس میں آئی ایم ایف کی ٹیم سے زوم کے ذریعہ میٹنگ کے دوران کہی تھی۔اس موقع پر وزیر خزانہ نے آئی ایم ایف کی ٹیم کو پاکستان کو درپیش اقتصادی چیلنجوں کے بارے میں بھی آگاہ کیا تھا اور وزارت خزانہ کے ذرائع کے مطابق ملک کے معاشی استحکام کے لیے موجودہ حکومت کے وژن پر بھی گفت و شنید ہوئی تھی۔سب سے اہم اور خاص بات یہ ہے کہ اسحاق ڈار نے اسی اجلاس میں یہ بھی کہا تھا کہ مسلم لیگ ن کے گزشتہ دور حکومت میں ان کے وزیر خزانہ ہوتے ہوئے آئی ایم ایف کے ساتھ پروگرام کو کامیابی کے ساتھ مکمل کیا گیا تھا۔ ایک طرف تو یہ حال ہے کہ شہباز شریف کی حکومت ملک کومعاشی بحران سے نکالنے کیلئے سرگرم اور کمر بستہ ہے مگر دوسری جانب ایک خوفناک طوفان حکومت کی چوکھٹ پر دستک دے رہا ہے۔شہر اقتدار کے باسیوں کو یہ خوف اور خطرات لاحق ہیں کہ جانے کسی لمحے کیا ہو جائے اور کون کاری وار کر جائے۔ سچ پوچھئے تو اب دلوں کو دھڑکا سا لگا رہتا ہے کہ مبادا کوئی سونامی نہ آجائے اور وہ سب کچھ بہا کر لے جائے۔ان اندیشوں، وسوسوں،وہموں اور مایوسیوں میں صرف دعا ہی کی جاسکتی ہے کہ خدایا کوئی انہونی نہ ہو۔رجائیت پسندی اور امید کا دامن اگر ہاتھ سے نہ چھوڑیں تو یہ امید کی جاسکتی ہے،اب پارلیمان اور عدلیہ کے درمیان محاذ آرائی کی صورت حال کا بھی خاتمہ ہوگا اور ملک کے ان دونوں اعلیٰ ترین اداروں کی عظمت بھی باقی اور برقرار رہے گی۔
مولانا محمد سلمان عثمانی حضرت سیدناعمربن خطاب ؓاپنی بہادری، پر کشش شخصیت اوراعلیٰ اوصاف کی بناء پر اہل عرب میں ایک نمایاں کردار تھے، آپ ؓکی فطرت میں حیا ء کا بڑا عمل دخل تھا،آپ ؓ کی ذات مبارکہ کو یہ اعزاز بھی حاصل ہے کہ نبی مکرم ﷺ خوداللہ رب العزت کی بارگاہ میں دعا مانگی تھی ”...
بھارت میں عام انتخابات کا دوسرا مرحلہ بھی اختتام کے قریب ہے، لیکن مسلمانوں کے خلاف مودی کی ہرزہ سرائی میں کمی کے بجائے اضافہ ہوتا جارہاہے اورمودی کی جماعت کی مسلمانوں سے نفرت نمایاں ہو کر سامنے آرہی ہے۔ انتخابی جلسوں، ریلیوں اور دیگر اجتماعات میں مسلمانوں کیخلاف وزارت عظمی کے امی...
مولانا زبیر احمد صدیقی رمضان المبارک کو سا ل بھر کے مہینوں میں وہی مقام حاصل ہے، جو مادی دنیا میں موسم بہار کو سال بھر کے ایام وشہور پر حاصل ہوتا ہے۔ موسم بہار میں ہلکی سی بارش یا پھو ار مردہ زمین کے احیاء، خشک لکڑیوں کی تازگی او رگرد وغبار اٹھانے والی بے آب وگیاہ سر زمین کو س...
نگران وزیر توانائی محمد علی کی زیر صدارت کابینہ توانائی کمیٹی اجلاس میں ایران سے گیس درآمد کرنے کے لیے گوادر سے ایران کی سرحد تک 80 کلو میٹر پائپ لائن تعمیر کرنے کی منظوری دے دی گئی۔ اعلامیہ کے مطابق کابینہ کمیٹی برائے توانائی نے پاکستان کے اندر گیس پائپ لائن بچھانے کی منظوری دی،...
