... loading ...
... loading ...
کوئی سوچ سکتا تھا کہ کبھی بانی ایم کیوایم کے بیانات میڈیا میں شائع اور نشر نہیں ہوں گے۔ انہیں عزیز آباد جیسے علاقے میں کوئی جلسہ کرکے غدار کہے گا؟ اور پھر کوئی ردعمل بھی نہیں آئے گا؟ مگر اب یہ سب ہو رہا ہے اور یہ سب کراچی کے شہری اپنی آنکھوں سے دیکھ رہے ہیں ۔بانی ایم کیوایم کے پاس بندوق باز اور سیاسی کارکن تھے، بندوق باز کراچی میں اسلحہ کے زور پر مختلف علاقوں کو یرغمال بناتے تھے اور سیاسی رہنما اس کے برعکس شام غریباں پڑھ کر خود کو معصوم اور مظلوم ثابت کرتے تھے لیکن فطرت کا اصول سامنے آیا اور بانی ایم کیوایم آج وہی کاٹ رہے ہیں جو انہوں نے بویا تھا، آج ان کی تقریر سننے والا کوئی نہیں ۔آج ان کے لیے بے زبان کارکن اور عوام گھنٹوں زمین پر بیٹھتے دیکھنے کو نہیں مل رہے ۔ ہر دور میں اسلحہ کے زور پر ارکان پارلیمنٹ کے ذریعہ اقتدار کے ایوانوں پر اپنا رعب جما نے والے بانی ایم کیوایم اب ایسی جال میں پھنس گئے ہیں کہ ان کا نکلنا محال ہو گیا ہے۔ ڈاکٹر عمران فاروق قتل کیس اور منی لانڈرنگ کیس میں وہ برطانیہ سے اس لیے فی الحال بچ گئے ہیں کیونکہ ان معاملات میں بھارت اور اس کی خفیہ ایجنسی ’’را‘‘ کا کردار سامنے آیا تھا۔ محمد انور اور طارق میر نے تحریری طور پر اعتراف کیا تھا کہ وہ کھلے عام ’’را‘‘ کے افسران کے ساتھ ملتے تھے اور ان سے فنڈز لیتے رہے۔ جس کے بعد برطانوی اداروں نے نظریہ ضرورت اور اپنے ملک کے مفادات کے پیش نظر دونوں مقدمات سے بانی ایم کیوایم کو بری کر دیا۔ اس وقت تو بانی ایم کیوایم خوش ہوئے تھے لیکن وفاقی وزیر داخلہ چوہدری نثار علی خان نے جو کوششیں شروع کی تھیں وہ رنگ لائیں بلآخر بانی ایم کیوایم کے خلاف کیس تیار ہوگیا اور انٹرنیشنل پولیس (انٹر پول) دیگر مقدمات پر اتنا غور نہیں کیا جتنا کے ای ایس سی کے مینجنگ ڈائریکٹر ملک شاہد حامد کے قتل کیس پر کیا۔ ان کو جب اس کیس کی تفصیلات بتائی گئیں تو ان کے رونگھٹے کھڑے ہوگئے اور انہوں نے تین چار نشستیں کیں اور اس کیس کی بریفنگ لی اور ثبوت حاصل کیے اور بات یہیں ختم کی کہ اگر صولت مرزا اور منہاج قاضی کسی عدالت میں اعترافی بیانات میں بانی ایم کیوایم کو شریک ملزم قرار دے چکے ہیں اور کسی عدالت نے اگر بانی ایم کیوایم کو مفرور قرار دیا ہے تو پھر فوری طور پر بانی ایم کیوایم کو گرفتار کرکے پاکستان کے حوالے کیا جائے گا۔ بس پھر وفاقی وزارت داخلہ اور ایف آئی اے حرکت میں آگئے۔ حکومت سندھ سے رابطہ کیا، حکومت سندھ نے آئی جی سندھ پولیس کے ذریعہ عدالتوں سے منہاج قاضی اور صولت مرزا کے اعترافی بیانات کی کاپیاں لیں۔ 22 اگست 2016 کو بانی ایم کیوایم کی تقریر پر دو ایف آئی آرز کی کاپیاں اور دونوں ایف آئی آرز میں بانی ایم کیوایم کو مفرور قرار دینے کی کاپیاں لے کر وفاقی وزارت داخلہ کو ارسال کر دی گئیں۔ محکمہ داخلہ سندھ نے یہ تفصیلات وفاقی وزارت داخلہ کو ارسال کر دی ہیں جس کے بعد اب وفاقی وزارت داخلہ اور ایف آئی اے نے انٹرپول سے رابطہ کر لیا ہے اور ان کو یہ دستاویزات فراہم کر دی ہیں۔ اب آئندہ چند روز میں بانی ایم کیوایم کی گرفتاری متوقع ہے ۔ملک شاہد حامد کے خاندان نے جس طرح دلیری اور ثابت قدمی سے اس کیس کو لڑا اس پر انہیں خراج تحسین پیش کیا جائے تو کم نہیں ہوگا کیونکہ ملک شاہد حامد کی اہلیہ بیگم شہناز حامد اور ان کے بیٹے عمر شاہد نے جس طرح فولاد کی دیوار بن کر اس کیس میں دھمکیوں اور دیگر اقدامات کا ڈٹ کر مقابلہ کیا اس کی مثال کہیں نہیں ملتی۔ بلآخر ان کی کوششوں کے باعث صولت مرزا 16 سال بعد پھانسی کے پھندے پر چڑھ گیا اور پھانسی سے قبل صولت مرزا نے جو اعترافی وڈیو بیان دیا وہ بھی تاریخ کا حصہ بن گیا ہے۔ صولت مرزا جاتے جاتے سارے رازوں سے پردہ اٹھا گیا۔ اور پھر ملک شاہد حامد کے خاندان کی کوششوں اور دعائوں کے بدولت 16 سال بعد منہاج قاضی بھی گرفتار ہوگیا ،اس نے بھی عدالت میں اعتراف جرم کرلیا اور کہا کہ ان کو بانی ایم کیوایم نے حکم دیا تھا کہ ملک شاہد حامد کو راستے سے ہٹایا جائے ،تبھی اس نے صولت مرزا اور دیگر ساتھیوں کے ساتھ مل کر یہ کارروائی کی اور پھر وہ سیکٹر انچارج بنے، ٹارگٹ کلنگ کی ٹیموں کے سربراہ بنے اور پھر نائن زیرو کے انچارج بھی بنے۔ اب ایف آئی اے کی ایک ٹیم انٹر پول کے پاس یہ سارے ثبوت لے کر جاچکی ہے اور چند روز میں بانی ایم کیوایم کی گرفتاری کی خبر آنے والی ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
