... loading ...
... loading ...
سندھ میں محکمہ تعلیم کے حوالے سے جو تازہ ترین اعدادوشمار سامنے آئے ہیں ان کے مطابق سندھ کے محکمہ تعلیم اور خواندگی کے فنڈز نہ ہونے کارونا رونے والے ارباب اختیارمحکمہ تعلیم کے لیے مختص فنڈز بروقت جاری کرنے میں ناکام رہے یعنی سندھ کے عوام کی نمائندگی کے دعویدار حکمرانوں نے اس صوبے کے بچوں کی تعلیم کو کسی ترجیح کے قابل ہی تصور نہیں کیا، اعدادوشمار سے یہ بھی ظاہرہوتاہے کہ رواں مالی سال کے دوران بھی حکومت اس شعبے کے لیے موجود بھاری فنڈز کے باوجود معیار تعلیم بہتر بنانے کے لیے کوئی بھی قدم اٹھانے سے قاصررہی ہے۔یہی نہیں بلکہ فنڈز موجود ہونے کے باوجود اسکول کے بچوں حوائج ضروریہ سے فراغت کے لیے مناسب لیٹرینز کاانتظام کرنے، کراچی سمیت سندھ کے دیگرشہروں اوردیہات کے خستہ حال اسکولوں کی مرمت کرنے، اسکولوں میں بچوں کو پانی کی فراہمی کا انتظام کرنے یہاں تک کہ اساتذہ اورطلبہ کے لیے بیٹھنے کے لیے کرسیوں اوربینچوں کاانتظام کرنے میں بری طرح ناکا م رہی۔ تعلیم کے شعبے کی بدحالی کااعتراف خود حکمراں بھی کرتے ہیں اس صوبے کے خستہ حال ،بنیادی سہولتوں یہاں تک کہ واش روم اور پینے کے پانی کی سہولتوں سے محروم اسکولوں کے بارے میں رپورٹیں جب منظر عام پر آتی ہیں تو عام طورپر محکمہ تعلیم کے اعلیٰ حکام یہاں تک کہ وزرا تک فنڈ ز کی نایابی کا رونا روکر اپنی نااہلی پر پردہ ڈالنے اور ناقدین کی زبان بند کرنے کی کوشش کرتے ہیں ، لیکن فنڈز ہوتے ہوئے طلبہ کو ان سہولتوں کی فراہمی سے اغماض کومجر مانہ غفلت کے سوا کیا نام دیاجاسکتاہے۔
باوثوق اطلاعات کے مطابق گزشتہ سال 4اکتوبر کو اسکولوں کی تعلیم سے متعلق ادارے نے وزیر اعلیٰ سندھ کو سندھ میں اسکولوں کی تعلیم کے حوالے سے جو رپورٹ پیش کی تھی اس میں اعتراف کیا گیا تھا کہ سندھ میں اسکول جانے کی عمر کے کم وبیش 56فیصد بچے تعلیم کی سہولت سے محروم ہیں۔ جبکہ اس رپورٹ میں پنجاب میں بنیادی تعلیم سے محروم بچوں کی شرح 43.9 فیصد بلوچستان میں 69.5 فیصد بتائی گئی تھی۔اس اعتبار سے خیبر پختونخوا کاریکارڈ خادم پنجاب جنھیں خیبر پختونخوا میں سوائے گڑھوں کے کچھ نظر نہیں آیاتھا کے صوبے سے بھی بہتر رہی اور خیبر پختونخوا میں تعلیم سے محروم بچوں کی شرح 35.9 فیصد تھی۔