سندھ ہائیکورٹ کے حکم پر گزشتہ روز سوشل میڈیا پلیٹ فارم ٹوئٹر جسے اب ا یکس کا نام دیاگیاہے کی سروس بحال ہوگئی ہے جس سے اس پلیٹ فارم کو روٹی کمانے کیلئے استعمال کرنے والے ہزاروں افراد نے سکون کاسانس لیاہے، پاکستان میں ہفتہ، 17 فروری 2024 سے اس سروس کو ملک گیر پابندیوں کا سامنا تھا۔...
ادارہ شماریات کی تازہ ترین رپورٹ کے مطابق جنوری میں مہنگائی میں 1.8فی صد اضافہ ہو گیا۔رپورٹ کے مطابق گزشتہ ماہ شہری علاقوں میں مہنگائی 30.2 فی صد دیہی علاقوں میں 25.7 فی صد ریکارڈ ہوئی۔ جولائی تا جنوری مہنگائی کی اوسط شرح 28.73 فی صد رہی۔ابھی مہنگائی میں اضافے کے حوالے سے ادارہ ش...
عالمی جریدے بلوم برگ نے گزشتہ روز ملک کے عام انتخابات کے حوالے سے کہا ہے کہ الیکشن کے نتائج جوبھی ہوں پاکستان کیلئے آئی ایم ایف سے گفتگو اہم ہے۔ بلوم برگ نے پاکستان میں عام انتخابات پر ایشیاء فرنٹیئر کیپیٹل کے فنڈز منیجر روچرڈ یسائی سے گفتگو کرتے ہوئے کہا کہ پاکستان کے بیرونی قرض...
علامہ سید سلیمان ندویؒآں حضرت صلی اللہ علیہ وسلم کی بعثت تعلیم او رتزکیہ کے لیے ہوئی، یعنی لوگوں کو سکھانا اور بتانا اور نہ صرف سکھانا او ربتانا، بلکہ عملاً بھی ان کو اچھی باتوں کا پابند اور بُری باتوں سے روک کے آراستہ وپیراستہ بنانا، اسی لیے آپ کی خصوصیت یہ بتائی گئی کہ (یُعَلِّ...
بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر دھماکے ہوئے ہیں جن کے سبب 26 افراد جاں بحق اور 45 افراد زخمی ہو گئے۔ تفصیلات کے مطابق بلوچستان اور خیبر پختون خوا دہشت گردوں کے حملوں کی زد میں ہیں، آج بلوچستان کے اضلاع پشین میں آزاد امیدوار ا...
مولانا محمد نجیب قاسمیشریعت اسلامیہ نے ہر شخص کو مکلف بنایا ہے کہ وہ حقوق اللہ کے ساتھ حقوق العباد یعنی بندوں کے حقوق کی مکمل طور پر ادائیگی کرے۔ دوسروں کے حقوق کی ادائیگی کے لیے قرآن وحدیث میں بہت زیادہ اہمیت، تاکید اور خاص تعلیمات وارد ہوئی ہیں۔ نیز نبی اکرم صلی اللہ علیہ وسلم،...
پاکستان میں صارفین کے حقوق کی حفاظت کا کوئی نظام کسی بھی سطح پر کام نہیں کررہا۔ گیس، بجلی، موبائل فون کمپنیاں، انٹرنیٹ کی فراہمی کے ادارے قیمتوں کا تعین کیسے کرتے ہیں اس کے لیے وضع کیے گئے فارمولوں کو پڑتال کرنے والے کیا عوامل پیش نظر رکھتے ہیں اور سرکاری معاملات کا بوجھ صارفین پ...
خبر ہے کہ سینیٹ میں عام انتخابات ملتوی کرانے کی قرارداد پر توہین عدالت کی کارروائی کے لیے دائر درخواست پر سماعت رواں ہفتے کیے جانے کا امکان ہے۔ اس درخواست کا مستقبل ابھی سے واضح ہے۔ ممکنہ طور پر درخواست پر اعتراض بھی لگایاجاسکتاہے اور اس کوبینچ میں مقرر کر کے باقاعدہ سماعت کے بعد...
