... loading ...
... loading ...
وزیراعظم نواز شریف کی زیر صدارت اجلاس میںگزشتہ روز وفاقی کابینہ نے فاٹا اصلاحات کے لیے قانونی اور آئینی ترامیم کی سفارشات کی منظور ی دی ،وفاقی کابینہ کی منظور کردہ سفارشات کے مطابق فاٹا آئندہ 5 برس میں خیبر پختونخوا کا حصہ بن جائے گا، کابینہ اجلاس میں اظہار خیال کرتے ہوئے وزیراعظم نوازشریف کا کہنا تھا کہ فاٹا کی ترقی پورے ملک اور قوم کی ذمہ داری ہے، فاٹا، گلگت بلتستان اور آزادکشمیر کے لوگوں کو ان کا حق ملنا چاہیے جب کہ فاٹا کے لوگوں کے لیے وسائل فراہمی کی ذمہ داری وفاق کی تمام اکائیوں کی ہے اور تمام صوبوں کو اس میں اپنا کردار ادا کرنا چاہیے۔ انہوں نے کہاکہ ملک کے تمام حصوں کے ملکی وسائل پر برابر کے حقوق ہیں لہذا پیچھے رہ جانے والے علاقوں اور عوام پر خاص توجہ دینی چاہیے۔وزیراعظم نے کہا کہ پاکستان ہر پاکستانی کا ہے، قومی یکجہتی کے لئے ضروری ہے کہ پاکستانیت کے جذبہ کو فروغ دیا جائے، ہر پاکستانی کو آگے بڑھنے کا یکساں موقع دیا جائے۔انہوں نے کہا کہ پسماندہ علاقوں کو قومی دھارے میں لانا صرف اسلام آباد میں رہنے والوں کی ذمہ داری نہیں۔ فاٹا، گلگت بلتستان اور آزادکشمیر کو قومی دھارے میں لانے کے مخالفین صوبائیت کو فروغ دے رہے ہیں تاہم ہم چاہتے ہیں کہ کسی بھی تمیز کے بغیر ہر پاکستانی کو آگے بڑھنے کے یکساں مواقع دیے جائیں۔وفاقی کابینہ میں منظور کی گئی سفارشات میں کہا گیا ہے کہ وفاق کے زیر انتظام قبائلی علاقوں کو خیبر پختونخوا میں ضم کرنے کے لیے 5 سال درکارہوں گے، سفارشات میں کہا گیا ہے کہ فاٹا سے فوج کے انخلا کے لیے لیویز میں 20 ہزار مقامی افراد بھرتی کیے جائیں، فاٹاکی معاشی ترقی کیلئے جامع اصلاحات کی جائیں اور این ایف سی میں فاٹا کے لیے 3 فیصد حصہ مختص کیا جائے۔ فاٹا میں سپریم کورٹ اور ہائیکورٹ کے بینچز قائم کیے جائیں اور قبائلی علاقوں میں جماعتی بنیادوں پر بلدیاتی انتخابات کرائے جائیں۔
وفاقی کابینہ کی جانب سے فاٹا اصلاحات کیلئے سفارشات کی منظوری کے اعلان کے فوری بعد ہی خود حکومت کی اتحادی جماعت جمیعت علمائے اسلام ف اور بعض دیگر رہنمائوں کی جانب ظاہر کئے گئے انتہائی سخت ردعمل سے ظاہر ہوتاہے کہ پاکستان کی وفاقی حکومت کی طرف سے فاٹا اصلاحاتی کمیٹی کی سفارشات پر تمام سیاسی جماعتوں سے بار بار مشاورت کے باوجود اس پر تاحال مکمل اتفاق نہیں پیداکیا جاسکاہے ۔قبائلی علاقوں کو خیبرپختونخوا کا حصہ بنانے کی سب سے بڑی مخالف سمجھی جانے والی مذہبی جماعت جمعیت علمائے اسلام (ف) کو ابتدا ہی سے اصلاحاتی کمیٹی کی بعض سفارشات پر اعتراض رہا ہے اور اس کی وہ کھل کر مخالفت بھی کرتی رہی ہے۔بعد میںیہ سلسلہ اب مخالفت سے بڑھ کر ایک باقاعدہ احتجاجی تحریک کی شکل اختیار کرگیا تھا اور جمعیت علمائے اسلام (ف) کی طرف سے قبائلی علاقے باجوڑ ایجنسی میں فاٹا اصلاحات کے خلاف ایک ریلی کا انعقادبھی کیا گیاتھا جس میں دینی مدارس سے تعلق رکھنے والے طلبا اور جے یو آئی کے کارکنوں نے کثیر تعداد میں شرکت کی تھی۔