... loading ...
... loading ...
رواں ماہ کے آغاز سے کراچی میں ریئل اسٹیٹ کے شعبے کو یکدم زوال آ گیا ہے جس کی وجہ پراپرٹی کا تخمینہ لگانے کے نئے قواعد ہیں۔ بجٹ میں اعلان کیا گیا تھا کہ غیر منقولہ جائیداد کی فیئر مارکیٹ قیمت بینک دولت پاکستان کے مقرر کردہ تشخیص کنندگان لگائیں گے۔ اب چند سالوں سے مسلسل آگے بڑھتی ہوئی اس مارکیٹ کو یکدم بریک لگ گیا ہے۔ اس حوالے سے ملک کی معروف کاروباری شخصیت عقیل کریم ڈھیڈی کہتے ہیں کہ یہ ترمیم دراصل ملک میں رشوت کے بازار کو گرم کرنے کی کوشش ہے۔
ایک انٹرویو میں عقیل کریم ڈھیڈی نے کہا ہے کہ قانون کے اندر جو بھی تبدیلیاں ہوتی ہیں وہ دراصل مفاد پرست عناصر کرواتے ہیں۔ اس ترمیم کا تو وفاق کو اختیار ہی نہیں، یہ مکمل طور پر صوبائی معاملہ ہے اور اس کے ذریعے بدعنوان لوگوں کو لوٹنے کا ایک نیا طریقہ تھما دیا گیا ہے۔ انہوں نے کہا کہ ہم دس، پندرہ سالوں سے مطالبہ کر رہے ہیں کہ کلیکٹر ویلیو کو بڑھایا جائے، لیکن یہ دوسرا راستہ اختیار کیا جا رہا ہے۔ ایک طرف جہاں ویلیو کو بڑھایا جا رہا ہے وہیں پر ویلیویٹر کو بھی بٹھا رہے ہیں۔ اس سے کرپشن کو ہوا ملے گی۔
اے کے ڈی گروپ کے چیئرمین نے کہا کہ حکومت 10 لاکھ مکانات بنانے کا اعلان کرتی ہے، کیونکہ وہ سیمنٹ کے کارخانے داروں کا گٹھ جوڑ تشکیل دینا چاہتی ہے۔ غریبوں کے لیے گھر بنانے کی بات کی جاتی ہے تو دراصل سریے کا کاروبار ہوتا ہے۔ حقیقت میں غریب کے لیے کچھ نہیں۔ یہاں تک کہ فرنس آئل کی قیمت گر جاتی ہے لیکن بجلی کی قیمت دوگنی ہوگئی۔ یعنی پہلے مہنگائی قیمت بڑھنے کی وجہ سے ہوئی، اب گرنے سے بھی ہو رہی ہے۔ ایندھن کی قیمت بڑھنے سے بجلی کے نرخوں میں بھی اضافہ تو سمجھ آتا ہے لیکن اس کی قیمت آدھی ہو جائے تب قیمت کا ڈبل ہوجانا سمجھ سے بالاتر ہے۔ پھر اس کے نتیجے میں جو ٹیکس کلیکشن ہو رہی ہے، اس پر نمبر بڑھائے جاتے ہیں حالانکہ حقیقت میں کوئی کلیکشن سرے سے ہوئی ہی نہیں بلکہ مکمل طور پر مصنوعی قیمتوں سے ریونیو حاصل کیا گیا ہے۔ کوئی نیا ٹیکس نہیں، کسی شعبے میں بہتری نہیں، زراعت تک کا شعبہ منفی سمت میںجا رہا ہے، اس صورت میں ایسا ظاہر کرنا سمجھ سے بالاتر ہے۔
