... loading ...
... loading ...
سانحہ بہاولپور کے متاثرین کیلئے خوشخبری یہ ہے کہ امریکا کی ایک غیر سرکاری فلاحی تنظیم’’کمیونٹی ٹشو سروس‘‘ نے بہاولپور کے علاقے احمد پور شرقیہ کے گائوں میں جھلس کر شدید زخمی ہونے والے لوگوں کو انسانی کھالوں کا عطیہ دینے کا اعلان کیا ہے ۔امریکی این جی او کی جانب سے انسانی کھالوں کے اس عطیے سے اس سانحہ میں شدید جھلس جانے والے کم وبیش 16 مریضوں کو فائدہ پہنچے گا۔تاہم این جی او کے کرتادھرتائوں کا کہنا ہے کہ وہ انسانی کھالوں کے مزید عطیات جمع کرنے اور انھیں پاکستان بھیجنے کی کوشش کرے گی تاکہ زیادہ سے زیادہ متاثرہ افراد اپنی اصلی حالت پر بحال ہوسکیں۔
اطلاعات کے مطابق شکاگو میں قائم امریکا کی غیر سرکاری فلاحی تنظیم’’کمیونٹی ٹشو سروس‘‘ نے شکاگو سے پاکستانی قونصلیٹ کے ذریعے حکومت پنجاب سے رابطہ قائم کیاہے اور انسانی جلد کے عطیات دینے کی پیشکش کی ہے جس کے بعد مختلف ہسپتالوں میں زیر علاج شدید جھلسے ہوئے ایسے مریضوں کی شناخت کرلی گئی ہے جن کی زندگی اب خطرے سے باہر ہے۔اطلاعات کے مطابق شکاگو میں قائم ’’کمیونٹی ٹشو سروس‘‘ نے حکومت پنجاب کو ایک خط لکھاہے جس میں حکومت پنجاب سے درخواست کی گئی ہے کہ وہ انسانی جلد کے یہ عطیات فوری طورپر وصول کرنے کیلئے لاہور اور متعلقہ اضلاع کے متعلقہ افراد کی تفصیلات اس تنظیم کو روانہ کریں تاکہ یہ عطیات ان کے حوالے کیے جاسکیں۔خط میں یہ بھی کہاگیاہے کہ چونکہ انسانی جلد کے یہ عطیات ’’ڈرائی آئس ‘‘ میں بھیجے جائیں گے اس لیے حکومت اس پر کسٹمز ڈیوٹی اور اس طرح کی دوسری پابندیاں ختم کرنے کا فوری انتظام کرے تاکہ یہ انسانی جلد ضرورت مندوں تک جلد پہنچ سکیں اور سرکاری فائلوں اور اعتراضات میں پھنس کر ضائع نہ ہوجائیں۔
بہاولپور کے متاثرین کو کھالوں کاعطیہ دینے کی پیشکش کرنے والی یہ امریکی فلاحی تنظیم دنیا میں انسانی کھالوں کے عطیات فراہم کرنے والی سب سے بڑی تنظیم ہے اور یہ ہر سال دنیا بھر میں آگ سے جھلسے ہوئے لوگوں کو ان کی اصل حالت پر لانے یعنی انھیں زندگی لوٹانے میں مدد دینے کیلئے کم وبیش 4لاکھ 20 ہزار افراد کو انسانی کھال کے عطیات فراہم کرتی ہے۔یہ تنظیم انسانی کھالوں کے علاوہ حادثات کے شکار انسانوں میں پیوندکاری کے لیے انسانی ہڈیاں، اور ہر طرح کے ٹشوز بھی فراہم کرتی ہے۔
