... loading ...
... loading ...
اسپین میں ایک کہاوت ہے ‘ کسی کو دو مشورے کبھی نہیں دینے چاہئیں ایک شادی کرنے کا اور دوسرا جنگ پر جانے کا۔ یہ محاورہ غالباً دوسری جنگ عظیم کے بعد ایجاد ہوااس کا پس ِ منظر یہ ہے کہ دوسری جنگ عظیم میں یورپ میں مردوں کی تعداد نہایت کم ہو گئی تھی اور عورتیں آبادی کا بڑا حصہ بن گئی تھیں‘ ان حالاات میں حکومتوں نے شادی کے حوالے سے بہت سے معیارات پر نظرثانی کی اور آج یورپ میں شادی کے ادارے کی تحقیر اسی کا نقطۂ عروج ہے۔ پاکستان نے بھارت کے ساتھ اب تک کل چار جنگیں لڑی ہیں لیکن جنگ درحقیقیت ہوتی کیاہے یہ اب تک پاکستانیوں کو واقعی نہیں معلوم‘ یہ تو کوئی یورپ سے ہی پوچھے دوسری جنگ عظیم کے دوران چھ سالوں میں چھ کروڑ سے زائد لوگ مارے گئے‘وبائی امراض‘ بیروزگاری ‘ غربت‘ تباہ حالی‘ نفسیاتی مسائل یہ سب بہت چھوٹے الفاظ ہیں یورپ میں اس عرصے میں ایسے ایسے انسانی المیوں نے جنم لیا جنہیں مورخ شاید کپکپاتے ہاتھوں کے ساتھ بھی لکھ نہیں پایا‘ کتنے ہی لوگوں نے اپنے پیاروں کے اعضاء ابال کر پیٹ کے دوزخ کو ٹھنڈاکیا شاید اس لئے یورپ میں کہاجاتاہے ’’معدے کے ساتھ بحث بیکار ہے کیونکہ اس کے کان نہیں ہوتے‘‘
9 جولائی کو کشمیر میں نوجوان مجاہد برہان وانی کی بھارتی فوج کے ہاتھوں شہادت کے بعد سے کشمیر میدان جنگ بنا ہوا ہے‘ 12ہفتوں سے نماز جمعہ کے اجتماعات نہیں ہونے دیئے گئے جھڑپوں میں اب تک 108افراد جاں بحق ہوچکے ہیں۔ برہان وانی کی تدفین میں شرکت کیلئے دو لاکھ لوگ اُمڈ آئے تھے سو بھارتی حکومت کا معدہ اسے ہضم نہ کرسکا۔ کشمیر میں بھارت کے خلاف ایک نیا جنون پیدا ہوا تو بھارت کی مودی سرکار پاکستان کے خلاف ہرزہ سرائی پر کمر بند ہوگئی۔ بھارت کشمیر کو ایک اندرونی انتشار کا مسئلہ قرار دیتاہے اور پاکستان پر اس معاملے میں خفیہ دراندازی کا الزام عائد کرتاہے جبکہ پاکستان کشمیر کی جدوجہد کو تحریک آزادی قراردیتاہے اور کشمیریوں کی مکمل اخلاقی حمایت کرتے رہنے کے عزم کا اظہار کرتاہے‘ صرف کشمیر ہی نہیں اس تازہ منظر نامے سے بھارتی ایجنٹ کل بھوشن یادیو کی گرفتاری اور پاکستان میں چائنہ پاکستان کوریڈور کی تعمیر بھی نتھی ہے۔ اس کوریڈور پر بھار ت کو سخت صدمہ ہے اور وہ اسے ناکام بنانے کیلئے سرگرم ہے اور اسی کوشش میں پکڑے جانے والے ایجنٹ کی گرفتاری اس کیلئے سبکی کا سبب بھی بنی سو مودی سرکار کی حالت کچھ یوں ہوچلی ہے جیسے اسے باؤلے کتے نے کاٹ کھایاہو۔
