... loading ...
... loading ...
اگر ہم کوئلے سے ڈیزل وغیرہ بنانا شروع کردیں تو اربوں روپے کا زرِمبادلہ سالانہ بچاسکتے ہیں۔ جدید سائنسی تحقیق کے مطابق کوئلے کو ڈیزل اور گیس میں تبدیل کیا جاسکتا ہے۔ اگر نئی ٹیکنالوجی کو اپنا کر ہم اپنے ملکی وسائل استعمال کرکے پیٹرولیم مصنوعات تیار کرلیں تو ہماری معیشت میں ترقی ہوگی اور ہمیں کثیر زرِمبادلہ کی ادائیگی درآمدی بل کی مد میں نہیں کرنا پڑے گی۔ اس طریقہ کار میں تقریباً ایک صدی پرانے ’’فشر ٹروپش‘‘ تکنیک میں بہتری پیدا کرکے ایندھن بنانے کا مؤثر کام لیا جارہا ہے۔درج بالا طریقہ کار کو استعمال کرکے جرمنی نے جنگ عظیم دوم میں اپنی ایندھن کی بیشتر ضروریات پوری کی تھیں، اور آج کی تاریخ میں اس جدید تکنیک کا استعمال جنوبی افریقہ میں کیا جارہا ہے جہاں ’’ساسول‘‘ نامی کمپنی اس میں جدت پیدا کرکیڈیزل، جیٹ فیول اور دیگر مصنوعات کی تیاری کا کام تجارتی بنیادوں پر کررہی ہے۔ ساسول کوئلے کو مائع شکل میں ڈھالنے والی دنیا کی سب سے بڑی کمپنی بن چکی ہے۔
فشر ٹروپش طریق کار میں کیمیائی عمل کا ایک ایسا سلسلہ شروع ہوتا ہے جس میں مختلف النوع ہائیڈروکاربن پیدا ہوتے ہیں۔ مثلاً فارمولا CnH2n+2 وغیرہ۔ زیادہ مفید تعامل میں الکینز (وہ نامیاتی مرکبات جن میں کاربن ایٹموں کے درمیان صرف سنگل بونڈ یعنی ایک بونڈ پایا جائے) پیدا ہوتے ہیں، جن میں زیادہ تر تعداد ایسے زنجیر نما مالیکیولز کی ہوتی ہے جن کی ہیئت، ڈیزل کے مالیکیولز سے مشابہ ہوتی ہے۔
عمومی طور پر ایسے کارخانے، سب سے پہلے صاف شدہ کوئلے کو گیس میں تبدیل کرتے ہیں۔ بعد میں اس گیس (SynGas) کو فشر ٹروپش طریقہ کار کے مطابق مائع شکل میں تبدیل کیا جاتا ہے۔ یہ طریقہ کار پولیمرائزیشن سے مشابہ ہے، جس میں بہت سارے مونومر مالیکیولز کو کیمیائی عمل سے گزار کر یکجا کرکے بڑے مالیکیول بنائے جاتے ہیں، جس سے ان کی ہیئت بدل جاتی ہے۔ اس عمل کے نتیجے میں مختلف اقسام کے زنجیر نما اور مختلف النوع مالیکیول وجود میں آتے ہیں جیسے کہ میتھین، ایتھین، گیسولین، ڈیزل وغیرہ۔ ان انواع و اقسام کے مختلف مالیکیولز کی کثیر تقسیم کی وجہ متغیر درجہ حرارت اور دیگر ماحولیاتی عناصر ہیں۔ اس عمل کے آخر میں ان مالیکیولز کو الگ الگ کیا جاتا ہے، اور خالص کرنے کے بعد استعمال کے قابل بنایا جاتا ہے۔
براہ راست کوئلے کی مائع ایندھن میں تبدیلی کے لیے کوئلے کو تیل اور ہائیڈروجن کے ساتھ ایک خاص دباؤ اور درجہ حرارت پر ملایا جاتا ہے، جس کے نتیجے میں خام تیل سے مشابہ مصنوعی محلول حاصل ہوتا ہے، جسے روایتی تیل کی ریفائنری میں عمل پذیر کرکے مختلف پیڑولیم مصنوعات حاصل کی جاتی ہیں۔
اس کے تجربات سے بھارت اور چین جیسے ممالک فائدہ حاصل کرنے کے لیے اپنی اپنی سرزمین پر اس طرز کے کارخانے قائم کرنے پر مسلسل کام کر رہے ہیں۔ اس طریقہ کار سے تیار شدہ ایندھن بڑی حد تک ماحول دوست بھی ہے، کیونکہ اس مصنوعی ایندھن میں نقصان دہ ’’ایرومیٹک مالیکیولز‘‘ کی تعداد نہ ہونے کے برابر ہوتی ہے۔لیکن پاکستان کے لیے سب سے زیادہ خوش آئند بات یہ ہے کہ ہمارے پاس کوئلے کے دریافت شدہ وسیع ذخائر موجود ہیں، اور اگر ہم اس تکنیک میں جدت لاکر کم قیمت میں ایندھن تیار کرلیں تو بیرونِ ملک سے تیل کے حصول میں کمی لاسکتے ہیں۔ خبروں کے مطابق، پاکستان کے تیل کے درآمدی بل میں، مالی سال 2017-18 کے پہلے دو ماہ میں 35 فیصد تک اضافہ ہوا، جس کی مالیت تقریباً دو ارب ڈالر بنتی ہے۔ تیل کی درآمد ملک کی کل درآمدات کا تقریباً 20 فیصد بنتی ہے، جو ہمارے لیے ایک لمحہِ فکر ہے۔ اس کی وجہ سے ہماری بین الاقوامی ادائیگیاں عدم توازن کا شکار رہتی ہیں۔
سپریم کورٹ کے جسٹس منصور علی شاہ نے ذوالفقار علی بھٹو ریفرنس میں اپنا اضافی نوٹ جاری کر تے ہوئے کہا ہے کہ آمرانہ ادوار میں ججزکی اصل طاقت اپنی آزادی اور اصولوں پر ثابت قدم رہنے میں ہے ، آمرانہ مداخلتوں کا مقابلہ کرنے میں تاخیر قانون کی حکمرانی کے لیے مہلک ثابت ہو سکتی ہے ۔منگل کو...
