... loading ...
... loading ...
بنیادی تنخواہ جتنا الائونس ہر ماہ تنخواہ کے ساتھ دینے کی سفارش،وزیر اعلیٰ کی جانب سے مستردکیے جانے پر دوبارہ سمری ارسال‘ دوسری سمری پر چیف سیکرٹری برہم، قانون کی رو سے وزیراعلیٰ ایک سمری مسترد کریں تو اس موضوع پر دوبارہ سمری نہیں بھیجی جاسکتی
محکمہ اینٹی کرپشن کو ویسے بھی آنٹی کرپشن کہا جاتا ہے اور کوئی بھی ادارہ ایسا نہیں ہے جو محکمہ اینٹی کرپشن پر چیک اینڈ بیلنس رکھے لہٰذامحکمہ اینٹی کرپشن مطلق العنان بنا ہوا ہے ۔ہونا تو یہ چاہئے تھا کہ محکمہ اینٹی کرپشن میں ایک خصوصی سیل بنایا جاتا جو اپنے محکمہ کے کرپٹ ملازمین پر نظر رکھتا ،ان کی نگرانی کرتا اور غلط کام کرنے پر ان کے خلاف کارروائی کرتا۔ لیکن یہاں الٹا پہیہ چلتا ہے وہ یہ کہ محکمہ اینٹی کرپشن کو ہمیشہ حکمرانوں نے اپنے مخالفین کے لئے استعمال کیا، نتیجے میںیہ محکمہ اب تک عوام میں ساکھ بھی نہیں بناسکا ہے کیونکہ جو آتا ہے وہ اوپر کے احکامات پر من وعن عمل کرتا ہے اور پھر وہ اپنا اور ماتحت ملازمین کا پیٹ بھرکر چلاتا ہے۔ اس سے بڑی ماتم والی کیا بات ہوگی کہ غلام حیدر جمالی اور غلام قادر تھیبو جیسے لوگ محکمہ اینٹی کرپشن کے چیئرمین رہے‘ یوں بلی کو دودھ کی رکھوالی پر بٹھادیا گیا۔ نیب میں اس وقت اربوں روپے کی مالی بے قاعدگیوں کا ریفرنس غلام حیدر جمالی پر چل رہا ہے وہ بھلا کس طرح کرپشن کنٹرول کرتا کیونکہ گھوڑا اگر گھاس سے دوستی کرے گا تو بھوکا ہی مرے گا۔ اب وہی حال غلام قادر تھیبو کا ہے انہوں نے محکمہ اینٹی کرپشن میں پولیس افسران کو لاکر بھردیا ہے ،خیر سے یہ وہ پولیس افسران ہیں جو انور مجید کے منظور نظر ہیں ،ان کا کرپشن کے خاتمے سے بھلا کیا تعلق ؟ وہ تو اوپرسے آنے والے حکم پر عمل کریں گے اور محکمہ اینٹی کرپشن میں ڈیپوٹیشن پر جو پولیس افسر آئے تھے وہ بھی ’’اوپر‘‘ حساب کتاب دے کر تین سالہ مدت مکمل کرنے کے باوجود محکمہ اینٹی کرپشن میں موج مستی کررہے ہیں۔ اب حال ہی میں محکمہ اینٹی کرپشن کے چیئرمین نے حیرت انگیز سمری وزیراعلیٰ کو بھیجی ہے جس میں کہا گیا ہے کہ محکمہ اینٹی کرپشن میں ملازمین دن رات محنت کرکے تھک چکے ہیں، ان کی تنخواہ میں ان کا گھر نہیں چلتا ،بے چارے اچھے اور شریف ملازمین ہیں ،کرپشن سے ان کا دور دور تک کوئی تعلق نہیں ہے ، ان کے گھر کا چولہا جلانے کے لئے ان کو بنیادی تنخواہ جتنا الائونس ہر ماہ تنخواہ کے ساتھ دیا جائے تاکہ وہ مزید محنت اور جانفشانی سے کام کرسکیں۔ واقفان حال بتاتے ہیں کہ وزیراعلیٰ نے سمری پڑھی تو ہنس پڑے کہ محکمہ اینٹی کرپشن کے ملازمین ہوں اور محنتی‘ ایماندار ہوں یہ تو ناممکن بات ہے، انہوں نے اس سمری کو مسترد کردیا ہے۔ جیسے ہی چیئرمین اینٹی کرپشن کو پتہ چلا وہ سمری تھامے اسی دن وزیراعلیٰ کے پاس جاپہنچے اوراپیل کی کہ جناب ایسا نہ کریں۔ محکمہ اینٹی کرپشن نے دن رات ایک کرکے صوبے سے کرپشن ختم کردی ہے۔ ملازمین نے اس صوبے کو کرپشن سے پاک کرنے کی ٹھان لی ہے ان کے اس مشن کو کامیاب بنانے کے لئے ضروری ہے کہ ان کو ایک تنخواہ کے ساتھ ساتھ بنیادی تنخواہ کے برابر ایک خصوصی الائونس دیا جائے۔ وزیراعلیٰ اس دہائی کو سنتے رہے اور پھر کہا کہ اچھا دوبارہ سمری بھیجی جائے ۔چیئرمین اینٹی کرپشن نے اس ملاقات کو ایک اجلاس کا رنگ دے دیا اور فوری طور پراسکے منٹس بنائے اور تمام سرکاری اداروں کو بھیج بھی دیئے اور ساتھ ساتھ دوسری سمری بناکر وزیراعلیٰ سندھ کو بھیج دی۔ محکمہ خزانہ کے افسران کو بھی منالیا لیکن جب سمری چیف سیکریٹری سندھ رضوان میمن کے پاس پہنچی تو ان کی آنکھیں کھلی رہ گئیں، انہوں نے سمری وزیراعلیٰ کو ارسال نہیں کی بلکہ سیکریٹری خزانہ سندھ حسن نقوی کو سخت نوٹ کے ساتھ واپس کی کہ سمجھ نہیں آتا آخر کیا قیامت ٹوٹ پڑی ہے کہ وزیراعلیٰ نے ایک سمری مسترد کردی ہے تو دوسری سمری کیوں بھیجی گئی ہے؟ اس کے پیچھے اصل کہانی کیا ہے؟ اور اس سمری پر سیکریٹری خزانہ اپنا موقف تحریری طورپر بھیج دیں تاکہ اس کو دیکھ کر فیصلہ کیا جاسکے کہ یہ سمری وزیراعلیٰ کو بھیجنی ہے یا نہیں؟ کیونکہ قانون یہی کہتا ہے کہ وزیراعلیٰ کسی ایک موضوع پر سمری مسترد کریں تو اس موضوع پر دوبارہ سمری نہیں بھیجی جاسکتی، یہاں اس موضوع پر دوبارہ سمری بھیجنے کے لئے وزیراعلیٰ دوبارہ احکامات دے سکتے ہیں لیکن کوئی محکمہ خود سے وہی سمری دوبارہ نہیں بھیج سکتا اب محکمہ خزانہ تو پریشان ہے اور وہ اس سمری کو دوبارہ وزیراعلیٰ کے پاس بھیجنے پر تیار نہیں ہے لیکن چیئرمین محکمہ اینٹی کرپشن غلام قادر تھیبو دن رات ایک کرکے اس سمری کو منظور کروانا چاہتے ہیں اور یہ معاملہ اب طویل بحث میں الجھ گیا ہے۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