وزیراعظم نوازشریف نے اقوام متحدہ کی جنرل اسمبلی کے اجلاس میں شرکت کا قصد کیاتو اچانک بھارت میں اُڑی فوجی اڈے پر حملہ ہوگیا‘ اس حملے میں18بھارتی فوجی ہلاک ہوئے حملے کے تقریباً 12گھنٹوں بعد ہی بھارتی وزیرخارجہ اور وزیراعظم نے اپنے بیانات میں انگلیاں پاکستان کی جانب اٹھادیں۔ اس کے بعد اچانک لائن آف کنٹرول پر غیر معمولی نقل و حرکت شروع ہوگئی اور اطلاعات آئیں کہ بھارت نے دوبریگیڈ فوج ایل او سی پر لا جمع کی ہے‘ چہ میگوئیاں شروع ہوئیں‘ بھارتی میڈیا میں زعماء نے پہلے پہل پاکستان کے ساتھ ایک بھرپور ایٹمی جنگ کے امکانات کو روشن قراردیا پھر اگلے روز بات سرجیکل اسٹرائیکس تک محدود رہے پر ہونے لگی‘ دو تین روز گذرے تو سرحدی جھڑپوں کو کافی قرار دیاجانے گا اور اب بھارتی وزیراعظم نریندر مودی نے کیرالہ میں بی جے پی کے سالانہ اجلاس سے خطاب کرتے ہوئے پاکستان کی حکومت کو غربت کے خلاف لڑنے کا چیلنج دے کر جان چھڑا لی ہے گویا ٹائیں ٹائیں فش۔ دفاعی ماہرین کے مطابق انڈیا کو جلد ہی اندازہ ہوگیا کہ ’’ایڈونچر ازم‘‘ خطرناک ثابت ہوگالہٰذا اراہ ترک کردیاگیاہے۔
پنجابی کی ایک کہاوت ہے ’’آندروں بُھکیاں تے مُچھاں اُتّے چول‘‘ یعنی آنتیں بھوک سے قل ھواﷲ پڑھ ہی ہوں اور رعب جھاڑنے کیلئے مونچھوں پر چاول لگارکھے ہوں ۔ انڈیا کی حالت بھی کچھ ایسی ہی ہے‘ اجیت دوال جیسے جنونیوں کو ان کے سنجیدہ حلقوں نے سمجھایا کہ بھارت ایسی کوئی صورتحال خود برداشت نہیں کرپائے گا‘ لڑائی صرف پاکستان کے ساتھ نہیں بلکہ چین کے ساتھ بھی لڑنی پڑیگی‘ پاکستانی فوج دفاعی پیداوار میں خود انحصاری کی منزل تک جاپہنچی ہے اور پاکستان کی پشت پر کئی مضبوط اسلامی ممالک بہرحال موجود ہیں جبکہ بھارت میں موجود مسلمان بھی پاکستانی افواج کا ہی ساتھ دیں گے۔لگتاہے بڑاہونے زعم میں مبتلا بھارت کوبات سمجھ آئی گئی ہے خودسابق بھارتی وزیرداخلہ نتورسنگھ نے ایک بھارتی ٹی وی پر گفتگو کرتے ہوئے کہا کہ بھارت بڑا ہے اور بڑے کو ہمیشہ صبر و تحمل سے کام لینا چاہئے ہمارے لوگ حکومت سے پبلک ٹوائلٹس مانگ رہے ہیں اور ہم جنگ کی باتیں کررہے ہیں۔