فاٹا میں جے یو آئی کے جنرل سیکریٹری مفتی اعجاز شنواری کا کہنا تھا کہ ان کا احتجاج اس وقت تک جاری رہے گا جب تک حکومت قبائلی علاقوں کی خیبر پختونخوا میں انضمام نہ کرنے کا واضح اعلان نہیں کرتی۔انھوں نے کہا تھاکہ ان کی جماعت فاٹا میں اصلاحات کی مخالف نہیں ہے تاہم قبائلی علاقوں کو خیبر پختونخوا میں ضم کرنے سے بہتر ہوگا کہ ان کو الگ صوبے کا درجہ دیا جائے۔ان کے مطابق فاٹا اصلاحاتی کمیٹی کے پاس یہ مینڈیٹ نہیں ہے کہ وہ قبائلی علاقوں کو خیبر پختونخوا میں ضم کر دے بلکہ ان کو صرف وہاں اصلاحات کرانے کا اختیار دیا گیا ہے انھوں نے اپنا احتجاج جاری رکھنے کااعلان کیاتھا لیکن اس کے بعد ہی مولانا فضل الرحمان نے وزیر اعظم نواز شریف کے ساتھ ایک ملاقات کے بعد یہ اعلان کیاتھا کہ وزیراعظم نے ان کے تحفظات دور کردئے ہیں اور اب وہ اس معاملے میں حکومت کے ساتھ ہیں،لیکن وزیر اعظم نواز شریف کی زیر صدارت اجلاس میں فاٹا کے حوالے سے سفارشات کی منظوری کے اعلان کے فوری بعد مولانا فضل الرحمان نے اس پر شدید برہمی کا اظہار کرتے ہوئے وزیر اعظم پر وعدہ خلافی اور پیٹھ میں چھرا گھونپنے کے متراد ف قرار دیدیاتھا۔
دوسری جانب قبائلی علاقوں سے منتخب بعض اراکینِ پارلیمنٹ کا کہنا تھا کہ ‘جے یو آئی کے سربراہ مولانا فضل الرحمان ‘ڈبل گیم’ کھیل رہے ہیں وہ ایک طرف اصلاحات کی مخالفت کررہے ہیںاور دوسری طرف حمایت بھی۔’ان رہنمائوں کاموقف تھا کہ جے یو آئی اس لئے فاٹا اصلاحات کی مخالفت کررہی ہے کیونکہ فاٹا خیبر پختونخوا کا حصہ بن جانے سے قبائلی علاقوں میں اس پارٹی کے مینڈیٹ کو نقصان پہنچنے کا خطرہ ہے۔
وفاقی کابینہ کی جانب سے ان سفارشات کی منظوری سے صرف 2 دن پہلے وفاقی وزیر برائے سیفران اور فاٹا اصلاحاتی کمیٹی کے رکن جنرل (ر) عبد القادر بلوچ نے کہا تھا کہ قبائلی علاقوں میں اصلاحات کے ضمن میں بعض سیاسی جماعتوں کے خدشات دور کر کے اس سلسلے میں حائل تمام رکاوٹوں کو دور کرلیا گیا ہے۔انھوں نے کہا تھا کہ تمام سیاسی جماعتوں کی پارلیمانی رہنماؤں سے مشاورت کے بعد ان کی طرف سے فاٹا کو خیبر پختونخوا میں ضم کرنے کا گرین سنگل دے دیا گیا ہے۔انھوں نے یہ بات گزشتہ دنوں اسلام آباد میں فاٹا اصلاحاتی کمیٹی کے ایک اجلاس کے اختتام پر بعض اخبار نویسوں سے گفتگو کرتے ہوئے کہی تھی۔ یہ اجلاس کمیٹی کے سربراہ سرتاج عزیز کی سربراہی میں منعقد ہوا تھا جس میں صدر پاکستان ممنون حسین نے بھی شرکت کی تھی۔عبد القادر بلوچ نے کہا تھاکہ2سیاسی جماعتوں جے یو آئی اور پختونخوا ملی عوامی پارٹی کی طرف سے فاٹا اصلاحات پر چند خدشات کا اظہار کیا گیا تھا لیکن وہ معاملہ اب حل کر لیا گیا ہے۔دوسری طرف وفاقی وزیر کے واضح بیان کے باوجود بعض سیاسی جماعتوں کی طرف سے قبائلی علاقوں کو خیبر پختونخوا میں شامل کرنے کے خلاف باقاعدہ احتجاجی تحریک کا آغاز کردیا گیا ہے۔
