... loading ...
... loading ...
گزشتہ سال کے آغاز میں جب اس وقت کے آئی جی سندھ پولیس غلام حیدرجمالی کی داستانیں ہرزبان پر عام تھیں تواس وقت سپریم کورٹ نے انہیں ہٹانے کے احکامات جاری کردیے تھے۔ اس وقت دبئی میں پی پی کے شریک چیئرمین آصف علی زرداری سخت پریشان تھے کیونکہ آئی جی کا انتخاب ان کے لیے ایک امتحان تھا۔
پیپلزپارٹی کے شریک چیئرمین آصف علی زرداری نے تب ایڈیشنل آئی جی ثناء اﷲ عباسی سے رابطہ کیا اوران سے صلاح مشورے کیے۔ ثناء اﷲ عباسی کی تجویز پر ہی آصف زرداری نے اے ڈی خواجہ اورثناء اﷲ عباسی کو دبئی بلایا۔ اُن سے مزید صلاح مشور ے کیے اورپھرثناء اﷲ عباسی کی تجویزپر اے ڈی خواجہ کوسندھ پولیس کا آئی جی بنانے کی منظوری دی گئی۔ اس کے بعد سمجھا جارہاتھا کہ اب کم ازکم دوتین سال تک تواے ڈی خواجہ ہی آئی جی سندھ رہیں گے۔ لیکن چند ماہ میں ہی یہ واضح ہوگیاکہ حکومت سندھ ان سے ناراض ہے۔ اس کا سبب آصف علی زرداری کے کارو باری شراکت دار انور مجید تھے۔ چونکہ پولیس کے معاملات انورمجید دیکھتے ہیں اور انور مجید جس طرح غلام حیدر جمالی کواپنی انگلی پرچلا یا پھر نچارہے تھے اس طرح وہ اے ڈی خواجہ کو بھی چلانا چاہتے تھے۔ سب سے پہلے جس معاملے میں انورمجید مشتعل ہوئے وہ پولیس میں بھرتیاں تھیں۔12ہزار نئے پولیس اہلکار بھرتی کرنے تھے۔ باخبر ذرائع کے مطابق انور مجید ان بھرتیوں پر اپنی رال ٹپکا رہے تھے۔ مبینہ طور پر اُن دنوں ہرپولیس اہلکار کی بھرتی پر5لاکھ روپے کے ریٹ ہر جگہ سنائی پڑ رہے تھے۔ اب یہ ریٹ کس نے عام کیے اور کس نے نہیں ۔ اس سے قطع نظر اگر اس ریٹ کو درست مانا جائے تو پھر پولیس کی ان بھرتیوں سے چھ ارب روپے بٹورے جاسکتے تھے۔ مگراے ڈی خواجہ کے باعث یہ بیل منڈھے نہ چڑ ھ سکی۔ اور اس منصوبے پرپانی پھر گیا۔ اے ڈی خواجہ نے پولیس کی بھرتیوں میں فوج کا بھی ایک افسر شامل کیا اس طرح پچھلے30 سال میں پہلی مرتبہ پولیس میں میرٹ پربھرتیاں ہوئیں جس میں غریبوں کے بچے بھی بھرتی ہوگئے۔اس پورے کھیل سے انور مجید کا کیا تعلق تھا اس سے قطع نظر پولیس کی ان شفاف بھرتیوں پر سب سے زیادہ اے ڈی خواجہ پر انور مجید نے ہی اشتعال کا مظاہرہ کیا۔
اے ڈی خواجہ پر انور مجید کی ناراضی دوسری بار سب کے سامنے تب آئی جب انورمجید ٹھٹھہ سے نوابشاہ تک تمام شوگر ملز خریدنا چاہتے تھے ۔ ایک شوگرملز کنگ بننے کے خواب آور مقصد کے لئے وہ پولیس کواستعمال کرناچاہتے تھیــ۔مگراے ڈی خواجہ نے صاف انکار کردیا پھرانورمجید کے چہیتے پولیس افسران رائو انوار،ڈاکٹر فاروق ،پیر فرید جان سرہندی کو اہم تعیناتیاں دینے پرزور دیاگیا لیکن اے ڈی خواجہ نے انکار کردیا۔حال ہی میں گنے کے کاشتکاروں کوگرفتار کرکے ان پرگنا کم قیمت پرانورمجید کودینے کے لئے دبائو ڈالنے کا دباؤ بھی سامنے آیا۔ جس کے سامنے اے ڈی خواجہ نہ صرف ڈٹ گئے بلکہ انہوں نے انورمجید کو کھری کھری سنا دیں بس اس بات نے جلتی پرتیل کا کام کیا۔ ذرئع کے مطابق انورمجید اس کے بعدسیدھے آصف زرداری کے پاس جاکر بیٹھ گئے اوردھمکی دی کہ اگراے ڈی خواجہ کونہ ہٹایا گیا تووہ ان کے کاروبار سے الگ ہوجائیں گے۔ آصف زرداری نے وزیراعلیٰ سندھ پردبائوڈالا پہلے تو وزیراعلیٰ سندھ مراد علی شاہ نے اے ڈی خواجہ کی حمایت کی اور بلاول بھٹو زرداری نے اس کی تائید کی مگرجب انورمجید کا دبائو بڑھا توآصف زرداری نے ہتھیار ڈال دیئے اوروزیراعلیٰ کوحکم دیا کہ فوری طورپر اے ڈی خواجہ کو ہٹایا جائے۔ وزیراعلیٰ نے وفاقی حکومت سے بات کی مگروفاقی حکومت نے انکارکردیا تب وزیراعلیٰ نے منت سماجت کرکے اے ڈی خواجہ کوچھٹی لینے پرراضی کیا ۔وزیراعلیٰ نے اے ڈی خواجہ کی چھٹی کے بعد پارٹی قیادت کے حکم پر غلام قادرتھیبو کا نام نئے آئی جی سندھ پولیس کے لئے بھیج دیا جووفاقی حکومت نے مسترد کردیا۔پھردوسری سازش یہ کی کہ ایک ماہ سے تعیناتی کے منتظر گریڈ 21کے پولیس افسر سردارعبدالمجید دستی کو اچانک ایڈیشنل آئی جی ریسرچ مقررکردیا۔ اسی روز انہیں آئی جی سندھ پولیس کا اضافی چارج دینا تھا مگر اسی روز سندھ ہائی کورٹ نے حکم امتناعی جاری کیا کہ آئی جی سندھ پولیس اے ڈی خواجہ کو12جنوری تک نہ ہٹایا جائے۔ وفاقی حکومت کے صاف انکاراورسندھ ہائی کورٹ کے واضح حکم پرحکومت سندھ اورپیپلزپارٹی کی قیادت مجبور ہوگئی۔ دوسری جانب رینجرز نے اے ڈی خواجہ کی عدم موجودگی پرانورمجید کے دفاترپرچھاپے مارے اوربڑی تعداد میںاسلحہ برآمد کیا تب آصف زرداری اور انور مجید نے دفاعی پوزیشن اختیار کرلی۔ اس صورت حال میں اچانک نئے کورکمانڈر اورنئے ڈی جی رینجرز کی تجویز پر 2 جنوری پیر کے روز (آج)ایپکس کمیٹی کا اجلاس بلالیاگیا ہے۔ اورآج ہی اے ڈی خواجہ چھٹیاں ختم کرکے اپنا عہدہ سنبھالیں گے ۔بتایاجاتاہے کہ نئے کورکمانڈر اور نئے ڈی جی رینجرز نے بھی اے ڈی خواجہ کوہٹانے کی مخالفت کی ہے تب وزیراعلیٰ سندھ نے جاکر آصف زرداری کومنایا اور پھر آصف زرداری نے انورمجید کوٹھنڈا کیا۔
ذمہ دار ذرائع سے معلوم ہوا ہے کہ آصف علی زرداری کے کارباری شراکت دار انور مجید نے نئی صورتِ حال سے مجبوراً نباہ تو کیا ہے مگر اُنہوں نے اپنی رضامندی کو مشروط کرتے ہوئے زور دیا کہ ان کے خلاف رینجرز کی طرف سے درج کرائے گئے مقدمات اے ڈی خواجہ ختم کرائیں گے۔ نیز آئندہ دنوں میں اُن کے گھر اوردفاتر پر مزید چھاپے نہیں مارے جائیں گے۔ باخبر ذرائع کے مطابق وزیراعلیٰ سندھ نے ان تمام امور پرضمانت لی ہے جس کے بعد حکومت سندھ اورپی پی قیادت کوزہرکا گھونٹ پیتے ہوئے اے ڈی خواجہ کی واپسی کوبادل نخواستہ قبول کرنا پڑا ہے۔ اگلے دنوں میں یہ طے ہو گا کہ اے ڈی خواجہ اپنے منصب پر رہنے کے لیے انور مجید کے خلاف اب تک ہونے والی کارروائیوں کو واپسی کا راستہ دکھاتے ہوئے اپنی نیک نامی کو قربان کرتے ہیں یا پھر وہ اپنے کردار کی حفاظت کرتے ہوئے قانون کو اپنا راستا دیتے ہیں۔ اس پوری صورتِ حال کو قریب سے دیکھنے والے آئندہ دنوں میں اس بحران میں کمی کے بجائے ابھی سے اضافے کی پیش گوئی کررہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
