... loading ...
... loading ...
افغانستان اور پاکستان کو منشیات سے متعلق بدنام کرنے والے استعماری سازشی عناصر بھارت کی طرف سے آنکھیں بند کیے بیٹھے ہیں،
بھارت دنیا بھر کی ادویہ ساز کمپنی کو خام مال فراہم کرنے کی آڑ میں افیون کی غیر قانونی پیداوار،اسمگلنگ اور منی لانڈرنگ کا سب سے بڑا مرکز ہے
جدید مغربی میڈیا کامسلمانوں کے خلاف تعصب کا ایک پہلو یہ بھی ہے کہ اس نے مسلمانوں خصوصا پا کستان کی چھوٹی سے چھوٹی خامی کوبھی بڑھا چڑھا کرپیش کیااور بعض جرائم کومحض مسلمانوں کے ساتھ مخصوص کیاجبکہ ان جرائم کے اصل مراکز اورمنبعوں کو صاف ستھرا دکھایاگیا۔مثال کے طور پرمنشیات کی تیاری میں اسمگلنگ ،خرید وفروخت اور استعمال کو محض افغانستان اورپھر پاکستان کے ساتھ منسلک کیاگیاجبکہ حقیقت یہ ہے کہ صرف خطہ جنوبی ایشیاء میں ہی نہیں پوری دنیامیں بھارت ایک ایسا ملک ہے جہاں سب سے زیادہ نہ صرف منشیات تیارہوتی ہے بلکہ ان کا استعمال اورجدید دنیا کواسمگلنگ وفروخت کامرکز بھی بھارت ہے ۔مگر چونکہ دنیا کی 7ارب سے زائد آبادی کا خون چوسنے والی عالمی استعماری ادویہ سازی کی صنعت کو سب سے زیادہ خام مال بھارت سے فراہم کیاجاتاہے لہذا اسکے منشیات کے جرائم کوسامنے نہیں لایاگیااورجوجرائم ریکارڈ پر موجود ہیں ان کا ڈنکانہیں بجایاگیا۔سی آئی اے کی ورلڈ فیکٹ بک کے مطابق دنیا کا سب سے بڑا ’’حوالہ‘‘ یعنی منی لانڈرنگ کا نظام بھارت سے آپریٹ ہوتاہے ۔سی آئی اے کی فیکٹ بک کے مطابق دنیا میں سب سے زیادہ افیون کی قانونی پیدوار اوربرآمد بھارت کرتاہے۔لیکن اس اجازت یافتہ پیدوار کی آڑ میں کس قدر غیر قانونی پیدوار اور منشیات تیار کی جاتی ہے اس کا کوئی ریکارڈ نہیں تاہم دنیا میں منشیات کی فروخت اور اسمگلنگ کی جنت گولڈن ٹرائی اینگل بھارت ،برما اورفلپائن کی ساحلی پٹیاں ہیں ،خود برما میں جہاں 2006میں افیون اورمنشیات کی اسمگلنگ جو25000ٹن تھی ،2014میں بڑھ کر63800ٹن ہوگئی ۔
امریکی محکمہ خارجہ کی سرکاری ویب سائیٹ پرموجود انٹرنیشنل ناکوٹکس کنڑول اسٹریٹجی رپورٹ (INCSR)کے مطابق عالمی سطح پر منشیات کی قیمت میں اضافے (جس کی وجہ مغربی اورجدید دنیا میں اس کی طلب میں اضافہ ہے ) کے سبب بھارت میں منشیات کی پیدوار میں اضافہ ہوا،ساتھ ہی خود بھارت کے اندر کرپشن ،رشوت اورساز باز سے بھرپور بھارتی نارکوٹکس کنٹرول اتھارٹی کے باعث صورتحال اتنی خراب ہوگئی ہے کہ بھارت اب اس طرح کے ماحول کیلئے عالمی سطح پر جنت تصور کیا جاتاہے اور میکسیکو کے بعد دنیا میں دوسرا بڑا سپلائر بن چکاہے۔
