... loading ...
... loading ...
گزشتہ ماہ جبری گمشدگیوں کے319مقدمات کی سماعت ہوئی ،لاپتہ افراد کمیشن کی مارچ 2017کی رپورٹ جاری
ٓ وفاقی حکومت کی طرف سے لاپتہ افراد کی بازیابی کے لئے جسٹس(ر) جاوید اقبال کی سربراہی میں قائم انکوائری کمیشن نے مارچ 2017ء کی رپورٹ جاری کر دی ۔رپورٹ کے مطابق کمیشن نے گزشتہ ماہ کے دوران مبینہ طور پر جبری گمشدگیوں کے319مقدمات کی سماعت کرتے ہوئے 36 مقدمات نمٹائے اور21 افراد کو بازیاب کرایا ہے۔جبکہ گزشتہ ماہ کے دوران میں کمیشن کے پاس مبینہ طور پر جبری گمشدگی کے 59نئے مقدمات درج ہوئے جس سے زیر تفتیش مقدمات کی تعداد1263ہوگئی ہے ۔ اتوار کوکمیشن کے سیکرٹری فرید احمد خان کی طرف سے جاری رپورٹ کے مطابق مارچ 2017کے دوران جسٹس (ر) جاوید اقبال، جسٹس (ر)ڈاکٹر غوث محمد اور سابق آئی جی پولیس محمد شریف ورک پر مشتمل کمیشن نے مبینہ طورر پر زبردستی اٹھائے جانے والے ا فراد کے 319مقدمات کی اسلام آباد اورکراچی میں سماعت کی،کمیشن کے سامنے پولیس اور انٹیلی جنس اداروں کے نمائندے پیش ہوئے ۔ مارچ میں مقدمات کی تفصیلی سماعت کے دوران21لاپتہ افراد کا سراغ لگایاگیا۔ جبکہ 10افراد کے مقدمات جبری گمشدگی کے ذمرے میں نہ آنے پر فہرست سے خارج کر دیے گئے،دو مقدمات کو نامکمل کوائف پر بند کر دیا گیا اور 3افراد کی مردہ اجسام تلاش کرائے گئے ،جن افراد کا پتہ چلایا گیا ان میں محمد قیوم ‘ ساجد خان ‘ حافظ عبید الرحمن ‘ احسان اللہ ‘ عرفان الدین ‘ ضیاء السلام ‘ عبید اللہ ‘ مومن خان ‘ دل گل نواز بنگش ‘ فضل حکیم ‘ احسان اللہ ولد رشید گل ‘ عبداللہ ‘ محمد عارف ‘ علی حسن ‘ سید عامر عالم ‘ علی افضل بگٹی ‘ سید محمد سلیمان ‘ عمر دراز ‘ حضور بخش کلہور اور محمد احمد شامل ہیں۔ جن افراد کے کیس خارج کردیے گئے ان میں حبیدار حسین ‘ مبشررحمن ‘ شاہنواز خان ‘ عنایت اللہ سعد خلیل ‘ مولانا معاویہ اعظم ‘ گل نبی ‘ عدنان گل ‘ محمد حنیف اور اارسلان مسعود خان شامل ہیں۔ جو کیس بند کردیے گئے ان میں دانیال منصوری اور رحیم منصوری شامل ہیں۔ جبکہ شاکر اللہ ‘ اجتباع احمد اور فضل الرحمن کی مردہ اجسام تلا ش کیے گئے۔ جن افراد کا پتہ چلایا گیا ان میں بعض بحالی مراکز میں ہیں،مارچ میں کمیشن کے پاس لاپتہ افراد کے59نئے مقدمات درج کرائے گئے اس طرح اب کمیشن کے پاس لاپتہ افراد کی مجموعی تعداد 1263ہو گئی ہے ،رواں ماہ کے دوران میں کمیشن کے ارکان اسلام آباد ، لاہور ،کوئٹہ اور کراچی میں مبینہ جبری گمشدگیوں کے مقدمات کی سماعت کر رہے ہیں۔عوام کی سہولت کے لئے کمیشن نے www.coioed.pk کے نام سے ویب سائٹ بنا دی ہے جس پر مقدمات کی تفصیل اور سماعت کی تاریخوں سمیت دیگر معلومات دستیاب ہیں جبکہ سول سیکرٹریٹ پنجاب لاہور میں کمیشن کا باضابطہ طور پر سب آفس قائم کر دیا گیا ہے اس سب آفس کا رابطہ نمر042.99210884ہے۔
