... loading ...
... loading ...
متحدہ اور حقیقی کے کارکنان میں تصادم کے بعد چند افراد بکھرنے والی دستاویزات اٹھا رہے ہیں
متحدہ قومی موومنٹ اپنے بانی الطاف حسین سے اظہارِ لاتعلقی کے بعد صوبائی حلقہ 127 کے انتخابی معرکے میں پہلی بار 8 ستمبر کو اُتری۔ اور 14 سال بعد اس حلقے سے شکست کے بعد دوچار ہوگئی۔ ایم کیوایم اب اس حلقے میں اپنی ناکامی کے لیے اُن ہی شکایتوں کا اظہار کررہی ہیں جو اس سے پہلے یہاں ناکام ہو نے والی جماعتوں کے امیدوار ایم کیوایم کے خلاف کرتے تھے۔
مذکورہ حلقے میں رجسٹرڈ ووٹوں کی تعداد 2 لاکھ 7 ہزار 467 ہے، جن میں سے 27 ہزار 12 مردوں اور 17 ہزار 505 خواتین نے ووٹنگ کے عمل میں حصہ لیا۔ حلقے کے ضمنی انتخاب میں 420 ووٹ مسترد ہوئے، جبکہ ڈالے گئے ووٹوں کا تناسب 21 فیصد رہا۔ریٹرننگ افسر کے مطابق پیپلز پارٹی کے امیدوار غلام مرتضیٰ بلوچ نے انتخاب میں 21 ہزار 187 ووٹ لے کر کامیابی حاصل کی، ایم کیو ایم کے امیدوار وسیم احمد 15 ہزار 553 ووٹ لے کر دوسرے نمبر پر رہے، جبکہ پاکستان تحریک انصاف (پی ٹی آئی) کے امیدوار ندیم میمن 5 ہزار 580 ووٹ حاصل کرسکے۔یہ نشست ایم کیو ایم کے رکن صوبائی اسمبلی اشفاق منگی کے پاک سرزمین پارٹی میں شامل ہونے کے باعث خالی ہوئی تھی۔
اس حلقے کے انتخابی نتائج پر پاکستان بھر کی نظریں بالعموم اوراہل کراچی کی نظریں بالخصوص لگی ہوئی تھیں۔ کیونکہ متحدہ قومی موومنٹ پاکستان کے بانی الطاف حسین سے قطع تعلق کے بعد یہ پہلا انتخاب ہے، جس میں ایم کیو ایم اپنا ہنر آزما رہی تھی ۔ غلط یا صحیح یہ ایک تجزیئے کا نکتہ بن گیا تھا کہ ایم کیوایم پاکستان الطاف حسین کے بغیر اپنے حامی طبقے میں کتنی پزیرائی پاسکیں گے۔ مگر کراچی کے حالات کو جاننے والے بخوبی سمجھتے ہیں کہ یہ انتخاب دراصل ایم کیوایم کے متعلق رائے قائم کرنے کا کوئی حتمی مرحلہ نہیں ہے۔ اس انتخاب میں ایم کیوایم کے لیے محض ایک سبق ہے کہ اُس کے لیے سب کچھ اب پہلے جیسا نہیں ہوگا۔ جبکہ دوسری طرف دھیان دینے والی بات یہ ہے کہ یہ حلقہ شہری اور مضافاتی آمیزش سے بنا ہوا ہے۔ اور اس انتخابی معرکے میں بعض شہری علاقوں سے لوگ ووٹ دینے کے لیے بہت ہی محدود تعداد میں نکلے تھے۔ جبکہ اکثر علاقوں سے وہ نکلے ہی نہیں۔ اس رجحان پر بھی ایک درست تجزیئے کی ضرورت ہے۔ اردو بولنے والے ان علاقوں میں یہ اب ضروری نہیں رہا کہ سب ہی ایم کیوایم کے حامی ہوں ۔ اور خود ایم کیوایم کے حامی ضروری نہیں کہ ایم کیوایم پاکستان کے حامی ہوں ۔ اُن میں اب آفاق احمد کی مہاجر قومی موومنٹ، پاک سرزمین پارٹی اور دیگر عناصر کے حامی بھی محدود ہی تعداد میں صحیح ، مگر ہو سکتے ہیں۔ مگر ان سب کا مطلب یہ ہر گز نہیں کہ ایم کیوایم پاکستان کی حمایت محض اس وجہ سے تحلیل ہو جائے گی کہ اب وہ الطاف حسین کے بغیر سیاست میں اپنا مقام بنانے کے لیےکوشاں ہے۔ ضمنی انتخابات میں عوام بہت سے عوامل کے باعث باہر آنے سے گریزاں رہتے ہیں۔ جبکہ یہاں بعض علاقوں میں تشدد کے واقعات بھی ہوئے ہیں۔ لہذا اس حلقے کے نتائج کی بنیاد پر کوئی حتمی رائے قائم کرنا مناسب نہیں ہوگا۔ تاہم ایم کیوایم پاکستان ایک رائے ضرور قائم کرسکتی ہے کہ اُس کے لیے اب پہلے جیسا کچھ نہیں رہا۔
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
چیف آف آرمی اسٹاف جنرل سید عاصم منیر نے شہر قائد میں جاری دفاعی نمائش آئیڈیاز 2024 کا دورہ کیا اور دوست ممالک کی فعال شرکت کو سراہا ہے ۔پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل عاصم منیر نے کراچی کے ایکسپو سینٹر میں جاری دفاعی نمائش آئیڈیاز 2024 ...
ڈپٹی کمشنر اسلام آباد نے وفاقی دارالحکومت میں 2 ماہ کے لیے دفعہ 144 نافذ کر دی جس کے تحت کسی بھی قسم کے مذہبی، سیاسی اجتماع پر پابندی ہوگی جب کہ پاکستان تحریک انصاف نے 24 نومبر کو شہر میں احتجاج کا اعلان کر رکھا ہے ۔تفصیلات کے مطابق دفعہ 144 کے تحت اسلام آباد میں 5 یا 5 سے زائد...
بانی پی ٹی آئی عمران خان کی ہمشیرہ علیمہ خان نے کہا ہے کہ عمران خان نے علی امین اور بیرسٹر گوہر کو اسٹیبلشمنٹ کے ساتھ مذاکرات کی اجازت دے دی ہے ۔اڈیالہ جیل کے باہر میڈیا سے گفتگو میں انہوں نے کہا کہ بانی پی ٹی آئی سے طویل ملاقات ہوئی، 24نومبر بہت اہم دن ہے ، عمران خان نے کہا کہ ...
چیف آف آرمی اسٹاف جنرل سید عاصم منیر نے کہا ہے کہ ملکی سیکیورٹی میں رکاوٹ بننے اور فوج کو کام سے روکنے والوں کو نتائج بھگتنا ہوں گے ۔وزیراعظم کی زیر صدارت ایپکس کمیٹی کے اجلاس میں گفتگو کرتے ہوئے آرمی چیف نے کہا کہ دہشت گردی کی جنگ میں ہر پاکستانی سپاہی ہے ، کوئی یونیفارم میں ...
