... loading ...
... loading ...
پاکستان بننے سے لے کر آج تک ہر حکومت اس لیے بھی مضبوط ہوتی ہے کیونکہ وہ ہمیشہ پولیس کے ذریعہ حکومت کرتی ہے اور پولیس کو مخالفین کے خلاف استعمال کرکے اپنے مقاصد حاصل کرتی ہے۔ یہ کھیل ایوب خان سے شروع ہوا اور اب تک بلا خوف و خطر جاری ہے۔ کبھی مولانا شاہ احمد نورانی، تو کبھی اکبر بگٹی، کبھی پاکستان قومی اتحاد کی قیادت تو کبھی ایم آر ڈی کی قیادت، پاکستان پی ڈی اے تو کبھی اے آر ڈی کی قیادت جیل بھیج دی جاتی ہے۔ یہ سب مارشل لاء اور جمہوری حکومتوں کے دور میں ہوتا رہتا ہے۔ اس حد تک پولیس کو استعمال کیا جاتا ہے کہ چادر اور چار دیواری اور مشرقی روایات کا تقدس بھی پا مال کیا جاتا ہے۔ بینظیر بھٹو، بیگم نصرت بھٹو، کلثوم نواز ، وینا حیات، شہلا رضا، راحیلہ ا ٹوانہ، کلثوم چانڈیو سمیت ایسی سینکڑوں خواتین ہیں جو پولیس گردی کا شکار ہوئی ہیں۔ پویس انہیں صرف اس لیے گرفتار کرتی رہی کہ اس سے وقت کے حاکم کو خوشی ملے گی، موجودہ حکومت نے بھی پولیس کو اپنے مقاصد کے لیے استعمال کیا ہے۔ حتیٰ کہ اپنے ہی دوستوں اور حامیوں کو نہیں بخشا گیا۔
وزیراعلیٰ سندھ سید مراد علی شاہ پہلے پولیس افسران کی تقرریاںا ور تبادلے کرتے تھے، اب کانسٹیبل سے لے کر ڈی آئی جی تک تبادلوں کا اختیار وزیر داخلہ سہیل انور سیال کو ملا ہے تو انہوں نے دھڑا دھڑ تبادلے شروع کر دیے ہیں اور ان کا دفتر اب ایک دُکان کی شکل پیش کر رہا ہے ،جہاں ہر عہدے کے دام مقرر ہیں اور دام دے کر خریداری کی جاسکتی ہے صرف ایک ہفتے میں 40 پولیس افسران کے تبادلے کر دیے گئے ہیں، ہر ڈویژن میں تبادلے کر دیے گئے ہیں جس پر زبردست تنقید بھی ہو رہی ہے۔ اس صورتحال کو دیکھ کر بآ لاخر وزیراعلیٰ نے بھی چپ کا روزہ توڑا ہے، وہ اب صرف 6 ایڈیشنل آئی جیز کے تبادلے کر سکتے ہیں اور وہی تبادلے انہوں نے پیر کے روز کر دیے ہیں۔ چیئرمین اینٹی کرپشن غلام قادر تھیبو نے ایڑی چوٹی کا زور لگایا کہ ان کو آئی جی سندھ پولیس لگایا جائے جس کے لیے انہوں نے طاقتور خاتون رکن قومی اسمبلی کے پاس حاضری بھی دی لیکن قسمت نے ان کا ساتھ نہ دیا اور بآلاخر وہ تھک ہار کر دوبارہ کراچی پولیس چیف بن گئے ہیں جہاں پہلے وہ غلام حیدر جمالی کے ساتھ کام کرچکے ہیں اب اپنے سے جونیئر اے ڈی خواجہ کے ماتحت کام کریں گے۔ مشتاق مہر کو کراچی پولیس چیف کے عہدے سے اس لیے ہٹایا گیا کیونکہ وہ واحد افسر تھے جو حکومت اور آئی جی سندھ پولیس کے تنازع میں کھل کر آئی جی کے ساتھ کھڑے ہوگئے جس پر حکومت سندھ ان سے ناراض ہوگئی۔ ایڈیشنل آئی جی ریسرچ سردار عبدالمجید دستی کو اس لیے ایڈیشنل آئی جی سندھ پولیس لگایا گیا تاکہ ان کے ذریعہ سندھ پولیس کے معاملات چلائے جائیں، صرف دو ایڈیشنل آئی جی ثناء اللہ عباسی اور ولی اللہ دل کو تبدیل نہیں کیا گیا ۔باقی پانچ ایڈیشنل آئی جی سردار عبدالمجید دستی، مشتاق مہر، غلام قادر تھیبو، آفتاب پٹھان، خادم حسین بھٹی کے تبادلے کیے گئے ہیں۔
آفتاب پٹھان کو ایڈیشنل آئی جی سندھ پولیس کے عہدے سے اس وجہ سے ہٹایا گیا کیونکہ وہ اچھی شہرت رکھنے والے افسر ہیں اور انور مجید ان سے خفا ہیں۔ اس وجہ سے سندھ پولیس میں ایڈیشنل آئی جی سندھ کے معاملات میں وہ انور مجید اینڈ کمپنی کے احکامات پر من و عن عمل نہیں کر رہے تھے۔ حالیہ تبادلوں میں غلام قادر تھیبو کو ایڈیشنل آئی جی کراچی پولیس اور سردار عبدالمجید دستی کو ایڈیشنل آئی جی سندھ پولیس مقرر کرکے آئی جی سندھ پولیس اے ڈی خواجہ کو تنگ کرنے کی کوشش کا آغاز کیا گیا ہے۔ ان دونوں افسران کو کہاگیا ہے کہ وہ وہی کام کریں گے جن کا انہیں انور مجید سے حکم ملے گا۔ مزیدار بات یہ ہے کہ دونوں پولیس افسران غلام قادر تھیبو اور سردار عبدالمجید دستی آئی جی سندھ پولیس کے عہدے کی دوڑ میں شامل ہیں۔ 3 اپریل 2017 کو حکومت سندھ نے وفاقی حکومت کو جو تین نام بطور نئے آئی جی سندھ پولیس کے لیے سفارش کرکے بھیجے تھے ان میں دونوں افسران شامل تھے، اب دیکھنا یہ ہے کہ دونوں پولیس افسران کیسے آئی جی کے عہدے تک پہنچ پاتے ہیں؟ اور یہ بھی دیکھنا ہے کہ ان میں سے کون سے افسران آئی جی سندھ پولیس کو زیادہ تنگ کرتے ہیں؟ اور پھر حکومت سندھ سے شاباس وصول کرتے ہیں۔ مگر حالیہ تبادلوں سے ایک بات تو طے ہوگئی ہے کہ سپریم کورٹ میں آئی جی سندھ پولیس کے اختیارات کی بحالی کے لیے رٹ پٹیشن دائر ہوئی ہے، تب سے حکومت سندھ سب سے زیادہ پریشان ہے حکومت سندھ سپریم کورٹ میں جانے سے قبل آئی جی سندھ پولیس کو تنگ کرنا چاہتی ہے اور آئی جی سندھ کو محدود کرنا چاہتی ہے۔
الیاس احمد
تحریک انصاف کے اسلام آباد لانگ مارچ کے لیے مرکزی قافلے نے اسلام آباد کی دہلیز پر دستک دے دی ہے۔ تمام سرکاری اندازوں کے برخلاف تحریک انصاف کے بڑے قافلے نے حکومتی انتظامات کو ناکافی ثابت کردیا ہے اور انتہائی بے رحمانہ شیلنگ اور پکڑ دھکڑ کے واقعات کے باوجود تحریک انصاف کے کارکنان ...
