... loading ...
... loading ...
مصطفی کمال نے عشرت العباد کو رشوت العباد اور ڈاکٹر عشرت العباد نے مصطفی کمال کو بائی پولر کا مریض قرار دے دیا
عشرت العباد اور مصطفیٰ کمال کی ایک تصویر ۔ ۔ جب دونوں ہم نوالہ و ہم پیالہ ہوتے تھے
پاک سرزمین پارٹی کے سربراہ مصطفیٰ کمال نے گورنر سندھ ڈاکٹر عشرت العباد کو رشوت العباد قرار دیتے ہوئے اُن کے خلاف ایک محاذ کھول دیا ہے۔ مصطفیٰ کمال نے اُنہیں صوبے میں تمام خرابیوں کی جڑ قرار دیتے ہوئے حکومت پاکستان سے ان کا نام ایگزٹ کنٹرول لسٹ میں ڈالنے اور انہیں فی الفور گرفتار کرنے کا مطالبہ کیا ہے۔مصطفیٰ کمال نے گورنر سندھ ڈاکٹر عشرت العباد پر الزام عائد کیا کہ انہوں نے ہمارا سرپرست اعلیٰ بننے کی کوشش کی لیکن ہماری جانب سے انکار کے بعد انہوں نے ہمیں سزا دینی شروع کی، ہمیں کمزور کرنے کی کوشش کی جا رہی ہے، ہماری سیکیورٹی ہٹائی جا رہی ہے اور مختلف طریقوں سے تنگ کیا جا رہا ہے۔ جو اراکین اسمبلی اور لوگ ہمارے پاس آ رہے تھے، عشرت العباد نے انہیں ہمارے پاس آنے سے روکا اور تاجروں کو کہا گیا کہ یہ تو تین مہینے میں ختم ہو جائیں گے۔
مصطفیٰ کمال نے اپنے خلاف ان کارروائیوں کے لیے ایک حیرت انگیز مثال دیتے ہوئے کہا کہ گورنر سندھ نے لوگوں کو خبردار کیا کہ مصطفیٰ کمال اور ان کی ٹیم پر اسٹیبلشمنٹ کا ہاتھ ہے اور جس دن اسٹیبلشمنٹ کا ہاتھ ہٹے گا تو ان کا حشر بھی بول چینل جیسا ہو گا۔مصطفیٰ کمال نے خبر دار کیا کہ عشرت العباد ایم کیو ایم سے اب بھی رابطے میں ہیں اور الطاف حسین پر سے مقدمات ختم ہونے پر عشرت العباد نے انہیں فون کر کے مبارکباد پیش کی تھی ۔انہوں نے گورنر سندھ کو ‘رشوت العباد’ کا لقب دیتے ہوئے کہا کہ 14 سالہ گورنری کے دور میں کراچی شہر تباہ ہو گیا اور شہر میں کوئی ایسا شخص نہیں جس نے عشرت العباد کو رشوت نہ دی ہو کیونکہ ان کی ترجیح پیسہ کمانا ہے۔انہوں نے دعویٰ کیا کہ جب عشرت العباد گورنر بنے تو اس وقت ان کی لندن میں صرف ایک جائیداد تھی جو بینک کے پاس گروی تھی لیکن آج ان کی درجنوں جائیدادیں تو لندن میں ہیں جو انہوں نے اپنے تمام رشتے داروں اور اسٹاف کے نام پر لے رکھی ہیں۔ مصطفیٰ کمال کے مطابق ڈاکٹر عشرت العباد نے صرف لندن ہی نہیں بلکہ ابوظہبی، کراچی اور کینیڈا میں جہاں جہاں ان کے رشتے دار رہائش پزیر ہیں، ہر کسی کے نام پر جائیدادیں بنا رکھی ہیں اور وہ ڈالروں میں ارب پتی ہیں۔
مصطفیٰ کمال نے مزید کہا کہ ایم کیو ایم کے اجلاسوں میں سب سے زیادہ شرکت عشرت العباد نے کی، کوئی ایسی میٹنگ یا اجلاس نہیں جس میں وہ شریک نہ ہوئے ہوں چاہے وہ الطاف حسین کا اقبال جرم ہو یا طلاق کا معاملہ، الطاف حسین کے کالے کرتوتوں کے بارے میں ہم سب لوگوں سے زیادہ اگر کسی کو پتہ ہے تو وہ عشرت العباد ہیں۔انہوں نے کہا کہ عشرت العباد مجرم ہے، انھوں نے تیرہ سالوں میں اس ملک کو نقصان پہنچایا۔ الطاف حسین کو تقویت بخشنے اور آکسیجن فراہم کرنے والی قوت اور اس شہر میں تمام تر خرابیوں کے ذمے دار عشرت العباد ہیں، لہذا انہیں فوراً گرفتار کیا جائے۔
پاک سرزمین پارٹی کے سربراہ مصطفیٰ کمال کی اس سخت گفتگو سے قبل اُن کی جماعت کے ایک رہنما اشفاق منگی کے گھر نامعلوم مسلح افراد فائرنگ کرکے فرار ہوگئےتھے۔ اشفاق منگی کے موقف کے مطابق سفید گاڑی میں سوار چار ملزمان آئے اور انہیں زبردستی گاڑی میں بٹھانے کی کوشش کی لیکن ان کی جانب سے بھرپور مزاحمت پر ملزمان فائرنگ کرتے ہوئے فرار ہو گئے۔ اس واقعے کے بعد مصطفیٰ کمال نے ذرائع ابلاغ سے گفتگو کرتے ہوئے پاک سرزمین پارٹی کے رہنما اشفاق منگی کے گھر پر فائرنگ کا الزام الطاف حسین پر عائد کرتے ہوئے کہا کہ وہ انتہائی بزدل آدمی ہیں اور ان سے توقع بھی کیا رکھی جا سکتی ہے۔مگر اس کے بعد مصطفیٰ کمال نے اپنی توپوں کا رخ گورنر سندھ کی جانب موڑ لیا۔
پاک سرزمین پارٹی کی جانب سے گورنر سندھ کے خلاف یہ اب تک کا سب سے بڑا حملہ تھا۔ جس پر گورنر سندھ نے جوابی ردِ عمل میں مصطفیٰ کمال کے تمام الزامات کو مسترد کرتے ہوئے اُنہیں من گھڑت اور بے بنیاد قراردیا۔ اور مصطفیٰ کمال کو بائی پولر کا مریض قرار دیتے ہوئے کہا کہ مصطفیٰ کمال انتہائی ذہنی دباؤ اور تناؤکے شکار نظر آتے ہیں اور الزامات کے برعکس عشرت العباد کا کردار سب کے سامنے ہے.
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