پاکستان قوم نے اب تک جنگ صحیح طرح دیکھی ہی نہیں انہیں تو جنگ پکنک جیسی کوئی شے لگتی ہے۔’’ہم نے ایٹم بم شادیوں میں چلانے کے لئے نہیں بنائے ‘‘اور ’’غوری شاہین‘ ابدالی شب برأت پر چھوڑنے کیلئے تھوڑ اہی رکھے ہیں‘‘ ایسی بڑھکوں کا دور چل پڑاہے پاکستانی لڑاکا طیاروں کی موٹروے پر ہنگامی لینڈنگ کی مشقوں کی تصاویر کے ساتھ جذباتی کیشن کھ کر انہیں سوشل میڈیاپر شیئر کیاجانے لگا کہ ’’سن لو بھارتیوں تم لو لاہور میں ناشتہ نہ کرسکے‘ ہمارا متھا گھوم گیا ناں تو تاج محل میں تمہاری گؤماتا کی کڑھائی کھاکر دکھائیں گے‘‘قصہ مختصر جنگ کے حوالے سے اظہار شوق‘‘ کوئی اچھی بات بہرحال نہیں۔
بھارتی وزیراعظم مودی نے دعویٰ کیاہے کہ وہ پاکستان کو دنیا میں تنہا کردیں گے مگر ان کا یہ دعویٰ خالی خولی بھپکی سے زیادہ کچھ ثابت نہ ہوسکا اخباری اطلاعات کے مطابق انہوں نے روس کو پاکستان کے ساتھ مشترکہ فوجی مشقوں سے روکنے کی کوشش بھی کہ مگر روسی فوجی دستہ پاکستان آپہنچاہے امریکہ بھی بھی اڑی حملے کی براہ راست مذمت تک سے گریز کیااور اتنا کہنے پر اکتفا کیا کہ اختلافات کا حل بات چیت سے نکالا جانا چاہئے ادھر ترکی نے کشمیر میں فیکٹ فائنڈنگ مشن بھیجنے کا بھی اعلان کردیا۔
اقوام متحدہ میں مسئلہ کشمیر کو بخوبی اجاگر کرنے پر وزیراعظم نوازشریف کی مقبولیت کچھ بڑھی ہے مگر دیکھاجائے تو بادی النّظر میں نوازشریف بہرطور نریندرمودی سے کچھ زیادہ مختلف نہیں‘ سب جانتے ہیں کہ بھارت کے حوالے سے ان کی ذاتی رائے‘ پالیسی اور رویہ کیاہے‘ رمضان شوگر مل کاریکارڈ جل گیا اور وہاں تین سو بھارتیوں کی موجودگی کے حوالے سے سے اب تک انہوں نے کوئی واضح موقف نہیں اپنایاہے‘ بھارت سے کسی بھی قسم کی جھڑپ ہوجانا انہیں سیاسی طور فائدہ پہنچائے گا۔ایک طرف کا منظر نامہ تو یہ ہے دوسری طرف نریندر مودی کے ماضی اور گجرات کے فسادات سے واضح ہونے والی ان کی ذہنی کیفیت کو ملحوظ رکھاجائے تو باآسانی کہا جاسکتاہے کہ ایک اور الیکشن جیتنے کیلئے پاکستان سے لڑپڑنا ان کے لئے کوئی بڑی بات نہیں گویا جنگ کو مکمل طور پر خارج ازامکان قرار دنہیں دیاجاسکتایہ الگ بات ہے کہ جنگ ایک بار شروع کئے جانے کے بعد اس کا اختتام کسی ایک فریق کی مرضی سے نہیں ہوسکتا‘ رہ گئے عوام تو ان کے لئے دونوں ممالک ہی اپنی اپنی معاشرتی علوم کی کتابوں میں فتح یاب ہوں گے۔
دنیا مین ایک نئی عالمی جنگ کی تھیوری کم و بیش گذشتہ 6سالوں سے گردش کررہی ہے‘ 2009سے مختلف فورسز پر عالمی لیڈران اس کے خدشات ظاہرکررہے ہیں‘ پوپ نے بھی اسے قرین از قیاس قراردیا‘ بعض دفاعی ماہرین کے مطابق اس عالمی جنگ کا اصل میدان جنوبی ایشیا ہوگااور اس کا خرچہ عالمی طاقتیں سعودی عرب‘ ایران ‘ بھارت‘ پاکستان‘ روس اور چین سے ہی اٹھوائیں گی اور عالمی استعمار اس سے مالی مفادات بھی سمیٹے گا۔ اﷲ کی پناہ۔