بانی پی ٹی آئی عمران خان کی کال پر پاکستان تحریک انصاف کے قافلے رکاوٹیں عبور کرتے ہوئے اسلام آباد میں داخل ہوگئے ہیں جبکہ دھرنے کے مقام کے حوالے سے حکومتی کمیٹی اور پی ٹی آئی کے درمیان مذاکرات بھی جاری ہیں۔پاکستان تحریک انصاف کے کارکنان چونگی 26 پر چاروں طرف سے بڑی تعداد میں ن...
پاکستان بھر میں انٹرنیٹ اور موبائل ڈیٹا سروس دوسرے دن پیرکوبھی متاثر رہی، جس سے واٹس ایپ صارفین کو شدید پریشانی کا سامنا کرنا پڑا۔ تفصیلات کے مطابق ملک کے کئی شہروں میں موبائل ڈیٹا سروس متاثر ہے ، راولپنڈی اور اسلام آباد میں انٹرنیٹ سروس معطل جبکہ پشاور دیگر شہروں میں موبائل انٹر...
وفاقی وزیر خزانہ سینیٹر محمد اورنگزیب نے اعتراف کیا ہے کہ اٹھارویں آئینی ترمیم، سپریم کورٹ کے فیصلوں اور بین الاقوامی بہترین طریقوں کے پس منظر میں اے جی پی ایکٹ پر نظر ثانی کی ضرورت ہے وزیر خزانہ نے اے جی پی کی آئینی ذمہ داری کو پورا کرنے کے لئے صوبائی سطح پر ڈی جی رسید آڈٹ کے دف...
بانی پی ٹی آئی عمران خان کی کال پر وزیراعلیٰ خیبرپختونخوا اور اپوزیشن لیڈر عمر ایوب کی قیادت میں قافلے پنجاب کی حدود میں داخل ہوگئے جس کے بعد تحریک انصاف نے حکمت عملی تبدیل کرلی ہے ۔تفصیلات کے مطابق پاکستان تحریک انصاف کے احتجاج میںپنجاب، سندھ، بلوچستان اور خیبرپختونخوا سے قافلے...
تحریک انصاف ک فیصلہ کن کال کے اعلان پر خیبر پختون خواہ ،بلوچستان اورسندھ کی طرح پنجاب میں بھی کافی ہلچل دکھائی دی۔ بلوچستان اور سندھ سے احتجاج میں شامل ہونے والے قافلوںکی خبروں میں پولیس نے لاہور میں عمرہ کرکے واپس آنے والی خواتین پر دھاوا بول دیا۔ لاہور کی نمائندگی حماد اظہر ، ...
وزیراعلیٰ خیبر پختونخوا علی امین گنڈاپور نے کہا ہے کہ وفاقی اور پنجاب حکومت جتنے بھی راستے بند کرے ہم کھولیں گے۔وزیراعلیٰ نے پشاور ٹول پلازہ پہنچنے کے بعد میڈیا سے بات چیت کرتے ہوئے کہا کہ عمران خان کی رہائی کی تحریک کا آغاز ہو گیا ہے ، عوام کا سمندر دیکھ لیں۔علی امین نے کہا کہ ...
پاکستان تحریک انصاف کے ہونے والے احتجاج کے پیش نظر وفاقی دارالحکومت اسلام آباد میں پولیس، رینجرز اور ایف سی کی بھاری نفری تعینات کر دی گئی ہے جبکہ پنجاب اور کے پی سے جڑواں شہروں کو آنے والے راستے بند کر دیے گئے ہیں اور مختلف شہروں میں خندقیں کھود کر شہر سے باہر نکلنے کے راستے بند...
سابق اسپیکر قومی اسمبلی اسد قیصر نے کہا ہے کہ ملک کو انارکی کی طرف دھکیلا گیا ہے ۔ پی ٹی آئی کارکنوں سے خطاب کرتے ہوئے اسد قیصر نے کہا کہ ہمیں 26ویں آئینی ترمیم منظور نہیں۔ انہوں نے کہا کہ بلوچستان میں حکومتی رٹ ختم ہو چکی، ہم ملک میں امن چاہتے ہیں۔ اسد قیصر نے کہا کہ افغانستان ک...
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
