... loading ...
... loading ...
ایچ بی ایل پاکستان سپر لیگ 6 ابوظہبی کے شیخ زید اسٹیدیم میں پوری آب و تاب سے جاری ہے ،جہاں لیگ میچز کا مرحلہ مکمل ہو چکا ہے ، گزشتہ شب مکمل ہونے والے لیگ مرحلے کے آخری میچ میں پوائنٹس ٹیبل میں ٹاپ پوزیشن حاصل کرنے والی اسلام آباد یونائیٹڈ نے آخری اوور میں ملتان سلطان کو شکست سے دوچار کیا۔ یہ میچ دونوں ٹیموں کے لیے کوالفائینگ مرحلے سے قبل ریہرسل کی سی حیثیت رکھتا تھا،اب یہی دونوں ٹیمیں (آج) 21 جون بروز پیر کو ابوظہبی کے شیخ زید اسٹیدیم میں پہلے کوالیفائر میں مدمقابل آئیں گی۔ایونٹ کے 30 لیگ میچز میں سے 14 میچ کراچی کے نیشنل اسٹیدیم میں کھیلے گئے تھے ، کوویڈ 19 کے سبب4مارچ کو ایچ بی ایل پاکستان سپر لیگ کے بقیہ میچز کو ملتوی کردیا گیا تھاتاہم پاکستان کرکٹ بورڈ نے فرنچائزز ایمرٹیس کرکٹ بورڈ اور ابوظہبی کے کرکٹ حکام کی مشترکہ کوششوں کے نتیجے میں ٹورنامنٹ کے بقیہ میچز دوبارہ سے 9 جون سے کروانے کا اعلان کیا۔لیگ مرحلے کے بقیہ 16 میچز 9 سے 19 جون تک ابوظہبی کے شیخ زید اسٹیڈیم میں کھیلے گئے ۔ جہاں دو مرتبہ کی چیمپئین اسلام آباد یونائیٹڈ نے 8 میچز جیت کر پوائنٹس ٹیبل میں پہلی پوزیشن حاصل کی۔کراچی میں کھیلے گئے میچز میں ملتان سلطانز کی ٹیم دو پوائنٹس کے ساتھ پانچویں پوزیشن پر براجمان تھی تاہم ملتان سطانز نے ابوظہبی میں کھیلے گے میچز میں زبردست پرفارمنس کا مظاہرہ کیا اور پانچ میں سے چار میچ جیت کر دس پوائنٹس حاصل کر کے پوائنٹس ٹیبل پر دوسری نمبر جگہ حاصل کرلی۔لاہور قلندرز یہاں دباؤ کا شکار نظر آئی، لاہور قلندرز لیگ مرحلے میں پانچ میچز جیت کر پوائنٹس ٹیبل میں ٹاپ پر موجود تھی، اسے ابوظہبی میں مسلسل چار شکستوں کا سامنا کرنا پڑا۔ اب لاہور قلندرز پلے آف مرحلے سے باہر ہو چکے ہیں،یہ پانچویں مرتبہ ہے کہ قلندرزپلے آف مرحلے تک رسائی حاصل کرنیمیں ناکام رہے ۔2019کے ایڈیشن کی چمپئن کوئٹہ گلیڈی ایٹرز چار پوائنٹس کے ساتھ سب سے آخری پوزیشن پر موجود ہیگلیڈی ایٹرز نے دس میچز میں سے دو جیتے جبکہ آٹھ میچز میں انہیں شکست کا سامنا کرنا پڑا۔ کوالیفائیر اسلام آباد یونائیٹڈ بامقابلہ ملتان سلطانز،ابوظہبی میں کھیلے جا رہے لیگ میچز کے مرحلے میں اسلام آباد یونائیٹڈ کو پہلے میچ شکست کا سامنا کرنا پڑا تھا۔ شاداب خان کی قیادت میں کھیلنے والی اسلام آباد یونائیٹڈ نے پھر مسلسل پانچ میچز میں فتوحات حاصل کیں، اس طرح ان کی ٹیم دس میں سے آٹھ میچز جیت گئی۔ کراچی میں کھیلے گئے لیگ مرحلے میں انہوں نے چار میں سے تین میچز جیت رکھے تھے ۔غیر ملکی کھلاڑیوں میں عثمان خواجہ اور کولن منرو نے اسلام آباد یونائیٹڈ کی کارکردگی میں اہم کردار ادا کیا۔ عثمان خواجہ واحد کھلاڑی ہیں جنہوں نے ابوظہبی میں جاری حالیہ میچز میں سنچری اسکور کی، اس ہائی اسکورنگ میچ میں اسلام آباد یونائیٹڈ نے ان کی زیرقیادت پشاور زلمی کے خلاف فتح حاصل کی۔ابوظہبی میں کھیلے گئے پانچ میچوں میں عثمان خواجہ اور کولن منرو نے بالترتیب 175 اور 241 رنز بنائے ۔ آصف علی اور افتخار احمد نے مڈل آرڈر میں اپنی پرفارمنس سے جیت میں اہم کردار ادا کیا۔اسلام آباد یونائیٹد کے باؤلرز میں حسن علی آٹھ میچوں میں 12 وکٹیں حاصل کر چکے ہیں، ابھرتے ہوئے نوجوان فاسٹ باؤلر محمد وسیم ایچ بی ایل پی ایس ایل 6 میں اپنے ڈبیو سیزن میں نو میچوں میں 11 وکٹیں حاصل کر چکے ہیں۔ ملتان سلطانز کی قیادت محمد رضوان کر رہے ہیں. سلطانز کا سیزن میں آغاز خاصہ مایوس کن رہا وہ پانچویں پوزیشن پر موجود تھے مگر ابوظہبی میں لیگ مرحلے کے اختیام پر ان کی ٹیم دوسرے نمبر پر جگہ بنانے میں کامیاب ہو چکی ہے ۔محمد رضوان چار نصف سنچریوں کی بدولت 470 رنز بنا کر اپنی سائیڈ میں لیڈ کر رہے ہیں۔ صہیب مقصود دس میچوں میں 304 رنز بنا چکے ہیں۔سلطانز کے ایمرجنگ کھلاڑی شاہنواز دھانی نے شاندار کارکردگی کا مظاہر ہ کرتے ہوئے نو میچوں ں میں 20 وکٹیں حاصل کیں ہیں، چھٹے ایڈیشن میں اب تک وہ سب سے زیادہ وکٹیں لینے والے باؤلر ہیں۔دھانی کو دو مرتبہ پلئیر آف دی میچ کا ایوارڈ بھی مل چکا ہے ۔پشاور زلمی بامقابلہ کراچی کنگز، پشاور زلمی کے شعیب ملک روان سیزن میں اپنی ٹیم کی طرف سے سب سے زیادہ رنز بنانے والے کھلاڑی ہیں. انہوں نے دس میچوں میں 244 رنز بنائے ۔ شعیب ملک نے قلندرز اور اسلام آباد یونائیٹڈ کے خلاف ہاف سنچریاں اسکور کر کے اپنی ٹیم کے نیٹ ریٹ کو بہتر بنانے میں اہم کردار ادا کیا۔وہاب ریاض نے اپنی ٹیم کی طرف سے نو میچوں میں 14 وکٹیں حاصل کیں۔دفاعی چمپئن کراچی کنگز کو ابوظہبی میں جاری رواں ایڈیشن کے پہلے تین میچوں میں شکست کا سامنا کرنا پڑا۔ کراچی کنگز نے نویں میچ میں قلندرز کے خلاف آخری اوور میں فتح حاصل کی۔ ہفتے کو کوئٹہ گلیڈی ایٹرز کے خلاف کھیلے گئے میچ سے پہلے وہ چوتھی پوزیشن پر موجود تھے اگر وہ یہ میچ ہار جاتے تو ان کی روایتی حریف لاہور قلندرز پلے آف مرحلے میں پہنچ جاتی۔کراچی کنگز کے بابر اعظم ایچ بی ایل پاکستان سپر لیگ کے چھٹے ایڈیشن میں 501 رنز بنا کر پہلی پوزیشن پر براجمان ہیں۔ بابر اعظم نے چھ ہاف سنچریاں بنائیں بابر اعظم کے اوپننگ پارٹنر شرجیل خان نے 312 رنز بنائے ۔ایمرجنگ کھلاڑی ارشد اقبال کراچی کی طرف سے آٹھ وکٹیں حاصل کر چکے ہیں۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
