... loading ...
... loading ...
ملک میں امن و امان کی بحالی کے لیے کچھ قوانین وفاقی اور کچھ قوانین صوبائی ہوتے ہیں۔ مقصد اس کا یہ ہوتاہے کہ ان قوانین کے ذریعہ کسی کو بھی قانون ہاتھ میں لینے کی اجازت نہ ہو اور اگر کوئی قانون ہاتھ میں لے تو اس کے خلاف سخت کارروائی کی جائے ۔ ملک میںرائج مختلف قوانین میں صوبوں کو ’’فورتھ شیڈول‘‘ کا بھی اختیار حاصل ہے جس کے تحت وہ لوگ جن کا تعلق مذہبی جماعتوں سے ہے لیکن ان کی سرگرمیاں مشکوک ہیںیاوہ تشدد میں ملوث ہیں یا تشدد پسند افراد کے حامی یا سرپرست ہیں تو ان کے نام اس فورتھ شیڈول میں شامل کیے جاتے ہیں۔ اس فہرست میں شامل افراد ایک لحاظ سے آزاد ہوتے ہوئے بھی آدھے قیدی ہوتے ہیں۔ان کو روزانہ اپنے تھانے میں شام کو حاضر ہونا پڑتا ہے اگر وہ دوسرے شہر جانا چاہتے ہیں تو پہلے اپنے علاقہ کے تھانے کو اطلاع دیں اور پھر جب کسی شہر میں جائیں تو اس شہر کے تھانے کو اطلاع دیں کہ وہ کس کام سے آئے ہیں؟ کس کے پاس ٹھہرے ہیں؟ اور جب واپس اپنے علاقے میں جائیں تو اپنے علاقے کے تھانہ کو آگاہ کریں کہ وہ اتنے دن کہاں اور کس مقصد کے لیے گئے تھے؟ اور یہ کارروائی غیر معینہ مدت تک کے لیے چلتی رہتی ہے۔
فورتھ شیڈول میں شامل ہر شخص کی زندگی عذاب سے کم نہیں ہوتی مگر سالہا سال سے یہ پریکٹس چلی آرہی ہے کوئی اس میں تبدیلی پر سوچ ہی نہیں رہا تھا۔ سندھ کے موجودہ سیکریٹری داخلہ شکیل احمد منگینجو اچھی شہرت رکھتے ہیں، کم از کم اپنا دامن مالی بے قاعدگیوں اور اختیارات کے ناجائز استعمال سے پاک رکھا ہوا ہے۔ ذرائع کے مطابق جب شکیل منگینجو نے اپنے عہدے کا چارج سنبھالا تو دیگر ایشوز کی طرح ان کو یہ ایشو بھی بتایا گیا تو وہ سکتے میں آگئے کہ کئی برسوں سے لوگوں کو فورتھ شیڈول میں رکھا گیا ہے۔ انہوں نے جب طریقہ کار دریافت کیا تو مزید تشویش میں مبتلا ہوگئے ۔ ان کو بتایا گیا کہ کوئی بھی ایس ایس پی ایک خط محکمہ داخلہ کو لکھ کر بھیجتا ہے اور اس کا نام فورتھ شیڈول میں ڈال دیا جاتا ہے اور پھر کئی برسوں تک فورتھ شیڈول میں شامل لوگ تھانوں کے چکر کاٹنے پر مجبور ہوتے ہیں۔ انہوں نے جب تمام ایس ایس پیز سے ان افراد کا کرمنل ریکارڈ مانگا ‘ حالیہ کردار کی رپورٹ مانگی‘ حتیٰ کہ ان کے شناختی کارڈ نمبر مانگے تو ان کو اطمینان بخش جواب نہ مل سکا اور بتایا گیا کہ ان کے پاس ان افراد کا کوئی بھی ریکارڈ نہیں ہے‘ سیکریٹری داخلہ مخمصے کا شکار ہوئے بالآخر انہوں نے ہمت کی اور سندھ پولیس کو خط لکھ دیا کہ فورتھ شیڈول میں شامل 580 افراد کے شناختی کارڈ‘ کرمنل ریکارڈ اور تازہ ترین سرگرمیوں کی رپورٹ محکمہ داخلہ کو بھیجی جائے۔ اس پر بھی ان کو کوئی جواب نہ ملا تو وہ مزید پریشان ہوگئے اور پھر انہوں نے اعلیٰ حکام سے منظوری لینے کے بعد دو الگ الگ کمیٹیاں بنادیں۔ ایک کمیٹی ہر ضلع میں بنائی گئی ہے جس کے سربراہ ایس ایس پی ہوں گے اور دوسری کمیٹی صوبائی سطح کی بنائی گئی ہے جس کے سربراہ ایڈیشنل آئی جی کائونٹر ٹیررازم ڈیپارٹمنٹ ہوں گے۔ دونوں کمیٹیوں کو یہ ذمہ داری دی گئی ہے کہ وہ اب ہر ایک کیس کا انفرادی جائزہ لے اور جن کا نام فورتھ شیڈول میں شامل ہے ان کو بھی صفائی کے لیے طلب کرے ۔ان کا پورا ریکارڈ بنائے اور ضلعی کمیٹی اپنی رپورٹ صوبائی کمیٹی کو ارسال کرے اور ضلعی کمیٹی یا پھر صوبائی کمیٹی کسی کا نام خارج بھی کرسکتی ہے اور نئے نام بھی شامل کرسکتی ہے لیکن اس کے لیے باقاعدہ جواز بتانا ضروری ہوگا کیونکہ اس طرح تو کئی بے گناہ افراد پولیس کی اندھی رپورٹ پر عذاب کا شکار ہیں‘ اس اقدام سے سینکڑوں افراد کی جان میں جان آئی ہے کیونکہ ان کی فریاد کوئی بھی نہیں سن رہا تھا، ہرکسی نے پولیس کی بھیجی گئی فہرست پر خاموشی اختیار کی ہوئی تھی مگر سندھ کے سیکریٹری داخلہ شکیل احمد منگینجو نے خوفخدا دل میں رکھ کر ایک دلیرانہ قدم اٹھالیا۔ان کا موقف ہے کہ اگر کوئی جرم میں ملوث ہے تو اس کے خلاف باقاعدہ مقدمہ درج کرکے کارروائی کی جائے اور عدالتوں کو فیصلہ کرنے دیا جائے کہ وہ ان کو کیا سزا دیتی ہیںمگر یہ پولیس یا محکمہ داخلہ کو حق حاصل نہیں کہ کسی کو برسوں تک ذہنی عذاب میں مبتلا رکھا جائے۔
باخبر ذرائع کا کہنا ہے کہ اس نئی پالیسی کے بعد پولیس کے لیے ایک رکاوٹ کھڑی ہوگئی ہے، اب پولیس کا کوئی بھی افسر کسی کا نام فورتھ شیڈول میں شامل کرنے کی درخواست دے گا تو اس کو پہلے متعلقہ شخص کا کرمنل ریکارڈ دینا ہوگا ، پھر حالیہ دنوں میں ان کی سرگرمیوں کا ذکر کرنا ہوگا اور ان کا شناختی کارڈ بھی دینا ہوگا تاکہ اس کو مشکوک سرگرمیوں کے باعث بیرون ممالک جانے سے روکا جائے۔ ذرائع کا کہنا ہے کہ فورتھ شیڈول کی اب کچھ عرصے بعد ایک نئی فہرست بنے گی ، اس بار جو فہرست تیار ہوگی اس میں پورا ریکارڈ ہوگا اور پولیس کے لیے اب ممکن نہیں رہے گا کہ کسی بے گناہ کو اس میں شامل کرسکے۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
