... loading ...
... loading ...
کراچی کے این اے 240 کے ضمنی انتخاب میں ایم کیوایم پاکستان نے میدان مارلیا اور اعصاب شکن مقابلہ کے بعد ٹی ایل پی کو شکست دے دی۔ ایم کیوایم پاکستان کے امیدوار محمدابوبکر ووٹ10683 لیکر کامیاب ہوئے جبکہ ان کے مدمقابل تحریک لبیک پاکستان کے امیدوار شہزادہ شہباز 10618ووٹ لیکر دوسرے نمبر رہے۔اس ضمنی انتخاب میں دونوں جماعتوں میں ٹی 20 میچ رہا۔309 پولنگ اسٹیشنز میں ووٹنگ کا تناسب 8.38 فیصد رہا۔یہ غیر حتمی تنائج ہیں ۔قومی اسمبلی کے حلقہ این اے 240 کورنگی میں ضمنی انتخاب کے لیے مجموعی طورپر21 امیدواروں کے مابین مقابلے کے لیے جمعرات کو پولنگ صبح 8 بجے سے شام 5 بجے تک بغیر کسی وقفے کے جاری رہی،مختلف سیاسی جماعتوں کے 6 امیدواروں متحدہ قومی موومنٹ پاکستان کے امیدوارمحمد ابوبکر،پاکستان پیپلزپارٹی کے ناصررحیم لودھی،پی ایس پی کے شبیرقائمخانی،مہاجرقومی موومنٹ کے رفیع الدین فیصل،پی ایس پی کے شہزادہ شہباز سمیت 15 آزاد امیدوار این اے 240 پرمدمقابل تھے تاہم اصل مقابلہ ایم کیوایم ،تحریک لبیک ،پاک سرزمین پارٹی ،مہاجرقومی موومنٹ اورپیپلزپارٹی کے مابین ہوا۔حلقے میں مسلم لیگ ن نے پیپلز پارٹی کے امیدوار کی حمایت کا اعلان کیا، تحریک انصاف نے بائیکاٹ کیا جبکہ جماعت اسلامی نے انتخابی عمل میں حصہ نہیں لیا۔صبح 8 بجے پولنگ کا عمل شروع ہونے کے بعد لانڈھی اورکورنگی کے مختلف پولنگ اسٹیشنز پرکشیدگی دیکھی گئی انتخابی ٹاکرے کے دوران سیاسی پارہ ہائی رہا اور الیکشن میں حصہ لینے والی پارٹیوں کی جانب سے انتخابی عمل کو ہائی جیک کرنے سمیت اپنی اپنی کامیابی کے لئے دیگر منفی ہتھکنڈے اختیار کرنے پرمبنی الزامات کا سلسلہ شروع ہوگیا اورسہہ پرسیاسی جماعتوں کے مابین لفظی گولہ باری تصادم کی شکل اختیارکرگئی۔حلقے کے 5 لاکھ 29ہزار 855ووٹرزجن میں مردووٹرز 2لاکھ 94ہزار 385، جبکہ خواتین 2لاکھ 35ہزار 470 کیلئے 309 پولنگ اسٹیشنزاور1236پولنگ بوتھ بنائے گئے تھے۔ 203 پولنگ اسٹیشنوں کو انتہائی حساس اور 106 کو حساس قراردیا گیا،حلقے کا کوئی ایک پولنگ اسٹیشن بھی نارمل نہیں تھا۔الیکشن کمیشن کی جانب سے 3090افراد پر مشتمل انتخابی عملہ نے پولنگ کی نگرانی کی جن میں 209 پریذائیڈنگ افسران، 1236 اسسٹنٹ پریذائیڈنگ افسران ، 1236 پولنگ افسران او ر309 نائب قاصدتھے شامل تھے ۔ ضمنی انتخاب میں سیاسی جماعتوں اورآزاد امیدواروں سمیت 25 امیدوارمدمقابل تھے پولنگ سے چند گھنٹے قبل جوڑ توڑ کے بعد متعدد آزاد امیدواروں نے انتخاب سے دستبرداری اختیارکرتے ہوئے کئی سیاسی جماعتوں اور برادریوں کے انتخابی میدان میں موجود امیدواروں کی حمایت کا اعلان کردیا۔ آزاد امیدوار عمیر علی انجم ایم کیو ایم امیدوار کے حق میں دستبردار ہوگئے جبکہ آزاد امیدوار نعیم حشمت نے مہاجرقومی موومنٹ کے امیدوارکی حمایت میں دستبرداری ،جمعیت علمائے اسلام (ف)مئیو برادری اور قریشی برادری نے ایم کیو ایم کے امیدوار کی حمایت کا اعلان کیا ہے۔آزاد امیدوار شاہین خان نے مہاجر قومی موومنٹ کے امیدوار کے حق میں دستبرداری کا اعلان کیا۔اس نشست پر2018 کے الیکشن میں ایم کیو ایم کے اقبال محمد علی 61 ہزار 165 ووٹ لے کر کامیاب ہوئے تھے، ان کے 19 اپریل کو انتقال کے باعث سے یہ نشست خالی ہو گئی تھی۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
