... loading ...
... loading ...
اگلے ماہ ہونے والے ایوانِ بالاکے انتخابات کے حوالے سے متحدہ قومی موومنٹ پاکستان کے قائدین کے مابین پید اہونے والی خلیج سرکاری دفاتر کا اہم موضوع بن چکی ہے، یہ اب تک واضح نہیں کہ گزشتہ برس ایم کیو ایم میں شامل ہونے والے سونے کے تاجر کامران ٹیسوری ایوان بالا کیلئے ایم کیو ایم کے امیدوار ہوں گے یا نہیں تاہم یہ ضرور کہا جارہا ہے کہ جو کام مصطفی کمال نہ کر پائے وہ کامران ٹیسوری نے کر دکھایا ہے، ایم کیو ایم کارکنان کی تقریباً95فیصد اکثریت کی رائے میں کامران ٹیسوری کے حوالے سے عامر خان کی قیادت میں رابطہ کمیٹی کا موقف درست ہے۔تاہم نتیجہ جو بھی نکلے یہ کہنا غلط نہ ہوگا کہ فاروق ستار نے اس معاملے میں ضد کرکے اپنا سیاسی قد گھٹا لیا ہے۔ تفصیلات کے مطابق بدھ کے روز سندھ سیکریٹریٹ، بلدیاتی اداروں، صوبائی حکومت کے مختلف محکموں، وزیراعلیٰ ہائوس، گورنر ہائوس اور وفاقی حکومت کے زیر انتظام تقریباً تمام محکموں میں بھی ایم کیو ایم کے رہنمائوں میں پیدا ہونے والی خلیج موضوع بحث رہی، چائے کی چسکیوں کے ساتھ تبادلہ خیال کا سلسلہ جاری رہا، کامران ٹیسوری جو اس تنازع کے ذریعے خبروں کی زد میں ہیں ان کے ماضی کے حوالے سے دور کی کوڑیاں لائی جاتی رہیں، ’’وجود ‘‘کو ایم کیو ایم سے تعلق رکھنے والے ایک اہم عہدیدار نے بتایا کہ اندرون خانہ یہ طے کرلیا گیا ہے کہ اگر فاروق ستار کامران ٹیسوری کی نامزدگی پر بضد ہے تو ایم کیو ایم کا کوئی ایم پی اے اپنا ووٹ پارٹی کے لیے استعمال نہیں کرے گا بلکہ اپنے تئیں ’’حسب استطاعت‘‘ کسی ضرورت مند کے ہاتھوں بیچ ڈالے گا، ایسا ہوا تو خدشات ہیں کہ پیپلزپارٹی کے ’’سب پر بھاری‘‘ شریک چیئرمین بہترین شارٹس کھیلنے میں کامیاب ہوں گے، کامران ٹیسوری کے حوالے سے ایم کیو ایم کے حلقوں میں یہ بات زیر گردش ہے کہ ان کی وفاداریاں ہمیشہ عارضی ثابت ہوئی ہیں، ان کاٹریک ریکارڈ گواہ ہے کہ وہ کبھی کسی سے مخلص نہیں ہوئے، سابق وزیراعلیٰ سندھ ارباب غلام رحیم سے ان کی دوستی کسی سے ڈھکی چھپی نہ تھی مگر آج دونوں ایک دوسرے کی شکل دیکھنے کے بھی روادار نہیں جبکہ ان سے دوستی کرنے کے لیے کامران ٹیسوری نے اپنا مسلک بھی تبدیل کرلیا تھا اور بریلوی سے دیوبندی ہوگئے تھے، کامران ٹیسوری نے بعدازاں مسلم لیگ فنکشنل میں شمولیت اختیار کرلی تھی۔ وہاں بھی ان کی ’’محسن کشی‘‘ جاری رہی جس کے نتیجے میں مسلم لیگ فنکشنل میں انہیں متعارف کروانے والے رہنما امتیاز شیخ کو بھی کنارہ کشی کرنا پڑی، کامران ٹیسوری کی گروہ بندیوں سے تنگ آکر جام مدد علی کو بھی پارٹی چھوڑنا پڑی تھی۔ دلچسپ بات یہ ہے کہ کامران ٹیسوری جب ایم کیو ایم میں شامل ہوئے تو انہوں نے پیر پگارا کے انداز کی بڑی بڑی موچھیں اور ہلکی خشخشی داڑھی رکھی ہوئی تھی لیکن ایم کیو ایم میں شمولیت کے کچھ عرصے بعد انہوں نے یہ موچھیں ترشوادیں۔ گویا یہ اس بات کا ثبوت ہے کہ وہ جیسا دیس ویسا بھیس والے محاورے پر پورا یقین رکھتے ہیں، کامران ٹیسوری کے حوالے سے ایم کیو ایم کے ایک رہنما نے زرداری کے ساتھ گفتگو کرتے ہوئے کہا کہ ڈاکٹر فاروق ستار تقریباً روزان کے گھر جاتے ہیں، نجانے ان کی کیا مجبوریاں ہیں تاہم پارٹی کی اعلیٰ قیادت کے درمیان واٹس ایپ پر ان کی کچھ ایسی تصاویر بھی زیر گردش ہیں جو کامران ٹیسوری کے گھر میں لی گئی ہیں اور جسے منظرعام پر لانا شاید وہ پسند نہ فرمائیں۔ اس رہنما نے افسوس کے ساتھ کہا کہ جو کام مصطفی کمال نہیں کرپائے وہ کامران ٹیسوری نے کردکھایا ہے۔
بانی پی ٹی آئی عمران خان کی کال پر وزیراعلیٰ خیبرپختونخوا اور اپوزیشن لیڈر عمر ایوب کی قیادت میں قافلے پنجاب کی حدود میں داخل ہوگئے جس کے بعد تحریک انصاف نے حکمت عملی تبدیل کرلی ہے ۔تفصیلات کے مطابق پاکستان تحریک انصاف کے احتجاج میںپنجاب، سندھ، بلوچستان اور خیبرپختونخوا سے قافلے...
تحریک انصاف ک فیصلہ کن کال کے اعلان پر خیبر پختون خواہ ،بلوچستان اورسندھ کی طرح پنجاب میں بھی کافی ہلچل دکھائی دی۔ بلوچستان اور سندھ سے احتجاج میں شامل ہونے والے قافلوںکی خبروں میں پولیس نے لاہور میں عمرہ کرکے واپس آنے والی خواتین پر دھاوا بول دیا۔ لاہور کی نمائندگی حماد اظہر ، ...
وزیراعلیٰ خیبر پختونخوا علی امین گنڈاپور نے کہا ہے کہ وفاقی اور پنجاب حکومت جتنے بھی راستے بند کرے ہم کھولیں گے۔وزیراعلیٰ نے پشاور ٹول پلازہ پہنچنے کے بعد میڈیا سے بات چیت کرتے ہوئے کہا کہ عمران خان کی رہائی کی تحریک کا آغاز ہو گیا ہے ، عوام کا سمندر دیکھ لیں۔علی امین نے کہا کہ ...
پاکستان تحریک انصاف کے ہونے والے احتجاج کے پیش نظر وفاقی دارالحکومت اسلام آباد میں پولیس، رینجرز اور ایف سی کی بھاری نفری تعینات کر دی گئی ہے جبکہ پنجاب اور کے پی سے جڑواں شہروں کو آنے والے راستے بند کر دیے گئے ہیں اور مختلف شہروں میں خندقیں کھود کر شہر سے باہر نکلنے کے راستے بند...
سابق اسپیکر قومی اسمبلی اسد قیصر نے کہا ہے کہ ملک کو انارکی کی طرف دھکیلا گیا ہے ۔ پی ٹی آئی کارکنوں سے خطاب کرتے ہوئے اسد قیصر نے کہا کہ ہمیں 26ویں آئینی ترمیم منظور نہیں۔ انہوں نے کہا کہ بلوچستان میں حکومتی رٹ ختم ہو چکی، ہم ملک میں امن چاہتے ہیں۔ اسد قیصر نے کہا کہ افغانستان ک...
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