دونوں ممالک کے عوام کو چاہئے کہ وہ اپنی قیادتوں پر جنگ سے بچنے کے لئے دباؤ ڈالیں نہ کہ جنگی جنون کو ہوادیں‘ جہاں تک کشمیر کا تعلق ہے پاکستان کیلئے اس کی اہمیت آبی وسائل کے مرکز کے طور پر بے پناہ ہے لیکن پاکستان کو کشمیر کا مقدمہ اس کے ’’حق خودارادیت‘‘ کی جدوجہد کے طور پر دنیا کے سامنے رکھنا چاہئے اور کشمیر کمیٹی کا سربراہ مولانا فضل الرحمن کی جگہ کسی اہل اور متحرک شخض کو لگانا چاہئے۔ ایک مشورہ میاں محمد نوازشریف صاحب کو یہ بھی ہے کہ وہ غربت کے خاتمے کے حوالے سے بھارتی وزیراعظم کا چیلنج فوراً قبول کرلیں اور اپنی باقی ماندہ مدّتِ اقتدار کا آرام‘ عیش و نشاط اس چیلنج کو جیتنے پر قربان کردیں قوم انہیں دعائیں دے گی۔ یادرہے اپنی قوم کے لئے زندگی کے بیش قیمت 27سال جیل میں گذارنے والے رہنما نیلسن منڈیلا نے کہا تھا ’’غربت خیرات سے نہیں انصاف سے ختم ہوتی ہے‘‘
(رانا خالد قمر)گزشتہ ایک ہفتے سے لندن میں جاری سیاسی سرگرمیوں اور نون لیگی کے طویل مشاورتی عمل کے بعد نیا لندن پلان سامنے آگیا ہے۔ لندن پلان پر عمل درآمد کا مکمل دارومدار نواز شریف سے معاملات کو حتمی شکل دینے کے لیے ایک اہم ترین شخصیت کی ایک اور ملاقات ہے۔ اگر مذکورہ اہم شخصیت نو...
سابق چیف جسٹس گلگت بلتستان رانا ایم شمیم نے انکشاف کیا ہے کہ نواز شریف اور مریم نواز کی ضمانت پر رہائی نہ ہونے کے لیے اُس وقت کے چیف جسٹس ثاقب نثار نے ہائیکورٹ کے ایک جج کو خصوصی حکم دیا تھا۔ انصاف کے تقاضوں کے منافی اس مشکوک طرزِ عمل کے انکشاف نے پاکستان کے سیاسی ، صحافتی اور عد...
2013 میں نواز شریف کے دورِ حکومت میں تحریک طالبان کے ساتھ مذاکرات کرنے والی حکومتی کمیٹی کے سربراہ سینیٹر عرفان صدیقی نے کہا ہے کہ اس وقت طالبان کے ساتھ مذاکرات کے دوران عسکری قیادت کی جانب سے حکومت کو تعاون نہیں ملا تھا۔ایک انٹرویو میں سینیٹر عرفان صدیقی نے کہا کہ حکومت بننے کے ...
سابق وزیراعظم نوازشریف کی نااہلیت کے بعد اب اُن کا نام تمام قومی اور سرکاری جگہوں سے بتدریج ہٹایا جانے لگا ہے۔ تفصیلات کے مطابق قومی اسمبلی کی ویب سائٹ سے رکن اسمبلی کے طور پر اُن کا نام ہٹا دیا گیا ہے۔ اسی طرح کراچی ائیرپورٹ پر قائداعظم اور صدرِ مملکت ممنون حسین کے ساتھ اُن کی ...
