... loading ...
... loading ...
یوں لگتا ہے کہ ٹی وی کی ہنگامہ پرور اسکرین سے اچانک ملنے والی شہرت سے بے قابو ہونے والے ڈاکٹر شاہد مسعود اپنی چھاتہ بردار صحافت کے انجام کا آغاز عدالت عظمیٰ میں دیکھ رہے ہیں۔ زینب زیادتی کیس کے حوالے سے ازخود نوٹس مقدمے کی سماعت کے دوران میں چیف جسٹس میاں ثاقب نثار نے اتوار ، 28جنوری کو ڈاکٹر شاہد مسعود کو اپنا دعویٰ ثابت کرنے کے لیے رات 8 بجے تک کی مہلت دی ہے۔ ساتھ ہی ڈائریکٹر جنرل فیڈرل انوسٹی گیشن ایجنسی بشیر احمد میمن کی سربراہی میں نئی مشترکہ تحقیقاتی ٹیم (جے آئی ٹی ) بنانے کی ہدایت کرتے ہوئے حکم دیا کہ ڈاکٹر شاہد مسعود نئی جے آئی ٹی کے سامنے پیش ہو کر ملزم عمران کے 37 بینک اکاؤنٹس سے متعلق ثبوت فراہم کریں۔تجزیہ کاروں کا خیال ہے کہ ڈاکٹر شاہد مسعود کے پاس یہ آخری موقع ہو گا جس میں وہ اپنی بچی کھچی ساکھ اور عدالت عظمیٰ سے اپنے صحافتی مردے کو بچانے کے لیےہاتھ پاؤں مارسکیں گے۔
چیف جسٹس کی سربراہی میں جسٹس اعجازالحسن اور جسٹس منظور ملک پر مشتمل تین رکنی بینچ8 سالہ معصوم بچی کی زیادتی کیس کی سماعت کررہا ہے جس میں ضمنی طور پر ڈاکٹر شاہد مسعود کا معاملہ اُن کے دعوے کی روشنی میں نمایاں حیثیت حاصل کرگیا ہے۔ آج (28 جنوری) مقدمے کی سماعت کے دوران میں چیف جسٹس نے اینکر شاہد مسعود کی سرزنش کرتے ہوئےکہا کہ آپ غیر متعلقہ باتیں نہ کریں، اپنے دعوے کے مطابق ملزم عمران کے بینک اکاونٹس کے ثبوت دیں، اگر آپ کی خبر سچی نکلی تو آپ کو نمبر ایک صحافی ہونے کا اعزاز دیا جائے گا لیکن اگر یہ خبر غلط نکلی تو آپ سوچ نہیں سکتے کہ آپ کے ساتھ کیا ہوگا؟
سپریم کورٹ لاہور رجسٹری میں سماعت کے دوران عدالت نے مقتولہ کے والد امین انصاری اور وکیل کے میڈیا سے بات چیت کرنے پر پابندی عائد کردی ۔ سماعت کے دوران عدالت نے ریمارکس دیے کہ ڈاکٹر شاہد مسعود کا نام ای سی ایل میں بھی ڈال سکتے ہیں، عدالت نے ہدایت کی کہ پولیس زینب قتل کیس کا چالان جلد مکمل کرکے جمع کرائے۔
تفصیلات کے مطابق عدالت عظمیٰ نے زینب قتل کیس میں گرفتار ملزم عمران کے 37 بینک اکاؤنٹس کا دعویٰ کرنے والے سینئر اینکر پرسن ڈاکٹر شاہد مسعود سمیت صحافتی تنظیموں آل پاکستان نیوز پیپرزسوسائٹی (اے پی این ایس)، پاکستان براڈ کاسٹرز ایسوسی ایشن (پی بی اے) کے عہدیداروں، سینئر صحافیوں اور میڈیا ہاؤسز کے مالکان کو بھی عدالت میں طلب کیا تھا۔