... loading ...
... loading ...
کتاب:اُردو ناول …تاریخ و ارتقا(تنقید)
(آغاز سے اکیسویں صدی تک)
مصنف:ڈاکٹر محمد اشرف کمال
قیمت:۸۰۰؍روپے
ناشر:رنگ ادب پبلی کیشنز،کراچی
ڈاکٹر محمد اشرف کمال کی دودرجن سے زائد تصانیف زیور طباعت سے آراستہ ہو چکی ہیں،وہ ایک ماہر تعلیم ہیں اس لیے ان کی زیادہ تر کتابیں نصابی نوعیت کی ہوتی ہیں جو ریسرچ ورک میں کام آتی ہیں،’’اُردو ناول…تاریخ وارتقا‘‘ بھی ایسی ہی کتاب ہے جس میں ناول کیا ہے،ناول کی اقسام،ناول کے فنی لوازمات، پلاٹ، کہانی، کردار، مکالمہ، منظر نگاری،زبان و بیان،اُردو ناول کی تاریخ اور سینکڑوں ناول نگاروں کا تذکرہ لکھا گیا ہے۔ان ناول نگاروں میں ڈپٹی نذیر احمد سے شاعرعلی شاعر تک کا تذکرہ کیا گیاہے،ان کی ناول نگاری کا جائزہ لیاگیاہے،۵۱۲ صفحات پر مشتمل یہ کتاب ناول اور ناول نگاروں کے حوالے سے بڑا تحقیقی کام ہے،جو ریسرچ اسکالرز کی ضروریات کو بھی پوری کرتاہے۔ خواتین ناول نگاروں کی ناول نگاری پر بھی بھر پور روشنی ڈالی گئی ہے۔ان میں عذرا عباس، نجمہ سہیل،بشرارحمن،طاہرہ اقبال، عذرا اصغر، نسیم انجم اور معتدد خواتین افسانہ نگاروں کا تذکرہ کیا گیاہے۔
……………
کتاب :ناول کا نیا جنم(تحقیقی جائزہ)
(مشرق و مغرب کے حوالے سے)
محقق :خرم سہیل
قیمت:۱۲۰۰؍روپے
ناشر:رنگ ادب پبلی کیشنز،کراچی
’’ناول کا نیا جنم‘‘ایک ایسی کتاب ہے جس میں مشرق و مغرب کے حوالے سے ناول پر تنقیدی، تحقیقی، تجزیاتی اور مطالعاتی مضامین شامل اشاعت کیے گئے ہیں،اس کتاب نہ صرف ناول پر تنقیدی مضامین ہیں بلکہ ناول کی تاریخ،ارتقا،ناول نگاروں کے انٹرویو، ناول کے اجزائے ترکیبی،مغرب میں ناول کا تخلیقی پس منظر،انگریزی زبان میں ناول نگاری کی ابتدا،انگریزی کے بڑے ناول نگار،مغربی ناول نگاروں کی شخصیت اور ان کی اہم تخلیقات کا جائزہ لیاگیاہے،اکیسویں صدی اور عالمی ادب کے معروف ناول نگاروں ،انیسویں صدی میں اُردو ناول نگاری کی ابتدا،آزادی کے بعد اُردو ناول کے خدوخال، آزادی کے بعد اُردو ناول کی نئی صورت حال،ترقی پسند تحریک کا اُردو ناول پر اثر،اُردو ناول میں فسادات، ہجرت، اُردو ناول کے ہمہ گیر سروکار،اُردو ناول پر مختلف فلسفہ و فکر کے اثرات اورناول نگاروں کے بارے میں بے شمار معلومات اس کتاب کا حصہ ہیں۔یہ کتاب فکشن میں یار رہ جانے والی ہے۔
……………
کتاب:مزے مزے کے مشاعرے(مزاحیہ مضامین)
مؤلف:شجاع الدین غوری
قیمت:۵۰۰؍روپے
ناشر:رنگ ادب پبلی کیشنز،کراچی
شجاع الدین غوری کا میدان مزاح نگاری ہے ان کی اب تک طنزو مزاح کی چار کتابیں ۱۔یہ اقبالیے(علامہ اقبال پر مزاحیہ مضامین)،۲۔بذلہ سنجانِ دوعالم (کراچی کے مزاح نگاروں کا انتخاب)، ۳۔نیرنگ مزاح(مزاحیہ نثر پارے)، ۴۔ مزے مزے کے مشاعرے (مزاحیہ مشاعروں کی روداد)شامل ہیں،زیرنظر کتاب اپنی نوعیت کی منفرد کتاب ہے جس میں برصغیر پاک و ہند کے حوالے سے مزاحیہ مشاعروں کی روداد مختلف مزاح نگاروں کے قلم سے یکجا کی گئی ہیں جن میں مولانا عبدالماجد دریا آبادی،نیاز فتح پوری،حاجی لق لق،مرزا فرحت اللہ بیگ،عشرت رحمانی،شوکت تھانوی،کنہیا لال کپور،مجید لاہوری،مشتاق احمد یوسفی،ابن انشا،ارشد محمود،سید ضمیر جعفری،شجاع الدین غوری،برق آشیانوی،مجتبیٰ حسین،یوسف ناظم،رام لال نابھوی،عظیم اختر،شاہدہ صدیقی،منظور عثمانی،اسد رضا،محمود فیضانی شامل ہیں،مزاح پڑھنے والوں کے لیے یہ ایک نایاب تحفہ ہے جسے مطالعہ کرتے وقت ہنسی ضبط کرنا محال ہو جاتاہے۔
