... loading ...
... loading ...
وفاقی وزیرِ خارجہ بلاول بھٹو زرداری نے بارشوں کے دوران قیمتی جانوں کے ضیاع پر اظہارِ افسوس کرتے ہوئے کہا کہ بارش کی تباہ کاریوں سے متاثرہ افراد کی امداد کے لیے حکومت تمام وسائل بروئے کار لائے گی،یہ وقت پوائنٹ اسکورنگ کا نہیں، سیاسی جماعتیں اور فلاحی تنظیمیں متاثرین کی مدد کے لیے آگے آئیں،ہمیں ماحولیاتی تبدیلی سے متعلق اقدامات کو اپنی اولین ترجیحات میں شامل کرنا ناگذیر بن چکا ہے۔ ان خیالات کااظہار انھوں نے بدھ کے روز ایک بیان میں کیا۔پاکستان پیپلزپارٹی کے چیئرمین اور وفاقی وزیرِ خارجہ بلاول بھٹو زرداری نے بارشوں کے دوران قیمتی جانوں کے ضیاع پر اظہارِ افسوس کرتے ہوئے کہا کہ بارشوں کے دوران مختلف حادثات میں 77 شہریوں کا جاں بحق ہونا سانحے سے کم نہیں، قیمتی جانوں کے ضیاع پر پوری قوم رنجیدہ ہے، بلوچستان میں بارشوں کے باعث کافی نقصان ہوا ہے، پنجاب سمیت ملک کے دیگر علاقے بھی شدید متاثر ہوئی ہیں۔ بلاول بھٹو زرداری نے کہا کہ عوام کو اکیلا نہیں چھوڑیں گے، متاثرین کی امداد کے لیے حکومت تمام وسائل بروئے کار لائے گی۔ وزیر خارجہ نے ہدایت کی کہ متعلقہ حکام سیلاب متاثرہ علاقوں میں پھنسے شہریوں کی محفوظ مقامات پر منتقلی کو یقینی بنائیں، پاکستانی قوم تعاون اور اتحاد سے مشکلات کا مقابلہ کرنا جانتی ہے، یہ وقت پوائنٹ اسکورنگ کا نہیں ہے۔ بلاول بھٹو زرداری نے اپیل کی کہ سیاسی جماعتیں اور فلاحی تنظیمیں بارش متاثرین کی مدد کے لیے آگے آئیں، پی پی پی کارکنان سخت موسم کے متاثر ہم وطنوں کی امداد کے لیے اپنا کردار نبھائیں، انتظامیہ سے تعاون کریں۔ بلاول بھٹو کا کہنا تھا کہ ماحولیاتی و موسمیاتی تبدیلیوں کے باعث پاکستان میں معمول سے زیادہ بارشیں ہوئی ہیں، ہمیں ماحولیاتی تبدیلی سے متعلق اقدامات کو اپنی اولین
ترجیحات میں شامل کرنا ناگذیر بن چکا ہے۔ پی پی پی چیئرمین نے بارش کے دوران حادثات میں اپنے پیاروں کو کھونے والے خاندانوں سے دلی تعزیت و ہمدردی کا اظہار کیا۔
کراچی میں بارشیں، رین ایمرجنسی کے دعوے دھرے رہ گئے ،شہر قائد میں دو روز سے وقفے وقفے سے جاری بارشوں نے انتظامیہ کے رین ایمرجنسی کے دعوں کی قلعی کھول دی ہے، بارش رکنے کے بعد بھی اکثر سڑکوں پر برساتی پانی جمع اور ٹریفک کی روانی متاثر ہے۔ شہر کی کئی مرکزی شاہراہیں تالاب کا منظر پیش کررہی ہیں، بارش سے شہر کا ضلع وسطی سب سے زیادہ متاثر ہے جہاں لیاقت آباد، ناظم آباد، غریب آباد میں بارش کا پانی جمع ہے، حیدری، گودھرا چوک، نیو کراچی، ایوب گوٹھ، گلشن معمار، گلشن اقبال 13 ڈی، ناگن چورنگی، پاور ہاس چورنگی کی شاہراہوں سے بھی برساتی پانی کی نکاسی نہیں ہوسکی ہے اور مختلف مقامات پر کئی کئی فٹ پانی جمع ہے۔