یاد رہے کہ گزشتہ دنوں ڈاکٹر شاہد مسعود نے اپنے پروگرام میں دعویٰ کیا تھا کہ زینب قتل کیس میں پکڑا گیا ملزم عمران کوئی معمولی آدمی نہیں بلکہ اس کے 37 بینک اکاؤنٹس ہیں اور وہ ایک بین الاقوامی گروہ کا کارندہ ہے اور اس گروہ میں مبینہ طور پر پنجاب کے ایک وزیر بھی شامل ہیں۔ شاہد مسعود نے اپنے پروگرام میں خود چیف جسٹس کو اس معاملے کا از خود نوٹس لینے کا کہا تھا ۔چیف جسٹس نے اس دعوے کے بعد نوٹس لیتے ہوئے انہیں سپریم کورٹ میں طلب کیا تھا، جہاں ڈاکٹر شاہد مسعود نے عدالت کو ملزم کے 37 بینک اکاؤنٹس کی تفصیلات جمع کراتے ہوئے ایک پرچی پر ان شخصیات کا نام لکھ کر دیے تھے جو مبینہ طور پر اس پورے کھیل کے سرپرست تھے۔
\اسٹیٹ بینک آف پاکستان (ایس بی پی) کی جانب سے بعد ازاں جے آئی ٹی کو رپورٹ پیش کی گئی تھی، جس میں کہا گیا تھا کہ اینکر پرسن کے دعوے کے بعد تحقیقات میں مرکزی ملزم کا کوئی بینک اکاؤنٹ نہیں ملا۔جس کے بعد ترجمان پنجاب حکومت ملک احمد خان نے اسٹیٹ بینک کی رپورٹ کی سرکاری طور پر تصدیق کرتے ہوئے کہا تھا کہ ڈاکٹرشاہد مسعود کی رپورٹ بے بنیاد اور من گھڑت ہے اور ہم اس رپورٹ کے پیچھے چھپے محرکات سمجھنے سے قاصر ہیں جو انہوں نے نتائج دیکھے بغیر چلائی تھی۔”
عدالت عظمیٰ میں سماعت کے دوران میں اُس وقت ماحول کچھ گرم محسوس ہوا جب شاہد مسعود نے عدالت کو کہا کہ آپ جے آئی ٹی سے پوچھیں کہ ملزم کو بچی نے کہاں رکھا؟ قصور سےتین سو عریاں ویڈیوز منظر عام پر آچکی ہیں، بچی پر تشدداور اجتماعی زیادتی کی گئی مگر ایک ہی ملزم کو شامل کیا گیا ، یہ اس گینگ کو بچانا چاہتے ہیں ، جس کو انہوں نے پالا ہوا ہے، اگر میری بات پر یقین نہیں تو میں یہاں سے چلا جاتا ہوں۔ چیف جسٹس ثاقب نثار نے اس پر اپنی برہمی کا اظہار کرتے ہوئے کہا کہ آپ مفروضوں پر بات کررہے ہیں،یہ تفتیش اور پراسیکوشن کا معاملہ ہے، آپ اپنے الزامات پر محدود رہیں اور اپنے موقف کی حد تک بات کریں اور ایسی بات سے گریز کریں جو تفتیش پر اثرانداز ہو۔ شاہد مسعود نے ایک موقع پر کہا کہ مجھے بات نہیں کرنے دیں گے تو میں چلا جاتا ہوں۔ چیف جسٹس نے کہا کہ ایسے نہیں چلے گا۔ ہم آپ کو جانے نہیں دیں گے۔ثبوت پیش کرنے تک آپ یہاں سے نہیں جاسکتے۔ شاہد مسعود نے کہا کہ میں راؤ انوار کی طرح نجی طیارے سے فرار ہوجاؤں گا۔ اس پر چیف جسٹس نے کہا کہ بھاگنے کی کوشش کی تو آپ کا نام ای سی ایل میں ڈالنے کا حکم دیں گے۔ اگر الزام ثابت ہوا تو آپ کو بہترین صحافی کا اعزاز ملے گا۔ اور اگر الزام ثابت نہ ہوا تو آپ کے خلاف سخت کارروائی کی جائے گی۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
