... loading ...
... loading ...
ایچ اے نقوی
بلدیہ عظمیٰ کراچی کے اسٹیٹ اور اکاموڈیشن ڈیپارٹمنٹ کے ذرائع سے معلوم ہواہے کہ بلدیہ عظمیٰ کراچی کے حکام نے مبینہ طورپر بلدیہ عظمیٰ کراچی کے افسران کا5ارب روپے مالیت کا ایک شاندار بنگلہ غیر قانونی طورپر ایک منظور نظر فرد کو فروخت کردیاہے اور بنگلے کی منتقلی کاعمل بھی مکمل کر لیا گیا ہے۔ اطلاعات کے مطابق یہ غیر قانونی خرید وفروخت بلدیہ عظمیٰ کراچی کے ریونیو ڈیپارٹمنٹ اور الہٰ دین پارک کی انتظامیہ کی ملی بھگت اورتعاون سے کی گئی ہے۔
بلدیہ عظمیٰ کراچی کے اسٹیٹ اور اکاموڈیشن ڈیپارٹمنٹ کے ذرائع نے بتایا ہے کہ غیر قانونی طورپر فروخت کیاگیایہ بنگلہ گلشن اقبال میں مین راشد منہاس روڈ پرالہٰ دین پارک کے قریب 5 ایکڑ کی وسیع وعریض اراضی پر واقع ہے اور اس میں رہائشی سہولتوں کے علاوہ سرونٹ کوارٹرز بھی موجود ہیں۔ بلدیہ عظمیٰ کراچی اس بنگلے کی دیکھ بھال اور اس کے یوٹیلٹی بلز کی ادائیگی پر 100 ملین یعنی 10 کروڑ روپے سے زیادہ رقم خرچ کرچکی ہے۔
اطلاعات کے مطابق بلدیہ عظمیٰ کراچی کے سابق ایڈمنسٹریٹر ثاقب حسین سومرو اور ایک اور افسر ایم حسین سید نے اس بنگلہ کی فروخت میں کلیدی کردار ادا کیاہے اورنیب کی جانب سے تفتیش شروع ہونے کے بعد ثاقب حسین سومرو ملک چھوڑ کر بیرون ملک فرار ہوچکے ہیں۔یہ بھی معلوم ہواہے کہ پاکستان پیپلز پارٹی کے سربراہ آصف علی زرداری کے قریبی دوست اورمعاون سابق وزیر بلدیات اویس مظفر ٹپی نے بھی اس بنگلے کی غیر قانونی فروخت میں کلیدی کردار ادا کیاہے اور اس پورے معاملے کو خفیہ رکھنے کے انتظامات کیے۔اطلاعات کے مطابق اس بنگلے کی فروخت کی کوششیں 2012 سے ہی شروع کردی گئی تھیں اور بالآخر اویس مظفر ٹپی کی معاونت سے یہ ڈیل 2015 میں مکمل ہوئی ،سرکاری دستاویزات کے مطابق اویس مظفر ٹپی بھی ان دنوں بیرون ملک گئے ہوئے ہیں اور ان کی جلد واپسی کی کوئی امید نہیں ہے ۔
یہ بھی اطلاع ملی ہے کہ سابق ڈپٹی کمشنر ،اسسٹنٹ کمشنر اور گلشن اقبال زون کے مختیار کار نے 2013-14 میں بلدیہ کے اس بنگلے کی اس طرح منتقلی کے خلاف مزاحمت کی تھی اور اس کو کسی فرد کے نام منتقل کرنے سے انکار کردیاتھا جس پر اویس مظفر ٹپی نے ان کاتبادلہ کرادیاتھا۔
سابق کمشنر کراچی شعیب صدیقی کو 2016 میں جب اس ڈیل کی اطلاع ملی تو انھوں نے 2016 ہی میں یہ ڈیل منسوخ کرکے بنگلہ خالی کرانے کے احکامات جاری کردیئے تھے،جس کے بعد ہی ان کو کمشنر کراچی کے عہدے سے ہٹانے کی کوششیں شروع کردی گئی تھیں اور مبینہ طورپر فائلوں کے پیٹ بھرنے کے بعد انھیں بھی اس عہدے سے فارغ کرادیاگیا۔