اس کے علاوہ نیپا پل کے قریب پانی جمع ہونے پر بچوں نے وہاں سوئمنگ پول بنالیا ہے، اورنگی ٹاون، بنارس، سائٹ ایریا، قصبہ کالونی کی سڑکیں بھی تاحال زیر آب ہیں، سڑکوں پر بارش کے پانی کے ساتھ ساتھ کچرے کے ڈھیر بھی لگ گئے ہیں،کراچی: نکاسی آب کے انتظامات نہ ہونے کے باعث سڑکوں پر پانی جمع ہونے سے ٹریفک کی روانی میں شدید خلل پڑا ہے، گارڈن انکل سریہ روڈ سے موبائل مارکیٹ جانے والی شاہراہ پر ٹریفک جام، ایمپریس مارکیٹ، پارکنگ پلازہ، صفورا چورنگی، گرومندر چورنگی اور نیپا کیاطراف بھی ٹریفک کی روانی متاثر ہے جب کہ ٹریفک پولیس کے مطابق ٹاور، تبت سینٹر اور ریگل چوک پر ٹریفک کا دبا ہے،علاوہ ازیں شدید بارش کے باعث دیوار اور مکان گرنے سے 2 افراد جاں بحق ہوگئے۔کراچی کے مختلف علاقوں میں وقفے وقفے سے ہلکی اورتیز بارش کا سلسلہ جاری ہے۔ ملیر کے علاقے کھوکھرا پار میں دیوار گرنے سے15 سالہ لڑکا جاں بحق ہوگیا۔نارتھ کراچی سیون سی گلی نمبر 16 کے قریب مکان زمیں بوس ہوگیا جس کے ملبے تلے دب کر ایک بچہ جاں بحق اور خاتون زخمی ہوگئی۔ 4سالہ بچے کی شناخت علی مہدی کے نام سے ہوئی۔
پاکستان میں جولائی تا اکتوبر کے دوران 1 ارب 9 کروڑ ڈالرز کی مجموعی بیرونی سرمایہ کاری آئی ہے ۔ وزارت خزانہ نے ماہانہ معاشی آوٹ لک کی رپورٹ جاری کردی ۔ تفصیلات کے مطابق رپورٹ میں بتایا گیا کہ اکتوبر میں ترسیلات زرمیں سالانہ 23 اعشاریہ 9 فیصد کا ریکارڈ اضافہ سامنے آیا ہے ۔ وزارت خز...
وزیراعظم شہباز شریف نے کہا ہے کہ آرمی چیف نے اسلام آباد میں لشکر سے نمٹنے کے لیے بھرپور تعاون فراہم کیا، سیکورٹی اداروں نے بہت اچھی حکمت عملی سے دھرنے کا خاتمہ کیا اور عوام کو سکون میسر ہوا، یہ فسادی اور ترقی کے مستقل دشمن ہیں، آج کے بعد ان کو مزید موقع نہیں دیا جائے گا۔وفاقی ...
امریکا کے سابق ڈائریکٹر نیشنل انٹیلی جنس رچرڈ گرینیل اور متعدد ارکان پارلیمنٹ نے عمران خان کی رہائی کا مطالبہ کردیا۔عالمی خبر رساں ادارے کے مطابق رچرڈ گرینیل نے بلوم برگ کی ایک رپورٹ اپنے سوشل میڈیا اکاؤنٹ پر شیئر کرتے ہوئے کیپشن میں لکھا کہ عمران خان کو رہا کرو۔ عمران خان کی رہ...
آئی جی اسلام آباد علی ناصر رضوی نے کہا ہے کہ اسلام آباد میں پاکستان تحریک انصاف (پی ٹی آئی) کے احتجاج کے دوران 900 مظاہرین کو گرفتار کیا اور 200 گاڑیاں پکڑیں، سب کو احتجاج کرنے کا حق ہے مگر احتجاج کی آڑ میں دہشت گرد کارروائی برداشت نہیں کریں گے ۔چیف کمشنر اسلام آباد محمد علی رندھ...
