... loading ...
... loading ...
صدر ایران ڈاکٹر حسن روحانی نے کہا ہے کہ تہران، ایٹمی معاہدے میں کسی بھی قسم کی تبدیلی یا ارکان کی تعداد میں اضافے کو ہرگز قبول نہیں کرے گا۔ایرانی میڈیا کے مطابق بدھ کو کابینہ کے اجلاس سے خطاب کرتے ہوئے صدر ایران ڈاکٹر حسن روحانی نے کہا ہے کہ میں عالمی برادری اور ایٹمی معاہدے کے موجودہ ارکان پر واضح کردینا چاہتا ہوں کہ جامع ایٹمی معاہدے کی کسی شق میں تبدیلی آئے گی اور نہ ہی اس کے ارکان کی تعداد میں اضافہ ہوگا۔صدر ایران نے یہ بات زور دے کر کہی کہ ہوسکتا ہے کہ ایٹمی معاہدے کے ارکان کی تعداد چار جمع ایک سے بڑھ کر دوبارہ پانچ جمع ایک ہوجائے لیکن یہ تعداد پانچ جمع دو ہرگز نہیں ہوگی، لہذا اس طرح کی غیر ضروری باتوں سے گریز کیا جائے ۔صدر ایران کا اشارہ اپنے فرانسیسی ہم منصب امانوئیل میکرون کے اس بیان کی جانب تھا جس میں انہوں نے ایٹمی معاہدے میں سعودی عرب جیسے ممالک کی شمولیت کو ضروری قرار دیا ہے ۔ڈاکٹر حسن روحانی نے ایٹمی معاہدے میں واپسی کے تعلق سے امریکی عہدیداروں کے پس وپیش کا ذکر کرتے ہوئے کہا کہ آنا ہے تو آ ورنہ اپنے کام سے کام رکھو۔ صدر ایران کا کہنا تھا کہ ، ایٹمی معاہدہ سخت کوششوں کے بعد طے پایا ہے اور یہ کوئی آسان کام نہیں تھا، لہذا اگر آنا ہے تو” اہلا وسہلا” معاہدے میں واپس آجا، ورنہ اپنے کام سے کام رکھو ، ہم بھی اپنے راستے پر چلتے رہیں گے ۔انہوں نے بڑی صراحت کے ساتھ کہا کہ، امریکیوں کو یاد رکھنا چاہیے کہ وہ اب تک سلامتی کونسل کی قراداد بائیس اکتیس کی خلاف ورزی کرتے آئے ہیں لہذا انہیں ایٹمی معاہدے پر عملدرآمد کی بات کرنے کا حق نہیں ہے ۔ان کا کہنا تھا کہ قرارداد بائیس اکتیس کا تعلق صرف ایران سے نہیں بلکہ یہ قرارداد سلامتی کونسل کی متفقہ قرارداد ہے لہذا امریکہ اس پر عملدرآمد میں جتنی دیر کرے گا اس کا جرم اتنا ہی سنگیں ہوتا جائے گا۔کیونکہ وہ ہے جو اس کی خلاف ورزی کر رہا ہے ۔صدر ایران نے امریکی حکام کو مخاطب کرتے ہوئے کہا کہ، میں تم سے کہتا ہوں کہ قانون اور قراداد 2231 میں واپس آجا، اگر آگئے تو ہم بھی مکمل طور پر اپنے وعدوں پر عمل کریں گے ، ہم نے ایٹمی معاہدے کی خلاف ورزی نہیں کی جو اس کی اصلاح کریں، ہم اس معاہدیسے خارج نہیں ہوئے جو اس میں واپس آئیں۔انھوں نے کہا کہ اس معاہدے کے سات ارکان تھے اور ہم چھٹی نشست پر بدستور بیٹھے ہیں، ایک رکن کو وقتی جنون طاری ہوگیا تھا وہ باہر نکل گیا ، اب اس کی عقل تھوڑی بہت ٹھکانے پر آئی ہے تو اسے اپنی نشست پر واپس آجانا چاہیے ۔صدر ایران نے کہا کہ اگر ہم نے ایٹمی معاہدے میں امریکہ کی واپسی اور نیک نیتی کا مشاہدہ کیا تو ہم بھی نیک نیتی سے اس کا جواب دیں گے ۔ ہمیں امید ہے کہ تمام ممالک، دنیا اور خطے کے مفاد کو مد نظر رکھیں گے تاکہ سب کے مفادات کے تحفظ کا ہدف پورا ہوسکے ۔اس سے پہلے ایران کے وزیر خارجہ ڈاکٹر محمد جواد ظریف نے امریکی ٹیلی ویژن سی این این کو دیئے گئے اپنے انٹرویو میں ایٹمی معاہدے میں امریکہ کی واپسی پر زور دیا تھا۔ایران کے وزیر خارجہ کا کہنا تھا کہ اگر امریکہ ایٹمی معاہدے میں واپس آکر اس کی پابندی کرتا ہے تو ایران بھی اپنے حصے کے اقدامات پر دوبارہ عمل شروع کردے گا۔درایں اثنا یورپی یونین کے ترجمان پیٹر استانو نے سعودی عرب کے سرکاری ٹی وی چینل العربیہ کو انٹرویو دیتے ہوئے کہا ہے کہ ایٹمی معاہدے میں امریکہ کی واپسی ہماری ترجیحات میں سر فہرست ہے ۔انہون نے ایٹمی معاہدے سے امریکہ کی علیحدگی اور ایران کے اقدامات کی جانب اشارہ کرتے ہوئے کہا ہے کہ اگر امریکہ ایٹمی معاہدے میں واپس آجائے تو بہت سی رکاوٹیں دور ہوجائیں گی اور ایران کے ایٹمی اقدامات کا معاملہ بھی حل ہوجائے گا۔یورپی یونین کے ترجمان نے یہ بات زور دے کر کہی کہ ایٹمی معاہدہ اب بھی زندہ ہے ، امریکہ نے ایٹمی معاہدے سے علیحدگی اختیار کی ہے جبکہ ایران اور معاہدے کے دیگر ارکان بدستور اس میں باقی ہیں۔پیٹر استانو نے ایران کے خلاف امریکہ کی غیر قانونی پابندیوں کی جانب اشارہ کرتے ہوئے کہا کہ یورپی یونین ایران پر عائد پابندیوں کا خاتمہ چاہتی ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
