... loading ...
... loading ...
’’آئیے اب ہم اپنی عظیم الشان قوم اور خود مختار مملکت پاکستان کی تجدید کے لیے‘ تشکیل تازہ کے لیے اور تعمیر نو کے لیے منصوبہ بنائیں‘ تدبیریں کریں۔ آپ کو علم ہے کہ ہماری یہ عظیم الشان قوم اور خود مختار مملکت دنیا میں سب سے بڑی مسلم مملکت ہی نہیں بلکہ دنیا بھر کی بڑی آزاد مملکتوں اور ملکوں میں پانچواں بڑا ملک ہے۔ یہ وقت ہے‘ قسمت ہے اور موقع ہے جو ہر مسلمان کو مل گیا ہے خواہ مرد ہو خواہ عورت‘ کہ ان میں سے ہر ایک بھرپور جدوجہد کرے‘ بہترین خدمات انجام دے‘ بڑی سے بڑی قربانی دے‘ انتھک محنت کرے اور اپنی قوم کو اور پاکستان کو دنیا کی عظیم ترین قوموں اور ملکوں کی صف میں پہنچا دے۔
اس وقت جب کہ افقِ آسمانی پر ہر طرف تاریک بادل چھائے ہوئے ہیں میں آپ سے اپیل کرتا ہوں اور آپ کے ذریعے پوری پاکستانی قوم کو یہ پیغام دیتا ہوں کہ سرجوشی و سرگرمی پیدا کرو‘ اپنے جذبے کو دوبالا کرو اور اپنی اس مہم کو سر کرنے کے لیے حوصلہ مندی کے ساتھ اپنے دلوں کو امیدوں سے لبریز رکھ کر آگے بڑھو اپنے قدم بڑھائو۔ ہم سب یقینا اپنا کام مکمل کرکے رہیں گے۔ کیا ہم لوگ افسردہ دل و پژمردہ حال ہیں؟ یقینا نہیں۔ اسلام کی تاریخ جرأت و شجاعت‘ جذبہ و جوش اور اولوالعزمی کی مثالوں سے بھری پڑی ہے۔ لہٰذا بڑھو، بڑھو، آگے بڑھو اور ذرا سا بھی کوئی خیال کسی مزاحمت کا کسی رکاوٹ کا اور کسی مداخلت کا‘ اپنے دل میں نہ آنے دو‘ مجھے پورا بھروسہ ہے کہ سات کروڑ کی اس متحد قوم کو جس کے اندر عزم صمیم ہے اور جس کے پاس عظیم الشان تمدن اور تاریخ ہے کسی چیز سے بھی ڈرنے اور خوف وہراس محسوس کرنے کی مطلق ضرورت نہیں۔ اب یہ کام تمہارا ہے کہ محنت کرو‘ مزید محنت کرو‘ ہم لوگ یقینا کامیاب و کامراں ہوکے رہیں گے۔ ‘‘
(ریڈیو پاکستان لاہور سے نشری تقریر ۔30 اکتوبر 1947 ء)
عظمت و شان کا نیا باب
’’جو مہم اس وقت درپیش ہے اس کی شدت اور سنگینی سے متاثر و مغلوب تم ہر گز نہ ہونا۔ تاریخ میں اس کی مثالیں بہت ہیں کہ نئی قوموں نے اپنی شاندار تعمیر صرف اپنے عزم و ہمت اور خوبی کردار کی قوت سے کی ہے۔ آپ کے اندر فولادی قوتیں قدرت نے رکھی ہیں۔ آپ دنیا میں کسی سے کم نہیں ہیں۔ آخر دوسروں کی طرح اور خود اپنے آبائو اجداد کی طرح آپ کامیاب کیوں نہیں ہوسکتے؟ آپ کو اپنے اندر فقط مجاہدین کا جذبہ پیدا کرنا ہے۔ آپ وہ قوم ہیں جس کی تاریخ حیرت انگیز استقامت‘ خوبی کردار اور بلند نظری و حوصلہ مندی کے تذکروں سے مالا مال ہے۔ اپنی روایات کا دامن تھامیے اور اپنی تاریخی عظمت و شان میں ایک نئے باب کا اضافہ کیجیے۔ میں آپ سے بس اتنا چاہتا ہوں کہ میرا یہ پیغام جہاں جہاں تک پہنچے، ہماری قوم کا ایک ایک فردیہ عہد کرلے ،قسم کھالے کہ پاکستان کو اسلام کا آہنی قلعہ بنانے کے لیے اور اس قوم کو عظیم ترین قوموں کی صف میں لانے کے لیے (جس کا نصب العین اندر بھی اور باہر بھی، چار سُو امن و سکون پھیلانا اور صلح و آشتی کو عام کرنا ہے) اگر اپنا سب کچھ قربان کردینے کی نوبت آجائے تو اپنا سب کچھ بے تکلف قربان کردے گا۔ اپنے حوصلے کو بلند تر رکھیے اور مرنے سے بالکل نہ ڈریے۔ ہمارے مذہب نے یہی تعلیم ہم کو دی ہے کہ مرنے کو ہمیشہ تیار رہو‘ اس لیے اسلام اور پاکستان کی عزت و حرمت کے تحفظ کیخاطر اپنی اس موجودہ مہم کا سامنا پوری بہادری سے کیجئے۔ ایک مسلمان کے لیے اس سے بہتر، اس سے برتر، راستہ اور بڑی کامرانی اور کوئی نہیں کہ اس کی موت آئے تو حق و صداقت کی راہ میں آئے اور شہید کا درجہ پائے۔‘‘
(لاہور کے جلسہ عام میں تقریر۔ 30 اکتوبر 1947 ء)
جلدی کیجیے اور اچھی تعمیر کیجیے
’’قدرت نے آپ کو ہر نعمت سے نوازا ہے ،آپ کے پاس لامحدود وسائل ہیں ،آپ کی مملکت کی بنیادیں رکھ دی گئیں اور اب یہ آپ کا کام ہے کہ اس کی تعمیر کیجیے اور جلدی کیجیے اور جہاں تک آپ کے بس میں ہو بہتر سے بہتر تعمیر کیجیے۔۔۔ تو بسم اللہ، اٹھیے! برق رفتاری سے کام لیجیے۔ میری دعائیں اور اللہ کا فضل و کرم آپ کے ساتھ ہے۔‘‘
(پیغام بنام قوم۔ 14 اگست 1948 ء)
فنائے کامل کا خطرہ
’’میں اسے پھر دہراتا ہوں اور پوری قوت سے کہتا ہوں کہ قیام پاکستان کی راہیں اس بناء پر ہموار ہوئیں کہ ذات پات کے تصور پر جو معاشرہ قائم تھا اس میں روح انسانی کے مکمل طور پر فنا ہوجانے کا خطرہ درپیش تھا۔ اب روح انسانی آزاد ہے، موجود ہے، اور اس کو روبہ عمل لانے اور سربلند کرنے کے لیے ضروری ہے کہ مملکت میں اور ساری قوم میں ایک بجلی سی دوڑا دی جائے۔‘‘
(چاٹگام کے جلسہ عام کی تقریر۔ 26 مارچ 1948 ء)
اردو ایک مشترک زبان
’’بہرحال پاکستان میں ایک ہی مشترک زبان ہوگی، وہ زبان جو مملکت کے تمام صوبوں کے درمیان رابطے اور مواصلات کی زبان ہو اور وہ زبان اردو ہوگی کوئی دوسری زبان نہیں ہوسکتی۔‘‘
(ڈھاکہ یونیورسٹی میں کانووکیشن کی تقریر۔ 24 مارچ 1948 ء)
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
