... loading ...
... loading ...
بھارت کو پیش آنے والی تمام مشکلات پاکستان کے سر ڈالنے کی روش ا ب مہنگی پڑنے لگی ہے اور’’ الٹی ہوگئیں سب تدبیریں کچھ نہ دوا نے کام کیا ‘‘کے مصداق بھارتی حکمراں گزشتہ کچھ دنوں سے آسمان پر تھوکا ہوا اپنے ہی منہ پر پڑنے والے تھوک کو چاٹنے میں لگے ہوئے ہیں، اور بار بار کھسیانی بلی کی طرح کھمبا نوچنے پر مجبور ہورہے ہیں ۔ اس کااندازہ اوڑی ، پٹھانکوٹ اور بھارت میں گزشتہ دنوں ہونے والے تخریب کاری کے بعض واقعات کی ذمے داری پاکستان کے سر تھوپنے کی کوششوں میں بھارتی رہنمائوں کی ناکامی اور پھر ان ناکامیوں کو چھپانے کے لیے پاکستان کے خلاف سرجیکل اسٹرائیک کے دعووں کے پول کھل جانے کے بعد پوری دنیا میں بھارت کی رسوائی سے لگایاجاسکتاہے۔
اس حوالے سے بھارتی حکمرانوں کے منہ پر تازہ ترین زناٹے دار طمانچہ متحدہ عرب امارات نے بھارت میں انڈر ورلڈڈان تصور کیے جانے والے دائود ابراہیم کی 15ہزارکروڑ روپے مالیت کی جائیداد ضبط کرنے کااعلان کرکے رسید کیاہے۔ متحدہ عرب امارات میں دائود ابراہیم کی جائیداد ضبط کرنے کے اس اعلان سے پاکستان پر دائود ابراہیم کو پناہ دینے کے حوالے سے بھارتی رہنمائوں کا وہ دیرینہ پروپیگنڈا دم توڑ گیا ہے جو وہ پوری دنیا میں زور شور سے کرتارہاہے اور پاکستان کا یہ موقف ایک دفعہ پھر درست ثابت ہوگیاہے کہ دائود ابراہیم کا پاکستان سے کوئی تعلق نہیں ہے۔
فنانشیل ایکسپریس میں شائع ہونے والی خبر کے مطابق متحدہ عرب امارات نے بھارت میں انڈر ورلڈ کے بادشاہ دائود ابراہیم کے خلاف ایک بڑی کارروائی کے دوران اس کی جائیداد ضبط کرلی ہے۔ اے بی پی کی ایک خبر کے مطابق متحدہ عرب امارات کے ذرائع نے اس بات کی تصدیق کردی ہے کہ دائود ابراہیم کے15000 کروڑ روپے مالیت کے اثاثے ضبط کرلیے گئے ہیں۔اس سے قبل بھارت کے وزیر داخلہ راج ناتھ سنگھ نے لوک سبھا (پارلیمنٹ ) میں خطاب کرتے ہوئے دعویٰ کیاتھا کہ حکومت کے پاس ٹھوس ثبوت موجود ہیں کہ دائود ابراہیم پاکستان میں ہے اور اس کو انصاف کے کٹہرے میں کھڑا کرنے کے لیے بھارت واپس لانے کی کوششیں جاری ہیں۔ اس سے قبل گزشتہ سال راج ناتھ سنگھ نے دعویٰ کیاتھا کہ بھارتی حکومت اپنے انتہائی مطلوب ملزم دائود ابراہیم کو جلد ہی بھارت واپس لے آئے گی۔
متحدہ عرب امارات میں دائود ابراہیم کی جائیداد کی ضبطی سے یہ ثابت ہوگیاہے کہ بھارتی رہنمائوں کی جانب سے دائود ابراہیم کی پاکستان میں موجودگی کا واویلا پاکستان کو بدنام کرنے کی سازش کے سوا کچھ نہیں تھا۔اطلاعات کے مطابق دائود ابراہیم کے خلاف متحدہ عرب امارات نے یہ کریک ڈائون بھارتی فلموں کے کہانی نویس ،ڈائریکٹروشال مشرا اور پروڈیوسرونود رحمانی کی جانب سے پولیس میں درج کرائی گئی اس شکایت کی بنیادپر کیاہے جس میں انھوں نے الزام لگایاتھا کہ دائود ابراہیم کا ایک قریبی ساتھی چھوٹا شکیل کے دفتر سے اسے ان کی فلم سے وہ سین نکالنے کے لیے دھمکیاں دی جارہی ہیں جس میں دائود ابراہیم کا مضحکہ اڑایاگیاتھا۔
بھارت کی جانب سے پاکستان کے خلاف پروپگنڈے کاایک بڑا مقصد بھارتی عوام کی توجہ اصل مسائل سے ہٹاکرانھیں پاکستان کے خلاف جنگی جنون میں مبتلا کرنا ہے۔ پوری دنیا یہ جانتی ہے کہ بھارتی رہنما وزیر اعظم نریندرا مودی کی جانب سے اچانک پانچ سو اور ایک ہزارروپے کے نوٹوں کو بند کرنے کے اعلان جو انھوںنے ایک اطلاع کے مطابق امریکا کے ایماپر کیاتھا۔بھارت نے یہ اقدام امریکا کی جانب سے پوری دنیا میں کرنسی کی نقد لین دین کاسلسلہ کم از کم کرنے کے پروگرام کو کامیاب بنانے کے لیے کرایاتھا۔مگر اب نریندرمودی پورے بھارت میں حکومت کے خلاف پیدا ہونے والے شدید برہمی کے جذبات کی وجہ سے انتہائی پریشانی میں مبتلا ہیں۔ اوربھارتی حکمراں پارٹی کے رہنما ایک ایسے وقت جبکہ بھارت کی پانچ اہم ریاستوں میں انتخابات ہونے والے ہیں ،عوام کاغم وغصہ کم کرنے اور بی جے پی کو بھارت کا حقیقی نجات دہندہ ثابت کرکے ایک مرتبہ پھر بیوقوف بناکر ووٹ لینے کیلیے مختلف حربوں پر غور کررہے ہیں۔ دائود ابراہیم کے خلاف متحدہ عرب امارات میں کارروائی کے نتیجے میں ان کے پاکستان مخالف پروپیگنڈے پر شدید ضرب لگی ہے اور اب بھارتی عوام یہ سوچنے پر مجبور ہوجائیں گے کہ وہ حکمران پارٹی کی کس بات پر یقین کریں۔واضح رہے کہ بھارت کی پانچ ریاستوں میں اگلے ماہ انتخابات ہونے والے ہیں جو سیاسی تجزیہ کاروں کے مطابق وزیراعظم نریندر مودی کی مقبولیت کا امتحان ثابت ہوں گے۔ یہ انتخابات ایسے وقت میں ہورہے ہیں جب بھارت میں کرنسی نوٹوں کی بندش عوام اور حکومت دونوں کے لیے ایک سنگین مسئلہ بنی ہوئی ہے۔ اپوزیشن نے کرنسی کے مسئلے پر وزیراعظم کو سخت تنقید کا نشانہ بناتے ہوئے انہیں آڑے ہاتھوں لیا ہوا ہے۔کرنسی نوٹوں کی تبدیلی سے بھارت بھر میں نہ صرف سیاسی ہلچل مچی ہوئی ہے بلکہ ملک میں کرنسی کا بحران بھی پیدا ہوگیا ہے۔ جن ریاستوں میں انتخابات ہو رہے ہیں ان میں پنجاب، اتر پردیش، اتارکھنڈ ، منی پور اور گوا شامل ہیں۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
