... loading ...
... loading ...
کمپٹیشن کمیشن آف پاکستان (سی سی پی) نے 19 پولٹری فیڈ ملوں کوکارٹیلائزیشن، ساز باز کرنے ، بادی النظر میں کمپٹیشن مخالف سرگرمیوں میں ملوث ہونے اور کمپیٹیشن ایکٹ کے سیکشن 4کی خلاف ورزی پر شو کاز نوٹس جاری کردیا ہے ۔سی سی پی نے پولٹری فیڈ کی قیمتوں میں اضافے کی شکایات موصول ہونے پر سو موٹو نوٹس لیتے ہوئے پولٹری فیڈ سیکٹر میں مشتبہ کمپیٹیشن مخالف سرگرمیوں پر انکوائری کا آغاز کیا تھا۔مارکیٹ زرائع سے اکٹھے کیے گئے اعدادوشمار سے بھی ظاہر ہوتا ہے کہ پولٹری فیڈ کی قیمتوں میں بیک وقت اضافہ ہوا اور قیمتوں میں اوسطاََ اضافہ بھی ایک جیسا ہی دکھائی دیا جو کہ ساز باز سے اکٹھے کئے گئے فیصلوں کو شبہ دیتا ہے اور بادی النظر میں کمپیٹیشن ایکٹ کے سیکشن 4کی خلاف ورزی کو ظاہر کرتا ہے ۔ سی سی پی انکوائری کے مطابق دسمبر 2018 سے دسمبر 2020 کے درمیان فیڈ ملوں نے آپس میں ملی بھگت کر کے پو لٹری فیڈ کی قیمتوں میں اوسطا 825 روپے فی 50 کلوگرام بیگ یعنی 32 فی صد اضافہ کیا ۔ مزید برآں ، ستمبر 2020 کے پاکستان کے ادارہ برائے شماریات کے اعداد و شمار سے پتہ چلتا ہے کہ مرغی کی قیمتوں میں 18.31 فیصد اور انڈوں کی قیمتوں میں 5.2 فیصد کا اضافہ ہو ۔ یہ اضافہ پولٹری فیڈ کی قیمتوں میں 100 روپے فی بیگ اضافہ کے ساتھ ہوا ۔اکتوبر 2020 میں ، پولٹری فیڈ ملوںکے ایک اور اضافے کے بعد ( یعنی لیر کی قیمتوں میں 125 روپے فی 50 کلو بیگ اور برائلر فیڈ کی 175 روپے فی 50 کلو بیگ اضافہ) مرغی کی قیمتوں میں 26.62 فیصد اور انڈوں کی قیمتوں میں 23.81 فیصد کا اضافہ ہوا۔ نومبر 2020 میں ، پولٹری فیڈ کی قیمتوں میں ایک بار پھر 150روپے فی 50 کلو گرام بیگ کا اضافہ ہوا جس کے بعد ، مرغی اور انڈوں کی قیمتوں میں بالترتیب 20.76 فیصد اور 5.23 فیصد کا اضافہ ہوا۔ دسمبر 2020 میں ، پولٹری فیڈ کی قیمتوں میں ایک اور 250 روپے فی 50 کلو گرام بیگ کا اضافہ ہوا جس کے بعد مرغی اور انڈوں کی قیمتوں میں بالترتیب 3.21 فیصد اور 14.08 فیصد کا اضافہ ہوا۔ مذید براں ، سی سی پی کو مختلف زرائع سے معلوم ہوا تھا کہ چند اہم پولٹری فیڈ ملز مختلف مقامات پر ایک دوسرے سے ملاقات کر کے فیڈ کی قیمتوں کی پرائس فکسنگ میں ملوث ہیں ۔ اس لئے سی سی پی نے رواں برس فروری میں لاہور اور راولپنڈی میں دو اہم پولٹری فیڈ ملز کے دفاتر کا سر چ اور انسپکشن کر کے اہم ریکارڈ قبضے میں لے لیا تھا۔ اس ضبط شدہ ریکارڈ سے معلو م ہوا کہ 19 فیڈ ملوں کے عہدیدار ان ایک فعال واٹس ایپ گروپ کا استعمال کررہے تھے جہاں ایک فیڈ پروڈیوسر قیمت میں ایک خاص حد تک اضافے کا اعلان کرتا تھا اور باقی تمام عہدیدار ان اس پر عمل پیرا ہونے پر اپنی رضامندی کا اظہار کرتے تھے ۔ قیمت پر تبادلہ خیال میں نہ صرف اضافے کی مقررہ تاریخ بلکہ قیمت میں کتنا اضافہ کرنا ہے بھی شامل تھا۔ ان تبادلہ خیال اور فیصلوں پر باقاعدہ عمل درامد کیا گیا ، جس کا ثبوت ان کمپنیوں کی آفیشل قیمتوں کی فہرستوں سے بھی ملتا ہے ۔ یہ بھی معلوم ہوا کہ دسمبر 2018 اور دسمبر 2020 کے درمیان قیمتوں میں باقاعدہ ساز باز کر کے تبدیلی کی گئی۔ اس لئے فیڈ ملوں کو شو کاز نوٹس جاری کرتے ہوئے 14دنوںمیں جواب دینے کا کہا گیا ہے ۔یہاں یہ بات قابل زکر ہے کہ کمپیٹیشن ایکٹ کے سیکشن 4کی خلاف ورزی پر سی سی پی ایسوسی ایشنز پر ساڑھے سات کروڑ روپے اور کسی کاروباری کمپنی پر ساڑھے سات کروڑ روپے یا سالانہ حجم کا 10فی صد تک جرمانہ عائد کر سکتا ہے ۔وہ کمپنیاں جن کے خلاف قانونی کاروائی چل رہی ہو وہ سی سی پی نرمی ریگولیشنز (Leniency Regulations) کے تحت جرمانے میں کمی یا مکمل معافی کے لئے آپس میں مقابلہ کر سکتی ہیں بشرطیکہ وہ سی سی پی کو زیر التوا معاملے پر اضافی اہم معلومات فراہم کر یں اور سی سی پی اس کو قبو ل کرے ۔سی سی پی کو کمپیٹیشن ایکٹ کے تحت یہ اختیار حاصل ہے کہ وہ تمام معاشی اور تجارتی سرگرمیوں میں کمپیٹیشن کو ممکن بنائے اور صارفین کو کمپیٹیشن مخالف سرگرمیوں سے بچانے کے لیے اقدامات کرے ۔
مغربی افریقہ کے راستے غیر قانونی طور پر اسپین جانے والے کشتی حادثے کا شکار ہوگئی ہے جس کے نتیجے میں 50افراد جاں بحق ہوگئے، جن میں 44پاکستانی بھی شامل ہیں۔غیر ملکی میڈیا کے مطابق تارکین وطن کے حقوق کے لیے کام کرنے والی تنظیم واکنگ بارڈرز نے کہا کہ مغربی افریقہ سے کشتی کے ذریعے اسپ...
پاکستان تحریک انصاف نے حکومت کی مذاکراتی کمیٹی کے ساتھ ہونے والی تیسری ملاقات میں اپنا چارٹر آف ڈیمانڈ تحریری شکل میں پیش کردیا جس میں پی ٹی آئی نے 2الگ الگ انکوائری کمیشن بنانے کا مطالبہ کیا ہے۔اسپیکر قومی اسمبلی سردار ایاز صادق کی سہولت کاری میں حکومت اور پی ٹی آئی کی مذاکرات...
پاکستان تحریک انصاف کے بانی اور سابق وزیراعظم عمران خان نے پی ٹی آئی کے چیئرمین بیرسٹر گوہر اور وزیر اعلی خیبر پختونخوا علی امین گنڈا پور کی آرمی چیف جنرل عاصم منیر سے ملاقات کو خوش آئند قرار دیا ہے۔بانی پی ٹی آئی عمران خان سے ملاقات کے بعد اڈیالہ جیل کے باہر غیر رسمی گفتگو ک...
سیکیورٹی ذرائع نے دعویٰ کیا ہے کہ آرمی چیف جنرل عاصم منیر اور چیئرمین پی ٹی آئی بیرسٹر گوہر کے درمیان ملاقات خیبر پختونخوا میں سیکیورٹی اور انسداد دہشت گردی معاملات کے تناظر میں ہوئی، چیئرمین پی ٹی آئی نے سیاسی معاملات پر گفتگو کی کوشش کی جس پر انہیں سیاست دانوں سے بات کرنے کا مش...
