... loading ...
... loading ...
پیپلز پارٹی نے حکومت اور پی ایم ایل این کے ساتھ اندرون خانہ “مک مکا” کی سیاست کے تصور کے بر خلاف اورایک حقیقی حزب اختلاف کی طرف گامزن ہونے کے لیے ٹھوس قدم اُٹھا لیا ہے۔ اورپاناما لیکس پر بننے والی ٹی او آر کمیٹی سے مایوسی کا مکمل اظہار کرتے ہوئے علیحدہ ہونے کا اُصولی فیصلہ کر لیا ہے۔ اس کے ساتھ ہی وزیراعظم نوازشریف کی نااہلی کے خلاف ریفرنس دائر کرنے کا بھی فیصلہ کر لیا گیا ہے۔
اطلاعات کے مطابق بلاول بھٹو کے زیر صدارت اسلام آباد میں پیپلزپارٹی کی کور کمیٹی کا ایک اہم اجلاس ہوا جس میں پاناما لیکس پر بننے والی پارلیمانی کمیٹی کے اجلاسوں کا جائزہ لیا گیا ۔ اور پیپلز پارٹی کے اہم رہنما اور سینیٹ میں قائد حزب اختلاف اعتزاز احسن نے اب تک ٹی اوآر کمیٹی کے اجلاسوں میں ہونے والی مایوس کن کارروائی پر تفصیلی طور پر آگاہ کیا۔ پیپلزپارٹی کی کورکمیٹی کے اجلاس کے بعد پیپلرز پارٹی کے مرکزی رہنما اعتزاز احسن نے ذرائع ابلاغ کو کمیٹی کے فیصلوں سے آگاہ کرتے ہوئے کہا کہ اب ہمارا ٹی او آر کمیٹی سے کوئی تعلق نہیں۔ ہم نے حکومت کے چار میں سے تین ٹی او آر ز من وعن تسلیم کر لیے تھے۔ مگر اس کے باوجود حکومت اس معاملے کو مستقل طول دینا چاہتی ہے۔ اس لیے اب اس میں رہنے کا کوئی فائدہ نہیں۔ اس ضمن میں پیپلز پارٹی حزب اختلاف کی دیگر جماعتوں سے رابطے کرے گی اور کوشش ہوگی کہ اس مرتبہ حزب اختلاف کی تمام جماعتیں ایک ہی کنٹینر پر ہو۔ ذرائع ابلاغ کو اس موقع پر آگاہ کیا گیا کہ اجلاس میں وزیراعظم نوازشریف ، وزیراعلیٰ پنجاب شہباز شریف، وفاقی وزیر خزانہ اسحاق ڈار، حمزہ شہباز اور کیپٹن صفدر کی نااہلی کے لیے الیکشن کمیشن میں ریفرنس دائر کرنے کی بھی منظوری دے دی گئی ہے۔
پاکستان کے سیاسی منظرنامے پر نگاہ رکھنے والے ماہرین کے مطابق پیپلزپارٹی نے اس اجلاس کے ذریعے اُصولی طور پر حقیقی حزب اختلاف بننے کی جانب ایک ٹھوس قدم اُٹھایا ہے۔ اور پاکستان کی سیاست میں بدلتے حقائق کو درست ادراک کرنے کی صلاحیت کا مظاہرہ کیا ہے۔ پیپلز پارٹی پہلے سے ہی مختلف نوعیت کے دباؤ میں ہے اور ڈاکٹر عاصم حسین کی قانون کے شکنجے سے رہائی ممکن نظر نہیں آتی۔ بلکہ ڈاکٹر عاصم حسین کے ذریعے پیپلز پارٹی کی اعلیٰ قیادت کو بآسانی پھانسنے کےخطرات ہر وقت موجود ہے۔ پیپلز پارٹی کو ان مسائل سے نجات دلانے کے لیے عملاً نوازحکومت لاچار دکھائی دیتی ہے۔ ان حالات میں پیپلزپارٹی دستیاب راستوں میں ایسے راستے کی طرف ہی جائے گی جو اس کے لیے زیادہ سیاسی امکانات کا دروازہ کھولے اور کم سے کم پریشانیاں پیدا کرے۔ سیاسی ماہرین کے مطابق پیپلزپارٹی اس صورت میں حزب اختلاف کی سیاست سے کسی بھی صورت میں دستبردار ہونا نہیں چاہے گی۔ اور اسلام آباد میں ہونے والے پیپلز پارٹی کی کورکمیٹی کے اجلاس میں سامنے آنے والے فیصلے اسی جانب اشارہ کر رہے ہیں۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