حیرت انگیز بات یہ ہے کہ گزشتہ چند سالوں میں بھارت میں منشیات کی روک تھام کی کارروائیوں میں خطرناک حدتک کمی ہوئی ہے ۔خود بھارتی نارکو ٹکس بورڈ کے مطابق2012میں پکڑی جانے والی ہیروئن ،مارفین ،افیون حشیش اوردیگر غیرقانونی کیمیکلز کی پکڑے جانے کی مقدار کئی گنا کم ہوگئی ہے۔مثلاً 2012میں 3625کلوافیون کے مقابلہ میں2016میں محض110کلوگرام افیون پکڑی گئی ۔ انٹرنیشنل نارکوٹکس کنٹرول بورڈ کی 2015کی رپورٹ کے مطابق 2013میں 11.9 ٹن کے مقابلے میں 2014میں صرف5.1 ٹن ہیروئن پکڑی گئی ۔یہ اوراس جیسے بے شمار عالمی ومقامی اداروں کی رپورٹس یہ ثابت کرتی ہیں کہ بھارت ایک جانب نہ صرف دنیا میں قانونی طورپرڈرگس کاخام مال فراہم کرنے والا سب سے بڑا ملک ہے بلکہ اس کی آڑ میں غیر قانونی منشیات بھی نہ صرف تیار کررہاہے بلکہ گولڈن ٹرائی اینگل کے روٹ سے دنیا بھر میں ایکسپورٹ بھی کررہاہے ۔
اس تمام کام میں بھارتی حکومت پوری طرح شریک ہے کیونکہ ایک جانب انہی غیرقانونی کاروباروں سے وابستہ اسمگلرز بھارتی سیاست کے سب سے بڑے انوسٹرز (سرمایہ کار)ہیں تودوسری جانب اس اسمگلنگ کوبھارتی حکومت سیاسی مقاصد کیلئے بھی استعمال کرتی ہے ۔مثلاً افغانستان میں تیار ہونے والی ہیروئن کیلئے درکار کیمیکلزبشمول ایسٹک ان ہائیڈرائیڈ بھارت سے ہی اسمگل کیا جاتاہے جبکہ افغانستان سے تیار ہونے والی ہیروئن کا زیادہ ترحصہ بھارت کے راستے جدید دنیاکواسمگل کیا جاتاہے ۔بھارت کی 7000کلومیٹرسے زائد طویل سمندری سرحدمشرق ومغرب ہر دوجانب اسمگلنگ کیلئے محفوظ راستے فراہم کرتی ہے ۔بھارت کی منشیاتی جارحیت کاسب سے بڑا شکار خود برادر ملک چین ہے جہاں آنے والی منشیات کا 80%سے زائدبھارت اوربرماسے جاتاہے اور برما میں لگی ہیروئن بنانے کی بہت سی فیکٹریاں بھارتی اسمگلرز کی ہیں جو کسی بھی عالمی مانیٹرنگ سے ماوراء ہوکر اس گولڈن ٹرائی اینگل سے مستفید ہوتے ہیں ۔ چین میں منشیات کی اسمگلنگ کے خلاف سخت ترین سزاؤں کے باوجود 2014میں 762ٹن ہیروئن پکڑی گئی جس کابیشتر حصہ بھارت اوربرما سے تیار ہوکرچین پہنچایاگیا تھا۔
منشیات سے کمائی اتنی بڑی دولت کی منتقلی کیلئے ہی بھارت دنیاکے مسلمہ طورپر سب سے بڑے حوالے کے دھندے(منی لانڈرنگ سسٹم) کاحامل ہے جس کے ذریعہ نہ صرف بھارتی سیاستدانوں ،فوجی جرنیلوں اورصنعتکاروں کی بڑی بڑی رقوم بیرونِ ملک بھجوائی جاتی ہے بلکہ غیرقانونی دھندوں کا پیسہ بھی اسی حوالہ سسٹم کے ذریعہ ملک سے باہر چلاجاتاہے ۔
افسوسناک امریہ ہے کہ اسی حوالہ سسٹم کے ذریعہ پاکستان سمیت پڑوسی ممالک میں دہشتگردی کیلئے غیر قانونی سرمایہ فراہم کیاجاتاہے کیونکہ اس حوالہ نظام کی کڑیاں خود پاکستانی منشیات کے اسمگلروں تک پہنچتی ہیں۔پاکستان کے سیکورٹی اداروں اورحکومت کے پاس ایسے سیکڑوں شواہد موجود ہیں جن کے مطابق پاکستان میں دہشت گردی کے نیٹ ورکس کوبھارتی غیرقانونی سرمایہ فرا ہم کیاجاتاہے ۔بدقسمتی سے بھارت کی اس خفیہ منشیات کی جارحیت کوکبھی بے نقاب نہیں کیاگیا بلکہ الٹابھارت سے سے دوستی اورمعمول کے تعلقات بحال کرنے پرزوردیا جاتاہے ۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