محکمہ تعلیم کی رپورٹ کے مطابق کراچی ضلع وسطی میں واقع 606 سرکاری اسکولوں میں 78 چاردیواری سے محروم ہیں، 108 میںٹوائلیٹس نہیںہیں، 160 اسکولوں کے بچوں کوپینے کے پانی کی سہولت میسر نہیں ہے۔ضلع شرقی میں واقع 278 سرکاری اسکولوں میں سے 27 کی چاردیواری نہیں ہے ، 21 میں ٹوائلٹ نہیں ہیں، 47 بجلی کی سہولت سے اور52 پانی سے محروم ہیں، ضلع ملیر میں واقع 663 اسکولوں میں سے 133 چاردیواری سے، 187 ٹوائلیٹس سے، 358 بجلی کی سہولت سے اور315 پانی سے محروم ہیں۔ضلع کورنگی میں واقع 411 اسکولوں میں سے 28 چاردیواری ،63 ٹوائلیٹس ،197 بجلی سے اور108 پانی کی سہولت سے محروم ہیں۔ضلع غربی میں 569 سرکاری اسکولوں میں 56 چاردیواری سے، 105 ٹوائلیٹس سے 232 بجلی کی سہولت سے، اور201 پانی کی سہولت سے محروم ہیں۔اسی طرح ضلع جنوبی میں واقع 330 اسکولوں میں 28 میں چاردیواری،21 میں ٹوائلٹ ، 31 میں بجلی کی سہولت اور 49 میں پانی کاکوئی انتظام نہیں ہے۔
سندھ کے دارالحکومت کراچی کے سرکاری اسکولوں کی حالت زار جب یہ ہو تو اندرون سندھ کے سرکاری اسکولوں کی حالت کااندازہ بخوبی لگایاجاسکتاہے، رپورٹ کے مطابق حیدرآباد میں 868 سرکاری اسکولوں میں سے 121 میں چاردیواری نہیںہے، 123 ٹوائلیٹس کی سہولت سے محروم ہیں، 234 میں بجلی کی سہولت دستیاب نہیں ہے،اور 264 میں پانی نہیں ہے۔ میرپور خاص میں ایک ہزار 998 اسکولوں میں سے ایک ہزار27 چار دیواری سے محروم ہیں، جبکہ ایک ہزار62 میں پانی نہیں ہے، ٹھٹھہ میں ایک ہزار 282 سرکاری اسکولوں میں چاردیواری نہیں ہے ، 480 ٹوائلیٹ سے محروم ہیں، ایک ہزر 62 میں بجلی اورایک ہزار 10 میں پانی نہیں ہے۔ سکھر میں ایک ہزار 187 سرکاری اسکولوں میں 350 چاردیواری نہیں ہے، 292 میں ٹوائلیٹ کی سہولت نہیں ہے، جبکہ 449 بجلی اور 317 پانی کی سہولت سے محروم ہیں۔لاڑکانہ کے ایک ہزار 158 سکولوں میں سے 157 چاردیواری، 184 ٹوائلیٹس، 359 بجلی اور204 میں پانی کی کوئی سہولت دستیاب نہیں ہے۔اسی طرح شہید بے نظیرآباد میں 2 ہزار 361 سرکاری اسکولوں میں697 میں چاردیواری، 848 میں ٹوائیلٹس، 985 میں بجلی اور674 میں پینے کے پانی کاکوئی انتظام نہیں ہے۔
سندھ میں اسکول کی تعلیم اور خواندگی سے متعلق شعبے میں اصلاحات کے سپورٹ یونٹ کی جانب سے تعلیم کی صورت حال سے متعلق پیش کردہ رپورٹ کے مطابق پورے صوبے میں 9ملین یعنی 90لاکھ سے زیادہ بچے اسکولوں، اور مذہبی مدرسوں میں تعلیم حاصل کررہے ہیں، اسکولوں میں تعلیم حاصل کرنے والے بچوں میں 47 فیصد بچے سرکاری تعلیمی اداروں میں تعلیم حاصل کررہے ہیں جبکہ 36فیصد بچے نجی اسکولوں میں زیر تعلیم ہیں۔ جبکہ 13 فیصد دیگر سرکاری تعلیمی اداروں میں زیر تعلیم ہیں۔بقیہ بچے مختلف مدرسوں میں تعلیم حاصل کررہے ہیں ۔ اس رپورٹ میں دعویٰ کیاگیاتھا کہ حصول تعلیم کے لیے اسکولوں میں داخل کیے جانے والے بچوں کی شرح میں صرف 2فیصد اضافہ ہوا ہے جو کہ آبادی میں اضافے کی شرح سے بھی کم ہے۔ رپورٹ کے مطابق اس وقت سندھ کے مختلف سرکاری اسکولوں میں کم وبیش 84ہزار بچے زیر تعلیم ہیں۔
