... loading ...
... loading ...
نیتن یاہو حکومت عالمی رائے عامہ کو بیوقوف بنانا چاہتی ہے اوریہ ظاہر کرنا چاہتی ہے کہ اسرائیلی متعصب اور نسل پرست نہیں ‘ ابھی زیادہ دن نہیں ہوئے کہ اسرائیل کی قانون سازکمیٹی نے مسجد سے اذان دینے پر پابندی کے متنازع بل کی توثیق کی تھی
اسرائیل کی شرعی عدالت میں پہلی بار ایک مسلمان عرب خاتون حانا خطیب کو جج مقرر کردیا گیا ہے۔یہ تقرری ججوں کی ایک کمیٹی کی جانب سے سفارشات کی روشنی میں کی گئی ہے جبکہ اسرائیلی وزیر انصاف ایلیت شاکید کے مطابق ملک کی تاریخ میں پہلی بار ایک مسلمان عرب خاتون کو جج مقرر کیا گیا ہے جو اسرائیل میں مقیم مسلمانوں کے اسلامی شرعی مقدمات کے فیصلے کریں گی۔حانا خطیب ایک پیشہ ور خاتون وکیل ہیں جو گزشتہ 17 سال سے اسرائیل میں وکالت کر رہی ہیں اور وہ شمالی الخلیل کے قصبے طمرہ میں خانگی امور سے متعلق اسلامی قوانین کی ماہر سمجھی جاتی ہیں۔ وہ شادی شدہ ہیں اور ان کے چار بچے ہیں۔’عربی خبررساں ادارے کے مطابق اس وقت اسرائیل میں 9 اسلامی شرعی عدالتیں قائم ہیں جن میں 18 جج تعینات ہیں جبکہ دیگر مذاہب کی کوئی خاتون جج موجود نہیں۔ اپنی تقرری کے 14 دن بعد جسٹس حانا خطیب اسرائیلی صدر رؤوف ریفلین کی موجودگی میں حلف اٹھائیں گی۔ اس سے پہلے 2015 میں فلسطینی اتھارٹی نے پہلی بار شریعت کورٹ میں دو خواتین ججوں کی تقرری کی تھی۔
اسرائیل کی شرعی عدالت میں پہلی بار ایک مسلمان عرب خاتون حانا خطیب کا تقرر اگرچہ ایک غیر معمولی واقعہ ہے کیونکہ ابھی زیادہ دن نہیں ہوئے کہ اسرائیل کی قانون سازکمیٹی نے مسجد سے اذان دینے پر پابندی کے متنازع بل کی توثیق کی تھی۔ غیر ملکی خبر رساں ادارے نے یہ خبر دیتے ہوئے یہ تفصیل بھی دی تھی کہ اسرائیل کی وزارت انصاف کی جانب سے جاری بیان میں کہا گیا ہے کہ وزرا کی قانون ساز کمیٹی نے اس بل کی توثیق کر دی ہے جس میں مسلمانوں پر مساجد کے اسپیکر سے اذان دینے پر پابندی کا مطالبہ کیا گیا ہے خبر ایجنسی کے مطابق اسرائیلی حکام نے مساجد کے اسپیکر سے آنے والی اذان کی آواز کو صوتی آلودگی کا نام دے کر بل کو ’’موذن لا‘‘ کا نام دیا تھا۔
اسرائیلی پارلیمنٹ کے عرب رکن ایمن ادے نے نئے پیش کردہ مسودے کو مسلمانوں سے نسلی تعصب قرار دیتے ہوئے کہا تھا کہ اس مسودے کا شور شرابے اور انسانی زندگی میں خلل سے کوئی تعلق نہیں ہے۔ انہوں نے کہا تھاکہ اسرائیل کے متعصب وزیراعظم بنجمن نیتن یاہو سے قبل بھی مساجد میں موذن اذان دیتے تھے اور اس کے بعد بھی دیتے رہیں گے۔
