... loading ...
... loading ...
وزیراعظم نواز شریف نے اعلیٰ افسران کی پروموشن کے معاملے میں ایک ایسا قدم اٹھایا ہے جس سے کرپٹ افسران کو لینے کے دینے پڑجانے کا امکان ہے۔ ہوا کچھ یوں ہے کہ وزیراعظم نواز شریف نے اس مرتبہ سلیکشن بورڈ نمبر ایک کی سفارش پر 80 سے زائد افسران کو کلیئرنس کے باوجود پروموشن نہیں دیا اور اس مرتبہ ایک ایسا فارمولا لائے جس سے بیورو کریسی انگشت بدندان رہ گئی۔ وزیراعظم نے اس مرتبہ اپنی پوری ٹیم کو اپنے سامنے بٹھایا ،سب سے پہلے پروموشن کے لئے کلیئر ہونے والے افسران کی انٹیلی جنس بیورو سے کلیئرنس لی‘ اس کے بعد اپنی ٹیم کو ہدایت کی کہ سب سے پہلے پروموشن کی کلیئرنس لینے والے افسران کے بیج میٹ (ساتھیوں) سے ان کی ساکھ کے بارے میں معلوم کریں پھر براہ راست عام لوگوں سے پوچھیں کہ وہ افسر کس طرح کا ہے اس کا کردار‘ ساکھ کیسی ہے؟ جب تینوں چیزیں سامنے آجائیں تو پھر پروموشن کے لئے نوٹیفکیشن جاری کردیں۔
وزیراعظم کے اس حیرت انگیز مگر قابل تعریف فیصلے سے 80 سے زائد افسران پروموشن حاصل نہ کرسکے اور سب سے چونکا دینے والا دلیرانہ فیصلہ یہ تھا کہ اب شروعات گریڈ 17 سے کی جائے کیونکہ پہلے یہ ہوتا تھا کہ گریڈ 20 تک پروموشن نسبتاً آسان تھی،انٹیلی جنس رپورٹس بھی نہیں دیکھی جاتی تھیں ۔تاہم21 اور 22 گریڈ میں پروموشن کے وقت سختی کی جاتی تھی، وزیراعظم نے موقف اختیار کیا کہ جب جرم کو ختم کرنا ہے تو گریڈ 17 سے ہی اس کی شروعات کی جائے ۔وزیراعظم نے ایک اے ایس پی بلال قیوم سے اس کا آغاز کیا جو تین سال پہلے کراچی کیماڑی میں اے ایس پی تھے اور ان پر الزام تھا کہ وہ ایرانی تیل فروخت کرنے کی سرپرستی کررہے ہیں ۔اس وقت نہ صرف انٹیلی جنس رپورٹ آئی تھیں بلکہ اس وقت کے ایڈیشنل آئی جی اسپیشل برانچ (موجودہ آئی جی سندھ پولیس) اے ڈی خواجہ نے بھی ان الزامات کو درست قرار دیاتھا۔ وزیراعظم نے سب سے پہلے بلال قیوم کی گریڈ 18 میں بطور ایس پی ترقی روک دی ۔ اس کے بعد وزیراعظم کے انتہائی قریبی ساتھی سعید مہدی کے بیٹے کی ترقی کا معاملہ آیا جو ڈی ایم جی افسر ہیں ،ان کی ساکھ اچھی نہ نکلی تو وزیراعظم نے کڑوی گولی کھاتے ہوئے سعید مہدی کے بیٹے کا پروموشن مسترد کردیا۔ پھر کیا تھا وزیراعظم کے لئے دوسرے افسران کے بارے میں فیصلہ کرنا آسان ہوگیا ،80 سے زائد افسران کے پروموشنرروک دیئے گئے حتیٰ کہ ڈی آئی جی ٹریفک کراچی آصف اعجاز شیخ کو گریڈ 20 دینے کا جاری کیا گیا نوٹیفکیشن بھی واپس لے لیا گیا اور ان کو گریڈ 19 میں کام جاری رکھنے کی ہدایت کی گئی۔ اس کے علاوہ غلام سرور جمالی کا بھی گریڈ 21 کا پروموشن مسترد کردیا گیا۔ جنید شیخ کو گریڈ 19 میں کلیئر نہیں کیا گیا اور ان کو بھی گریڈ 18 میں رہنے دیا گیا۔ احمد یار چوہان اور اقبال دارا کو بھی گریڈ 20 میں ترقی نہیں دی گئی ۔ وزیراعظم نے یہ پالیسی لاگو کرکے انقلابی قدم تو اٹھایا ہے،لیکن اب آگے دیکھتے ہیں کہ یہ فارمولا برقرار رہتا بھی ہے یا نہیں؟ حقیقت یہ ہے کہ پولیس اور انتظامی افسران میں ایسے افسران موجود ہیں جو ارب پتی اور کھرب پتی بن چکے ہیں مگر اس کے باوجود وہ شرافت اور ایمانداری کا لبادہ اوڑھے ہوئے عوام اور میڈیا کو دھوکہ دے رہے ہیں۔ اس معاملے پر کوئی بھی انگلی اٹھانے کے لئے تیار نہ تھا ،وزیراعظم نے انٹیلی جنس بیورو کے اعلیٰ افسران کو بلایا اور ان پر واضح کیا کہ وہ تمام افسران کی ایمانداری سے رپورٹ دیں۔
اور پھر اس کی اعلیٰ افسران بھی تصدیق کریں اور پھر حتمی رپورٹ وزیراعظم ہاؤس کو ارسال کریں۔ وزیراعظم نے ان پر یہ بھی واضح کیا کہ وہ ان رپورٹوں کی دوسری خفیہ ایجنسیوں سے تصدیق کرائیں گے، اگر رپورٹیں غلط ثابت ہوئیں تو پھر جس افسر نے غلط رپورٹ دی ہوگی اس کے خلاف سخت کارروائی کی جائے گی ۔اس کے بعد انٹیلی جنس بیورو کے افسران نے باریک بینی سے رپورٹیں تیار کی ہیں اور وزیراعظم نے اس کی دیگر ذرائع سے تصدیق بھی کرائی تب جاکر ایک دلیرانہ فیصلہ کیا ہے۔ وزیراعظم نے سب سے بڑھ کر سابق صدر آصف علی زرداری کے بہنوئی فضل اﷲ پیچوہو کی ترقی کا راستہ روکا ہے جو ابھی تک گریڈ 20 میں کام کررہے ہیں جس پر فضل اﷲ پیچوہو نے سندھ ہائی کورٹ میں پٹیشن دائر کی ہے کہ ان کو گریڈ 21 میں ترقی دی جائے تاکہ وہ آصف زرداری کے ذریعہ وفاقی حکومت پر دباؤ بڑھادیں کہ ان (فضل اﷲ پیچوہو) کو سندھ کا چیف سیکریٹری بنادیں ۔فضل اﷲ پیچوہو کی ریٹائرمنٹ میں 18 ماہ باقی ہیں ،وہ 2018ءکے آخری مہینوں میں ریٹائرڈ ہوں گے مگر ایسا لگتا ہے کہ ان کو وزیراعظم کی پالیسی کے سبب گریڈ 20 میں ترقی نہیں ملے گی۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