سپریم کورٹ میں فوجی عدالتوں میں سویلینز کے ٹرائل کے فیصلے کے خلاف انٹرا کورٹ اپیل پر سماعت کے دوران جسٹس حسن رضوی نے ریمارکس دیے ہیں کہ عدالت دیکھنا چاہتی ہے کہ ٹرائل میں شہادتوں پر کیسے فیصلہ ہوا۔جسٹس امین الدین خان کی سربراہی میں 7رکنی آئینی بینچ نے کیس کی سماعت کی۔وزارت دفاع ک...
ڈی آئی خان : پارا چنار جانے والے گاڑیوں کے قافلے پر ایک بار پھر فائرنگ ہوئی، سکیورٹی اہل کاروں نے جوابی فائرنگ میں 6دہشت گردوں کو مارڈالا جب ایک جوان شہید اور چار زخمی ہوگئے، قافلہ واپس ٹل روانہ ہوگیا۔ لوئر کرم بگن میں پاراچنار جانے والے گاڑیوں پر ایک بار پھر فائرنگ کا واقعہ پیش ...
آئی ایس پی آر نے کہا ہے کہ بھارتی آرمی چیف کا پاکستان کو دہشت گردی کا مرکز قرار دینے کا بیان منافقت کی کلاسیکل مثال ہے، ایک سینئر بھارتی فوجی افسر پاکستان میں دہشت گردی کرتے ہوئے پکڑا گیا بھارتی جنرل نے اس بات کو مکمل نظر انداز کردیا۔اپنے بیان میں کہا ہے کہ آئی ایس پی آر نے کہ...
فوجی عدالتوں میں سویلینز کے کیسز کی سماعت سے متعلق کیس میں جسٹس جمال خان مندوخیل نے استفسار کیا ہے کہ فوجی عدالت میں دہشت گردوں کے ٹرائل کے لیے آئین میں ترمیم کیوں کرنا پڑی؟گٹھ جوڑ اور آرمی ایکٹ ہوتے ہوئے بھی ملٹری ٹرائل کیوں نہیں ہوا؟فوجی عدالتوں میں سویلینز کے کیسز سے متعلق مقد...
وزارت توانائی نے کے الیکٹرک صارفین سے 8 مختلف قسم کے ٹیکسز وصول کیے جانے کا اعتراف کر لیا۔کے الیکٹرک کی جانب سے بجلی بلوں پر وصول کیے جانے والے ٹیکسز کی تفصیلات قومی اسمبلی میں پیش کر دی گئیں جس میں انکشاف ہوا کہ صارفین سے 4 مختلف قسم کے جی ایس ٹی وصول کیے جاتے ہیں۔دستاویز کے مطا...
وزیراعلیٰ کا احتجاج کام کرگیا،نائب وزیراعظم اسحاق ڈار نے مراد علی شاہ کو فنڈز کے اجرا کی یقین دہانی کرادی۔وزیراعلی سندھ مراد علی شاہ کی وزیر خارجہ اسحاق ڈار سے ملاقات ہوئی جس میں فنڈز کے اجرا پر گفتگو کی گئی۔مراد علی شاہ کے ہمراہ نوید قمر، وزیر منصوبہ بندی سندھ، چیف سیکرٹری سندھ ...
شہریوں کو ایندھن استعمال کرنے والی گاڑیوں سے الیکٹرک گاڑیوں پر منتقل کرنے کے لیے حکومت نے بڑا فیصلہ کرلیا۔وفاقی وزیر توانائی سردار اویس احمد خان لغاری نے پریس کانفرنس کرتے ہوئے بتایا کہ عوام کے لیے بجلی کی قیمت کم کرنے اور ایندھن والی گاڑیوں کے مقابلے میں الیکٹرک گاڑیوں پر منتقل ...
سندھ ہائی کورٹ نے ایم ڈی اے اور کے ڈی اے کے مرحوم ملازم کے واجبات کی عدم ادائیگی کے خلاف درخواست پر ڈی جی کے ڈی اے کی عدم پیشی پر قابل ضمانت وارنٹ گرفتاری جاری کردیئے ۔عدالت کا ڈی جی کے ڈی اے کو پچیس ہزار کے مچلکے جمع کروانے کا حکم دے دیا۔عدالت کا ایس ایس پی شرقی کو وارنٹ کی تعمی...
