... loading ...
... loading ...
پاکستان میڈیا ڈیولپمنٹ اتھارٹی کے مسودے پر رپورٹ کی تیاری کے لیے قومی اسمبلی کی قائمہ کمیٹی اطلاعات و نشریات کی مریم اورنگزیب کی سربراہی میں تین رکنی سب کمیٹی قائم کر دی گئی۔ اجلاس کی کارروائی کے دوران چیئرمین کمیٹی میاں جاوید لطیف نے واضح کیا ہے کہ بدقسمتی سے ملک میں طاقتور پر تنقید کو قومی مفاد تصور کیا جاتا رہا ہے۔ ہم ملکی مفاد میں قانون سازی کیلئے تعاون کرنے کو تیار ہیں۔ اجلاس میں وفاقی وزیر اطلاعات و نشریات چوہدری فواد حسین نے انکشاف کیا ہے کہ مسلم لیگ (ن) دور کے میڈیا سے متعلق سزاؤں کے مجوزہ قانون کا ٹائٹل تبدیل کر کے پی ایم ڈی اے لکھ کر اسے پھیلایا گیا۔ جمعرات کو قائمہ کمیٹی اطلاعات و نشریات کا اجلاس میاں جاوید لطیف کی صدارت میں پیمرا ہیڈکوارٹرز میں ہوا۔ جس میں مختلف بلز کا جائزہ لیا گیا۔ صحافیوں پر حملوں، تشدد، گرفتاریوں، ہراساں کرنے کے واقعات کے حوالے سے ایف آئی اے اور وزارت داخلہ و اسلام آباد پولیس کے اعلیٰ حکام کو طلب کیا گیا تھا۔ صحافتی تنظیموں کے نمائندوں نے بھی شرکت کی۔ اہم ایجنڈا آئٹم پی ایم ڈی اے پر بریفنگ دی۔آگاہی دی گئی ہے کہ اتھارٹی کے قانون کی منظوری سے میڈیا سے متعلق دیگر تمام سات قوانین تحلیل ہو جائیں گے۔ فواد چوہدری نے کہا کہ سوال یہ ہے کہ مسلم لیگ (ن) کی قیادت نے پڑھے بغیر مجوزہ اتھارٹی کے مسودے کو مسترد کر دیا ہے۔ واضح کر دینا چاہتا ہوں کہ ابھی کوئی بل نہیں بنا، آرڈیننس نہیں لا رہے۔ پہلی حکومت ہے جو پیشگی اور قبل ازوقت قائمہ کمیٹیوں میں نہ صرف مشاورت کر رہی ہے بلکہ دیگر شراکت داروں کے ساتھ بھی مسودے کو شیئر کیا گیا ہے۔ مسلم لیگ (ن) کے ارکان یہ ضرور آگاہ کریں کہ پارٹی قیادت کے موقف کے بعد ان کی کیا پوزیشن ہے۔ انہوں نے کہا کہ اصل دباؤ یہ ہے کہ ہم اس مسودے سے میڈیا کے کارکنوں کے حقوق کے تحفظ اور فیک نیوز سے متعلق مجوزہ شقیں نکال دیں۔ انہوں نے کہا کہ جو مسودہ بعض حلقوں کی طرف سے پھیلایا گیا ہے وہ مسلم لیگ (ن) کے دور کا میڈیا سے متعلق فوجداری سزاؤں کے مجوزہ قانون کا بل ہے۔ اپوزیشن کے ساتھ کھل کر بات کرنا چاہتے ہیں۔ جہاں اعتراض ہے نشاندہی کریں اور متبادل تجویز دیں۔ وزیراعظم نے ہدایت کی ہے کہ اتفاق رائے سے آگے بڑھیں۔ ہم سب یقینا چاہتے ہیں کہ جعلی خبروں کا سدباب ہو۔ افغان خفیہ اداروں نے ماضی میں پاکستان کے خلاف پراپیگنڈے کے لئے 1700 نوجوانوں کو بھرتی کیا۔ پاکستان کو میڈیا وار گیم کا سامنا ہے۔ ایسا نہیں ہونا چاہئے کہ ہم بغیر پڑھے کسی مسودہ قانون کو مسترد کر دیں۔ مسلم لیگ (ن) کی قیادت کے موقف کے بعد اس جماعت سے تعلق رکھنے والے ارکان کی رائے کا اب کیا فائدہ ہو گا۔ دباؤ صرف یہ ہے کہ ورکروں اور فیک نیوز سے متعلق شقیں نکال دیں۔ انہوں نے کہا کہ ہم ذرائع ابلاغ کے اداروں سے جبری مشقت کا خاتمہ چاہتے ہیں۔ میڈیا کو محدود نہیں کرنا چاہتے۔ آنے والا وقت ڈیجیٹل نیوز کا ہے۔ ہر وہ ڈیجیٹل میڈیا جو رجسٹر ہو گا اس کو اشتہار ملے گا۔ انہوں نے بتایا کہ پاکستان میں کیبل آپریٹرز کی تعداد 4026 ہے۔ ملک میں فلم سازی کی حوصلہ شکنی کی جاتی رہی۔ باہر سے ایک بڑا سرمایہ کار گروپ ہمالیہ پر ایک کوہ پیما کی گمشدگی پر فلم بنانا چاہتا تھا۔ دو سال تک اسے اجازت نامہ ہی نہیں دیا گیا۔ دو ماہ قبل اس گروپ سے بات کی تو کہا کہ اب ہمارے پاس بجٹ نہیں ہے۔ انہوں نے کہا کہ بدقسمتی سے ملک میں تفریح اور صحت کے نام پر لیے گئے ٹی وی چینلز کے لائسنس کا غلط استعمال کیا گیا اور یہ خبروں اور کرنٹ افیئرز کے حوالے سے نشریات دکھا رہے ہیں۔ پاکستان میں دس کروڑ بیس لاکھ موبائل صارفین ہیں۔ پاکستان بہت بڑی مارکیٹ ہے۔ بھارت میں باقاعدہ پاکستان کے خلاف برقی پراپیگنڈے کے لیے نظام قائم کیا گیا ہے بلکہ میڈیا اتھارٹی کے حوالے سے پاکستان کے مجوزہ قانون کے مقابلے میں بھارت کا انتہائی سخت قانون ہے۔ ان کے قانون میں جیلوں میں ڈالنے کی بات کی گئی ہے۔ ڈس انفارمیشن کو ہم روکنا چاہتے ہیں۔ بھارت نے آٹھ سو 75 ویب سائٹس بنا رکھی ہیں جن کے مواد کو بھارتی سرکاری خبررساں ادارے کے ذریعے پھیلایا جاتا ہے۔ انہوں نے پاکستان میڈیا ڈیولپمنٹ اتھارٹی کے مجوزہ مسودے کی تفصیلات سے آگاہ کیا اور بتایا کہ 09 رکنی میڈیا کمیشن میں چار ارکان کا تعلق حکومت، چار ارکان کا تعلق اے پی این ایس، پی بی اے، پریس کلب اور پی ایف یو جے سے ہو گا۔ نیٹ فلیکس کے حوالے سے بھی بات کی ہے کہ کم از کم پاکستان کا مواد بھی شامل کیا جائے۔ چیئرمین کمیٹی جاوید لطیف نے کہا کہ ہم ریاست کے مفاد کے ساتھ ہیں لیکن قومی مفاد کے نام پر جو کام ہوتا رہا ہے اس سے ہم سب آگاہ ہیں۔ قومی مفاد یہ تصور کر لیا گیا کہ میں طاقتور ہوں۔ مجھے طاقتور رہنا چاہئے۔ کسی کے سامنے جوابدہ نہیں ہوں اور تنقید پاکستان کے خلاف ہے۔ درحقیقت ہم سوچ اور تصور کے خلاف ہیں۔ سب آئین و قانون کے سامنے جوابدہ ہیں اور کمیٹی اس حوالے سے ہرممکن تعاون کرنے کے لیے تیار ہے۔ ہم میڈیا کی آزادی کو مضبوط دیکھنا چاہتے ہیں۔ قانون کے غلط استعمال کے تحفظات کے حوالے سے بات ہونی چاہئے۔ اتفاق رائے سے مریم اورنگزیب کی سربراہی میں مجوزہ منصوبے پر رپورٹ کی تیاری کے لیے تین رکنی سب کمیٹی قائم کر دی گئی ہے۔ دیگر ارکان میں کنول شوذب اور ناز بلوچ شامل ہیں۔ سب کمیٹی میں تمام متعلقہ شراکت داروں کو مدعو کیا جا سکے گا۔ بعدازاں اس خبررساں ادارے سے بات چیت کرتے ہوئے فواد چودھری نے کہا کہ میڈیا ورکرز کے تحفظ کی راہ میں اپوزیشن رکاؤٹ ہے۔ قانون ہو گا تو حکومت ورکرز کے تحفظ کے لیے اقدامات کرے گی۔ ہم قانون بنانا چاہتے ہیں قانون نہیں ہے، قانون ہو گا تو ہم ورکرز کے تحفظ کے اقدامات کریں گے۔ میں کوئی مارشل لاء ایڈمنسٹریٹر تو نہیں۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
