... loading ...
... loading ...
آٹھ سالہ سائیں سرکار اور پیپلزپارٹی کے پرکھوں کی نشانی قائم علی شاہ کو بآلاخر پیپلزپارٹی کی اعلیٰ قیادت نے تبدیل کرنے کا فیصلہ کر لیا ہے۔ اور اگلے چوبیس یا اڑتالیس گھنٹوں میں اس کا باقاعدہ اعلان متوقع ہے۔ باخبر ذرائع کے مطابق پیپلزپارٹی کی اعلیٰ قیادت نے سندھ میں مسلسل بگڑتے حالات اور عسکری حلقوں کےساتھ بات چیت میں مسلسل دشواریوں کے باعث اب یہ طے کر لیا ہےکہ سندھ میں وزارت اعلیٰ کا منصب قائم علی شاہ سے لے کر سندھ کے موجودہ وزیر خزانہ مراد علی شاہ کے سپرد کردیا جائے۔ اس ضمن میں صلاح مشورے مکمل کر لیے گئے ہیں۔ اور پیپلز پارٹی کے شریک چیئر مین آصف علی زرداری کی دبئی آمد کے بعد ایک اعلیٰ سطح کے اجلاس میں اس فیصلے پر عمل درآمد کر لیا جائے گا۔
واضح رہے کہ سابق صدر آصف علی زرداری کی دبئی آمد تین روز قبل متوقع تھی مگر اِسے ناگزیر وجوہات کی بناء پر تین روز کے لیے ملتوی کر دیا گیا تھا۔ باخبر ذرائع کے مطابق پیپلز پارٹی کی اعلیٰ قیادت یہ چاہتی تھی کہ اُن کی دبئی آمد سے قبل رینجرز کے اختیارات کی توسیع اور اسد کھرل کے معاملات کا پہلے حل ڈھونڈ لیا جائے۔ انتہائی ذمہ دار ذرائع کے مطابق پیپلزپارٹی کی مقامی قیادت نے اب رینجرز کے اختیارات سے لے کر اسد کھرل تک تمام معاملات خوش اسلوبی سے طے کر لیے ہیں۔ سندھ کے مختلف وزراء کی سرگرم شرکت اور کوششوں سے اب رینجرز کے اختیارات میں توسیع کا فیصلہ کیا جا چکا ہے۔ اور اس معاملے کو پہلے سے موجود رینجرز کے اختیارات میں حدود وقیود کو زیادہ وضاحت سے بیان کرکے نوٹیفیکیشن نکالا جائے گا۔ پیپلز پارٹی کی حکومت رینجرز کےاختیار ات کو کراچی تک محدود دیکھنا چاہتی ہے۔ اور وہ اِسے رینجرز کے قیام میں مزید توسیع کے نوٹیفیکیشن میں زیادہ صراحت سے بیان کر نا چاہتی ہے۔ مزید براں رینجرز کے کراچی میں اختیارات کا احاطہ چار سنگین جرائم تک کرنا چاہتی ہے۔ جن میں دہشت گردی، بھتہ خوری، ٹارگٹ کلنگ اور اغوا برائے تاوان کے جرائم شامل ہیں۔
واضح رہے کہ گزشتہ روز سندھ کے وزیراعلیٰ قائم علی شاہ سے کورکمانڈر کراچی لیفٹیننٹ جنرل نوید مختار نے ایک ملاقات کی تھی۔ جس میں بعد ازاں سندھ کے دیگر وزراء بشمول وزیرداخلہ سہیل انور سیال، وزیرخزانہ مراد علی شاہ اور مشیر قانون مرتضیٰ وہاب بھی شریک ہو ئے تھے۔ انتہائی ذمہ دار ذرائع کے مطابق مذکورہ ملاقات میں اسد کھرل سے لے کر رینجرز کے اختیارات میں توسیع تک تمام معاملات کو حل کر لیا گیا تھا۔ اسد کھرل جو پہلے سے قانون نافذ کرنے والے اداروں کی تحویل میں تھا۔ دراصل ذرائع ابلاغ کی تمام رپورٹوں کے برعکس اسد کھرل نے ٹندوالہ یار سے اپنی گرفتاری خود پیش کی تھی۔ تحقیقات سے معلوم ہوا کہ وہ اعلیٰ درجے کی بدعنوانیوں میں تو ملوث ہیں مگر رینجرز کو حاصل جن جرائم پر اختیارات ہیں اُن میں اُس کا نام شامل کرنا خاصا دشوار ہے۔ چنانچہ ذرائع ابلاغ کی تمام رپورٹوں کے برعکس قانون نافذ کرنے والے اداروں نے زیادہ مناسب یہی سمجھا کہ اس معاملے پر اصرار کرنے کے بجائے اِسے پولیس کی تحویل میں دینے میں کوئی حرج نہیں۔ چنانچہ یہ مسئلہ گزشتہ روز نہایت خوش اسلوبی سے حل کر لیا گیا اور اسد کھرل کو قانون نافذ کرنے والے اداروں نے سکھر پولیس کی تحویل میں دے دیا۔ جہاں سکھر پولیس نے اُسے سکھر کی سیشن کورٹ میں پیش کرکے جوڈیشل مجسٹریٹ آدرش انور سے 14 روزہ ریمانڈ منظور کرتے ہوئے اُس کی جیل کسٹڈی کے احکامات دے دیئے ہیں۔ اس طرح اسد کھرل کا مسئلہ خوش اسلوبی سے حل ہو چکاہے۔