جناح ہسپتال کے میڈیکل سپرنٹنڈنٹ ڈاکٹر سہیل ثقلین کاکہنا ہے کہ تنظیم سے کھالوں کے عطیات موصول ہوتے ہی انھیں ضرورت مند مریضوں تک فوری پہنچانے کے تمام انتظامات مکمل کرلیے گئے ہیں۔اطلاعات کے مطابق یہ عطیات بکس میں پیک حالت میں جناح ہسپتال ،ملتان کے برنس سینٹر اور وکٹوریہ ہسپتال میں پہنچائے جائیں گے۔ جناح ہسپتال کے میڈیکل سپرنٹنڈنٹ ڈاکٹر سہیل ثقلین کاکہنا ہے کہ فی الوقت جناح ہسپتال میںجھلسے ہوئے 17 مریض زیر علاج ہیں جن میں 5 کی حالت نازک ہے کیونکہ ان کے جسم کا70 فیصد حصہ جھلس چکاہے۔
جھلسے ہوئے مریضوں کے علاج اور جلد کی پیوندکاری کے ماہر ڈاکٹر فرحان گوہرکا کہناہے کہ انسانی ٹشوز کو جدید طریقوں سے مصنوعی طورپرتیار کیاجاتاہے اور پاکستان میں یہ ٹیکنالوجی دستیاب نہیں ہے۔انھوں نے کہا کہ یہ پاکستان میں دستیاب ٹیکنالوجی سے بہت زیادہ جدید ٹیکنالوجی ہے۔اس ٹیکنالوجی کے ذریعے دنیا بھر میں جھلسے ہوئے لوگوں کوعلاج معالجے کی زیادہ بہتر سہولت فراہم کرنا ممکن ہوگیا ہے۔ انھوں نے بتایا کہ بہت زیادہ جھلسے ہوئے مریضوں کے علاج کے لیے اسی ٹیکنالوجی کے استعمال کو ترجیح دی جاتی ہے۔
ادھر جناح ہسپتال میں داخل جھلسے ہوئے مریضوںکے علاج معالجے کی صورتحال اور مریضوں کی حالت میں آنے والی بہتری اور ان کی ضروریات کاجائزہ لینے کے لیے گزشتہ روز ڈاکٹروں اور ہسپتال انتظامیہ کا ایک اجلاس ہوا جس میں صورت حال کاتفصیلی جائزہ لیا گیا، اطلاعات کے مطابق جھلسے ہوئے مریضوں اور ان کے ورثا کی نفسیاتی بحالی اور ان کو اس صدمے سے نکالنے کے لیے جناح برن سینٹر کے کلینیکل نفسیات دانوں کی ایک ٹیم اور سوشل ویلفیئر کی ایک ٹیم بھی جناح ہسپتال کے برنس وارڈ میں مسلسل موجود ہے اور اپنا کام کررہی ہے۔
محکمہ صحت پنجاب کے ایک ترجمان کاکہنا ہے کہ فی الوقت مختلف ہسپتالوں میں جھلسے ہوئے 69 مریض اس وقت مختلف ہسپتالوں میں زیر علاج ہیں ان میں سے28 وکٹوریہ ہسپتال، 24 نشتر ہسپتال ، اور17 جناح ہسپتال کے برنس وارڈز میں داخل ہیں۔ ان مریضوں میں سے جلد کی پیوندکاری کے لیے 16 شدید ضرورت مند مریضوں کاانتخاب کرلیاگیاہے اور عطیات موصول ہوتے ہی ان مریضوں کی جلد کی پیوندکاری کاعمل شروع کردیاجائے گا۔
علامہ اقبال میڈیکل کالج کے پرنسپل ڈاکٹر راشد ضیا نے بتایا کہ 110 مربع سینٹی میٹر کاجلد کاٹکڑا امریکا سے لاہور پہنچے گا جہاں سے اسے ملتان ، بہاولپور اور لاہور کے مختلف ہسپتالوں کو بھیج دیاجائے گا انھوں نے کہا کہ یہ جھلسے ہوئے مریضوں کی زندگی بچانے کے لیے انتہائی اہمیت رکھتا ہے اور یہ پیوندکاری 50 فیصد سے زیادہ جھلسے ہوئے مریضوں میں کی جائے گی۔
شہلا حیات نقوی
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
