... loading ...
... loading ...
ہر سال ماہ ستمبر میں اقوام متحدہ کی جنرل اسمبلی کے افتتاحی اجلاس سے امریکا سمیت دنیا بھر کے ملکوں کے سربراہان خطاب کرتے ہیں۔ یہ روایت وقت گزرنے کے ساتھ مضبوط تر ہوتی جارہی ہے۔ اس اجلاس کو باہم متحارب ملکوں کے سربراہان کے لیے ایک دوسرے پر حملے کرنے اور اپنا زور خطابت آزمانے کا بھی اچھا موقع سمجھا جاتا ہے۔ پاکستان اور ہندوستان……دونوں ہی ملکوں کے سربراہان حکومت عام طور پر اس اجلاس میں شرکت کرتے ہیں اور اپنے خطاب میں مدمقابل کو نشانہ بھی بناتے ہیں۔ خاص طور پر بھارت اس فورم پر بھی پاکستان کے خلاف اپنی دائمی عداوت کے اظہار کا کوئی موقع ضائع نہیں کرتا اور بے جا الزام تراشی کرکے اسے عالمی برادری کے سامنے رسوا کرنے کا خواہاں رہتا ہے۔
دوسری جانب پاکستان کے سربراہ حکومت کو بھی یہ فورم بین الاقوامی سطح پر بھارتی الزامات کا مدلل جواب دینے اور اس کا اصل چہرہ دنیا کو دکھانے کا ایک سنہری موقع فراہم کرتا ہے۔ یہی وجہ ہے کہ ہر سال ستمبر میں یہ موقع آتے ہی دونوں ملکوں کے میڈیا اور دیگر طبقات کو پاک، بھارت سربراہان کے مابین اس ’’تقریری مقابلے‘‘ کا انتظار رہتا ہے۔ اس سال تو یہ انتظار اس وجہ سے بھی شدت اختیار کرگیا تھا کہ مقبوضہ کشمیر میں ڈھائی ماہ سے جاری تحریک مزاحمت، مسلسل کرفیو اور پیلٹ گنوں کے استعمال سمیت بھارتی سیکورٹی فورسز کے وحشیانہ مظالم کے باعث پاکستان اور بھارت کے مابین تعلقات نہ صرف سردمہری کا شکار ہیں بلکہ ان میں تلخی بھی بہت زیادہ بڑھ چکی ہے۔
ستم بالائے ستم یہ کہ بھارت نے جنرل اسمبلی کے افتتاحی اجلاس سے ذرا قبل ہی مقبوضہ کشمیر کے علاقے اُڑی میں واقع ایک فوجی کیمپ پر حملے کا الزام بھی پاکستان پر دھر دیا اور جوابی کارروائی کے طور پر بھارتی میڈیا اور نام نہاد دفاعی ماہرین نے پاکستان کے اندر سرجیکل اسٹرائیکس کے خواب تک دیکھنا شروع کردیئے تھے۔
چنانچہ وطن عزیز میں بجا طور پر یہ توقع کی جارہی تھی کہ وزیراعظم پاکستان میاں نواز شریف اقوام متحدہ کی جنرل اسمبلی سے خطاب میں جہاں دیگر قومی، علاقائی اور بین الاقوامی امور پر اظہار خیال فرمائیں گے، وہاں مسئلہ کشمیر کو بھی اچھی طرح نمایاں کریں گے اور مقبوضہ وادی میں بھارتی فوج کے مظالم کو بھی عالمی برادری کے سامنے بے نقاب کریں گے۔
وزیراعظم نواز شریف نے 21؍ستمبر کو جنرل اسمبلی سے خطاب کیا اور توقعات کے عین مطابق اس میں جموں وکشمیر کے مسئلے کو سب سے زیادہ اجاگر کیا۔ وزیراعظم نواز شریف کے جنرل اسمبلی سے گزشتہ خطابات میں بھی کشمیر کے مسئلے کی طرف بین الاقوامی برادری کی توجہ مبذول کرائی گئی تھی لیکن اس بار وادی کے معروضی حالات کی وجہ سے اس معاملے کو معمول سے کہیں زیادہ اہمیت دی گئی۔
وزیراعظم نے اپنے خطاب کا 60 تا 70 فیصد حصہ مسئلہ کشمیر کے لیے مختص کیا جبکہ جن دیگر ایشوز کو اہمیت دی گئی، ان میں افغانستان، افغان مہاجرین، دہشت گردی اور ایٹمی عدم پھیلاؤ جیسے معاملات شامل ہیں۔ وزیراعظم نواز شریف نے جس انداز میں عالمی برادری کے سامنے اقوام متحدہ کی عدالت میں کشمیری عوام کا مقدمہ پیش کیا، اس پر ملک بھر میں بالعموم اطمینان کا اظہار کیا گیا ہے۔ زیادہ تر مبصرین نے اس خطاب کو موثر اور جامع قرار دیا، تاہم اس کے ساتھ ہی یہ بھی کہا گیا کہ اسے زیادہ بھرپور بھی بنایا جاسکتا تھا۔
ایک بات جو خاص طور پر محسوس کی گئی، یہ تھی کہ وزیراعظم پاکستان کی تقریر کے جملے تو خاصے زور دار تھے لیکن شاید ان کی ’’بدن بولی‘‘ (باڈی لینگویج) ان کا اس طرح ساتھ نہیں دے پارہی تھی، جس طرح کہ دینا چاہیے تھا۔ اپنے خطاب کے دوران وزیراعظم نواز شریف کا لب ولہجہ غیرضروری طور پر بے حد دھیما اور ڈھیلا ڈھالا سا تھا، جس نے ان کی تقریر کے مجموعی تاثر کو بھی کسی حد تک گہنا دیا۔
یہ ایک حقیقت ہے کہ وزیراعظم نواز شریف کوئی شعلہ بیاں مقرر نہیں ہیں اور نہ ہی ان سے فیڈل کاسترو، معمر قذافی یا رجب طیب ایردوان کی مانند جوش خطابت دکھانے کی توقع کی جاتی ہے، تاہم کشمیری عوام پر ڈھائے جانے والے بہیمانہ مظالم اور ان کے ساتھ روا رکھی جانے والی بربریت کا تذکرہ کرتے ہوئے آواز کا جو زیروبم ہونا چاہیے تھا، وہ بھی ان کے خطاب میں عنقا تھا۔ امید کی جانی چاہیے کہ آئندہ ایسے کسی بھی موقع پر وہ اس بات کا خیال رکھیں گے کہ ان کی باڈی لینگویج بھی تقریر کے متن کا ساتھ دے اور ایسا نہ لگے کہ جیسے وہ کسی اور کا لکھا ہوا اسکرپٹ پڑھ رہے ہیں……!!!
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