جہاں تک رینجرز کے اختیارات میں توسیع کا معاملہ ہے تو وزیراعلیٰ سندھ کے ساتھ تفصیلی ملاقات میں کورکمانڈر کو ایک مرتبہ پھر سندھ کے وزراء نے اپنا تفصیلی موقف پیش کرتے ہوئے واضح کیا کہ سندھ حکو مت کو رینجرز کے سندھ میں قیام اور توسیع اختیارات پر کوئی اعتراض نہیں مگر وہ ان کارروائیوں کو قانونی اختیارات کے احاطے میں دیکھنے کی خواہش مند ہے۔ مذکورہ اجلاس میں تفصیلی گفتگو کے بعد کورکمانڈر پر واضح کیا گیا تھا کہ رینجرز کے قیام میں توسیع کر دی جائے گی۔ اور یہ کام اگلے دوتین روز میں کر دیا جائے گا۔ سندھ حکومت دراصل یہ دوتین دن دبئی میں سابق صدر آصف علی زرداری کے انتظار کے باعث لینا چاہ رہی تھی۔ذرائع کے مطابق آصف علی زرداری نے رینجرز کے اختیارات میں توسیع کے نوٹیفیکیشن کی تیاری کے لیے سابق وفاقی وزیر قانون فاروق ایچ نائیک کو بھی دبئی میں طلب کرلیا ہے۔ جہاں وہ صلاح مشورے سے ایک ایسے نوٹیفیکشن کو نکالنا چاہ رہے ہیں جس کے ذریعے جہاں ایک طرف رینجرز کے سندھ میں قیام اور اختیارات کامسئلہ حل ہوجائے ، وہیں سندھ حکومت کے تحفظات اور رینجرز کے اختیارات سے تجاوز کے متعلق پایا جانے والا ابہام بھی مستقل طور پر دور ہوجائے۔
باخبر ذرائع کے مطابق آصف علی زرداری کی دبئی میں اصل مصروفیت پھر بھی رینجرز کے اختیارات میں توسیع یا قیام کا مسئلہ نہیں۔ بلکہ وہ اس مرتبہ سندھ کے وزیراعلیٰ کی تبدیلی کے فیصلے پر حتمی عمل درآمد کے لیے دبئی میں قیام کریں گے۔ جس کے لیے پیپلزپارٹی کے چیئرمین بلاول بھٹو بھی دبئی تشریف لے جاچکے ہیں۔ پیپلز پارٹی کی اعلیٰ قیادت ملک میں آئندہ انتخابات کے حوالے سے اپنی سیاسی تیاریوں کے لیے اب ایک سرگرم سیاسی قیادت کی خواہاں ہے جو اُن کے نزدیک مراد علی شاہ کی شکل میں موجود ہے۔ قائم علی شاہ کی تبدیلی اور مراد علی شاہ کے سرپر وزارت اعلیٰ کا ہما سجانے کے دو مقاصد بیان کیے جارہے ہیں۔ اولاً :اگلے متوقع انتخابات سے پہلے سندھ حکومت کی کارکردگی بہتر بنا نا ۔ ثانیاً: سندھ میں رینجرز اور عسکری اداروں کے ساتھ معاملات میں نمایاں بہتری لانا۔
زبانی جمع خرچ سے مسلمان حکمران اپنے فرض سے پہلو تہی نہیں کرسکتے ،مسلم ممالک کی فوجیں کس کام کی ہیں اگر وہ جہاد نہیں کرتیں؟ 55 ہزار سے زائد کلمہ گو کو ذبح ہوتے دیکھ کر بھی کیا جہاد فرض نہیں ہوگا؟ عالمی عدالت انصاف سمیت تمام ادارے مفلوج و بے بس ہوچکے ہیں۔ شرعاً الاقرب ...
پی ڈی ایم حکومت کررہی ہے اور صدر اپوزیشن میں ہے ، بجائے اس کے وہ صدر کی مانیں معلوم نہیں کس کی مان رہے ہیں جمعیت علمائے اسلام کے سربراہ مولانا فضل الرحمن نے اسلام آباد میں قومی فلسطین کانفرنس سے خطاب میں کہا کہ ضروری ہے مسلمان اہل غزہ اور فلسطین کے ساتھ اپنی یکجہتی کا اظہار کر...