ویسے تو گزشتہ سات آٹھ عشروں سے ارضِ فلسطین اور اہلِ فلسطین پر قابض اسرائیلی یہودیوں کے مظالم مسلسل جاری ہیں لیکن اسرائیلی حکومت کا یہ تازہ ظلم سب سے سواہے۔اسرائیلی کابینہ نے مقبوضہ فلسطین اور تمام اسرائیلی علاقوں کی تمام مساجد میں لائوڈ اسپیکرپر اذان دینے پر پابندیاں لگانے کا اعلان کیا ہے۔ اِس بِل کو قانون بنانے کے لیے اسرائیلی پارلیمنٹ، کنیسٹ، میں بل جَلد ہی پیش کیا جانے والا ہے۔منظوری کی صورت میں اس پابندی کا اطلاق بیت المقدس کی تمام مساجد پر بھی ہوگا۔
اسرائیل کے معروف اخبا ر ’’ ہارٹز ‘‘ نے بتایا ہے کہ اسرائیل کی مشہور شدت پسند( اور مسلم دشمن )پارٹی habayit hayehudi کے ایک رکنِ پارلیمنٹ moti yogevنے یہ بِل پیش کیا تھا۔ ’’لیکوڈ ‘‘ پارٹی کے کئی لوگ بھی اس کی حمایت میں کھڑے ہو گئے۔ دلیل دی گئی کہ اذانوں کے ’’شور ‘‘سے یہودی زندگیاں ’’منفی ‘‘ طور پر متاثر ہو رہی ہیں۔اسرائیل کے وزیر اعظم نیتن یاہوبھی اذان مخالف اِس ’’دلیل ‘‘کی حمایت کرتے ہوئے سامنے آئے ہیں۔
اس صورت حال میں اسرائیل کی شرعی عدالت کے لیے ایک مسلمان خاتون کے تقرر کے فیصلے کی پشت پر کچھ اور ہی مقاصد کارفرما نظر آتے ہیں ،بظاہر اس کی ایک بڑی وجہ یہ معلوم ہوتی ہے کہ اسرائیل کی حکومت جسے فی الوقت پوری دنیا کی حقوق انسانی کی تنظیموں کی جانب سے اس کی متعصبانہ اور نسل پرستانہ پالیسیوں پر ہدف تنقید بنایاجارہاہے ، اس طرح کی تقرریوں کے ذریعے عالمی رائے عامہ کو بیوقوف بنانا چاہتی ہے اور پوری دنیا پر یہ ظاہر کرنا چاہتی ہے کہ اسرائیل کی حکومت متعصب اور نسل پرست نہیں ہے کیونکہ اگر ایسا ہوتا توایک مسلمان خاتون کو جج مقرر نہ کیاجاتا۔
اسرائیل کی حکومت کو اس وقت جس نازک صورتحال کاسامنا ہے اس کااندازہ اس طرح لگایاجاسکتاہے کہ خود اسرائیل کی لیبر پارٹی نے حکومت کو متنبہ کیاہے کہ دائیں بازو کے سیاستداں نسلی منافرت بھڑکارہے ہیں جس کی وجہ سے اسرائیل خانہ جنگی کے دہانے پر پہنچ چکاہے۔
اسرائیل کی لیبر پارٹی کے قائد اسحاق ہرزوگ نے صہیونی کیمپ کے پارلیمانی بلاک سے خطاب کرتے ہوئے یہ بھی متنبہ کیاہے کہ اسرائیل میں بڑھتی ہوئی نفرتوں، نسل پرستی کی وجہ سے اندھیرے کے سائے بڑھتے جارہے ہیں۔ انھوں نے کہا کہ ہمیں ہر قدم پر نفرت ہی نظر آتی ہے خواہ وہ فوج میں خواتین ربی کامعاملہ ہو یا صہیونیوں سفارڈی اورمزراہی فرقوں کا اچکینا زیوں کے خلاف مورچہ ہو۔انھوں نے کہا کہ ہم نفرت کے بیج بورہے ہیں جو خانہ جنگی کا سبب بن جائے گی کیونکہ اس منافرت کی حکمرانوں کی جانب سے مکمل طورپر حمایت کی جارہی ہے۔ہرزوگ کاکہناہے کہ ایسا معلوم ہوتاہے کہ اسرائیل میں جو بھی حکومت سنبھالے گا وہ اس منافرت کو کم کرنے کی کوششیں کرنے اور اس طرح کی منافرت پھیلانے کے لیے فنڈز وصول کرنے والوں کے خلاف کوئی کارروائی کرنے کے بجائے اس صورتحال پر مکمل خاموشی اختیار کیے رکھے گا۔
