... loading ...
... loading ...
سندھ کے مختلف تعلیمی بورڈز کے چیئرمین حضرات کے میرٹ پر انتخاب کے باوجود صوبائی حکومت ان کی تعیناتی میں لیت ولعل سے کام لے رہی ہے، جس کی وجہ ان عہدوں پر پہلے سے فائز افراد کا سیاسی اثر و رسوخ بتایا جاتا ہے۔ تفصیلات کے مطابق سندھ اسمبلی نے ایک ترمیمی بل منظور کرکے گورنر کے بجائے وزیراعلیٰ کو صوبے بھر کے تعلیمی بورڈز اور سرکاری جامعات کے حوالے سے کنٹرولنگ اتھارٹی کے تمام اختیارات تفویض کردیئے تھے، جن میں تعلیمی بورڈز کے چیئرمین اور جامعات کے وائس چانسلرز کی تقرری بھی شامل ہے۔
سابق وزیراعلیٰ سید قائم علی شاہ کو اس بات کا کریڈٹ جاتا ہے کہ انہوں نے ان تقرریوں کے لیے اپنے صوابدیدی اختیارات استعمال کرنے کے بجائے ستمبر 2015ء میں پہلی مرتبہ مرکزی طریقہ کار اختیار کرتے ہوئے صوبے کے پانچ تعلیمی بورڈز کے چیئرمین کے مناصب کے لیے درخواستیں طلب کرلیں۔ ان پانچ بورڈز میں لاڑکانہ، میرپور خاص اور سکھر کے بورڈ آف انٹرمیڈیٹ اینڈ سیکنڈری ایجوکیشن اور کراچی کا بورڈ آف سیکنڈری ایجوکیشن اور بورڈ آف انٹرمیڈیٹ ایجوکیشن شامل تھے۔ مذکورہ بورڈز کے چیئرمین کے عہدے کے خواہشمند امیدواروں نے اپنی درخواستیں بھیج دیں اور 25؍اکتوبر 2015ء کو مرکزی طریقہ کار کے تحت ان کے انٹرویوز ہوئے۔ اس مقصد کے لیے حکومت سندھ نے ایک سرچ کمیٹی تشکیل دی تھی، جس میں پیپلزپارٹی کی رکن قومی اسمبلی ڈاکٹر عذرا پیچوہو (آصف زرداری کی ہمشیرہ اور صوبائی سیکرٹری تعلیم فضل اﷲ پیچوہو کی اہلیہ)، سندھ یونی ورسٹی کے سابق وائس چانسلر اور معروف ماہر تعلیم مظہرالحق صدیقی، سابق چیف سیکرٹری سندھ فضل الرحمٰن اور پروفیسر ڈاکٹر محبوب علی شیخ شامل تھے جبکہ اس وقت کے سیکرٹری یونی ورسٹیز اینڈ بورڈز اقبال درانی کو اس سرچ کمیٹی کا سیکرٹری مقرر کیا گیا تھا۔
سرچ کمیٹی تشکیل دینے کا مقصد ان موقر تعلیمی مناصب پر کنٹرولنگ اتھارٹی یعنی وزیراعلیٰ کے صوابدیدی اختیارات کے تحت تقرریوں کے بجائے اس عمل کو زیادہ شفاف اور ’’مبنی بر اہلیت‘‘ بنانا تھا۔ تعلیمی بورڈز کے چیئرمین کے منصب کے لیے اہلیت کا جو مطلوبہ معیار مقرر کیا گیا تھا، اس کے مطابق امیدوار کی تعلیمی قابلیت کم سے کم ماسٹرز ڈگری یا اس کے مساوی ہونی چاہیے جبکہ سوشل سائنسز میں ڈاکٹریٹ کی ڈگری قابل ترجیح بتائی گئی تھی۔ علاوہ ازیں امیدوار کے لیے بی پی ایس۔17 یا اس سے زائد میں کسی سرکاری محکمے میں تدریس یا انتظامی نوعیت کا 17 سال یا زائد کا تجربہ بھی لازمی قرار دیا گیا تھا جبکہ عمر کی بالائی حد 62 برس مقرر کی گئی۔ ضابطے کی تمام کارروائی مکمل کرنے کے بعد اس وقت کے ڈائریکٹر اور معروف ماہر تعلیم پروفیسر انعام احمد کو بورڈ آف انٹرمیڈیٹ کراچی جبکہ ریجنل ڈائریکٹر ایجوکیشن، میرپور خاص ڈاکٹر سعید کو بورڈ آف سیکنڈری ایجوکیشن کراچی کا چیئرمین منتخب کیا گیا۔ اسی طرح سکھر بورڈ کیلیے ڈاکٹر غلام قاسم بگھیو اور میرپور خاص بورڈ کے لیے برکات حیدری کا انتخاب کیا گیا۔ تاہم ان میں سے صرف برکات حیدری کو بورڈ آف انٹرمیڈیٹ اینڈ سیکنڈری ایجوکیشن میرپور خاص کا چیئرمین مقرر کیا گیا جبکہ باقی تینوں حضرات کی تقرری نہیں کی گئی۔
صوبائی حکومت کے ذرائع کے مطابق موجودہ چیئرمین حضرات کی سیاسی پشت پناہی کے باعث ایک سال گزر جانے کے باوجود تاحال سندھ حکومت باقی ماندہ تینوں حضرات کی بطور چیئرمین تعلیمی بورڈ تقرری کرنے سے کترا رہی ہے۔
یاد رہے کہ گورنر ہاؤس کے سیکرٹری اختر غوری کے پاس گزشتہ دو برس سے بورڈ آف انٹرمیڈیٹ ایجوکیشن کراچی کے چیئرمین کا اضافی چارج ہے، انہیں انٹرویو اور ضابطے کی کارروائی کے بغیر ہی اس منصب پر فائز کردیا گیا تھا۔ چیئرمین، بورڈ آف سیکنڈری ایجوکیشن کراچی کے عہدے پر محکہ تعلیم سندھ کے ایک ریٹائرڈ افسر انوار احمد زئی متمکن ہیں، انہیں گزشتہ دنوں ایک مقدمے کے سلسلے میں ’’نیب‘‘ نے حراست میں لے لیا تھا جبکہ سکھر بورڈ کے چیئرمین کے عہدے کا چارج گزشتہ کئی برس سے سید مجتبیٰ شاہ کے پاس ہے، جو قومی اسمبلی میں قائد حزب اختلاف سید خورشید شاہ کے بھائی ہیں۔
جب نمائندہ “وجود” نے اس بارے میں حکومت کا موقف جاننے کیلیے وزیراعلیٰ ہاؤس سے رابطہ کیا تو موجودہ وزیراعلیٰ سندھ سید مراد علی شاہ کے میڈیا کنسلٹنٹ نے ایک ٹیکسٹ میسیج کے ذریعے اس مختصر سے جواب پر اکتفا کیا ’’سندھ کے تعلیمی بورڈز کا معاملہ (بقر) عید کے فوری بعد طے کرلیا جائے گا۔‘‘ عیدالاضحیٰ گزر چکی، اب دیکھنا یہ ہے کہ حکومت سندھ اس سلسلے میں کیا اقدام کرتی ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