پاکستان پیپلز پارٹی کے اراکین اسمبلی نے جمعرات کو پارلیمنٹ میں 6نہروں کے منصوبے کے خلاف ایک قرارداد کو قومی اسمبلی کے ایجنڈے میں شامل نہ کرنے پر احتجاج کیا، ترجمان پی پی دریائے سندھ سے نہریں نکالنے کے منصوبے کے خلاف قرارداد کو قومی اسمبلی کے ایجنڈے میں شامل نہ کرنے پر پیپلزپار...
غیر ملکیوں کے انخلا کی مدت میں توسیع نہیں ہوگی، فیصلہ کچھ زمینی حقائق پر کرنا پڑا دہشت گردی کے بہت سے واقعات افغان شہریوں سے جڑ رہے ہیں، طلال چودھری وزیر مملکت برائے داخلہ سینیٹر طلال چوہدری نے کہا ہے کہ غیرقانونی طور پر مقیم غیر ملکیوں کے انخلا کی مدت میں توسیع نہیں ہوگی، افغا...
ہیوی ٹریفک کے نظام پر آواز اٹھائی توالزام لگا آفاق شہر میں مہاجر اور پختونوں کو لڑوا رہا ہے کراچی میں گزشتہ روز منصوبہ بندی کے تحت واقعات رونما ہوئے ، سربراہ مہاجر قومی موومنٹ مہاجرقومی موومنٹ (ایم کیو ایم) کے سربراہ آفاق احمد نے شہر کے سنگین مسائل حل کرنے پر زور دیتے ہوئے کہ...
مائنز اینڈ منرلز ایکٹ پر بھی عاطف خان اور علی امین گنڈا آمنے سامنے آگئے پی ٹی آئی پارلیمانی پارٹی وٹس ایپ گروپ میں ایک دوسرے پر لفظی گولہ باری پاکستان تحریک انصاف (پی ٹی آئی) کے سینئر رہنماؤں کے درمیان اختلافات شدت اختیار کرگئے ہیں جبکہ سیکریٹری اطلاعات پی ٹی آئی نے اس کو پار...
تمام چھوٹے بڑے شہروں میں فلسطین یکجہتی مارچز ،مرکزی مارچ مال روڈ لاہور پر ہو گا ٹرمپ کے غزہ کو خالی کرانے کے ناپاک منصوبے کی مذمت میں گھروں سے نکلیں، بیان امیر جماعت اسلامی کی اپیل پر آج ملک بھر میں فلسطین سے اظہار یکجہتی کے لیے مارچ کا انعقاد کیا جائے گا۔مرکزی مارچ مال روڈ لا...
متعدد نوٹسز کے باوجود وقاص اکرم، حماد اظہر، زلفی بخاری، عون عباس، میاں اسلم، فردوس شمیم، تیمور سلیم، جبران الیاس، خالد خورشید، شہباز گل، اظہر مشوانی اور شامل ، جے آئی ٹی میں پیش نہیں ہوئے سوشل میڈیا پر منفی پروپیگنڈے کے معاملے میں آئی جی اسلام آباد کی سربراہی میں قائم جے آئی...
سینٹ کی قائمہ کمیٹی برائے منصوبہ بندی نے چند روز قبل حیدر آباد ، سکھر موٹروے کو ترجیح نہ دینے پر برہمی کا اظہار کرتے ہوئے کراچی سکھر موٹروے شروع نہ ہونے تک تمام منصوبے روکنے کا کہا تھا حیدرآباد ، سکھر موٹروے پر وفاق اور سندھ کے درمیان جاری تنازع میںوزیراعظم نے وزیراعلیٰ سندھ کو ...
مصنوعی ذہانت کو کسی نئے مقابلے کے میدان میں تبدیل ہونے سے روکا جائے مصنوعی ذہانت کا استعمال نئے اسلحہ جاتی مقابلوں کا آغاز کر سکتا ہے، عاصم افتخار پاکستان نے اقوام متحدہ میں عسکری مصنوعی ذہانت کے خطرات پر تشویش کا اظہار کرتے ہوئے خبردار کیا ہے کہ عسکری میدان میں آ...
جی ایچ کیو حملہ کیس تفتیشی ٹیم کو مکمل ریکارڈ سمیت اڈیالہ جیل میں پیش ہونے کا حکم سپریم کورٹ کی 4 ماہ کی ڈائریکشن کے مطابق کیس کا فیصلہ ہو گا ،التوا نہیں ملے گا جی ایچ کیو حملہ کیس کی آئندہ سماعت پر بانی پی ٹی آئی اور سابق وزیر اعظم عمران خان اور سابق وزیر خارجہ ش...
اڈیالہ میں پولیس نے بانی کی بہنوں اور دیگر قائدین کے ساتھ غیر انسانی سلوک کیا پی ٹی آئی کے قائدین کو ویرانے میں چھوڑنا انتہائی افسوس ناک اور قابل مذمت ہے وزیراعلیٰ خیبر پختونخوا علی امین گنڈا پور کا کہنا ہے کہ اڈیالہ میں پولیس کی جانب سے عمران خان کی بہنوں اور دیگر قائدین کے...
