... loading ...
... loading ...
انسداد دہشت گردی کی خصوصی عدالت نے پاکستان پیپلز پارٹی کے سینئر رہنما اور سابق وزیر پیٹرولیم ڈاکٹر عاصم حسین کے خلاف دہشت گردوں کو علاج اور پناہ دینے سے متعلق مقدمے میں متحدہ قومی موومنٹ کے دو رہنماؤں وسیم اختر اور عبدالرؤف صدیقی جبکہ پاک سرزمین پارٹی کے رہنما انیس قائم خانی اور پیپلز پارٹی کے رہنما عبدالقادر پٹیل کی ضمانتوں میں مزید توثیق کی درخواستوں کو مسترد کر دیا۔ وسیم اختر، عبدالرؤف صدیقی اور انیس قائم خانی کی ضمانت کی درخواستیں مسترد ہوتے ہی اُنہیں باقاعدہ گرفتار کر کے کراچی سینٹرل جیل منتقل کردیا گیا جبکہ عبدالقادر پٹیل انسداد دہشت گردی عدالت سے خاموشی سے فرار ہونے میں کامیاب ہوگئے۔تاہم اُنہوں نے رات گیارہ بجے متعلقہ بوٹ بیسن تھانے میں اپنی گرفتاری پیش کردی۔ واضح رہے کہ اس مقدمے کے سلسلے میں مرکزی ملزم ڈاکٹر عاصم حسین اور پاسبان کے سیکریٹری جنرل عثمان معظم پہلے ہی زیر حراست ہیں، جن کی ضمانتیں مسترد کی جاچکی ہیں۔
ڈاکٹر عاصم حسین ہائر ایجوکیشن کمیشن سندھ کے ایک اجلاس کی 26 اگست کو صدارت کررہے تھے کہ اُنہیں گرفتار کیا گیا تھا۔ اُن پر دہشت گردوں کی مالی معاونت اور کرپشن کے الزامات تھے۔27 اگست کو رینجرز نے اُنہیں کراچی کی انسداد دہشت گردی کی عدالت میں پیش کر کے نوے روز کا ریمانڈ لیا تھا۔ جس کے بعد ریمانڈ میں مسلسل توسیع لی جاتی رہی۔ یہاں تک کہ نیب میں بھی اُن پر کرپشن کے مختلف الزامات کے تحت تحقیقات شروع کر دی گئی۔
واضح رہے کہ مذکورہ مقدمے کی بنیاد دراصل وہ بیان ہے جو ضیا الدین ہسپتال کے ڈائریکٹر ڈاکٹر یوسف ستار نے یکم دسمبر کو دفعہ 164 کے تحت قلمبند کرایا تھا۔ جس میں ڈاکٹر عاصم پر لگائے گئے الزامات اور 28 دہشت گردوں کو طبی امداد فراہم کرنے کا اعتراف کیا گیا تھا۔ ڈاکٹر یوسف ستار نے اپنے اعترافی بیان میں ڈاکٹر عاصم حسین کے خلاف درج ایف آئی آر کے تمام مندرجات کی تصدیق کرتے ہوئے کہا تھا کہ ایم کیو ایم کے رہنما وسیم اختر، عبدالرؤف صدیقی، انیس قائم خانی، سلیم شہزاد اور پیپلزپارٹی کے قادر پٹیل کی ایما پر دہشت گردوں کو سہولیات فراہم کی گئیں۔
ڈاکٹر عاصم حسین کے خلاف کرپشن اور دہشت گردوں کی مالی معاونت کے الزامات پر کراچی کے نارتھ ناظم آباد تھانے میں انسداد دہشت گردی کی دفعات کے تحت مقدمہ درج کیا گیا تھا۔ جبکہ ایم کیوایم سے تعلق رکھنے والے ایک اور ملزم سلیم شہزاد بیرون ملک مقیم ہیں ۔ اُنہوں نے تاحال اس مقدمے میں ضمانت حاصل نہیں کی اور اُنہیں مفرور قراردیا جاچکا ہے۔لندن میں مقیم سلیم شہزاد ایم کیوایم کے سابق مرکزی رہنما ہیں۔ جنہیں مارچ 2014 میں اپنی جماعت متحدہ قومی موومنٹ کے حوالے سے ایک متنازع بیان پر معطل کردیا گیا تھا،جب سے آج تک نہ اُنہیں بحال کیا گیا اور نہ ہی وہ خود فعال ہوئے۔ یہاں تک کہ اُنہوں نے 15 اکتوبر 2015 کے ایک بیان میں سیاست چھوڑنے کا بھی عندیہ دیا تھا۔ ان کے علاوہ باقی چار ملزمان میں وسیم اختر، عبدالروف صدیقی ، انیس قائم خانی اور قادر پٹیل نے ضمانت قبل از گرفتاری لے رکھی تھی۔ جس میں توسیع کے لیے اُنہوں نے درخواستیں جمع کروارکھی تھیں۔ مگر انسداد دہشت گردی کی خصوصی عدالت نے تفتیشی افسر ڈی ایس پی الطاف کا موقف سن کر فیصلہ سناتے ہوئے چاروں ملزمان کی ضمانت میں توسیع مسترد کردی اور ملزمان کے جیل وارنٹ جاری کرتے ہوئے مقدمے کی سماعت 3 اگست تک ملتوی کردی۔ البتہ ملزمان ٹرائل کورٹ کے اس فیصلے کے خلاف عدالت عالیہ سندھ سے رجوع کرنے کا مکمل اختیار رکھتے ہیں۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