یاد رہے کہ گزشتہ سال وزیر اعظم نوازشریف نے فاٹا اصلاحاتی کمیٹی کی تشکیل کا اعلان کیا تھا۔ وزارتِ خارجہ کے مشیر سرتاج عزیز کی سربراہی میں قائم اس کمیٹی نے تمام قبائلی ایجنسیوں کے دورے کرکے ایک رپورٹ تیار کی تھی جسے بعد میں وزیراعظم اور قومی اسمبلی میں پیش کیا گیا۔تاہم وفاقی کابینہ نے اس رپورٹ پر عمل درآمد کو موخر کردیا تھا۔بعد میں وزیراعظم کی طرف سے اصلاحاتی کمیٹی کو ہدایت کی گئی تھی کہ فاٹا کے تمام اسٹیک ہولڈرز اور اصلاحات کی مخالف سیاسی جماعتیں جے یوآئی اور پختونخوا ملی عوامی پارٹی سے مشارت کر کے ایسا فیصلہ کیا جائے جس سے سب متفق ہوں۔گزشتہ سال نومبر میں بنائی جانے والی اس کمیٹی کے قیام کا مقصد وفاق کے زیر انتظام قبائلی علاقوں کے ا سٹیٹس سے متعلق فیصلہ کرنا ہے یعنی یہ تعین کرنا کہ فاٹا الگ صوبہ ہونا چاہیے ، اسے خیبر پختونخوا میں شامل کیا جائے یا منتخب اراکین پر مشتمل ایگزیکٹو کونسل کی تشکیل مسائل کا حل ہے۔خارجہ امور کے مشیر سرتاج عزیز کی سربراہی میں قائم اس کمیٹی کے کئی اجلاس ہوئے جبکہ کمیٹی کے اراکین نے قبائلی عوام کی رائے جاننے کیلئے باری باری تمام ایجنسیوں کے دورے بھی کیے ہیں لیکن اس کے باوجود سفارشات کی منظوری کے فوری بعد خیبر پختون خوا کی دو بڑی سیاسی جماعتوں جے یو آئی ف اور عوامی نیشنل پارٹی کی جانب سے اس کی مخالفت کے اعلان سے ظاہر ہوتاہے کہ کمیٹی کی سفارشات پر تمام سیاسی جماعتوں کے اتفاق رائے کے حوالے سے حکومت کی جانب سے کئے جانے والے اعلانات درست نہیں تھے ۔
اب آئیے دیکھتے ہیں کہ اس کمیٹی کے بارے میں قبائلی عوام کی عمومی رائے کیا ہے، کیا وہ اس اصلاحاتی عمل سے مکمل طور پر مطمئن ہیں اور فاٹا کی حیثیت سے متعلق کمیٹی کی سفارشات انھیں قبول ہوں گی؟ اس ضمن میں فاٹا لائرز ایسوسی ایشن کے مرکزی رہنما اعجاز مہمند ایڈوکیٹ کا کہنا ہے کہ قبائلی علاقوں کے زیادہ تر سیاسی رہنما اور عمائدین پہلے ہی اس کمیٹی کو اس بنیاد پر مسترد کر چکے ہیں کہ اس میں فاٹا کی کوئی نمائندگی نہیں دی گئی ہے۔ان کاکہناتھا کہ’اس کمیٹی میں فاٹا سے کسی رکن اسمبلی تک کو شامل نہیں کیا گیا ہے لہٰذا ہم اسے قبائلیوں کی نمائندہ کمیٹی نہیں کہہ سکتے بلکہ یہ پنجابی کمیٹی ہے۔
ان کے برعکس متحدہ قبائل پارٹی (ایم کیو پی) جنوبی وزیرستان کے صدر نقیب محسود کا کہنا ہے کہ کمیٹی میں فاٹا کی نمائندگی تو نہیں لیکن سرتاج عزیز، عبدالقادر بلوچ اور اقبال ظفر جھگڑا ایسے ارکان ہیں جو قبائلی علاقوں کی روایات اور طور طریقوں سے بخوبی واقف ہیں۔فاٹا الگ صوبہ ہونا چاہیے یا اسے خیبر پختونخوا میں ضم کیا جائے یا وہاں آزاد کونسل کی تشکیل مسائل کا حل ہے ، اس بارے میں بات کرتے ہوئے نقیب محسود نے کہا کہ موجودہ حالات میں گلگت بلتستان کی طرز پر الگ کونسل کا قیام بہترین حل ہوگا جس سے قبائل کو الگ شناخت مل جائیگی اور ان کے مسائل بھی ان کی اپنی کونسل حل کرائے گی۔