یہاں یہ بات نظر انداز نہیں کی جاسکتی کہ اسرائیل کی حزب اختلاف کے رہنما ہرزوگ نے اس متنازع قانون کی منظوری کی بھی بھرپور مخالفت کی تھی جس کے تحت اسرائیل میں کام کرنے والے این جی او کو غیر ملکی فنڈز کے حصول کی صورت میں متعلق ملک اوروہاں سے ملنے والے فنڈ کی تفصیلات بتانے کاپابند بنایاگیاتھا۔ بائیں بازو کی جماعتوں نے اس قانون کی مخالفت کرتے ہوئے اس کو فلسطینیوں کے خلاف اسرائیلی حکومت کی پالیسیوں کی مخالفت کرنے والے گروپوں کو پابند کرنے کی کوشش قرار دیاتھا۔
اسرائیلی لیبرپارٹی کے قائد ہرزوگ نے موجودہ اسرائیلی حکومت کی جانب سے نافذ کیے جانے والے ’’این جی او ٹرانسپرنسی لا‘‘ کی مذمت کرتے ہوئے اسے اسرائیلی معاشرے میں بڑھتی ہوئی فاشزم کی علامت قرار دیا۔
پاکستان میں جولائی تا اکتوبر کے دوران 1 ارب 9 کروڑ ڈالرز کی مجموعی بیرونی سرمایہ کاری آئی ہے ۔ وزارت خزانہ نے ماہانہ معاشی آوٹ لک کی رپورٹ جاری کردی ۔ تفصیلات کے مطابق رپورٹ میں بتایا گیا کہ اکتوبر میں ترسیلات زرمیں سالانہ 23 اعشاریہ 9 فیصد کا ریکارڈ اضافہ سامنے آیا ہے ۔ وزارت خز...
وزیراعظم شہباز شریف نے کہا ہے کہ آرمی چیف نے اسلام آباد میں لشکر سے نمٹنے کے لیے بھرپور تعاون فراہم کیا، سیکورٹی اداروں نے بہت اچھی حکمت عملی سے دھرنے کا خاتمہ کیا اور عوام کو سکون میسر ہوا، یہ فسادی اور ترقی کے مستقل دشمن ہیں، آج کے بعد ان کو مزید موقع نہیں دیا جائے گا۔وفاقی ...
امریکا کے سابق ڈائریکٹر نیشنل انٹیلی جنس رچرڈ گرینیل اور متعدد ارکان پارلیمنٹ نے عمران خان کی رہائی کا مطالبہ کردیا۔عالمی خبر رساں ادارے کے مطابق رچرڈ گرینیل نے بلوم برگ کی ایک رپورٹ اپنے سوشل میڈیا اکاؤنٹ پر شیئر کرتے ہوئے کیپشن میں لکھا کہ عمران خان کو رہا کرو۔ عمران خان کی رہ...
آئی جی اسلام آباد علی ناصر رضوی نے کہا ہے کہ اسلام آباد میں پاکستان تحریک انصاف (پی ٹی آئی) کے احتجاج کے دوران 900 مظاہرین کو گرفتار کیا اور 200 گاڑیاں پکڑیں، سب کو احتجاج کرنے کا حق ہے مگر احتجاج کی آڑ میں دہشت گرد کارروائی برداشت نہیں کریں گے ۔چیف کمشنر اسلام آباد محمد علی رندھ...