تحریک انصاف کے اسلام آباد لانگ مارچ کے لیے مرکزی قافلے نے اسلام آباد کی دہلیز پر دستک دے دی ہے۔ تمام سرکاری اندازوں کے برخلاف تحریک انصاف کے بڑے قافلے نے حکومتی انتظامات کو ناکافی ثابت کردیا ہے اور انتہائی بے رحمانہ شیلنگ اور پکڑ دھکڑ کے واقعات کے باوجود تحریک انصاف کے کارکنان ...
بانی پی ٹی آئی عمران خان کی کال پر پاکستان تحریک انصاف کے قافلے رکاوٹیں عبور کرتے ہوئے اسلام آباد میں داخل ہوگئے ہیں جبکہ دھرنے کے مقام کے حوالے سے حکومتی کمیٹی اور پی ٹی آئی کے درمیان مذاکرات بھی جاری ہیں۔پاکستان تحریک انصاف کے کارکنان چونگی 26 پر چاروں طرف سے بڑی تعداد میں ن...
پاکستان بھر میں انٹرنیٹ اور موبائل ڈیٹا سروس دوسرے دن پیرکوبھی متاثر رہی، جس سے واٹس ایپ صارفین کو شدید پریشانی کا سامنا کرنا پڑا۔ تفصیلات کے مطابق ملک کے کئی شہروں میں موبائل ڈیٹا سروس متاثر ہے ، راولپنڈی اور اسلام آباد میں انٹرنیٹ سروس معطل جبکہ پشاور دیگر شہروں میں موبائل انٹر...
وفاقی وزیر خزانہ سینیٹر محمد اورنگزیب نے اعتراف کیا ہے کہ اٹھارویں آئینی ترمیم، سپریم کورٹ کے فیصلوں اور بین الاقوامی بہترین طریقوں کے پس منظر میں اے جی پی ایکٹ پر نظر ثانی کی ضرورت ہے وزیر خزانہ نے اے جی پی کی آئینی ذمہ داری کو پورا کرنے کے لئے صوبائی سطح پر ڈی جی رسید آڈٹ کے دف...
بانی پی ٹی آئی عمران خان کی کال پر وزیراعلیٰ خیبرپختونخوا اور اپوزیشن لیڈر عمر ایوب کی قیادت میں قافلے پنجاب کی حدود میں داخل ہوگئے جس کے بعد تحریک انصاف نے حکمت عملی تبدیل کرلی ہے ۔تفصیلات کے مطابق پاکستان تحریک انصاف کے احتجاج میںپنجاب، سندھ، بلوچستان اور خیبرپختونخوا سے قافلے...
تحریک انصاف ک فیصلہ کن کال کے اعلان پر خیبر پختون خواہ ،بلوچستان اورسندھ کی طرح پنجاب میں بھی کافی ہلچل دکھائی دی۔ بلوچستان اور سندھ سے احتجاج میں شامل ہونے والے قافلوںکی خبروں میں پولیس نے لاہور میں عمرہ کرکے واپس آنے والی خواتین پر دھاوا بول دیا۔ لاہور کی نمائندگی حماد اظہر ، ...
وزیراعلیٰ خیبر پختونخوا علی امین گنڈاپور نے کہا ہے کہ وفاقی اور پنجاب حکومت جتنے بھی راستے بند کرے ہم کھولیں گے۔وزیراعلیٰ نے پشاور ٹول پلازہ پہنچنے کے بعد میڈیا سے بات چیت کرتے ہوئے کہا کہ عمران خان کی رہائی کی تحریک کا آغاز ہو گیا ہے ، عوام کا سمندر دیکھ لیں۔علی امین نے کہا کہ ...
پاکستان تحریک انصاف کے ہونے والے احتجاج کے پیش نظر وفاقی دارالحکومت اسلام آباد میں پولیس، رینجرز اور ایف سی کی بھاری نفری تعینات کر دی گئی ہے جبکہ پنجاب اور کے پی سے جڑواں شہروں کو آنے والے راستے بند کر دیے گئے ہیں اور مختلف شہروں میں خندقیں کھود کر شہر سے باہر نکلنے کے راستے بند...
سابق اسپیکر قومی اسمبلی اسد قیصر نے کہا ہے کہ ملک کو انارکی کی طرف دھکیلا گیا ہے ۔ پی ٹی آئی کارکنوں سے خطاب کرتے ہوئے اسد قیصر نے کہا کہ ہمیں 26ویں آئینی ترمیم منظور نہیں۔ انہوں نے کہا کہ بلوچستان میں حکومتی رٹ ختم ہو چکی، ہم ملک میں امن چاہتے ہیں۔ اسد قیصر نے کہا کہ افغانستان ک...
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
