... loading ...
انٹر ویو: راؤ محمد عدنان
س: تحریکِ محصورین مشرقی پاکستان کے کیا مقاصد میں اور اس کا منشور کیا ہے؟
ج: تحریکِ محصورین مشرقی پاکستان کے مقاصد میں سرِفہرست ملک کی بقاء کے لیے 1971ء کی جنگ میں شہید ہونے والے فوجی بھائیوں اور محب وطن پاکستانیوں کی قربانیوں سے قوم کو جگاتے رہنا ہے جبکہ بنگلہ دیشی کیمپوں میں محصورپاکستانیوں کو درپیش پریشانیوں سے نجات دلانے کے لیے حکومت اور مخیر حضرات کی توجہ ان کی مشکلات کی جانب متوجہ کرنا ہے جبکہ تحریکِ محصورین کے منشور میں یہ بھی شامل ہے کہ بنگلہ دیش کے کیمپوں میں محصورپاکستانیوں کی وطن واپسی کے لیے کوششیں جاری رکھنا ہے چونکہ وہ گذشتہ 47سال سے انتہائی بدترین صورت ِ حال سے دو چار ہیں۔ علاوہ ازیں جب بنگلہ دیش میں محصور پاکستانی وطن واپس آجائیں تو ان کی آباد کاری اور ان کے فلاح و بہبود کے لیے کام کرنا ہے۔
س: تحریکِ محصورین سے آپ کب اور کیوں وابستہ ہوئے کیا کوئی خاص واقعہ یا کوئی کاز کار فرما تھا؟
ج: تحریکِ محصورین مشرقی پاکستان سے میں چند ماہ قبل وابستہ ہوا تاہم میں گذشتہ چند سالوں سے سقوطِ ڈھاکہ کے سیمینار میں شریک ہورہا ہوں میں نے خود پاکستان بنتے اور دولخت ہوتے دیکھا ہے اس المیے کے نتائج سے مجھ سمیت پوری قوم کو جو صدمہ پہنچا ہے وہ تاحال نہیں بھلایا جا سکا جبکہ وہ لوگ جنھوں نے پاکستان کی سا لمیت کو بچانے کے لیے پاکستانی فوج کے ساتھ مل کر 1971ء کی جنگ میں ملک کی بقاء کی جنگ لڑی اور جا ن و مال کی قربانیاں دیں جو گذشتہ 47سال سے محصورین کیمپوں میں بدترین زندگی گزارنے پر مجبور ہیں اس خالص انسانی مسئلے کو حکومتِ پاکستان نے سیاسی مسئلہ بنا کر محصورین کی قربانیوں کو فراموش کردیا ہے یہی وجہ ہے کہ میں نے انتہائی غور و فکر کے بعد فیصلہ کیا کہ ہر سطح پر ان کی آواز کے ساتھ آواز ملاؤں گا اور ان کی مدد کروں گا ۔ اب مجھ پر زیادہ ذمہ داری اس لیے بھی عائد ہوگئی ہے کہ میں سمجھتا ہوں کہ محصورین بنگلہ دیش میں اور ان کے منقسم خاندان کراچی میں دونوں کی حالتِ زار قابل رحم ہے۔میں نے متعدد ہمدردِ محصورین کے اصرار پر تحریکِ محصورین مشرقی پاکستان کی چیئرمین شپ بھی قبول کرلی ہے۔
س: ان حالات میں جب سقوطِ ڈھاکہ کو 47سال بیت گئے ہیںاور ہماری حکومت نے محصورین کو ابھی تک قبول نہیں کیا ہے تو آپ کیا سمجھتے ہیں ان کی واپسی ممکن ہے؟
ج: جی ہاں اگر حکومتِ پاکستان چاہے تو محصورین کی وطن واپسی بالکل ممکن ہے وہ سچے اور پکے پاکستانی ہیں جو 47سال گذرنے کے بعد بھی پاکستان زندہ باد کا نعرہ لگا رہے ہیں، اپنے کیمپوں میں پاکستانی پرچم لہرا رہے ہیں اور پاکستان آنے کے لیے ایڑیاں رگڑ رہے ہیں۔ اس حقیقت سے بھی آگاہ کرتا چلوں کہ 2013ء کے انتخابات سے قبل پاکستان مسلم لیگ (ن)کے سربراہ میاں محمد نواز شریف جب کراچی کے ایک پنج ستارہ ہوٹل تشریف لائے تھے تو محسنِ محصورین سابق چیف جسٹس آف پاکستان جسٹس سعید الزماں صدیقی نے تحریکِ محصورین کے ایک اعلیٰ سطحی وفد سے ان کی ملاقات کروائی تھی اس دن موجودہ وزیر داخلہ احسن اقبال بھی ان کے ہمراہ موجود تھے وفد میں حق نواز اختر، خواجہ سلمان ، حسن امام صدیقی، اسماعیل ابراہیم آٹیہ اور حیدر علی حیدر شامل تھے جنھوں نے میاں نواز شریف کی خدمت میں ایک یادداشت بھی پیش کی گئی تھی جس پر میاں نواز شریف نے پر ہجوم میڈیا کی موجودگی میں اعلان کی تھاکہ پاکستان مسلم لیگ (ن) کو مرکز میں حکومت بنانے کا موقع ملاتو محصورین کی منتقلی کا کام مکمل کرلیا جائے گا لیکن 4سال گذرنے کے باوجود محصورین کی منتقلی کے لیے کچھ بھی نہیں کیا گیا اگر حکومت اپنا وعدہ پورا کرے تو ان محبِ وطن پاکستانیوں کو بلاتامل وطن واپس لا کر صوبہ پنجاب میں آباد کیاجاسکتا ہے۔
