وقت پر جگانے والی دلچسپ اور کارآمد ایپس

پیر 18 ستمبر 2017 وقت پر جگانے والی دلچسپ اور کارآمد ایپس

اگر آپ کو میری طرح صبح بیدار ہونے میں مشکل پیش آتی ہے تو اس مضمون میں جگانے والی کئی دلچسپ اور کارآمد ایپس پیش کی جارہی ہیں۔ لیکن خبردار یہ ایپس بہت ڈھیٹ ہیں اور انہیں بند کرنے کے لیے بار بار سنوز بٹن دبانے سے کام نہیں چلے گا۔اگر آپ چاہتے ہیں کہ الارم بند ہوجائے تو جاگیں اور ایک سیلفی لیں تب کہیں جاکر الارم بند ہوگا۔ ایک اور ایپ میں آنکھیں کھول کر ویڈیو گیم کھیلیں یا کوئی پزل حل کریں تب ہی اس الارم کی چیخ پکار بند ہوتی ہے۔ تو پہلے پیشِ خدمت ہے انتہائی گہری نیند والوں کو اٹھانے والی ایپ۔
گہری نیند والوں کے لیے الارم ایپ
اس ایپ کا نام ہی کافی ہے یعنی ’الارم کلاک فور ہیوی سلیپرز‘ جو مفت میں پلے اسٹور سے دستیاب ہیں لیکن یہ اشتہارات دکھاتی ہے اور اشتہار کے بغیر والی ایپ کی قیمت دو ڈالر رکھی گئی ہے۔ اس میں آپ اپنی پسند کے الارم سیٹ کرسکتے ہیں جن میں بادلوں کی گھن گھرج بھی شامل ہے۔ الارم صرف اسی صورت بند ہوتا ہے جب آپ اٹھ کر ایک لفظی معمہ حل نہیں کرلیتے۔
سیلفی سے تھمنے والا الارم
عموماً ہم الارم بجنے پر سنوز کا بٹن دبادیتے ہیں جو پانچ منٹ بعد دوبارہ بج اٹھتا ہے۔ اس کے لیے یہ ایپ تیار کی گئی ہے۔ لیکن اس ایپ کا الارم بند کرنے کے لیے آپ کو کوئی گیم کھیلنا یا سیلفی لینا پڑتی ہے اور یوں الارم خاموش ہوتا ہے۔ یہ ایپ مفت میں دستیاب ہے لیکن اس کے بدلے اشتہارات آتے رہتے ہیں۔
الارمی
الارمی ایسی ایپ ہے جو آپ کو جگانے کی ہرممکن کوشش کرتی ہے۔ ڈیفالٹ کے طور پر اس کا الارم صرف اسی وقت بند ہوتا ہے جب آپ کسی ایسی شے کی تصویر لیں جو آپ نے رجسٹریشن کے وقت منتخب کی ہوتی ہے، مثلاً باتھ روم کا آئینہ یا گھر میں رکھا ٹی وی وغیرہ۔دیگر آپشن میں آپ فون کو زور زور سے جھنجھوڑیں گے تب ہی وہ خاموش ہوگا۔ اس کے علاوہ آپ کسی لفظی معمے کا انتخاب بھی کرسکتے ہیں۔ الارمی کا اشتہار والا ورژن مفت میں یہاں سے ڈاؤن لوڈ کیا جاسکتا ہے۔
چلیے اٹھ کر گیم کھیلئے
الارم مون ایپ کے ذریعے آپ کو صبح اٹھتے ہیں ایک چھوٹا گیم کھیلنا ہوگا تاکہ الارم کو بند کیا جاسکے لیکن گیم کھیلتے ہوئے صبح کے لیے آپ کو کام کی تاخیر بھی ہوسکتی ہے۔ دیگر آپشن کے لیے آپ کو دو ڈالر ادا کرنا ہوں گے جن میں کچھ اسٹیکر اور فیچرز ہیں لیکن بنیادی طور پر الارم مون بالکل مفت میں دستیاب ہیں۔
ویک الارم کلاک
اس ایپ کو چلانے کے لیے ٹیپ کرنے کی بجائے فون کو سوائپ یا دائیں اور بائیں ہلانا پڑتا ہے۔ ایپ کا انٹرفیس بھی بہت دلچسپ اور خوبصورت ہے۔اس میں آپ بار بار بجنے والے 8 مختلف الارم سیٹ کرسکتے ہیں۔ اس میں سکون دینے والی دھنوں سے لے کر شور اور تیز آوازوں کو بھی منتخب کیا جاسکتا ہے۔ لیکن وقت کے ساتھ ساتھ الارم تیز اور مزید تیز ہوتا جاتا ہے جسے بند کرنے کے لیے فون کو ہلانا پڑتا ہے۔ لیکن یہ ایپ صرف آئی فون کے لیے ہے۔

وقت پر جگانے والی دلچسپ اور کارآمد ایپس

متعلقہ خبریں

اشتہار

اشتہار