٭3 اپریل 2016۔پاناما پیپرز (گیارہ اعشاریہ پانچ ملین دستاویزات پر مبنی ) کے انکشافات میں پہلی مرتبہ وزیراعظم نوازشریف اور اْن کا خاندان منظر عام پر آیا۔ ٭5 اپریل 2016۔وزیراعظم نوازشریف نے قوم سے خطاب کرتے ہوئے اپنے خاندان کے حوالے سے ایک جوڈیشل کمیشن کی تشکیل کا عندیہ دیاتاکہ وہ...
عدالت ِ عظمیٰ کے لارجر بنچ کی جانب سے میاں نواز شریف کی وزارت عظمیٰ سے نااہلی کے فیصلے نے پاکستان تحریک انصاف اور اُس کی قیادت کی اُس جدو جہد کو ثمر بار کیا ہے جو 2013 ء کے عام انتخابات کے فوری بعد سے چار حلقے کھولنے کے مطالبے سے شروع ہوئی تھی۔ عمران خان کی جانب سے انتخابات میں د...
پاناما کیس کا فیصلہ آنے کے بعدعمومی طور پر پنجاب اور خاص طور پر لاہور میں شدید رد عمل سامنے آیا ہے جیسے ہی سپریم کورٹ آف پاکستان میں5رکنی بینچ نے اپنا فیصلہ سنایا اور میڈیا کے ذریعے اس فیصلے کی خبر عوام تک پہنچی تو ان کا پہلا رد عمل وزیر اعظم پاکستان میاں محمد نواز شریف کے سات...
کوئٹہ پولیس ٹریننگ مرکز پر حملے کی نگرانی افغانستان سے کی گئی، مقامی نیٹ ورک کو استعمال کیا گیا حساس اداروں نے تفصیلات جمع کرنا شروع کردیں ، افغانستان سے دہشت گردوں کی حوالگی کا مطالبہ کیا جاسکتا ہے بھاری ہتھیاروں کے ساتھ کوئٹہ پولیس کے تربیتی مرکز پر ہونے والے خود کش حم...
امریکاکے بعد برطانیہ نے بھی پاکستان کودہشت گردوں کی پناہ گاہ قراردینے کا بھارتی دعویٰ یکسر مسترد کردیا برطانیہ میں مقیم بھارتیوں کی آن لائن پٹیشن پر پاکستان کی قربانیوں کے برطانوی اعتراف نے بھارتی غبارے سے ہوا نکال دی امریکا اوربرطانیہ دونوں ممالک نے بھارتی حکومت کے اشارے اور ...
بھارتی فوج کی جانب سیکنٹرول لائن پر دراندازی کے واقعے کے بعدجسے اس نے سرجیکل اسٹرائیک کانام دینے کی ناکام کوشش کی، بھارتی فوج کے سربراہ نے عالمی سطح پر بھارت کی اس مذموم کارروائی کی مذمت سے بچنے کیلیے اعلان کیاتھا کہ کنٹرول لائن پر جو واقعہ ہوا، اس کے بعد اب بھارت پاکستان کے خلاف...
اپوزیشن کی تمام جماعتوں نے گزشتہ روز وزیراعظم کی دعوت پر لبیک کہتے ہوئے آل پارٹیز کانفرنس میں شرکت کی اور بھارت کے جنگی جنون سے نمٹنے اور مقبوضہ کشمیر کے مظلوم عوام کی بھرپور مدد کرنے کے حوالے سے کوششوں کیلیے وزیر اعظم کابھر پور ساتھ دینے کا اعلان کیا۔اپوزیشن کے رہنماؤں نے اس ناز...
یوں توآج کل پورا برصغیر آپریشنوں اور اسٹرائیکوں کے شور سے پریشان ہے مگر کشمیر براہ راست ان کی زد میں ہے۔ یہاں حکومت نے آپریشن ’’کام ڈاؤن‘‘کا آغاز کرتے ہو ئے پورے کشمیر کو بالعموم اور جنوبی کشمیر کو بالخصوص سیکورٹی ایجنسیوں کے رحم و کرم پر چھوڑا ہے۔ انھیں مکمل طور پر کھلی چھوٹ ہے۔...
