... loading ...
... loading ...
سعودی عرب نے پاکستان اور اس کی معیشت کی مسلسل حمایت جاری رکھنے کا اعلان کرتے ہوئے کہا ہے کہ پاکستان کے لئے 3 ارب امریکی ڈالر کی مدت میں توسیع اور اضافہ کیا جائے گا،پیٹرولیم مصنوعات کی فنانسنگ مزید بڑھانے کے امکانات تلاش کیے جائیں گے، پاکستان اور اس کے عوام کے مفاد میں معاشی ڈھانچے کی اصلاحات کے لئے مدد جاری رکھی جائے گی، پاکستان نے بھرپور مدد اور حمایت جاری رکھنے پر سعودی عرب کو زبردست خراج تحسین پیش کیا ہے، دونوں ممالک نے نجی شعبے میں تعاون بڑھانے، انوسٹمنٹ پارٹنر شپس بڑھانے پر اتفاق اتفاق کیا ہے، دونوں ممالک کے کارباری شعبے اور سرمایہ کاروں میں ملاقاتیں اور رابطے بڑھائے جائیں گے، انوسٹمنٹ فورمز منعقد ہوں گے، وزیراعظم محمد شہبازشریف کے دورہ سعودی عرب کے بعد جاری ہونے والے پاک سعودی عرب کے مشترکہ اعلامیہ میں کہا گیا ہے کہ سعودی عرب اور اسلامی جمہوریہ پاکستان کے درمیان استوار قریبی برادرانہ تعلقات کے تناظر میں اسلامی جمہوریہ پاکستان کے وزیراعظم محمد شہبازشریف نے 28 سے 30 اپریل 2022 کو سعودی عرب کا دورہ کیا۔ سعودی عرب کے ولی عہد اور نائب وزیراعظم شہزادہ محمد بن سلمان بن عبدالعزیز آل سعود نے جدہ میں وزیراعظم کا استقبال کیا۔ دونوں اطراف میں باضابطہ سرکاری اجلاس منعقد ہوا جس میں دونوں ممالک کے درمیان استوار تاریخی تعلقات اور تمام شعبہ جات میں قریبی تعاون کا جائزہ لیا گیا اور تمام شعبوں میں تعلقات کو مزید مضبوط بنانے کے طریقوں پر غور کیاگیا۔دوطرفہ تعلقات کے تناظر میں اطراف نے سعودی پاکستانی سپریم کوآرڈینیشن کونسل کے ذریعے امور کار کو مضبوط بنانے، دونوں برادر ممالک کے درمیان تجارتی تبادلوں کو متنوع بنانے اور دونوں ممالک کے نجی شعبوں کے درمیان رابطوں اور بات چیت بڑھانے کی اہمیت پر زور دیا تاکہ تجارت اور سرمایہ کاری کے مواقع کو حقیقی وعملی شراکت داری میں تبدیل کیا جائے۔جاری مشترکہ اعلامیہ کے مطابق سعودی عرب نے اس عزم کا اعادہ کیا کہ وہ پاکستان اور اس کی معیشت کی مسلسل حمایت جاری رکھے گا۔ اس بات چیت میں مرکزی بینک میں جمع کرائے گئے 3 ارب امریکی ڈالر کی مدت میں توسیع کے ذریعے ان میں اضافے، پیٹرولیم مصنوعات کی فنانسنگ مزید بڑھانے کے امکانات تلاش کرنے، پاکستان اور اس کے عوام کے مفاد میں معاشی ڈھانچے کی اصلاحات کے لئے مدد جاری رکھناشامل تھا۔ پاکستان نے بھرپور مدد اور حمایت جاری رکھنے پر سعودی عرب کو زبردست خراج تحسین پیش کیا۔اطراف نے دونوں ممالک کے درمیان سرمایہ کارانہ تعاون کو مزید گہرا کرنے، شراکت داریوں میں اضافے اور دونوں ممالک کے نجی شعبے کے درمیان مل کر سرمایہ کاری کرنے کے امکانات بڑھانے پر اتفاق کیا۔ دونوں ممالک کے درمیان سرمایہ کاری کا ماحول تیار کرنے اور باہمی دلچسپی کے سرمایہ کاری کے متعدد شعبوں میں مشترکہ کوششیں کرنے بھی اتفاق کیا گیا۔ اطراف نے دونوں ممالک کی قیادت کی بصیرت کی روشنی میں اپنے اسٹرٹیجک مفاد میں صنعت اور کان کنی کے شعبوں میں تعاون بڑھانے اور مضبوط بنانے کی اہمیت پر زور دیا جس کا مقصد دونوں ممالک کے درمیان تعاون میں اضافہ کرنا ہے۔ اطراف نے سرمایہ کاری فورمز کے انعقاد پر ارادے کا اظہار کیا تا کہ دنوں ممالک کے کاروباری شعبے میں دستیاب امکانات سامنے لائے جاسکیں، ان پر زور دیا جائے کہ سرمایہ کاری کے مختلف شعبوں میں انوسٹمنٹ پارٹنر شپ کریں، سعودی پاکستانی بزنس کونسل کے اجلاسوں کے ذریعے مل کر کام کریں تاکہ ان مشکلات کو دور کیاجائے جو سرمایہ کاروں کو درپیش آتی ہیں۔ اطراف نے خیرمقدم کیا کہ دونوں ممالک کے سرمایہ کار خوراک وزراعت کی صنعتوں میں مل کر شراکت داریاں کررہے ہیں۔ اطراف نے سعودی عرب کے وژن 2030 کے تحت اکنامک ٹرانسفارمیشن پروگرامز کے ذریعے دونوں ممالک کے درمیان دستیاب امکانات سے متعلق تعاون اور متعدد شعبوں میں نامور پاکستانی ماہرین کے تجربے اور صلاحیتوں سے فائدہ اٹھانے کی اہمیت پر زور دیا تاکہ دونوں ممالک کی معیشتوں کو باہمی طور پر فائدہ پہنچے۔ اطراف نے میڈیا کوآپریشن میں اضافے، ریڈیو، ٹیلی ویژن اور نیوز ایجنسیز کے شعبوں میں تعاون بڑھانے کے علاوہ اس ضمن میں تجربات کے تبادلہ پر اتفاق کیا تاکہ مشترکہ بنیادوں پر ذرائع ابلاغ کو تشکیل دیاجائے۔اعلامیہ کے مطابق ماحولیات کے شعبے میں پاکستان نے سعودی عرب کے ماحولیاتی تغیر، ماحولیاتی مسائل سے نمٹنے اور معیار زندگی کو بہتر بنانے کے لئے کی گئی قابل قدر کوششوں اور اقدامات کو سراہا۔ اطراف نے اس شعبے میں تعاون پر اتفاق کیا۔ اسلامی جمہوریہ پاکستان سعودی عرب کی جانب سے سرسبز سعودی عرب اور سرسبز مشرق وسطی کے اقدامات کا خیرمقدم کرتا ہے۔ سرکلر کاربن اکانومی کے خیال کے تحت عمل درآمد کے ذریعے ماحولیاتی تبدیلی کے شعبے میں سعودی عرب کی کوششوں کی حمایت کی گئی جسے جی 20 کے لیڈروں نے منظور کیاتھا۔ اطراف نے دونوں اقدامات پر عمل درآمد کی خواہش کا اظہار کیا۔اسی تناظر میں اطراف نے ماحولیاتی تبدیلی پر فریم ورک کنونشن اور پیرس معاہدے کے اصولوں کی پاسداری کی اہمیت اور زہریلے دھوئیں اور مواد پر توجہ مرکوز کرتے ہوئے ماحولیاتی معاہدے تیاری کرنے کی ضرورت پر زور دیا۔توانائی کے شعبے میں پاکستان نے خام تیل مصنوعات کی برآمد کی فنانسنگ اور تیل کی فراہمی کے معاہدے میں توسیع کرنے کے سعودی عرب کے فیصلے کا خیرمقدم کیا۔ دونوں ممالک نے ہائیڈروکاربنز، بجلی، ہائیڈروکاربن وسائل کے لئے دھوئیں سے پاک ٹیکنالوجیز، توانائی کو باکفایت بنانے، توانائی سے متعلق مصنوعات کی مقامی تیاری و فراہمی، قابل تجدید توانائی کے منصوبوں پر کام کرنے اور ایسے منصوبے تیار کرنے کہ جن سے سورج اور ہوا سے بجلی پیدا ہو سمیت مختلف شعبوں میں مشترکہ تعاون کے طریقے تلاش کرنے پر اتفاق کیا۔ ان شعبوں میں شراکت داری پر بھی غور کرنے پر اتفاق کیاگیا۔سیاسی تناظر میں اطراف نے علاقائی اور عالمی سطح پر باہمی دلچسپی سے متعلق امور پر تبادلہ خیال کیا اور ایک دوسرے کے مفاد میں تعاون جاری رکھنے کی اہمیت سے اتفاق کیا۔ اطراف نے سلامتی واستحکام، تشدد، انتہاپسندی و دہشت گردی کے خاتمے، اتحاد کے فروغ، خطے کے ممالک کی خودمختاری اور ان کی جغرافیائی سالمیت کی حمایت کرنے کے اپنے عزم کا اعادہ کیا۔ اطراف نے سیاسی تنازعات کے حل کو ترجیح دینے کے اپنے عزم کو بھی دوہرایا تاکہ خطے اور اس کے عوام کو خوش حالی اور ترقی سے ہمکنار کیاجاسکے۔اطراف نے عالمی تنظیموں اور فورمز پر حمایت کے تبادلے اور تعاون جاری رکھنے پر اتفاق کیا اور اقوام متحدہ کے منشور، عالمی قانون کے اصولوں، اچھی ہمسائیگی کے اصولوں پر کاربند ہونے، ریاستوں کی وحدت اور خودمختاری کے احترام، داخلی امور میں عدم مداخلت اور تنازعات کو پرامن ذرائع سے حل کرنے کی کوششوں کے ساتھ تمام ممالک کی وابستگی کی اہمیت پر زور دیا۔اطراف نے یمن میں اتحاد کے قانونی جواز کی حمایت کی کوششوں، سلامتی کونسل کی قرارداد 2216 کے مطابق یمن بحران کے جامع سیاسی حل کے اقدامات، خلیج اقدام اور اس پر عمل درآمد کے طریقہ کار اور نیشنل ڈائیلاگ کانفرنس کے نتائج کی حمایت کا اعادہ کیا۔ اطراف نے سعودی عرب کی سلامتی واستحکام کے لئے حوثی دہشت گرد خطرے، اہم تنصیبات اور شہری املاک کو نشانہ بنانے کے لئے بیلسٹک میزائل داغنے کی مذمت کو دُہرایا اور تیل کی برآمد کی سلامتی اور دنیا کو تیل کی فراہمی کے عمل کے لئے خطرے پر گہری تشویش کا اظہار کیا۔ اطراف نے یمن کے آئین اور خلیج اقدام اور اس کے ایگزیکٹو طریقہ کار کے مطابق جاری کردہ یمن کے سابق صدر کے فیصلے کا خیرمقدم کیاگیا جس میں صدارتی لیڈرشپ کونسل کی تشکیل کا کہاگیا ہے تاکہ عبوری مدت کے لئے اقدامات ہوں، اختیارات کی صدارتی لیڈرشپ کونسل کو منتقلی ہو اور کونسل کو ریاست کے صدر کے تمام اختیارات منتقل کرنے کے فیصلے پر مکمل عمل درآمد ہوسکے تاکہ یہ کونسل اس قابل ہوسکے کہ ان پالیسیوں اور اقدامات پر موثر عمل ہوسکے جن کے نتیجے میں دنیا جمہوریہ یمن میں سلامتی واستحکام کا مقصد حاصل کرسکے۔ اطراف نے عالمی برادری پر زور دیا کہ اقوام متحدہ کی نگرانی میں سیاسی مشاورت میں حوثیوں کی شرکت کو یقینی بنانے کے لئے اقدامات کرے تاکہ حتمی اور جامع سیاسی حل تک پہنچا جاسکے۔مشترکہ اعلامیہ میں کہا گیا ہے کہسعودی عرب نے پاکستان کے بھارت کے ساتھ مسئلہ جموں و کشمیرسمیت تمام تنازعات کا حل تلاش کرنے میں دلچسپی کی نشاندہی سے متعلق بیانات کا خیرمقدم کرتا ہے۔ اطراف نے پاکستان اور بھارت کے درمیان بات چیت کی اہمیت پر زور دیا تاکہ دونوں ممالک کے درمیان تمام مسائل خاص طور پر تنازعہ جموں وکشمیر کو حل کیاجاسکے جس سے خطے میں امن و سلامتی یقینی ہو۔ اطراف نے فلسطین کاز پر ہونے والی پیش رفت پر بات چیت کی اور اس کے سٹیٹس اور عرب اور اسلامی اقوام میں اس کا اسلامی تشخص قائم رکھنے، عالمی سند جواز کے تحت متعلقہ قراردادوں اور عرب امن اقدام کے مطابق جامع اور منصفانہ حل کے حصول کی اہمیت پر زور دیا جس میں 1967 کی سرحدات اور مشرقی یروشلم دارالحکومت کی حامل خودمختار ریاست کے قیام کی فلسطینی عوام کو ضمانت دی گئی ہے۔ شام کے مسئلے پر اطراف نے شام کے بحران کا حل تلاش کرنے کی اہمیت پر زور دیا جو شام کے عوام کی خواہشات کا حمل ہو اور شام کی وحدت اور جغرافیائی سالمیت کو برقرار رکھے۔ انہوں نے شام کے معاملات میں علاقائی مداخلت کو محدود کرنے کی ضرورت پر زور دیا جس کی وجہ سے شام کی سلامتی و استحکام، جغرافیائی سالمیت اور اس کے سماجی تانے بانے کی یکجائی کو خطرات لاحق ہیں اور شام کے لئے اقوام متحدہ کی نمائندہ خصوصی کی کوششوں کی حمایت کی ضرورت ہے۔ اطراف نے عراق کے استحکام اور جغرافیائی سالمیت کی حمایت کی اہمیت پر بھی زور دیا۔اطراف نے افغانستان میں ہونے والی تازہ ترین پیش ہائے رفت پر بھی بات چیت کی اور سلامتی واستحکام کے حصول، افغانستان کی سرزمین کو دہشت گرد گروہوں کی جانب سے محفوظ پناہ کے طور پر استعمال ہونے سے بچانے کی ضرورت سے اتفاق کیا۔ اطراف نے افغانستان پر او۔آئی۔سی وزرا خارجہ کونسل کے غیرمعمولی اجلاس کے فیصلوں پر پیش رفت جاری رکھنے اور اس پر عمل درآمد سے اتفاق کیا تاکہ افغان عوام کو انسانی امداد کی فراہمی اور اس ضمن میں حمایت جاری رہے۔ انہوں نے متحمل اسلامی شریعت میں ضمانت کردہ حقوق کے احترام کی اہمیت پر بھی زور دیا تاکہ افغانستان امن واستحکام سے ہمکنار ہو اور افغان عوام کو امداد کی فراہمی کی مربوط عالمی کوششوں میں تسلسل رہے۔انہوں نے امید ظاہر کی کہ روس اور یوکرین سیاسی تصفیہ تک پہنچ پائیں گے اور یہ بحران ختم ہوگا اور علاقائی وعالمی سطح پر سلامتی واستحکام ممکن ہو گا اور اس کے منفی اثرات کو محدود کیاجاسکے گا۔دورے کے اختتام پر وزیراعظم پاکستان نے خادم الحرمین الشریفین شاہ سلمان بن عبدالعزیز آل سعود، ولی عہد اور ڈپٹی پرائم منسٹر شہزادہ محمد بن سلمان بن عبدالعزیز آل سعود کے علاوہ سعودی عرب کی حکومت کا اپنے اور اپنے وفد کی گرمجوش اور فراخ دلانہ میزبانی پرشکریہ ادا کیا۔ ولی عہد اور نائب وزیراعظم عزت مآب شہزادہ محمد بن سلمان بن عبدالعزیز نے وزیراعظم پاکستان اور برادر ملک پاکستان کے عوام کی مزید ترقی خوش حالی کے لئے نیک تمناؤں اور خیرسگالی کے پرجوش جذبات کا اظہار کیا۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