انھوں نے کہا کہ قبائلی عوام فاٹا میں ایک صدی سے رائج انگریزوں کے دور کے قانون ’ایف سی آر‘ کا فوری ِطور پر خاتمہ چاہتے ہیں تاکہ انھیں ملک کی اعلیٰ عدالتوں تک رسائی مل سکے۔اس معاملے پر اعجاز مہمند کا موقف تھا کہ فاٹا کے تمام مسائل حقیقی طور پر اس وقت حل ہوں گے جب اسے مالاکنڈ ڈویژن کی طرز پر پاٹا کی حیثیت دے دی جائیگی۔انھوں نے کہا کہ اس اسٹیٹس کے تحت فاٹا کا سارا انتظام صوبے کے ماتحت ہوجائے گا اور اس نظام میں جرگہ سسٹم بھی بحال ہے، نظام عدل اور شرعی عدالتیں بھی ہونگی اور ساتھ ساتھ قبائلی عوام کو ہائی کورٹ اور سپریم کورٹ تک رسائی بھی حاصل ہو جائیگی جو ان کا ایک دیرینہ مطالبہ رہا ہے۔قبائلی رہنماؤں کا کہنا تھا کہ عوام فاٹا میں ایک صدی سے رائج انگریزوں کے دور کے قانون ایف سی آر کا فوری ِطور پر خاتمہ چاہتے ہیں۔انھوں نے کہا کہ فاٹا میں تمام اصلاحات باری باری ہونی چاہئیں تاکہ عرصہ دراز سے آزاد رہنے والے قبائل ایک منظم طریقے سے قومی دھارے میں شامل ہو جائیں۔اس سوال پر کہ اگر فاٹا کو خیبر پختونخوا میں ضم کیا جاتا ہے تو اس سے اختیارات کی کھینچا تانی اور انتظامی مسائل تو پیدا نہیں ہوں گے، نقیب محسود نے کہا کہ اس بات کا امکان موجود ہے کہ اختیارات اور وسائل کے معاملات سامنے آئیں کیونکہ فاٹا ایک وسیع علاقے پر مشتمل ہے اور یہ ایک وزیراعلیٰ کے بس کی بات نہیں ہوگی کہ دونوں علاقوں کو ایک ہی وقت میں کنٹرول کر سکے۔انھوں نے کہا کہ موجودہ حالات میں خیبر پختونخوا کے وزیراعلیٰ اپنے اضلاع کے دورے نہیں کر سکتے تو وہ دور دراز قبائلی علاقوں پر کیا توجہ دے سکیں گے؟اعجاز مہمند ایڈوکیٹ نے کہا کہ قبائلی علاقوں کو پاٹا کی حیثیت دینے یا اسے خیبر پختونخوا میں شامل کرنے سے کوئی انتظامی مسائل پیدا نہیں ہوں گے بلکہ اس سے خوشحالی آئے گی اور قبائلی عوام کی اکثریت کا دیرینہ مطالبہ پورا ہوجائے گا۔
فاٹا کے مستقبل کے حوالے سے خیبر پختونخوا کی بڑی سیاسی جماعتوں اور فاٹا کے عمائدین کی رائے کو دیکھتے ہوئے یہ کہا جاسکتاہے کہ وفاقی حکومت نے فاٹا کے حوالے سے سفارشات کی منظوری میں قدرے جلد بازی کامظاہرہ کیا ہے اگر حکومت اس حوالے سے آل پارٹیز بلاکر پہلے ہی اتفاق رائے پیدا کرلیتی تو شاید یہ صورت حال پیدا نہ ہوتی اور حکومت کو شرمندگی کاسامنا نہ کرنا پڑتا۔ تاہم اب بھی وقت ہے حکومت نے ان سفارشات پر عملدرآمد کیلئے 5سال کا وقت رکھاہے حکومت کو اس مہلت سے فائدہ اٹھاتے ہوئے سفارشات پر عملدرآمد سے قبل اس اہم معاملے پر اتفاق رائے پیداکرنے کی کوشش کرنی چاہئے تاکہ طویل انتظار کے بعد فاٹا کے عوام کو دئے جانے والے حقوق اختلافات کاشکار ہوکر اپنی چمک اور افادیت نہ کھوبیٹھیں۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
