... loading ...
... loading ...
حکومت اور عسکری اداروں کے مابین تعلقاتِ کار میں پیدا ہونے والی ابتری تاحال برقرار ہے۔ باخبر ذرائع کے مطابق پاناما لیکس کے دنوں سے سیاسی اور عسکری تعلقات میں بڑھنے والی خلیج تاحال پاٹی نہیں جاسکی۔ اس تناظر میں عسکری اداروں کا پنجاب کی طرف رخ کرنا کافی معنی خیز قرار دیا جارہا ہے۔ وفاقی حکومت اور پنجاب کی جانب سے آپریشن کومبنگ کی پنجاب میں وسعت کی عام طورپر مخالفت کی گئی ہے۔ مگر فوج کی جانب سے گزشتہ کئی ماہ سے مسلسل اصرار کیا جارہا ہے کہ اس کا دائرہ ملک بھر میں پھیلانے کی ضرورت ہے۔ قومی افق میں پائے جانے والی کشیدگی کے ان سایوں میں یہ ایک اہم اور معنی خیز بات ہے کہ وزیراعظم نوازشریف (جو ان دنوں اپنی سیاسی مصروفیات میں دانستہ کمی کی طرف مائل ہے ) آج سبی کوہلو شاہراہ کی افتتاحی تقریب میں شریک تھے تو پاک فوج کے سربراہ جنرل راحیل شریف نے بھی آج کا ہی دن گلگت میں سی پیک منصوبے سے متعلق ایک تقریب سے خطاب کے لیے چُنا۔ یہی نہیں بلکہ پاک فوج کے ترجمان لیفٹیننٹ جنرل عاصم سلیم باجوہ نے بھی ذرائع ابلاغ کو ایک لمبی بریفنگ کے لیے مدعو کیا۔ اگر گلگت کے خطاب اور ڈی جی آئی ایس پی آر کی بریفنگ کا بغور جائزہ لیا جائے تو دونوں میں زبردست پیغامات موجود ہیں ۔ پاک فوج کے سربراہ نے اس موقع پر کہا کہ سی پیک کی حفاظت کریں گے۔یہ بات اب واضح ہو چکی ہے کہ پاک فوج نے سی پیک کے حوالے سے تقریباً ملکیت لے لی ہے۔ مگر اس بہاؤ میں اُن کے یہ الفاظ خاصے معنی خیز تھے کہ وہ مودی کی تمام چالوں کو سمجھتے ہیں۔ کیا اس کا کوئی مطلب ملک کے داخلی حالات سے بھی جڑا ہوا ہے؟ یہ سوال سیاسی ماہرین کے غوروفکر کا نیا موضوع بن گیا ہے۔
اُدھر ڈی جی آئی ایس پی آر لیفٹیننٹ جنرل عاصم سلیم باجوہ نے یہ کہا کہ پنجاب میں ہونے والی حالیہ گرفتاریوں میں سے دو گرفتاریاں القاعدہ سے منسلک دہشت گردوں کی ہوئی ہے۔ سوال یہ ہے کہ باقی چار گرفتاریاں کیوں زیربحث نہیں آئی؟ کیا یہ گرفتاریاں سیاسی نوعیت کی حامل ہے۔ اطلاعات یہ بھی ہیں کہ فیصل آباد اور قریب کے کچھ علاقوں سے ایسی گرفتاریاں ہوئی ہیں جو سیاسی منظرنامے میں ایک بھونچال پیدا کرسکتی ہیں۔ ایک اطلاع کے مطابق گزشتہ دنوں فیصل آباد سے تعلق رکھنے والے نوید کمانڈو کو گرفتار کیا گیا ہے جس کے سنسنی خیز انکشافات نے سیاسی حلقوں میں ایک ہلچل پیداکردی ہے ۔ مذکورہ گرفتاری کے بعد سامنے آنے والے حقائق کی روشنی میں اب عسکری ادارے اشفاق چاچو نامی ایک شخص کی گرفتاری کے لیے کوشاں ہیں ۔ ذرائع کے مطابق یہ گرفتاری پنجاب اور وفاقی حکومت کے لیے بہت سی نئی زحمتیں پیدا کرنے کا باعث بن سکتی ہیں۔ اشفاق چاچو کو پنجاب کے کچھ سیاست دانوں کا ’’صولت مرزا‘‘ باور کیا جاتا ہے۔ اس سے قطع نظر ڈی جی آئی ایس پی آر کی طرف سے یہ کہنا ہی بہت زیادہ معنی خیز ہے کہ پنجاب سے القاعدہ سے منسلک دہشت گرد پکڑے گئے۔ کیونکہ اس جملے سے یہ نتیجہ بآسانی نکالا جا سکتا ہے کہ اس کا مطلب تو یہ ہوا کہ دہشت گرد پنجاب کے علاقوں میں بھی موجود ہیں۔ تو پھر پنجاب کے علاقے آپریشن ضرب عضب سے محروم کیوں ہیں؟ اور کیوں نہ وہاں کومبنگ آپریشن کو وسعت دے دی جائے؟ ظاہر ہے کہ وفاقی حکومت اور پنجاب کی صوبائی حکومت اس کی مسلسل مزاحمت کررہی ہے ۔ مگر ڈی جی آئی ایس پی آر نے اس حوالے سے بھی ایک صاف پیغام دیا ہے کہ کراچی میں الطاف حسین کی طرف سے جو دل آزارخطاب ہوا اُس پر ہونے والا ایکشن کیا تھا؟ اس موضوع پر پاکستان کے سیاسی وصحافتی حلقوں نے کم ہی توجہ دی کہ اس خطاب کے بعد عسکری حلقوں نے اپنے اقدامات کے لیے کسی سیاسی فیصلے کا انتظار نہیں کیا تھا۔ تو کیا اس کا مطلب یہ ہو اکہ عسکری حلقے اب پنجاب کے لیے بھی سیاسی فیصلوں کا انتظار نہیں کریں گے؟ اطلاعات کے مطابق ستمگر ستمبر کافی ولولہ انگیز مہینہ ثابت ہوسکتا ہے۔ اس لیے سیاسی ماہرین صرف خطابات ہی نہیں سن رہے بلکہ سیاسی اور عسکری قیادت کی سرگرمیوں میں اُن کی بدن بولی پر بھی بہت دھیان دے رہے ہیں۔
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
چیف آف آرمی اسٹاف جنرل سید عاصم منیر نے شہر قائد میں جاری دفاعی نمائش آئیڈیاز 2024 کا دورہ کیا اور دوست ممالک کی فعال شرکت کو سراہا ہے ۔پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل عاصم منیر نے کراچی کے ایکسپو سینٹر میں جاری دفاعی نمائش آئیڈیاز 2024 ...
ڈپٹی کمشنر اسلام آباد نے وفاقی دارالحکومت میں 2 ماہ کے لیے دفعہ 144 نافذ کر دی جس کے تحت کسی بھی قسم کے مذہبی، سیاسی اجتماع پر پابندی ہوگی جب کہ پاکستان تحریک انصاف نے 24 نومبر کو شہر میں احتجاج کا اعلان کر رکھا ہے ۔تفصیلات کے مطابق دفعہ 144 کے تحت اسلام آباد میں 5 یا 5 سے زائد...
بانی پی ٹی آئی عمران خان کی ہمشیرہ علیمہ خان نے کہا ہے کہ عمران خان نے علی امین اور بیرسٹر گوہر کو اسٹیبلشمنٹ کے ساتھ مذاکرات کی اجازت دے دی ہے ۔اڈیالہ جیل کے باہر میڈیا سے گفتگو میں انہوں نے کہا کہ بانی پی ٹی آئی سے طویل ملاقات ہوئی، 24نومبر بہت اہم دن ہے ، عمران خان نے کہا کہ ...
چیف آف آرمی اسٹاف جنرل سید عاصم منیر نے کہا ہے کہ ملکی سیکیورٹی میں رکاوٹ بننے اور فوج کو کام سے روکنے والوں کو نتائج بھگتنا ہوں گے ۔وزیراعظم کی زیر صدارت ایپکس کمیٹی کے اجلاس میں گفتگو کرتے ہوئے آرمی چیف نے کہا کہ دہشت گردی کی جنگ میں ہر پاکستانی سپاہی ہے ، کوئی یونیفارم میں ...
