... loading ...
... loading ...
سپریم کورٹ نے صحافیوں کو ہراساں کیے جانے سے متعلق درخواستوں پر 30 اگست کی سماعت کا تحریری حکم نامہ جاری کر دیا ہے ۔ جسٹس اعجاز الاحسن ، جسٹس منیب اختر اور جسٹس قاضی محمد امین پر مشتمل تین رکنی بینچ نے اپنے حکم میں لکھا ہے کہ عمران شفقت و دیگر بنام ریاست ازخود نوٹس نمبر 5/2021 میں درخواست گزاران ذاتی حیثیت میں پیش ہوئے ۔ عدالت نے حکم میں لکھا ہے کہ سابق صدر پریس ایسوسی ایشن آف سپریم کورٹ عبد القیوم صدیقی روسٹرم پر آئے اور موقف اپنایا کہ وہ اپنی درخواست کی پیروی نہیں کرنا چاہتے اس لیے وہ اپنی حد تک درخواست واپس لینا چاہتے ہیں ۔ ہم نے عبد القیوم صدیقی کو ہدایت کی ہے کہ وہ اور دیگر درخواست گزار صحافی جو عدالت میں موجود ہیں اگر اپنی درخواستیں واپس لینا چاہتے ہیں تو وہ دفتر میں اپنی درخواستیں جمع کرائیں ۔ عدالت نے قرار دیا ہے کہ ان درخواست گزاروں کے سامنے اس امر کی نشاندہی کی گئی ہے کہ اب اس معاملے میں آئین کے آرٹیکل 184/3 کا اطلاق کر دیا گیا ہے اور اس معاملے کو سننے کے لیے تین رکنی بینچ تشکیل دے دیا گیا ہے جو اس معاملے کی اسی معلومات کی روشنی میں سماعت کرے گا جو ان درخواستوں کے ذریعے عدالت کے نوٹس میں آیا ہے ۔ فیصلے میں کہا گیا ہے کہ قائم مقام چیف جسٹس کی جانب سے آئین کے آرٹیکل 184/3 کے تحت اس عدالت کو حاصل اختیار کی اطلاع کر دی گئی ہے ۔ یہ عدالت ان شکایات اور معاملات کے حوالے سے انکوائری کرے گی اور اس معاملے میں عدالت آئینی اور شہریوں کے بنیادی حقوق کے محافظ کے طور پر اپنا آئینی دائرہ اختیار استعمال کرے گی تاکہ ایسے حقوق کا مکمل تحفظ کیا جا سکے ۔ اپنے حکم میں عدالت نے لکھا ہے کہ اس مقصد کے حصول کے لیے ڈ ائریکٹر جنرل ایف آئی اے ، چیئرمین پیمرا اور انسپکٹر جنرل پولیس اسلام آباد کو نوٹس جاری کر دئیے ہیں انہیں ہدایت کی جاتی ہے کہ وہ آئندہ سماعت پر ذاتی حیثیت میں پیش ہوں ۔ عدالت نے اٹارنی جنرل پاکستان اور ایڈووکیٹ جنرل اسلام آباد کو بھی نوٹس جاری کیے ہیں اور انہیں ہدایت کی ہے کہ وہ آئندہ سماعت پر عدالت کی معاونت کریں ۔ عدالت نے اپنے حکم میں لکھا ہے کہ ہمیں بتایا گیا ہے کہ سپریم کورٹ میں جاری اس معاملے سے متعلق ایک کیس اسلام آباد ہائی کورٹ میں زیر سماعت ہے ۔ ڈپلیکیشن یا اوورلیپ سے بچنے کے لیے ہم مناسب سمجھتے ہیں کہ رجسٹرار اسلام آباد یا ہائی کورٹ کو ہدایت کریں کہ ہائی کورٹ میں زیر التواء کیس سے متعلق رپورٹ طلب کریں جس میں وہ بتائیں کہ اس کیس کی کیا نوعیت اور کیا اسکوپ ہے ۔ اس کیس کی سماعت کس مرحلے پر ہے ۔ عدالت نے رجسٹرار اسلام آباد ہائی کورٹ کو ہدایت کی ہے کہ زیر سماعت درخواست کی کاپی اور اس میں اب تک جاری کئے گئے احکامات پر مشتمل مفصل رپورٹ پیش کریں ۔فیصلے میں عدالت نے قرار دیا ہے کہ عدالت کو دستیاب معلومات یا وقت کے ساتھ ساتھ جو بھی معلومات فراہم کی جائیں گی ان کی روشنی میں یہ عدالت آزادی صحافت کے حوالے سے مسائل اور مبینہ طور پر صحافیوں کے بنیادی حقوق کی خلاف ورزی کی نشاندہی کر کے مناسب احکامات جاری کرے گی تاکہ بنیادی حقوق کا تحفظ کیا جا سکے اور بنیادی حقوق کی فراہمی یقینی بنائی جا سکے ۔ آئین کے مطابق یہ عمل صرف اظہار رائے اور پریس کی آزادی تک محدود نہیں ہو گا ۔ عدالت نے قرار دیا ہے کہ پہلے ہم نے یہ معاملہ 15 ستمبر کو عدالت میں سماعت کے لیے مقرر کیا تھا لیکن آرڈر پر دستخط ہونے سے پہلے یہ معاملہ سامنے آیا کہ ہم میں سے ایک جج جسٹس اعجازالاحسن اس تاریخ پر دستیاب نہیں ہوں گے اس لیے کیس کی سماعت کی تاریخ تبدیل کر کے 13 ستمبر کر دی گئی ہے ۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
