... loading ...
... loading ...
افغانستان میں برسراقتدار طالبان کی حکومت کی وزارت خزانہ نے دو دہائیوں بعد قومی بجٹ کا ڈرافٹ تیار کرلیا ہے، جو بغیر بیرونی امداد کے تیار کرلیا گیا ہے۔میڈیا رپورٹ کے مطابق طالبان کے ترجمان نے کہا کہ قومی بجٹ کا ڈرافٹ تیار کیا جاچکا ہے اور یہ بغیر بیرونی امداد کے تیار کیا گیا ہے۔افغانستان کو معاشی بحران کا سامنا ہے اور بدترین بحران کے خدشات کا اظہار کیا جاچکا ہے اور اقوام متحدہ نے غذائی اجناس کی کمی سے خبردار کیا ہے۔وزارت خزانہ کے ترجمان احمد ولی حقمل نے ڈرافٹ کی تفصیلات نہیں بتائیں تاہم یہ بجٹ دسمبر 2022 تک ہوگا تاہم انہوں نے بتایا کہ ڈرافٹ شائع ہونے سے قبل منظوری کے لیے کابینہ کو بھیجا جائے گا۔ایک انٹرویو میں انہوں نے کہا کہ ہم اپنے مقامی سرمایے سے اس کو فنڈ فراہم کرنے کی کوشش کر رہے ہیں اور ہمیں یقین ہے کہ ایسا کرسکتے ہیں۔دوسری جانب افغانستان کو عالمی ڈونرز نے رواں برس اگست میں طالبان کے آنے کے بعد فنڈنگ معطل کردی ہے اور مغربی طاقتیں بیرون ملک موجود اربوں ڈالر کے اثاثے بھی منجمد کرچکی ہیں۔افغانستان کا 2021 کا بجٹ سابق حکومت نے عالمی مالیاتی ادارے (آئی ایم ایف)کی رہنمائی میں تیار کیا تھا، جو 219 ارب افغانی (2.7 ارب ڈالر) امداد اور 217 ارب کے مقامی سرمایے کے باوجود خسارے میں تھا۔رپورٹ کے مطابق اس وقت ڈالر کی قیمت 80 افغانی تھا لیکن طالبان کی واپسی کے بعد کرنسی کی قدر مزید گر گئی ہے اور رواں ہفتے کے شروع میں 130 تک چلی گئی تھی تاہم جمعے کو ڈالر کی قدر 100 افغانی ہوگئی۔احمد ولی حقمل کا کہنا تھا کہ سرکاری ملازمین کو تاحال کئی ماہ کی تنخواہ نہیں ملی لیکن ہم سال کے اختتام پر بقایاجات کی بہتر ادائیگی کے لیے اپنی تمام تر کوشش کر رہے ہیں۔انہوں نے کہا کہ تنخواہوں کا ایک نیا اسکیل بھی تیار کیا جا رہا ہے۔نئی حکومت کے محکمہ سرمایہ نے گزشتہ ماہ کہا تھا کہ ڈھائی مہینوں میں 26 ارب افغانی جمع ہوئے تھے، جس میں 13 ارب کسٹم ڈیوٹی بھی شامل تھی۔محکمے نے غریبوں اور یتیموں کی مدد کے لیے نیااسلامی ٹیکس کا بھی اعلان کیا ہے۔افغانستان کے ایک ماہر معیشت نے شناخت ظاہر نہ کرنے کی شرط پر بتایا کہ نیا بجٹ جلد ہی ختم ہونے کا امکان ہے جو 2021 کی ایک سہ ماہی کیلئے ہے۔ انہوںنے کہاکہ طالبان کہتے ہیں انہوں نے سرحد میں نقل و حرکت پر مزید شفافیت لائی ہے، جس کا مطلب ہے کہ چند مصنوعات ماضی کے مقابلے میں ڈیوٹی پر دھوکا دے رہی ہیں۔ماہر معیشت کا کہنا تھا کہ اگر اس کو درست مان لیا جائے تو زیادہ سے زیادہ سرمایہ 100 ارب افغانی ہوگا کیونکہ بڑھتے خسارے کے باعث ٹیکس وصولی وسیع ہونے کے بعد محدود ہوگی۔واشنگٹن میں قائم بین الاقوامی تھنک ٹینک انٹرنیشنل کرائسز گروپ (آئی سی جی) نے رواں ماہ اپنی ایک رپورٹ میں موسم سرما میں 10 لاکھ افغان بچوں کے بھوک سے مرنے کے خدشات کا اظہار کرتے ہوئے بین الاقوامی برادری سے مطالبہ کیا تھا کہ وہ افغانستان پر پابندیوں میں نرمی کرے تاکہ ریاستی ناکامی اور بڑے پیمانے پر فاقہ کشی سے بچا جاسکے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
