... loading ...
... loading ...
باسط علی
کسی بھی ابہام کے بغیر اب یہ بات واضح ہو چکی ہے کہ نوازشریف اور اُن کی صاحبزادی عدلیہ کے ساتھ تصادم کو ختم کرنے پر آمادہ نہیں ۔ سابق وزیراعظم اور اُن کی بیٹی مریم نواز کی عدالت میں پیشی کے لیے لندن سے پاکستان آمد سے قبل عدلیہ نے عمران خان اور جہانگیر ترین کی اہلیت کے مقدمے کا فیصلہ سنا دیا اور اگلے ہی دن منصف اعلیٰ ثاقب نثار نے لاہور میں منعقدہ ایک تقریب سے اپنے دوٹوک اور قدرے بے تکلفانہ خطاب میں اپنا دل کھول کررکھ دیا۔ منصف اعلیٰ نے دوٹوک طور پر کہا کہ’’ ہم آزادی کے ساتھ کام کررہے ہیں ،ہم پر دباؤ ڈالنے والا ابھی پیدا نہیں ہوا۔ ہم نے تمام فیصلے قانون کے مطابق کیے۔اگر کسی کا دباؤ ہوتا تو حدیبیہ پیپرملزکیس کا فیصلہ وہ نہ آتا جو آیا ہے‘‘۔منصف اعلیٰ نے یہ بھی فرمایا کہ ’’میں نے اور میرے ساتھیوں نے آئین کے تحفظ کی قسم کھائی ہے۔عدلیہ آپ کی بزرگ ہے۔آپ کے خلاف فیصلہ ہو تو یہ گالیاں نہ دیں کہ بابا کسی پلان کا حصہ بن چکا ۔ یہ بابا نہ تو کسی پلان کا حصہ بنا ہے اور نہ بنے گا‘‘۔
منصف اعلیٰ کے اس خطاب کے بعد مریم نوا ز کا ٹوئٹر ہینڈل پوری حقارت کے ساتھ حرکت میں آیا ۔ مریم نواز نے بغیر وقت ضائع کیے طنزیہ انداز میں یہ سوال کیا کہ ’’مائی لارڈکیا آپ کا بابا واٹس ایپ کالز بھی کیا کرتا تھا۔ مریم نواز نے اپنے اگلے ٹوئٹ میں عمران خان کی نااہلیت کے مقدمے میںجسٹس فیصل عرب کے اضافی نوٹ کو بھی نشانا بنایا اور کہا کہ ’’انصاف خود بولتا ہے، اسے کسی تشریح، تفسیر، تقریر یا اضافی نوٹ کی ضرورت نہیں ہوتی۔‘‘مسلم لیگ نون کے اندرونی حلقے مریم نواز کے اس بیان پر زیادہ پریشان دکھائی دیتے ہیں۔ ایک ایسے وقت میں جب انتخابات قومی سیاست کے افق پر چھا رہے ہیں، نوازشریف اور اُن کی صاحبزادی نے ایک ایسی روش اختیار کر رکھی ہے جووزیراعلیٰ پنجاب شہباز شریف کے لیے بھی مستقبل میں مشکلات پیدا کرسکتی ہیں۔عدلیہ نے حدیبیہ پیپرملز کیس میں جو فیصلہ سنا یا ہے اُس نے مسلم لیگ نون کے عقابوں اور نوازشریف اور اُن کی صاحبزادی کے عدلیہ مخالف بیانئے کو سخت دھچکا پہنچایا ہے۔شریف خاندان کے اندرونی ذرائع کے مطابق یہ پہلو نوازشریف اور اُن کے خاندان کو بھی پریشان کررہا ہے کہ شہبازشریف کو عدلیہ کے ذریعے عملی مشکلات کا سامنا نہیں کرنا پڑرہا کہیں یہ چھوٹے بھائی کی طرف سے زیادہ بہتر حکمت عملی کا نتیجہ تو نہیں۔ تاہم بڑے بھائی کے گھرانے میں اِسے کسی ملی بھگت کا شاخسانہ سمجھا جارہا ہے۔ یہ پہلو خاندان کے اندر بھی تنازعات کو بڑھا رہا ہے۔اس سے قطع نظر یہ ایک یقینی پہلو ہے کہ نوازشریف اور اُن کا گھرانہ عملاً عدلیہ کے خلاف محاذآرا ہو چکا ہے۔ جبکہ اب اُنہیں عدلیہ کی طرف سے جواب بھی دیا جارہا ہے۔ چنانچہ مریم نواز کے ٹوئٹر کو دراصل فرسٹریشن کا نتیجہ بھی قرار دیا جارہا ہے۔ نوازشریف اور اُن کے گھرانے نے کچھ عرصے سے شعوری طور پر فوج کے خلاف زبان بند رکھ کر عملاً عدلیہ کے خلاف بیان بازی شروع کردی تھی اور یہ سمجھا جارہا تھا کہ عدلیہ ا س پر جواب دینے کے قابل بھی نہیں ہوگی۔ مگر عدلیہ کے معزز اور قابل منصفین نے انتہائی شائستگی سے نوازشریف اور اُن کے گھرانے کو جواب دینا شروع کردیا ہے۔ حیرت انگیز طور پر مریم نواز اور اُن کے والد محترم نے اس امر پر غور نہیں کیا کہ منصف اعلیٰ ثاقب نثار نے عمران خان اور جہانگیر ترین کی نااہلی کیس کے فیصلے میں لکھا ہے کہ اقتدار میں رہنے والے اور عوام کے منتخب نمائندے ایماندا ر ہونے چاہئے۔ اُنہوں نے یہ بھی کہا کہ ریاستی امور ایماندار اور صادق لوگوں کی جانب سے نہیں چلائے جارہے ہیں۔ اگر نوازشریف اور اُن کا گھرانہ اس پر غور کرتا تو دراصل اُنہیں عدلیہ سے لڑنے کی ضرورت ہی نہ پڑتی۔ اُنہیں یاد کرنا چاہئے کہ جسٹس (ر) قیوم کو ٹیلی فون کرتے رنگے ہاتھوں کو ن پکڑا گیا تھا؟ چیف جسٹس(ر) سجاد علی شاہ مرحوم کے خلاف چلائے جانے والی مہم میں نوازشریف سابق صدر رفیق تارڑ کے ساتھ بریف کیس لے کر کوئٹہ کیوں گئے تھے؟ دراصل عدلیہ کو اپنی مرضی سے چلانے کے دیرینہ کھیل سے عدلیہ کے باہر ہونے سے وہ کچھ سامنے آرہا ہے جو شریف خاندان کے ردِ عمل کا باعث بن رہا ہے۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