اس رپورٹ میں وزیر اعلیٰ کے گوش گزار کرایاگیاتھا کہ صوبے میں اسکولوں میں تعلیم حاصل کرنے کی عمر کے ایک کروڑ 19لاکھ91 ہزار67 بچوں میں سے صرف 53لاکھ 27ہزار 706بچے اسکولوں میں تعلیم حاصل کررہے ہیں۔اس طرح صوبے کے اسکولوں میں داخل کیے جانے والے بچوں کی شرح 61فیصد ہے جبکہ 12فیصد سے زیادہ بچے پرائمری تعلیم مکمل کرنے کے بعد اسکولوں میں داخلوں سے محروم ہیں۔
رپورٹ میں یہ بھی اعتراف کیاگیاہے کہ صوبے میں مجموعی طورپر 42ہزار383 اسکول اور ایک لاکھ50ہزار787 اساتذہ موجود ہیں انمیں سے 3ہزار 172 اسکول بند پڑے ہیں۔ رپورٹ میں کہاگیاہے کہ ناقص بجٹ تخمینے اورفنڈز کی فراہمی میں تاخیر سندھ میں تعلیمی معیار بہتر بنانے کی راہ میں سب سے بڑی رکاوٹ بلکہ چیلنج ہے۔ رپورٹ میں یہ واضح کیاگیاہے کہ سندھ کے اسکولوں میں طلبہ کے لیے پینے کے پانی کے فقدان، حوائج ضروریہ کی سہولتوں کی نایابی ،بجلی کی بار بار بندش،چارویواریاں نہ ہونے ،نصابی کتابوں کی ناقص طباعت اور اساتذہ کی ناقص تربیت سے طلبہ کی پریشانیوں اور مشکلات میں اضافہ کابنیادی سبب ہے۔
رپورٹ کے مطابق سندھ میں موجود 42ہزار383 اسکولوں میں سے 16ہزار 359 اسکول چاردیواری سے محروم ہیں، 13ہزار 696 اسکولوں میں ٹوائیلٹ نام کی کوئی سہولت نہیںہے، 23 ہزار 228 اسکول بجلی سے محروم ہیں، 18لاکھ 120 اسکولوں کے بچوں کے لیے پینے کاپانی دستیاب نہیں ہے اور وہ اردگرد کے گھروں سے مانگ کر پیاس بجھانے پر مجبور ہوتے ہیں۔یہی نہیں بلکہ محکمہ تعلیم کے انجینئرنگ ڈیپارٹمنٹ نے حال ہی میں ایک سروے کیاتھا جس سے یہ انکشاف ہوا کہ صوبے کے کم وبیش 6ہزار 157 اسکولوں کی حالت انتہائی مخدوش ہے۔
اسکولوں کی تعلیم سے متعلق امور کے سیکریٹری اقبال درانی اس صورت حال کو تسلیم کرتے ہیں اور انتہائی بے بسی کے انداز میں جواب دیتے ہیں کہ حکومت محکمہ تعلیم کو اربوں روپے کے فنڈز فراہم کررہی ہے لیکن اس کے باوجود اس شعبے میں کوئی بہتری نظر نہیں آرہی ہے۔مختلف ملکی اور غیر ملکی اداروں نے جن میں یو ایس ایڈ ،یورپی یونین اور ورلڈ بینک شامل ہیں صوبے میں تعلیم کے شعبے میں بہتری اور تعلیم عام کرنے کے لیے بھاری فنڈز فراہم کیے ،جس کے بعد گزشتہ 10سال کے دوران کم وبیش 7ہزار نئے اساتذہ بھرتی کیے گئے، ان میں انگریزی،سائنس اورریاضی کی تعلیم دینے کے لیے بھرتی کیے گئے جونیئر ٹیچر بھی شامل ہیں ۔ ان کے علاوہ ایک ہزار پرنسپلز بھی بھرتی کیے گئے،ان اساتذہ کو بھرتی کرنے سے قبل ان کے ٹیسٹ لینے پر لاکھوں روپے خرچ کیے گئے لیکن ایسا معلوم ہوتاہے کہ ان تمام اقدامات کا نتیجہ صفر رہاہے۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