یہ بنگلہ خریدنے والے نواز شیخ کادعویٰ ہے کہ انھوںنے ریونیو بورڈ کے الاٹمنٹ لیٹر پر یہ بنگلہ حاصل کیاہے ،اور اس کو حاصل کرنے میں ان کاکوئی قصور نہیں ہے کیونکہ انھوں نے اس کے لیے تمام قانونی ذمہ داریاں پوری کی ہیں اگر بلدیہ عظمیٰ کراچی کے افسران یاوزرا نے اس حوالے سے کوئی غیر قانونی فیصلہ کیاہے تو اس کے ذمہ دار ایسا کرنے والے ہیں انھیں اس کاذمہ دار قرار نہیں دیاجاسکتا۔
دوسری جانب بلدیہ عظمیٰ کراچی کے اسٹیٹ اور اکاموڈیشن ڈیپارٹمنٹ کے ذرائع کاکہناہے کہ کوئی بھی سرکاری رہائشی جگہ کسی دوسرے کو اس طرح الاٹ نہیں کی جاسکتی اور ایسا کرنا قطعی خلاف قانون ہے اورایسا جعلی ڈاکومنٹس کے ذریعے کیاگیاہے۔
1970 میں جب حکومت سندھ نے تفریحی پارک کے لیے 400 ایکڑ اراضی مختص کی تھی اس وقت یہ جگہ سفاری پارک کاحصہ تھی ،بعد ازاں گزشتہ برسوں کے دوران اس علاقے میں زمینوں کی قیمتوں میں ہوشربا اضافہ اور اس علاقے میں بنگلوںاور فلیٹوں کی طلب میں اضافے کے بعد بلڈرز اور ڈیولپرز اور قبضہ مافیا اس زمین پر قبضہ کرنے کی سرتوڑ کوششیں کرتے رہے ہیں۔تاکہ وہ اس جگہ فلیٹ اور بنگلے تعمیر کرکے بھاری رقم کما سکیں۔
کے ایم سی کے ذرائع نے نام ظاہر نہ کرنے کی شرط پر بتایا ہے کہ اب اس جگہ پر فلیٹ اوربنگلے تعمیر کرنے کے لیے ابتدائی تیاریاں شروع کردی گئی ہیںاور جلد ہی کے ڈی اے اوربلڈنگ کنٹرول کے حکام کی ساز باز سے اس پر رہائشی منصوبے کااعلان کردیاجائے گا۔ تاہم چونکہ فی الوقت کے ڈی اے اور کے بی سی اے کے بیشتر اعلیٰ افسرا ن سندھ ہائیکورٹ کی جانب سے لیے گئے نوٹس کے سبب مشکل میں ہیں اس لیے وقتی طورپر اس منصوبے پر عملدرآمد رکاہواہے۔
اطلاع کے مطابق کے ایم سی کایہ بنگلہ سب سے پہلے بلدیہ عظمیٰ کراچی کے چڑیاگھر سے متعلق ڈیپارٹمنٹ کے افسر مسعود عالم کو الاٹ کیاگیاتھا جو کم وبیش 12 سال تک اس میں رہائش پذیر رہے ۔ اس بنگلہ کو آخری مرتبہ سابقہ سٹی ڈسٹرکٹ گورنمنٹ کراچی کے افسر احسان مرزا کو فروری 2006 میں الاٹ کیاگیاتھا اور وہ 2014 تک اس میں رہائش پذیر رہے۔بعد ازاں اس کو قبضہ مافیا کی دست برد سے بچانے کے لیے فروری 2015 میں عقیل بیگ، ڈائریکٹر اکاموڈیشن اکمل ڈار، ایڈیشنل ڈائریکٹر اسٹیٹ ،اور اسسٹنٹ کمشنر جمشید ٹائون کی نگرانی میں اسے سربمہر کردیاگیاتھا اور اس حوالے سے گلشن اقبال تھانے میں رپورٹ جمع کراتے ہوئے پولیس سے اس کی نگرانی کرنے کی درخواست کی گئی تھی۔ اطلاعات کے مطابق بعد بااثر افراد نے بلدیہ عظمیٰ کراچی کے حکام سے پس پردہ رابطے کیے جس پر بلدیہ عظمیٰ کراچی کے سابق ایڈمنسٹریٹر ثاقب حسین سومرو اور ایک اور افسر ایم حسین سید نے مبینہ طورپر بھاری نذرانوں کے عوض ان کی معاونت کی اور بلدیہ عظمیٰ کراچی کے سابق ایڈمنسٹریٹر ثاقب حسین سومرو نے جو ان دنوں بیرون ملک مفرور ہیں ان کی ملاقات آصف زرداری کے قریبی دوست اویس مظفر ٹپی سے کرائی جنھوں نے اس ڈیل کے لیے کلیدی کردار اداکرکے بلدیہ عظمیٰ کراچی کو 5ارب روپے مالیت کے اس بنگلے سے محروم کردیا۔
اب دیکھنا یہ ہے کہ اب جبکہ سندھ ہائیکورٹ ہر طرح کی غیر قانونی الاٹمنٹ اور قبضوں کے خلاف سخت کارروائیاں کرنے کے احکامات دے رہی ہے بلدیہ عظمیٰ کراچی کے اس بنگلے پر ڈالے گئے ڈاکے کے خلاف کیا کارروائی کرتی ہے۔
بانی پی ٹی آئی عمران خان کی کال پر وزیراعلیٰ خیبرپختونخوا اور اپوزیشن لیڈر عمر ایوب کی قیادت میں قافلے پنجاب کی حدود میں داخل ہوگئے جس کے بعد تحریک انصاف نے حکمت عملی تبدیل کرلی ہے ۔تفصیلات کے مطابق پاکستان تحریک انصاف کے احتجاج میںپنجاب، سندھ، بلوچستان اور خیبرپختونخوا سے قافلے...
تحریک انصاف ک فیصلہ کن کال کے اعلان پر خیبر پختون خواہ ،بلوچستان اورسندھ کی طرح پنجاب میں بھی کافی ہلچل دکھائی دی۔ بلوچستان اور سندھ سے احتجاج میں شامل ہونے والے قافلوںکی خبروں میں پولیس نے لاہور میں عمرہ کرکے واپس آنے والی خواتین پر دھاوا بول دیا۔ لاہور کی نمائندگی حماد اظہر ، ...
وزیراعلیٰ خیبر پختونخوا علی امین گنڈاپور نے کہا ہے کہ وفاقی اور پنجاب حکومت جتنے بھی راستے بند کرے ہم کھولیں گے۔وزیراعلیٰ نے پشاور ٹول پلازہ پہنچنے کے بعد میڈیا سے بات چیت کرتے ہوئے کہا کہ عمران خان کی رہائی کی تحریک کا آغاز ہو گیا ہے ، عوام کا سمندر دیکھ لیں۔علی امین نے کہا کہ ...
پاکستان تحریک انصاف کے ہونے والے احتجاج کے پیش نظر وفاقی دارالحکومت اسلام آباد میں پولیس، رینجرز اور ایف سی کی بھاری نفری تعینات کر دی گئی ہے جبکہ پنجاب اور کے پی سے جڑواں شہروں کو آنے والے راستے بند کر دیے گئے ہیں اور مختلف شہروں میں خندقیں کھود کر شہر سے باہر نکلنے کے راستے بند...
سابق اسپیکر قومی اسمبلی اسد قیصر نے کہا ہے کہ ملک کو انارکی کی طرف دھکیلا گیا ہے ۔ پی ٹی آئی کارکنوں سے خطاب کرتے ہوئے اسد قیصر نے کہا کہ ہمیں 26ویں آئینی ترمیم منظور نہیں۔ انہوں نے کہا کہ بلوچستان میں حکومتی رٹ ختم ہو چکی، ہم ملک میں امن چاہتے ہیں۔ اسد قیصر نے کہا کہ افغانستان ک...
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