سپریم کورٹ بار ایسوسی ایشن نے وفاقی وزیرداخلہ محسن نقوی اور وزیراعلیٰ خیبرپختونخوا علی امین گنڈاپور سے مستعفی ہونے کا مطالبہ کردیا۔تفصیلات کے مطابق سپریم کورٹ بار ایسوسی ایشن کے صدر میاں رؤف عطا نے گزشتہ روز اسلام آباد کے ڈی چوک میں پاکستان تحریک انصاف کے مظاہرین کے خلاف گرینڈ آپ...
پی ٹی آئی کا احتجاج ختم ہونے کے بعد جڑواں شہروں میں معمولات زندگی بحال ہوگئے جبکہ راستے بھی کھل گئے ، اسلام آباد پولیس نے ڈی چوک سے جناح ایونیو پر فلیگ مارچ کیا۔حالات نارمل ہوتے ہی جیل سے ملزمان کی پیشی کے ساتھ عدالتوں میں مقدمات کی ریگولر سماعت شروع ہوجائے گی۔ ماتحت عدلیہ کے مطا...
تحریک انصاف کے اسلام آباد لانگ مارچ کے لیے مرکزی قافلے نے اسلام آباد کی دہلیز پر دستک دے دی ہے۔ تمام سرکاری اندازوں کے برخلاف تحریک انصاف کے بڑے قافلے نے حکومتی انتظامات کو ناکافی ثابت کردیا ہے اور انتہائی بے رحمانہ شیلنگ اور پکڑ دھکڑ کے واقعات کے باوجود تحریک انصاف کے کارکنان ...
بانی پی ٹی آئی عمران خان کی کال پر پاکستان تحریک انصاف کے قافلے رکاوٹیں عبور کرتے ہوئے اسلام آباد میں داخل ہوگئے ہیں جبکہ دھرنے کے مقام کے حوالے سے حکومتی کمیٹی اور پی ٹی آئی کے درمیان مذاکرات بھی جاری ہیں۔پاکستان تحریک انصاف کے کارکنان چونگی 26 پر چاروں طرف سے بڑی تعداد میں ن...
پاکستان بھر میں انٹرنیٹ اور موبائل ڈیٹا سروس دوسرے دن پیرکوبھی متاثر رہی، جس سے واٹس ایپ صارفین کو شدید پریشانی کا سامنا کرنا پڑا۔ تفصیلات کے مطابق ملک کے کئی شہروں میں موبائل ڈیٹا سروس متاثر ہے ، راولپنڈی اور اسلام آباد میں انٹرنیٹ سروس معطل جبکہ پشاور دیگر شہروں میں موبائل انٹر...
وفاقی وزیر خزانہ سینیٹر محمد اورنگزیب نے اعتراف کیا ہے کہ اٹھارویں آئینی ترمیم، سپریم کورٹ کے فیصلوں اور بین الاقوامی بہترین طریقوں کے پس منظر میں اے جی پی ایکٹ پر نظر ثانی کی ضرورت ہے وزیر خزانہ نے اے جی پی کی آئینی ذمہ داری کو پورا کرنے کے لئے صوبائی سطح پر ڈی جی رسید آڈٹ کے دف...
وزیر داخلہ محسن نقوی نے کہا کہ حکومت کا دو ٹوک فیصلہ ہے کہ دھرنے والوں سے اب کوئی مذاکرات نہیں ہوں گے ۔اسلام آباد میں وفاقی وزیر داخلہ محسن نقوی اور وزیر اطلاعات عطا تارڑ نے میڈیا سے گفتگو کرتے ہوئے کہا کہ پرامن احتجاج کرنے والوں کا رویہ سب نے دیکھا ہے ، ڈی چوک کو مظاہرین سے خال...
پاکستان تحریک انصاف کے بانی چیئرمین عمران خان نے اسلام آباد اور ڈی چوک پہنچنے والے کارکنان کو شاباش دیتے ہوئے مطالبات منظور ہونے تک ڈٹ جانے کی ہدایت کی ہے۔پاکستان تحریک انصاف کے بانی کے آفیشل ایکس اکاؤنٹ سے عمران خان سے منسوب بیان میں لکھا گیا ہے کہ ’پاکستانی قوم اور پی ٹی آئی...