سپریم کورٹ بار ایسوسی ایشن نے وفاقی وزیرداخلہ محسن نقوی اور وزیراعلیٰ خیبرپختونخوا علی امین گنڈاپور سے مستعفی ہونے کا مطالبہ کردیا۔تفصیلات کے مطابق سپریم کورٹ بار ایسوسی ایشن کے صدر میاں رؤف عطا نے گزشتہ روز اسلام آباد کے ڈی چوک میں پاکستان تحریک انصاف کے مظاہرین کے خلاف گرینڈ آپ...
پی ٹی آئی کا احتجاج ختم ہونے کے بعد جڑواں شہروں میں معمولات زندگی بحال ہوگئے جبکہ راستے بھی کھل گئے ، اسلام آباد پولیس نے ڈی چوک سے جناح ایونیو پر فلیگ مارچ کیا۔حالات نارمل ہوتے ہی جیل سے ملزمان کی پیشی کے ساتھ عدالتوں میں مقدمات کی ریگولر سماعت شروع ہوجائے گی۔ ماتحت عدلیہ کے مطا...
تحریک انصاف کے اسلام آباد لانگ مارچ کے لیے مرکزی قافلے نے اسلام آباد کی دہلیز پر دستک دے دی ہے۔ تمام سرکاری اندازوں کے برخلاف تحریک انصاف کے بڑے قافلے نے حکومتی انتظامات کو ناکافی ثابت کردیا ہے اور انتہائی بے رحمانہ شیلنگ اور پکڑ دھکڑ کے واقعات کے باوجود تحریک انصاف کے کارکنان ...
بانی پی ٹی آئی عمران خان کی کال پر پاکستان تحریک انصاف کے قافلے رکاوٹیں عبور کرتے ہوئے اسلام آباد میں داخل ہوگئے ہیں جبکہ دھرنے کے مقام کے حوالے سے حکومتی کمیٹی اور پی ٹی آئی کے درمیان مذاکرات بھی جاری ہیں۔پاکستان تحریک انصاف کے کارکنان چونگی 26 پر چاروں طرف سے بڑی تعداد میں ن...
پاکستان بھر میں انٹرنیٹ اور موبائل ڈیٹا سروس دوسرے دن پیرکوبھی متاثر رہی، جس سے واٹس ایپ صارفین کو شدید پریشانی کا سامنا کرنا پڑا۔ تفصیلات کے مطابق ملک کے کئی شہروں میں موبائل ڈیٹا سروس متاثر ہے ، راولپنڈی اور اسلام آباد میں انٹرنیٹ سروس معطل جبکہ پشاور دیگر شہروں میں موبائل انٹر...
وفاقی وزیر خزانہ سینیٹر محمد اورنگزیب نے اعتراف کیا ہے کہ اٹھارویں آئینی ترمیم، سپریم کورٹ کے فیصلوں اور بین الاقوامی بہترین طریقوں کے پس منظر میں اے جی پی ایکٹ پر نظر ثانی کی ضرورت ہے وزیر خزانہ نے اے جی پی کی آئینی ذمہ داری کو پورا کرنے کے لئے صوبائی سطح پر ڈی جی رسید آڈٹ کے دف...
وزیر داخلہ محسن نقوی نے کہا کہ حکومت کا دو ٹوک فیصلہ ہے کہ دھرنے والوں سے اب کوئی مذاکرات نہیں ہوں گے ۔اسلام آباد میں وفاقی وزیر داخلہ محسن نقوی اور وزیر اطلاعات عطا تارڑ نے میڈیا سے گفتگو کرتے ہوئے کہا کہ پرامن احتجاج کرنے والوں کا رویہ سب نے دیکھا ہے ، ڈی چوک کو مظاہرین سے خال...
پاکستان تحریک انصاف کے بانی چیئرمین عمران خان نے اسلام آباد اور ڈی چوک پہنچنے والے کارکنان کو شاباش دیتے ہوئے مطالبات منظور ہونے تک ڈٹ جانے کی ہدایت کی ہے۔پاکستان تحریک انصاف کے بانی کے آفیشل ایکس اکاؤنٹ سے عمران خان سے منسوب بیان میں لکھا گیا ہے کہ ’پاکستانی قوم اور پی ٹی آئی...
