... loading ...
... loading ...
امریکی انتظامیہ کا ایک بااثر طبقہ اور پاکستان مخالف تھنک ٹینکس کے ایک گروپ نے پاک امریکا تعلقات خراب کرنے اور پاکستان کو عالمی برادری میںتنہا کرنے کی بھارتی سازش کو کامیاب بنانے کے لیے جوڑ توڑ شروع کردیا ہے اور امریکی صدر ڈونلڈٹرمپ کو یہ باور کرانے کی کوشش کی جارہی ہے کہ دہشت گردوں کے خلاف جنگ میں پاکستان پر بھروسہ نہ کیاجائے اور اس جنگ میں پاکستان کو شامل رکھنے کے لیے اس کو مسلسل دبائو میں رکھنے کی پالیسی پر عمل کے ساتھ سابقہ حکومتوں کی طرح اس سے ہر مرحلے پر ڈومور کا مطالبہ دہرایاجائے تاکہ پاکستان کے حکمراں اپنے مفادات کے تحت امریکا کے ہر جائز وناجائز حکم کی بجاآوری پر مجبور رہیں۔اطلاعات کے مطابق امریکا کے کم وبیش ایک درجن تھنک ٹینکس اور یونیورسٹیوں کی جانب سے مرتب کی گئی ایک رپورٹ میں ٹرمپ انتظامیہ کو مشورہ دیا گیا کہ ‘وہ اس بات کا اظہار کرے کہ وہ سابق انتظامیہ کے مقابلے میں پاکستان کے دہشت گردی کی حمایت میں ملوث ہونے کا انٹیلی جنس جائزہ لینے کا ارادہ رکھتی ہے اور اس حوالے سے انٹیلی جنس رپورٹوں کی کلیئرنس کے بعد ہی پاک امریکا تعلقات کی نئی جہت کا تعین کیاجائے گا۔
اطلاعات کے مطابق ایشین اسٹڈیز سینٹر، دی ہیریٹیج فاؤنڈیشن، جارج ٹائون یونیورسٹی، نیشنل ڈیفنس یونیورسٹی، نیو امریکا ہڈسن انسٹی ٹیوٹ، بروکنگز انسٹی ٹیوشن، سینٹر فار اسٹریٹیجک اینڈ انٹرنیشنل اسٹڈیز اور مڈل ایسٹ انسٹی ٹیوٹ کی جانب سے مشترکہ طور پر تیار کی گئی اس رپورٹ میں ڈونلڈ ٹرمپ کو مشورہ دیاگیاہے کہ پاکستان کے ساتھ امریکا کے تعلقات، ملک کی پالیسیوں اور امنگوں کے ایک حقیقت پسندانہ تشخص کی بناپر ہونے چاہئیں۔
رپورٹ میں کہا گیاہے کہ ‘امریکا کو پاکستان کی اسٹریٹیجک سمت میں تبدیلی لانے کے سراب کا پیچھا کرنے کے لیے اسے اضافی سازو سامان یا فوجی امداد کی فراہمی روکنا ہوگی، اس بات کو تسلیم کرنا ضروری ہے کہ صرف فوائد کے لالچ کے ذریعے پاکستان کی موجودہ پالیسیوں کو تبدیل کرانے میں کامیابی کا کوئی امکان نہیں ہے۔رپورٹ میںصدر ٹرمپ کو مشورہ دیا گیا ہے کہ وہ اس بات کو تسلیم کریں کہ پاکستان کی فوج کو مضبوط کرنے کی ساری کوششوں سے صرف ان عناصر کو تقویت ملے گی جنھیں امید ہے کہ ‘ایک دن وہ طاقت کے بل پر بھارت سے جنگ لڑکر کشمیر کو حاصل کرلیں گے۔اس گروپ نے یہ بھی خیال ظاہر کیا کہ ایسی کوئی چاندی کی گولی نہیں ہے جو پاکستانی پالیسیوں کو تبدیل کرسکے، لیکن ایک مضبوط موقف پاکستان کو امریکا کے ساتھ تعاون کرنے پر مجبور کردے گا۔رپورٹ میں ٹرمپ انتظامیہ پر زور دیا گیا کہ وہ پاکستان کو ایک اتحادی کے طور پر سمجھنے اور دکھانے سے گریز کرے اور اس سے ایک ایسے غیر اتحادی ملک کی طرح ڈیل کیا جائے جو افغان طالبان کی مدد میں مصروف ہے۔