صحت و تعلیم کے شعبے میں سرمایہ کاری پر زور دیتے ہوئے عقیل کریم ڈھیڈی نے کہا کہ ہمارے ہاں بجٹ میں موٹر وے کے لیے پیسہ مختص کیا جاتا ہے حالانکہ دنیا میں آج تک کون سا ملک ہے جس نے صحت و تعلیم کے بغری ترقی کی ہو۔ غریب سے غریب تر ممالک بھی تعلیم پر پیسہ لگاتے ہیں اور یہاں اس کا بجٹ نہ ہونے کے برابر ہے۔ اگر پاکستان سے غربت کو دور کرنا ہے تو اس شعبے پر سرمایہ کاری کرنا ہوگی ورنہ جس طرح فی کس آمدنی وہیں کی وہیں کھڑی ہے، آگے بھی ایسا ہی ہوتا رہے گا۔ انہوں نے کہا کہ پاکستان ملک نہیں، سونا ہے، یہاں کے عوام ‘جینئس’ ہیں لیکن ان ‘جینئس’ لوگوں کے لیے ‘جینئس’ پالیسی نہیں بنائی جاتی اور نہ ہی ان کے لیے نئے مواقع تخلیق کیےجاتے ہیں۔
پراپرٹی کے معاملات پر عقیل کریم نے کہا کہ پراپرٹی کی قیمتوں میں اضافہ کالے دھن کی وجہ سے ہوا ہے اور اس کی ویلیو کو کم کرنے کے لیے سسٹم ٹھیک کرنا پڑے گا۔ اگر ویلیویٹر سے قیمت کم ہو سکتی تو ای او بی آئی اسکینڈل ہی نہ سامنے آتا۔ اس لیے ضروری ہے کہ کلیکٹر ویلیو کو کم از کم دوگنا کیا جائے بلکہ اگر ممکن ہو تو اسے چار گنا کردیا جائے۔ اسی سے کالے دھن سے باہر نکلا جا سکتا ہے۔ جب پراپرٹی مارکیٹ میں کالادھن نہیں ہوگا تو ہی اس کی حقیقی قیمت سامنے آئے گی اور غریب آدمی بھی مکان بنا سکے گا۔ انہوں نے مطالبہ کیا کہ ملک میں مورگیج فائنانسنگ بھی متعارف کروانے کی ضرورت ہے تاکہ کوئی شخص جو دو، چار لاکھ کماتا ہے وہ دس، پندرہ سال میں اپنا مکان اپنا بنا سکے۔
اسٹاک مارکیٹ کے حوالے سے عقیل کریم نے کہا کہ ایم ایس سی آئی میں شمولیت ایک خوش آئند خبر ہے لیکن مارکیٹ کیپٹلائزیشن میں اضافہ نہ ہونا تشویشناک ہے۔ انڈیکس 39 ہزار تک پہنچ چکا ہے لیکن مارکیٹ کیپٹلائزیشن آج پرویز مشرف کے دور سے بھی کم ہے۔ یہ صورت حال بہت خطرناک ہے۔ ہمیں اس وقت تک ایم ایس سی آئی کا حقیقی فائدہ نہیں ملے گا جب تک مارکیٹ کیپٹلائزیشن دو سے ڈھائی سو ملین تک پہنچے، ہم تو ابھی 70 ملین پر کھڑے ہیں۔
سیکورٹیز اینڈ ایکسچینج کمیشن آف پاکستان کو آڑے ہاتھوں لیتے ہوئے عقیل کریم ڈھیڈی نے کہا کہ “ایس ای سی پی میں مفاد پرست لوگ بیٹھے رہیں گے تو اس سے مارکیٹ کو کوئی فائدہ نہیں ہوگا۔ کوئی لسٹنگ لے کر جاتا ہے تو جاننے والے کا کام ایک دن میں ہو جاتا ہے لیکن نہ جاننے والے کی ایسی تیسی پھیر دیتے ہیں۔ انہوں نے ایک مشہور برانڈ کے بارے میں بتایا کہ جب وہ لسٹنگ کروانے گیا تو اس کی اتنی انکوائری کی گئی کہ انہوں نے کان پکڑ لیے۔ ان حالات میں کون لسٹنگ کروائے گا؟ پھر ایف آئی اے سے اداروں پر چھاپے پڑوائے جاتے ہیں اور ایس ای سی پی کے ساتھ مل کر لوگوں کو تنگ کیا جاتا ہے۔ یہ تو ایک گٹھ جوڑ بنا چکے ہیں اور کوئی ان کو پوچھنے والا نہیں ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
