... loading ...
... loading ...
ماضی کے سینئر اداکارطلعت اقبال امریکا میں انتقال کر گئے۔ اہل خانہ نے اداکار طلعت اقبال کے انتقال کی تصدیق کردی ہے اور کہا ہے کہ اداکار کا انتقال امریکا میں ہوا۔ خاندانی ذرائع کے مطابق طلعت اقبال امریکی ریاست ٹیکساس کے شہر ڈیلاس میں زیر علاج تھے، طلعت اقبال بے ہوشی کی حالت میں وینٹی لیٹر پرتھے ۔اس سے قبل طلعت اقبال کی بیٹی صومی حسین نے بتایا تھا کہ کہ ان کے والد کو کورونا نہیں ہوا بلکہ طلعت اقبال کچھ دوائیاں لے رہے تھے تو اس دوران ان کی سانس کی نالی میں گولی پھنس گئی تھی۔خیال رہے کہ طلعت اقبال طویل عرصے سے ٹیکساس میں مقیم تھے جبکہ طلعت اقبال نے 70اور 80کی دہائی میں کئی ڈراموں میں مرکزی کردار ادا کیے اور فلموں میں بھی کام کیا۔