……………
کتاب:خوابوں کا جزیرہ(افسانے)
افسانہ نگار:رضیہ فصیح احمد
قیمت:۶۰۰؍روپے
ناشر:رنگ ادب پبلی کیشنز،کراچی
رضیہ فصیح احمد فکشن کا ایک بڑا نام ہے،جن کے متعدد افسانوی مجموعے اور کئی ناول شائع ہو چکے ہیں،آج کل ان کے فن و شخصیت پر تحقیقی کام ہو رہا ہے،ان کے قلم کی روانی انھیں بے چین رکھتی ہے یہی وجہ ہے کہ ان کی کوئی نہ کوئی نئی کتاب منظر عام پر آتی رہتی ہے،زیرنظر کتاب رضیہ فصیح احمد کے غیر مطبوعہ افسانوں کا مجموعہ ہے،اس سے قبل ان کے فن و شخصیت پر تحریر کی گئی کتاب’’رضیہ فصیح احمد کے افسانوں کا تحقیقی مطالعہ‘‘ شائع ہوئی تھی جسے معروف شاعرو ادیب جناب اکرم کنجاہی نے ترتیب دیا تھا،’’خوابوں کا جزیرہ‘‘کا پیش لفظ معروف افسانہ نگار جناب نجم الحسن رضوی نے لکھا ہے جب کہ کتاب میں ۲۷؍افسانے اور ۱۴؍افسانچے شامل اشاعت کیے گئے ہیں،ان کے افسانے معاشرے میں پھیلے عنوانات کا حصار کرتے ہیں اور وہ فی زمانہ واقعات کو موضوعات بناتی ہیں،ان کی تحریر موثراور سلیس ہوتی ہے جس میں ابلاغ کا کوئی مسئلہ درپیش نہیں ہوتا۔
……………
کتاب:پھول،کلیاں،تارے(بچوں کا ادب)
کلام:اعجاز رحمانی
قیمت:۵۰۰؍روپے
ناشر:رنگ ادب پبلی کیشنز،کراچی
ویسے تو جناب اعجاز رحمانی کی حمدو نعت ،منظوم سیرت النبی،منظوم تاریخ اسلام،منظوم سیرت خلفائے راشدین اورغزل کی پانچ ضخیم کلیات شائع ہوچکی ہیں مگر’’ پھول، کلیاں، تارے‘‘ پہلی بارمنظرعام پر آئی ہے جس میں بچوں کی نظمیں،لطیفے اور منظوم مشاعروں کے احوال بیان کیے گئے ہیں،یہ کتاب بچوں کے ادب پر مشتمل ہے،جناب اعجاز رحمانی جہاں بڑوں کی نفسیات سے آگاہ ہیں وہاں وہ بچوں کی ذہین عمر اور نشوونما سے بھی واقف ہیں اور جانتے ہیں کہ بچوں کی تعلیمی تربیت کس طرح کی جائے،زیرنظر کتاب میں بچوں کو کھیل کھیل میں تعلیم دی گئی ہے تاکہ بچہ لطیفے پڑھنے کا لطف بھی اٹھائے اور اُردو قرأت میں بھی مہارت پیدا کرتے جائے،اسی لیے جناب اعجاز رحمان نے آسان فہیم،روانی اور سلاست کے ساتھ بچوں کے لیے منظوم ادب تخلیق کیا ہے ۔یہ بچوں کے لیے اچھی کتاب ثابت ہوگی۔
……………
کتاب :اُردو بستی لندن سے(تنقید)
مصنف:یشب تمنا
قیمت:۳۵۰ روپے
ناشر:اُردوورثہ،لندن
اُردو ورثہ، لندن کے زیراہتمام شائع ہونے والی معروف شاعر و ادیب جناب یشب تمنا کے تنقیدی مضامین کی کتاب’’اُردو بستی لندن سے‘‘حال ہی میں شائع ہوئی ہے جس میں ان کے۲۳ تنقیدی مضامین شامل ہیں ۔یہ مضامین معروف اور قد آور ادبی شخصیات پر لکھے گئے ہیں جن میںناصر کاظمی،ساقی فاروقی،ظفر اقبال،رفیع الدین راز،اختر ضیائی، حبیب حیدر آبادی، باصر کاظمی، صدیقہ حبیب شبنم،رضا علی عابدی،ڈاکٹر جاوید شیخ،سلیم فگار،سعید اختر درانی،یاسمین حبیب،ڈاکٹر اعظم کمال،فرخندہ رضوی،سہیل انور،فاروق ساغر اور سیمیں برلاس شامل ہیں۔ شخصی مضامین کے علاوہ کچھ مضامین تنقیدی بھی ہیں ۔ عرض ناشرکے عنوان سے محترمہ سیدہ تحسین فاطمہ نے اظہار رائے کیا ہے۔ جناب یشب تمنا کی شاعری اور مضمون نگاری دونوں قابل ذکر ہیں۔یہ حقیقت ہے کہ انھوں نے حاصل زندگی ادبی سرمائے کو کتابی اشکال میں پیش کیا ہے جو اُردو ادب کے دامن کو مالا مال کرتاہے۔
٭ ٭ ٭
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