تاہم بعض تھنکرز نے یہ نتیجہ بھی اخذ کیا ہے کہ پاکستان ایک اہم ملک ہے اور وقتا فوقتاً اور جزوی طور پر امریکا کے ساتھ تعاون کے لیے تیار رہتا ہے، ‘اس سے اس طرح نہیں نمٹا جاسکتا، جس طرح امریکا شمالی کوریا سے نمٹتا ہے۔رپورٹ میں نئی انتظامیہ کو اس حوالے سے بھی مشورہ دیا گیا کہ پاکستان کے ساتھ نمٹنے کے لیے پہلے قدم کے طور پر پاکستان کو خبردار کرنا چاہیے کہ غیر نیٹو اتحادی کے طور پر اس کی حیثیت خطرے میں ہے اور جب تک پاکستان مکمل طور پر اس بات کا مظاہرہ نہ کردے کہ وہ امریکا کے انسداد دہشت گردی مقاصد میں شریک ہے، امریکا6 ماہ کے اندر اس کی حیثیت منسوخ کردے گا۔ رپورٹ کے مطابق اسی دوران انتظامیہ پاکستان کے لیے یہ آپشن بھی رکھے گی کہ وہ مستقبل میں امریکا کا اتحادی بن سکتا ہے۔اور اگر پاکستان نے مطلوبہ خواہش کے مطابق برتائو کیا تو اسے نئے اتحاد کے لیے تجارتی اور سرمایہ کاری تعاون کے پیکج کی پیشکش کی جائے گی۔رپورٹ میں انتظامیہ سے یہ بھی کہا گیا کہ وہ پاکستان کی سیاسی قیادت کے ساتھ تعلقات کے حوالے سے بھی ترجیحات کا تعین کرے، مزید کہا گیا کہ وزیراعظم نواز شریف کی قیادت میں پاکستان کی سویلین حکومت ملک کی سمت درست کرنے کی کوشش کر رہی ہے۔رپورٹ کے مطابق نواز شریف کے اقدامات کو عالمی برادری کی جانب سے تسلیم اور حوصلہ افزائی کی جانی چاہیے۔تھنکرز کا مزید کہنا تھا کہ ٹرمپ انتظامیہ کو چین اور خلیجی ریاستوں کے ساتھ بھی کام کرنا چاہیے تاکہ پاکستان پر دبائو ڈالا جائے کہ وہ دہشت گرد گروپوں اور افراد کی حمایت بند کردے۔ رپورٹ میں کہا گیا، امریکا کو چین کے ساتھ کام کرنا چاہیے جو خطے میں دہشت گردوں کی موجودگی کی وجہ سے تحفظات کا شکار ہے اور اس خطرے سے بھی جو یہ دہشت گرد پاک-چین اقتصادی راہداری منصوبے (سی پیک ) کے لیے ثابت ہو سکتے ہیں۔
ریڈیو پاکستان کی ایک رپورٹ کے مطابق امریکا میں تعینات پاکستانی سفیر جلیل عباس جیلانی کا کہنا تھا کہ ٹرمپ کی جانب سے غیر ملکی سفیروں کے اعزاز میں دیئے گئے عشایئے کے موقع پر انھوں نے کہا کہ وہ پاک-امریکا تعلقات میں بہتری دیکھنا چاہتے ہیں۔جیلانی نے بتایا کہ ٹرمپ نے گزشتہ برس نومبر میں وزیراعظم نواز شریف کے ساتھ ہونے والی ٹیلیفونک گفتگو کا بھی نہایت خوشگوار انداز میں حوالہ دیا۔انھوں نے پاکستانی سفیر سے ہونے والی گفتگو کے دوران پاکستان کے لیے نیک خواہشات کا بھی اظہار کیا۔یاد رہے کہ نواز شریف اور ڈونلڈ ٹرمپ کے درمیان ہونے والی ٹیلیفونک گفتگو اْس وقت متنازع ہوگئی تھی جب وزیراعظم ہائوس کی جانب سے اس گفتگو کا تحریری متن جاری کیا گیا تھا۔ٹرمپ کی ٹیم نے نواز ٹرمپ بات چیت کے حوالے سے جاری کئے گئے پاکستانی ورژن پر اعتراض کیاتھا اور بعد میں ٹرمپ کی ٹیم نے بھی اس فون کال کا اپنا ورژن جاری کرتے ہوئے کہا تھا کہ اگرچہ دونوں رہنمائوں کے درمیان مثبت گفتگو ہوئی لیکن پاکستانی ورژن میں بہت خوشنما زبان استعمال کی گئی تھی۔
وزیراعظم کے معاون خصوصی برائے خارجہ امور سید طارق فاطمی کا کہنا ہے کہ خطے کے مسائل کے حل کے لیے پاکستان اور امریکا کے تعلقات کا ہموار رہنا ضروری ہیں۔امریکی اخبار واشنگٹن ٹائمز کو دیئے گئے انٹرویو میں طارق فاطمی نے کہا کہ امریکا کی کامیابی کے لیے پاکستان نے بھاری قیمت ادا کی، لہٰذا امریکا کو کچھ کرنے سے پہلے سوچ لینا چاہیے کہ خطے پر اس کے کیا اثرات مرتب ہوں گے۔ انہوں نے کہا کہ ’دہشت گردی میں ملوث افراد کے لیے پاکستان میں کوئی جگہ نہیں، دہشت گردی کے خلاف پاکستان اور ڈونلڈ ٹرمپ کے نظریات ایک جیسے ہیں جبکہ ہم یہ بھی چاہتے ہیں کہ ٹرمپ انتظامیہ پاکستان آکر وہ علاقے دیکھے جو دہشت گردوں سے خالی کرائے گئے۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