س: محصورین کی واپسی کس طرح پاکستان کے لیے سود مند ثابت ہوسکتی ہے؟
ج: بنگلہ دیش میں محصورپاکستانی جو اس ملک سے بے پناہ محبت کرتے ہیں ان کی آمد سے یہاں حُب الوطنی کے فروغ کے لیے انتہائی مثالی ثابت ہوگی ۔ ان کی حُب الوطنی سے لوگ سبق سیکھیں گے اور پاکستان کو ناقابلِ تسخیر بنانے میں اپنا کردار ادا کریں گے میرے خیال میں اس سے زیادہ سود مند اور کیا ثابت ہوسکتی ہے۔
س: محصورین اپنی مدد آپ کے تحت واپس کیوں نہیں آسکتے کیا پاکستانی یا بنگلہ دیشی حکومت کی جانب سے کوئی پابندی ہے؟
ج: محصورین کی ایک بڑی تعداد اپنی مدد آپ کے تحت پاکستان آسکتی ہے اور وہ آنے کو تیار بھی ہیں لیکن بد قسمتی یہ ہے کہ ہماری حکومت جب انہیں پاکستانی ہی تسلیم نہیں کرتی اور انہیں پاکستانی شناختی کارڈ ، ویزااور پاسپورٹ جاری کیسے کرے گی؟ حکومت کو چاہیے کہ پہلے محصورکو پاکستانی تسلیم کرے اور ان کو دستاویزات ان کے حوالے کرے اپنی مدد آپ کے تحت ایک بڑی تعداد پاکستان آسکتی ہے۔
س: سنا گیا ہے کہ محصورین بنگلہ دیشی شہریت لینا نہیں چاہتے جبکہ بنگلہ دیش کی سپریم کورٹ نے 1971ء کے بعد پیدا ہونے والے محصورین کی اولادوں کو بنگلہ دیشی شہریت دینے کا حکم دیاہے؟
ج: جی ہاں ! وہ بھی ایک سازش تھی 2008ء میں وہاں کی سپریم کورٹ کے اعلان کے بعد وہاں کیمپوں میں مقیم محصورین کو وہاں کے با اثرلینڈ مافیا انہیں شہریت اس لیے دلانا چاہتے تھے تاکہ شہریت لینے والے کو کیمپ سے بے دخل کرکے ان کی خالی زمینوں پر قبضہ جما سکیں لیکن ان کا یہ خواب اس لیے پورا نہیںہوسکا کہ آج تک سپریم کورٹ کے فیصلے کا نوٹیفیکیشن جاری نہیں ہوا بلکہ اب تو وہاں کی موجودہ حکومت نے پارلیمنٹ سے ایک ایسا بل پاس کروایا ہے جس کے مطابق وہ بنگلہ دیشی جو کبھی بھی پاکستان کا حامی رہا ہواسے بنگلہ دیشی نہیں سمجھا جائے گا اس کی شہریت منسوخ کی جاسکتی ہے۔ اس صورتِ حال سے مذکورہ شہریت کا بخوبی اندازہ لگایا جا سکتا ہے۔
س: کیا آپ یہ بتانا پسند کریں گے کہ 1971ء کی جنگ کے بعد محصورین کو بنگلہ دیشی حکومت کے رحم وکرم پر بنگلہ دیشی کیمپوں میں کیوں چھوڑدیا گیا اس کا ذمہ دار کون ہے؟
ج: اصل حقیقت یہ ہے کہ 1971ء کی جنگ میں ان بدقسمت پاکستانیوں نے پاک فوج کا ساتھ دیا اور جب جنگ ختم ہوگئی تو شملہ معاہدے کے تحت 90ہزار جنگی قیدیوں کو تو رہا کروالیا گیا لیکن بنگلہ دیش میں محصور پاکستانیوں کو حکمران بھول گئے اگر محصورین کی واپسی بھی اسی وقت ہوجاتی تو یہ دن انہیں نہیں دیکھنا پڑتا۔ میرے نزدیک اس کے ذمہ دار اس وقت کی حکومت ہے جنھوں نے بہاریوں کو ہراول دستہ کے طور پر استعمال کیا اور انہیں وہیں چھوڑدیا سچ پوچھیں تو انہیں پاک فوج کا ساتھ دینے کی سزا دی گئی ہے یہ بات تو پوری دنیا جانتی ہے کہ محصورین نے ایک مرتبہ پاکستان قائم کرنے کے لیے قربانیاں دیں اور دوسری مرتبہ 1971ء میں پاکستان کی بقاء کے لیے حُب الوطنی کا ثبوت دیتے ہوئے پاک فوج کا ساتھا دیا ۔ جس کے نتیجے میں 47سال سے کیمپوں میں رہ کر بھی پاکستانی پرچم کو سربلند کررکھا ہوا ہے بنگلہ دیش کی سرزمین پر پاکستانی پرچم لہرانادل گردے کی بات ہے جبکہ پوری پاکستانی قوم یہ جانتی ہے کہ وہاں کی وزیرِاعظم حسینہ واجد پاکستان اور پاکستانیوں سے کس قدر نفرت کرتی ہے۔
وہ پاکستا ن اور پاکستانیوں کا نام تک سننا گوارا نہیں کرتی ۔
س: آپ کیا سمجھتے ہیںمحصورین پاکستان آبھی جائیں تو وہ پاکستانی معاشرہ پر بوجھ تو نہیں بن جائیں گے؟
ج: محصور پاکستانی تو وہ ہنر مند ہیں جو پاکستانی معاشرے پر بوجھ بننے کے بجائے اس کی معیشت کو مضبوط بنانے کے لیے اہم کردار ادا کریں گے اُن میں سے کوئی کبھی بھیک مانگتا ہوا نظر نہیں آئے گا وہ یہاں آکر بہت جلد اپنے پیروں پر کھڑے ہوجائیں گے اور انہیں خوشی ہوگی کہ اُن کو اُن کے خوابوں کا تاج محل مل جائے گا جس کے لیے وہ اور ان کے آباو اجداد نے قربانی کا نذرانہ پیش کیاتھا۔
س: آپ کیا سمجھتے ہیں کہ نادرا مشرقی پاکستان سے آنے والے بہاریوں کو پاکستان کا قومی شناختی کارڈ کا اجراء کیوں نہیں کررہا ؟
ج: نادرا نے مشرقی پاکستان سے آنے والے بہاریوں کو قومی شناختی کارڈ اس لیے جاری نہیں کررہا کہ وہ انہیں غیر ملکی تارکینِ وطن سمجھتا ہے جبکہ جن بہاریوں کے قومی شناختی کارڈ پہلے جاری ہوچکے ہیں ان کے کارڈ کی میعاد ختم ہونے کے بعد اس کی تجدید بھی نہیں کررہا اس میں بھی رکاوٹیں کھڑی کی جارہی ہیں نادرا بہاریوں کو پاکستانی ماننے سے انکاری ہے حالانکہ پوری قوم اور حکومتی ادارے بہاریوں کو
پاکستانی تسلیم کرتے ہیں اس صورتِ حال سے ایسا لگتا ہے کہ نادرا حکومتِ پاکستان کے ماتحت نہیں بلکہ حکومت نادرا کے ماتحت ہے۔
س: ایک تاثر یہ بھی ہے کہ نادرا میں رشوت کا بازار گرم ہے جو رشوت دیتا ہے اس کو کارڈ جاری کردیا جاتا ہے آپ اس تاثر کو کتنا درست سمجھتے ہیں؟
ج: نادرا میں رشوت دینے پر تو غیر ملکیوں کا کارڈ بھی بن جاتا ہے لیکن بہاری چونکہ بھاری رشوت دینے سے قاصرہیں لہٰذا بہاریوں کو غیر ملکی کہہ کر ان کے شناختی کارڈ کے فارم پر ــ’’F‘‘ لگا دیتا ہے جس کا مطلب غیر ملکی تارکینِ وطن ہے۔بہاریوں کو دراصل ان کی حُب الوطنی کی سزا دی جارہی ہے یہی صورتِ حال برقرار رہی تو پھر ملک سے محبت کون کرے گا۔نادرا رشوت دینے والوں کو بآسانی کارڈ جاری کردیتا ہے جبکہ رشوت نہ دینے والوں کو گھنٹوں لائن میں کھڑا رکھا جاتا ہے اور جب ان کا نمبر آتا ہے توکوئی نہ کوئی اعتراض لگا کر واپس کردیا جاتا ہے شہریوں کو نادرا سے بیحد شکایات ہیں لیکن اس کا مداوا کرنے والا کوئی نہیں؟
س: آپ پاکستانی عوام کو کوئی پیغام دیناچاہیں گے؟
ج: میں اپنے پاکستانی بھائیوں اور بہنوں کو یہ پیغام دینا چاہتا ہوں کہ ملک کو مضبوط سے مضبوط تر بنانے کے لیے اتحاد و یکجہتی کو فروغ دیں اور آئیندہ انتخابات میں اُن امیدواروں کو ووٹ دیں جو بنگلہ دیش میں محصور پاکستانیوں کی وطن واپسی کے لیے ہر سطح پر آواز بلند کرے تاکہ محصورین اپنے ملکمیں آکر سکھ کا سانس لے سکیں۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...